تيانشان تورى
تيانشان تورى   ›   جاڭالىقتار   ›   شينجياڭ حابارلارى

تارىم وزەنى الابىنداعى 6 ميلليون 820 مىڭ مۋ توراڭعى ورمانى قالپىنا كەلىپ، ومىرشەڭدىگىن قاۋلاتتى

3 جىلدىق قۇتقارۋ ارەكەتى ءساتتى اياقتادى

تارىم وزەنى الابىنداعى 6 ميلليون 820 مىڭ مۋ توراڭعى ورمانى قالپىنا كەلىپ، ومىرشەڭدىگىن قاۋلاتتى

  انار بۇلت / شينجياڭ گازەتىنىڭ ءتىلشىسى ساۋ حۋا 2 - ايدىڭ 9 - كۇنى ۇرىمجىدەن حابارلايدى. ءتىلشىنىڭ اۆتونوميالى رايوندىق ورمان جانە جايلىم مەكەمەسىنەن ۇعىسۋىنا قاراعاندا، 3 جىلدىق قۇلشىنىس ارقىلى تارىم وزەنى الابىنداعى 6 ميلليون 821 مىڭ 800 مۋ تابيعي توراڭعى ورمانى وزەن سۋىنان ءنار الىپ، قۋراپ قالۋ بەتالىسى ءونىمدى باسەڭدەپ، ەكولوگيانىڭ قالپىنا كەلۋ ونىمدىلىگى كورنەكتى بولعان.

  تارىم وزەنى ەلىمىزدەگى ەڭ ۇزىن ىشكى قۇرلىقتىق وزەن، وزەن الابىنىڭ اۋماعى ءبىر ميلليون 20 مىڭ شارشى كيلومەتر، كەڭ اۋماقتاعى بايىرعى توراڭعى ورمانى وزەن الابىنىڭ ەكى جاعىنا تارالعان، اۋدانى 16 ميلليون 924 مىڭ 500 مۋ، وڭتۇستىك شينجياڭ وڭىرىندەگى ماڭىزدى جاسىل القاپ ەكولوگيالىق قالتقىسى سانالادى. الدىڭعى عاسىردىڭ 50 - جىلدارىنان بەرى ادامزات قيمىلىنىڭ ارتۋىنا جانە سۋ قاينارىنىڭ ءتارتىپسىز ءونىمسىز پايدالانىلۋىنا بايلانىستى، تارىم وزەنى الابىنىڭ جەر استى سۋ دەڭگەيى تومەندەپ، كوپ جەردەگى توراڭعى ورمانى قۋراپ قالدى.

  ”سوڭعى جىلدارى اۆتونوميالى رايوندىق پارتكوم مەن ۇكىمەت تارىم وزەنى الابىنداعى توراڭعى ورمانى ەكولوگياسىن قورعاۋ قىزمەتىنە ايرىقشا ءمان بەردى، 2019 - جىلى تارىم وزەنى الابىنداعى توراڭعى ورمانىن قۇتقارۋ ارەكەتىن باستاپ، 3 جىل ۋاقىت جۇمساپ سۋارۋ شارت - جاعدايى بار 6 ميلليون 100 مىڭ مۋ جەردەگى قۋراعان توراڭعى ورمانىن تاسقىن سۋىمەن سۋارۋدى جوسپارلاپ، توراڭعى ورمانىنىڭ تابيعي قالپىنا كەلۋ قابىلەتىن جوعارىلاتتى“، - دەدى اۆتونوميالى رايوندىق الەۋمەتتىك يگىلىك ورمانىن قورعاۋ ورتالىعىنىڭ قىزمەتكەرى تانىستىرىپ.

  شينجياڭ توراڭعى ورمانىن قۇتقارۋ ارەكەتىن ورمان ەكولوگياسى ونىمدىلىگىنە تولىقتاما تولەم بەرۋ قورىنان پايدالانۋ كولەمىنە ەنگىزىپ، 3 جىلدا جيىنى 124 ميلليون يۋان قارجى ءتۇسىرىلدى، نىسان قۇرىلىسىن ۇستىنە العان ءارقايسى اۋداندىق، قالالىق ورمان، جايلىم، سۋ يگىلىگى سياقتى تاراۋلار تاسقىن سۋىمەن سۋارىلاتىن ءوڭىردى باسى - قاسىنا بارىپ تەكسەرىپ، سۋ جەتكىزۋ قاقپاعىن، سۋ باستاۋ جەلىسىن، ارشىلاتىن توعان جۇيەسىن، قاقپاقتىڭ سۋ جىبەرۋ مولشەرىن عىلمي ۇيلەسىمدى تۇراقتاندىردى. اتقارۋ بارىسىندا بيڭتۋان مەن جەرگىلىكتى ورىن تىعىز سەلبەسىپ، سۋارىلاتىن وڭىرگە ىشكەرىلەي بارىپ ۇگىت ورىستەتىپ، ەكولوگياعا جەتكىزىلگەن ءاربىر تامشى سۋدى توراڭعى ورمانىن سۋارۋعا پايدالانىپ، توراڭعى ورمانىن تاسقىن سۋىمەن سۋارۋ قىزمەتىنىڭ ءساتتى جۇرگىزىلۋىنە شىنايى كەپىلدىك ەتتى.

  ”ءار جاقتىڭ كۇش بىرىكتىرە سەلبەسۋىنىڭ ارقاسىندا، 3 جىلدا جالپى 6 ميلليون 821 مىڭ 800 مۋ توراڭعى ورمانىن سۋارىپ، جوسپارداعى مىندەتتى %108.45 ورىندادى“، - دەدى اۆتونوميالى رايوندىق الەۋمەتتىك يگىلىك ورمانىن قورعاۋ ورتالىعىنىڭ قىزمەتكەرى.

  قازىر تارىم وزەنى جاعالاۋىنداعى نەشە ميلليون مۋ توراڭعى ورمانى جايقالا ءوستى، توراڭعى ورمانىن تاسقىن سۋىمەن سۋارۋ وڭىرىندەگى زاپاس ورمان قورى ارەكەت اتقارىلۋ الدىنداعىدان 688 مىڭ 700 تەكشەمەتر مولايىپ، اعاشتاردىڭ ورتاشا بيىكتىگى 0.4 −0.7 مەترگە دەيىن بيىكتەپ، تابيعي جاڭارعان جاس قالامشا شامامەن 14 ميلليون 270 مىڭ ءتۇپ كوبەيىپ، ورماننىڭ ەكولوگيالىق قۋاتى ورنىقتى جاقسارۋعا بەت الىپ، ورماننىڭ اقاۋسىزدىق جاعدايى ءونىمدى جوعارىلاپ، ورگانيزمدەردىڭ الۋان تۇرلىلىگى ۇزدىكسىز مولايىپ، ءىشىنارا ەكولوگيالىق جۇيە ءتۇرى دە ارتتى.

  ”توراڭعى ورمانىن قۇتقارۋ ارەكەتىنىڭ اتقارىلۋى ەكولوگيانى قورعاۋ جونىندەگى ءبىر رەتكى ماڭىزدى ىزدەنىس بولىپ قانا قالماستان، شينجياڭنىڭ قۇبا تۇزدەگى تابيعي ورماندى قورعاۋىنا، قالپىنا كەلتىرۋىنە ۇلگى كورسەتتى“. اۆتونوميالى رايوندىق الەۋمەتتىك يگىلىك ورمان قورعاۋ ورتالىعىنىڭ قىزمەتكەرى بىلاي دەدى: كەلەسى قادامدا شينجياڭ تارىم وزەنى الابىنىڭ ەكولوگياسىن قالپىنا كەلتىرۋدى ۇزدىكسىز ىلگەرىلەتىپ، اناعۇرلىم كوپ توراڭعىنى جاسىلداندىرىپ، كورىكتەندىرىپ، وڭتۇستىك شينجياڭ رايونىنىڭ جوعارى ساپالى دامۋىن قامتاماسىز ەتۋدەگى ناعىز جاسىل ەكولوگيالىق قالتقىعا اينالدىرادى.

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.