انار بۇلت / شينجياڭ گازەتىنىڭ ءتىلشىسى حي حۇڭۋي 2 - ايدىڭ 9 - كۇنى ۇرىمجىدەن حابارلايدى. جۋىقتا مەملەكەتتىك كەڭەس «ىردوس قاتارلى 27 قالا مەن ايماقتىڭ شەكارا اتتاعان ەلەكتروندى ساۋدا كەشەندى سىناق رايونىن قۇرۋىنا قوسىلۋ جونىندەگى بەكىتۋ جاۋابىن» جاريالادى، شينجياڭنىڭ قاشقار ايماعى، الاتاۋ قالاسى وسى تىزىمنەن ورىن الدى. وسىعان دەيىن رايونىمىزدا ءۇرىمجى قالاسىنىڭ شەكارا اتتاعان ەلەكتروندى ساۋدا كەشەندى سىناق رايونىن قامتىعان جيىنى 3 كەشەندى سىناق رايونى جارىققا شىقتى.
شەكارا اتتاعان ەلەكتروندى ساۋدا كەشەندى سىناق رايونى − مەملەكەتتىك كەڭەستىڭ بەكىتۋىمەن قۇرىلعان شەكارا اتتاعان ەلەكتروندى ساۋدادا الدىمەن اتقاراتىن، الدىمەن سىناق ەتەتىن كەشەندى قالا اۋماعى، ماقساتى: تۇزىمدە جاڭالىق اشۋ، باسقارۋدا جاڭالىق اشۋ، قىزمەت وتەۋدە جاڭالىق اشۋ جانە سايكەستى دامىتۋ ارقىلى كەمەلدى كاسىپ سالاسى تىزبەگى مەن ەكولوگيا تىزبەگىن تۇلعالاپ، الەمدىك شەكارا اتتاعان ەلەكتروندى ساۋدانىڭ دامۋىنا ۇيلەسەتىن جانە جەتەكتەيتىن باسقارۋ ءتۇزىمى مەن ەرەجەسىن بىرتىندەپ قالىپتاستىرىپ، جۇڭگونىڭ شەكارا اتتاعان ەلەكتروندى ساۋداسىنىڭ اقاۋسىز دامۋىن ىلگەرىلەتۋگە كوشىرىپ قولدانۋعا بولاتىن تاجىريبە ازىرلەۋ.
اۆتونوميالى رايون شەكارا اتتاعان ەلەكتروندى ساۋدانىڭ دامۋىن زور كۇشپەن ىلگەرىلەتىپ، «اۆتونوميالى رايوننىڭ سىرتقى ساۋدانىڭ جاڭا كاسىپ كۇيىن، جاڭا ۇلگىسىن جەدەل دامىتۋ جونىندەگى اتقارۋ جوباسىن» شىعاردى. قازىر ءۇرىمجى كەشەندى سىناق رايونىن جەتەكشى ەتكەن، ءارقايسى شەكارا وتكەلدەرىنىڭ شەكارا اتتاعان ەلەكتروندى ساۋداسىن پارىقتى دامىتۋ سىندى تىزبەك ۇلگىسىن العاشقى قادامدا قالىپتاستىردى. قاشقاردا زات تاسىمالى ءۇشىن ۇشاقتى جالعا الۋ، الاتاۋ ساعاسى شەكارا وتكەلىندە تاس جول مەن تەمىر جولدى بىرلەستىرىپ تاسىمالداۋ، قورعاستا كونتەينەردى كرانمەن تاسۋ سياقتى كوپتەگەن تاسىلدەر بىرگە دامىتىلىپ، شەكارا وتكەلى ەكونوميكالىق بەلدەۋى قۇرىلىسىنا دەم بەردى.
قازىر رايونىمىزدا قورعامالى باجى ەلەكتروندى ساۋدا، شەتەل قامباسى ۇلگىسى سياقتى 5 ءتۇرلى شەكارا اتتاعان ەلەكتروندى ساۋدانى باقىلاۋ - باسقارۋ ۇلگىسى تولىق ىرگە تەپتى. ساناققا قاراعاندا، رايونىمىزدىڭ بىلتىرعى شەكارا اتتاعان ەلەكتروندى ساۋدا يمپورت - ەكسپورتى 2 ميلليارد 70 ميلليون يۋان بولىپ، ％152.4 ارتقان، مۇنىڭ ىشىندە B2B (كاسىپورىننىڭ كاسىپورىنعا باعىتتالۋ) مولشەرمەن %60تى يەلەدى.
”سيفرلى كەزەكشى پويەز“ جۇرگىزۋ جاعىندا ءۇرىمجى، قاشقار سياقتى جەرلەر 5 شەكارا اتتاعان ەلەكتروندى ساۋدا ”سيفرلى كەزەكشى پويەزىن“ جۇرگىزدى، نىسانالى جەر ماسكەۋ، بۋداپەشت، الماتى، تاشكەنت قاتارلى ”ءبىر بەلدەۋ، ءبىر جول“ بويىنداعى ەلدەردىڭ قالالارىن قامتىدى.
اۆتونوميالى رايوننىڭ ساۋدا تاراۋلارى كاسىپورىنداردى توڭىرەكتەگى ەلدەردى ءتۇيىن ەتىپ شەتەل قامباسىن، شەكارا وتكەلى قامباسىن بىرگە سالۋعا، بىرگە يگىلىكتەنۋگە بەلسەنە باستاپ، ”ءبىر بەلدەۋ، ءبىر جول“ بويىنداعى مەملەكەتتەر مەن وڭىرلەردەگى شەتەل قامباسىنىڭ ورنالاسۋىن كەڭەيتتى؛ شەكارا وتكەلىنىڭ وڭىرلىك ورىن باسىمدىعىنا سۇيەنىپ، ساياساتتىق قولداۋدى كۇشەيتىپ، شەكارا اتتاعان ەلەكتروندى ساۋداداعى جەتەكشى كاسىپورىنداردى ىرگە تەۋىپ، قامبا سالۋعا بەلسەنە باستادى؛ تاجىريبەلەردى، ادىستەردى كوشىرىپ، قولدانىپ، جالپىلاستىرىپ، ينتەرنەت جەلىسىندە باۋلۋ، جەلىدەن تىس تەكسەرۋ - زەرتتەۋ ارقىلى قاشقار، الاتاۋ، قورعاس سياقتى جەرلەردىڭ الدىڭعى نەشە توپتاعى كەشەندى سىناق رايونىنىڭ تاجىريبەلەرىن، ادىستەرىن كوشىرىپ قولدانۋىنا، ۇيرەنۋىنە جەتەكشىلىك ەتىپ، ”التى جۇيە“، ”ەكى تۇعىردى“ جەدەل قۇردى.
اۆتونوميالى رايوندىق ساۋدا مەڭگەرمەسىنىڭ قاتىستى جاۋاپتىسى مىنانى ءبىلدىردى: شەكارا اتتاعان ەلەكتروندى ساۋدا سياقتى ساۋدانىڭ جاڭا كاسىپ كۇيلەرىن دامىتۋ سىرتقى ساۋدانىڭ جوعارى ساپالى دامۋىن ىلگەرىلەتۋدىڭ ماڭىزدى شاراسى، باتىسقا ەسىك اشۋدىڭ بيىك دەڭگەيىن تۇلعالاۋدىڭ ماڭىزدى تۇعىرى، وتكەل ەكونوميكاسىنان شەكارا وتكەلى ەكونوميكاسىنا بۇرىلىس جاساۋدى ىلگەرىلەتۋدىڭ ماڭىزدى دانەكەرى. رايونىمىز مەملەكەت بەرگەن ساياساتتان تولىق، ويداعىداي پايدالانىپ، شەكارا وتكەلى شەكارا اتتاعان ەلەكتروندى ساۋداسىن جەدەل دامىتىپ، شارۋاشىلىق - ساۋدا ورتاسىن ساپالىلاندىرىپ، ماركا قۇرىلىسىن ورىستەتىپ، سيفرلى ەكونوميكانى دامىتىپ، سىرتقى ساۋدانىڭ جوعارى ساپالى دامۋىن ىلگەرىلەتەدى.
