□ انار بۇلت / شينجياڭ گازەتىنىڭ تىلشىلەرى رىن جياڭ، جاڭ شياۋمي
وليمپيادا سپورت جارىسىنىڭ الاۋى بەيجيڭنىڭ تۇنگى اسپانىن تاعى جارقىراتىپ، جۇڭگو مەن دۇنيە ءجۇزىنىڭ قار - مۇزدا قاۋىشۋى سالتاناتپەن باستالعان ساتتە، بەيجيڭ قىسقى وليمپيادا سپورت جارىسى دۇنيە ءجۇزى كوز تىككەن تۇيىنگە اينالدى. بۇل ارادان ىنتىماقتىڭ، دوستىقتىڭ، بەيبىتشىلىكتىڭ سالتاناتتى مۋزيكاسى شىعانداپ، بەس قۇرلىق، ءتورت مۇحيتتان كەلگەن ادامدار بايىرعى شىعىستا باس قوسىپ، ”بولاشاققا بىرگە اتتانۋدىڭ“ بىرىككەن كۇشىن تاسقىنداتتى. بىرىككەن كۇش شار تاراپتان كەلدى ءارى بەيجيڭنەن نەشە مىڭداعان شاقىرىم شالعايداعى تيانشاننىڭ ەتەگىنەن، تارىم دارياسىنىڭ بويىنان كەلدى.
ەرلىكپەن سايىسۋ كۇشى جارىس الاڭىندا كوزگە ءتۇستى
2 - ايدىڭ 4 - كۇنى تۇندە بەيجيڭ قىسقى وليمپيادا سپورت جارىسىنىڭ باستالۋ سالتىنىڭ ەڭ سوڭعى الاۋگەرى، جۇڭگو دالالىق شاڭعى سپورتشىسى دىلنيگار يىلھامجان مەن سەرىگى الاۋدى نەگىزگى الاۋ تۇعىرى ”ۇلكەن قار گۇلىنە“ بىرگە قاداپ، قىسقى وليمپيادا سپورت جارىسىنىڭ نەگىزگى الاۋى باياۋ كوتەرىلىپ، جالپى جۇرت دۋمانعا بولەندى.
”ءوزىمنىڭ ەڭ سوڭعى الاۋگەر ەكەندىگىمدى بىلگەندە، مەن ەرەكشە اسەرلەندىم ءارى قايران قالدىم“، - دەدى التايدان كەلگەن دىلنيگار تەرەڭ تەبىرەنىسپەن.
تيانشان الابىنان كەلگەن دىلنيگاردى قامتىعان 6 سپورت ساڭلاعى بەيجيڭ قىسقى وليمپيادا سپورت جارىسىنا قاتىناساتىن جۇڭگو دەنە تاربيە ۋاكىلدەر ۇيىرمەسىنە قابىلدانىپ، وزدەرىنىڭ ارەكەتتەرى ارقىلى ”ومىردە قانشا رەت سايىس بولادى دەيسىڭ“ دەگەندى ءتۇسىندىردى.
”بۇل مەنىڭ قىسقى وليمپيادا سپورت جارىسىنا العاش رەت قاتىناسۋىم، دۇنيە جۇزىندەگى ماڭداي الدى سپورتشىلارمەن ءبىر الاڭدا باسەكەلەسەتىندىگىم ماعان زور شابىت بەردى، سونىمەن بىرگە مەن وسى بارىستا كوپتەگەن نارسەلەر ۇيرەنەمىن“، - دەدى دىلنيگار.
2 - ايدىڭ 5 - كۇنى تۇستەن كەيىن مۇزدا تەز سىرعاناۋ جارىس ءتۇرىنىڭ ايەلدەر 3000 مەترلىك جارىسى مەملەكەتتىك تەز سىرعاناۋ كەشەنى ”مۇز جىبەك باۋدا“ وتكىزىلدى، قۇتىبي اۋدانىنان كەلگەن اقنار اداق سايىسقا شىقتى. توردوستار جاعىنان ”ءارى جالىندى، ءارى سۇلۋ“ دەلىنگەن 22 جاستاعى بويجەتكەننىڭ كومەسكىدەگى مويىماس قۇلشىنىسىن كوپ ادام بىلە بەرمەسە كەرەك.
10 جاسىنان باستاپ ءار كۇنى تۇستەن كەيىنگى ساباقتان سوڭ اقنار جاتتىعۋعا بارادى. قىستا كونكي تەبەدى، جازدا جۇگىرەدى، تاۋعا شىعادى، ۆەلوسيپەد مىنەدى... ەلدەن ەرەك بوداۋ بەرگەندە بارىپ، قۇرداستارىنان قارا ءۇزىپ العا شىعىپ، جاقسى ناتيجەگە يە بولدى.
شينجياڭ قۇراماسىنا كىردى، مەملەكەت قۇراماسىنا كىردى... اقنار تاباندىلىقپەن وزىنە ءتان الەمىن جاساپ، اقىرى بەيجيڭ قىسقى وليمپيادا سپورت جارىسىنا جولداما الدى.
قىسقى وليمپيادا سپورت جارىس الاڭى سپورتشىلاردىڭ ايانباي سايىسۋ رۋحىن كورسەتەتىن ساحنا. 2 - ايدىڭ 7 - كۇنى تۇستەن كەيىن وتكىزىلگەن ايەلدەردىڭ تەز سىرعاناۋ 1500 مەترلىك شەشۋشى جارىسىندا اقنار ەڭ سوڭىندا 17 - ورىندى يەلەدى. سيلىق ساحناسىنا شىقپاعانىمەن، اقنار ءبىر مينۋت 58 سەكۋند 59 تاقىلمەن ءوزىنىڭ ەڭ جاقسى ناتيجەسىن جاراتتى.
بىرىككەن كۇش قولدان - قولعا جەتكىزىلدى
قولىنا الاۋ ۇستاپ، قىزۋ ىنتا جەتكىزىپ، ومىرشەڭدىك كۇش تاسقىنداتىپ، بۇكىل دۇنيە جۇزىندەگى ادامداردىڭ بەيجيڭ قىسقى وليمپيادا سپورت جارىسىنا دەگەن ىقىلاستى ءۇمىتىن تۇتاتتى؛ قولدان - قولعا جەتكىزىپ، مەملەكەت تۋىنا قۇرمەت ءبىلدىرىپ، مەملەكەت ءانىن شىرقادى، مەملەكەت تۋىن جەتكىزۋ جاي بۇقارانىڭ وتانعا دەگەن ىستىق سۇيىسپەنشىلىگىن بەينەلەدى.
”1 - شىلدە وردەنىنىڭ“ يەگەرى مامەتجان ءومار، شەكارا كۇزەتۋشى ما جۇن - ۋ، ءۇشتۇرپان اۋدانى يماملىرىم قالاشىعى مەملەكەتتە ءبىر تۇتاس قولدانىلاتىن ءتىل باستاۋىش مەكتەبىنىڭ باستىعى قۇربان نياز... 1200گە جۋىق الاۋگەردىڭ اراسىندا شينجياڭدىقتار قولدارىنا قىسقى وليمپيادا سپورت جارىسىنىڭ الاۋىن ۇستاپ، نىق قاداممەن بولاشاقتى بەتكە العان كوزايىم ساتتەردى ەستەلىككە قالدىردى. ”قىسقى وليمپيادا سپورت جارىسى بۇكىل دۇنيە جۇزىنە ءتان، جول بويىندا كوپتەگەن ادامدار بىزگە بارەكەلدى ايتىپ، قىسقى وليمپيادا سپورت جارىسى جەتكىزگەن دەنە تاربيە رۋحىن بىزبەن بىرگە ءبولىستى“، - دەدى مامەتجان ءومار.
دۇنيە ءجۇزى ءۇشىن القاۋ ايتىپ، وتاندى ماقتانىش ەتتى. 2 - ايدىڭ 4 - كۇنى كەشتە مامەتجان ءومار بەيجيڭ قىسقى وليمپيادا سپورت جارىسىنىڭ باستالۋ سالتىنداعى مەملەكەت تۋىن الاڭعا جەتكىزۋ بۋىنىندا تاعى بوي كورسەتتى. ”مەن ءوزىمنىڭ جۇڭگولىق بولعانىمدى ماقتانىش ەتەمىن!“، - دەدى مامەتجان ءومار.
سول كەشتە ورتالىق ۇلتتار داشۋەسىنەن كەلگەن شينجياڭدىق 7 وقۋشى دا مامەتجان ءومارعا سەرىك بولدى.
”بەس جۇلدىزدى نارت قىزىل تۋ مەنىڭ قولىما جەتكىزىلگەندە العىس سەزىمىم تاسقىندادى. مەن ءوزىمنىڭ جۇڭگولىق ەكەندىگىمدى ماقتانىش ەتەمىن“، - دەدى جۇڭگو ۇلتتار داشۋەسى جۇڭگو از ۇلت ءتىل - ادەبيەت شۋەيۋانىنىڭ وقۋشىسى ەسىل ۇلۇنبات.
سانجى حۇيزۋ اۆتونوميالى وبلىسىنان كەلگەن باي يۇي قىسقى وليمپيادا سپورت جارىسى باستالۋ سالتىنىڭ دايىنداۋشى رەجيسسەرلەر ۇجىمىنىڭ مۇشەسى بولىپ عانا قويماي، وليمپيادا الاۋىن تۇتاندىرۋ سالتى بۋىنىندا ول ءۇرتىس 5 رەتكى تۇتاس فاكتورلىق سوڭعى ماشىقتا ەڭ سوڭعى الاۋگەردىڭ ورنىنا شىعىپ، الاۋدى وتكىزۋ - وتكىزىپ الۋ، ءجۇرىس ورىنداۋ جانە تۇتاندىرۋ مىندەتتەرىن ورىندادى.
كۇشارلىق ازامات ءماۋلان امەر باستالۋ سالتىنداعى ادەبيەت - كوركەمونەر كونسەرتىنە قاتىناستى. «ويلاۋ» ءانىنىڭ اۋەنىنە ىلەسە، ءماۋلاندى قامتىعان 24 ءوسپىرىم سىرعىما دوڭگەلەكپەن اپپاق قاردىڭ ىشىنەن قالىقتاي سىرعاناپ شىعىپ، ”اناعۇرلىم تەز، اناعۇرلىم ورەلى، اناعۇرلىم قۋاتتى − اناعۇرلىم ىنتىماقتى بولۋ“ دەگەن وليمپيادا جاڭا ناقىلىن بۇكىل دۇنيە جۇزىنە كورسەتتى.
باستالۋ سالتىندا اسقاق تا ارىندى «وتاندى جىرلايمىز» انىنە ىلەسە، بۇكىل الاڭدى جۇڭگو قىزىلىمەن ارلەگەن جۇڭگو ۋاكىلدەر ۇيىرمەسى الاڭعا كىرگەندە، ”جۇڭگو“ دەپ جازىلعان قار گۇلى پىشىنىندەگى جەتەك تاقتايشاسىن بيىك كوتەرگەن باستاۋشى اقسۋ ايماعى كۇشار قالاسىنان كەلگەن بويجەتكەن دياۋ يۋەحان بولدى. قىسقى وليمپيادا سپورت جارىسى باستالۋ سالتىنداعى باستاۋشى رەتىندە، وسى بەيجيڭ كيىم - كەشەك شۋەيۋانىنىڭ 4 - جىلدىق وقۋشىسى بۇعان دەيىن جيىنى 400 ساعاتتان استام ۋاقىت جاتتىعۋ جاساعان ەدى.
تيانشان باۋرايىنان كەلگەن تورەشى، تەحنيكالىق قىزمەتكەر، ەرىكتى قاتارلىلار دا قىسقى وليمپيادا سپورت جارىسىنىڭ سالتاناتىنا ءۇن - ءتۇنسىز ۇلەس قوستى. التايدان كەلگەن ەرزات ءماجيت قىسقى وليمپيادا سپورت جارىسى تاۋ شاڭعى جارىس ءتۇرىنىڭ ەل ىشىندەگى تەحنيكالىق قىزمەتكەرى. 1 - ايدىڭ 21 - كۇنىنەن باستاپ ءار كۇنى تاڭعى ساعات 4تە باسقالار شىرت ۇيقىدا جاتقاندا ول ورنىنان تۇرىپ، شاڭعىمەن سىرعاناي ءجۇرىپ الاڭدى تەگىستەيدى، تاماشا جارىستاردى ولاردىڭ دا قىزمەتىنەن بولە قاراۋعا بولمايدى.
”كىشكەنە كەزىمدە مەكتەپتىڭ سپورت جارىسىندا كلاسىمىزدىڭ بەلگى تاقتايىن ۇستايتىنىم ەسىمدە، قازىر وتان ءۇشىن بەلگى تاقتاي ۇستايمىن، بۇل قانداي باقىت دەسەڭىزشى“ دەپ جازدى دياۋ يۋەحان دوستار شەڭبەرىنە. بۇل بەيجيڭ قىسقى وليمپيادا سپورت جارىسىنا قىزمەت وتەگەن بارلىق تيانشان پەرزەنتتەرىنىڭ دە ورتاق جۇرەك ءۇنى.
ىنتىماقتىڭ كۇشىمەن بولاشاققا بىرگە اتتاندى
”بۇگىن الاڭداعى كورەرمەندەر دە كەرەمەت بولدى، سوڭعى جارتى ارالىقتا مەندە كۇش - قۋات قالماي بارا جاتقاندا سولاردىڭ ايعايلاپ دەم بەرگەنىنىڭ ارقاسىندا سوڭعى كومبەگە دەيىن شىدادىم“، - دەدى اقنار ايەلدەر تەز سىرعاناۋ 1500 مەترلىك جارىسىنان كەيىن.
سپورتشىنىڭ ەڭ زور تىرەگى ونىڭ ارتىندا وتىرعانداردان كەلەدى. اقناردىڭ شەشەسى قاينۇر ەلەمەس ونىڭ كۇرەستەگى رۋحاني تىرەكتەرىنىڭ ءبىرى. ول اقناردى ”ءتپىتى دە كۇشتى بولۋ ءۇشىن، باسقالاردان دا كوپ تەر اعىزۋىڭ، ءتىپتى دە كوپ جاپا - ماشاقاتقا شىداۋىڭ كەرەك“ دەپ جۇباتتى.
قىسقى وليمپيادا سپورت جارىسىنىڭ جان كۇيەرلەر توبىنداعىلاردىڭ اراسىندا كوبى سپورتشىلاردىڭ تۋىس - تۋعان، دوستار توبى. قىسقى وليمپيادا سپورت جارىسى باستالعان كۇنى دىلنيگاردىڭ التاي قالاسىنداعى ءۇيى ايرىقشا دۋمانعا تولدى، ۇيگە تىكە تاراتۋدى كورۋگە كەلگەن تۋىس - تۋعان، دوس - جاراندارى لىق تولدى، كەيبىر تۋىس - تۋعان، دوستارى ءتىپتى 2 كۇن بۇرىن ۇيگە كەلىپ قۇتتىقتادى. الاۋ تۇتاندىرىلعان ساتتە، دىلنيگاردىڭ شەشەسى روشەن حاتيۋاجى كوزىنە جاس الدى.
شينجياڭداعى 25 ميلليون ءار ۇلت حالقى تۇگەلدەي بەيجيڭ قىسقى وليمپيادا سپورت جارىسىنىڭ ەڭ كۇشتى دەمەۋشىلەر توبى.
”قانداي ماقتانىش. وسى رەتكى جارىستى مەن باستان - اياق مۇقيات كورەمىن، وتان ءۇشىن ءان جازىپ، قىسقى وليمپيادا سپورت جارىسى ءۇشىن كۇي شەرتەمىن“. دىلنيگاردىڭ نەگىزگى الاۋدى تۇتاندىرعانىن كورگەندە، پارتيا زناگىن جارقىراتىپ تاعىنعان اعايى ابدۇجاپار مەڭدى تەبىرەنە ”كەرەمەت“ دەپ نەشە قايتالادى. بىرنەشە كۇننەن بەرى شينجياڭداعى ءار ۇلت كادر - بۇقاراسى دا ول سياقتى تۇرلىشە فورمالارمەن قىسقى وليمپيادا سپورت جارىسى باستالۋ سالتىنىڭ سالتاناتىنا جانە جارىستارعا نازار اۋدارىپ، وليمپيادا ساڭلاقتارىنا دەم بەرىپ، وتاننىڭ گۇلدەنۋىن، بايىپ - قۇدىرەتتەنۋىن تىلەدى.
قار - مۇزدا اسقاق سەزىمدى لاۋلاتىپ، قار - مۇز جارىستارىنان بىرگە ءلاززاتتاندى. قىسقى وليمپيادا سپورت جارىسىندا تاماشالار ۇزبەي جالعاستى، شينجياڭدا قار - مۇز سپورتى ءتىپتى دە دابىرالى تۇردە قىزۋ ورلەۋگە كوتەرىلدى. سانجى نۇرجا شاڭعى الاڭىندا نەشە ونداعان شاڭعى اۋەسكەرلەرى ءبىر قاتارعا ءتىزىلىپ، الىپ ايداعارداي بولىپ بەس جۇلدىزدى قىزىل تۋدى جەلمەن جەلبىرەتىپ، شاڭعىمەن زىمىراي سىرعاناۋدا. اسپاندا قالىقتاعىش پاراشوتتار اقشا بۇلتتار سياقتى باياۋ قالىقتايدى؛ قۇمىل قالاسى شاتتىق ورتالىعىندا تەز سىرعاناۋ، اتا - انالار مەن بالالاردىڭ مۇزداعى قىزىقتى جارىسى وتكىزىلۋدە، 100 نەشە ءوسپىرىم زىمىراي قۇيعىتىپ ءبىرىن - ءبىرى قۋالاپ اسىر سالۋدا.
جۇڭحۋا وركەنيەتى وليمپيادا سپورتىمەن تاعى دا قول ۇستاسىپ، بۇكىل ادامزاتتىڭ ىنتىماق، بەيبىتشىلىك، دوستىق تاماشا مۋزيكا تاراۋىن شىعانداتتى. تيانشان پەرزەنتتەرى بۇكىل ەل حالقىمەن بىرگە دۇنيە جۇزىنە ۇنەمشىل، حاۋىپسىز، تارتىمدى وليميپادا سپورتى سالتاناتتى جينالىسىن سيلادى.
