انار بۇلت / شينجياڭ گازەتىنىڭ ءتىلشىسى لۋ فىڭباۋ 2 - ايدىڭ 9 - كۇنى ۇرىمجىدەن حابارلايدى. جۇڭگو تەمىر جولى ءۇرىمجى مەكەمەسى توبى شەكتى سەرىكتەستىگىنەن ۇعىسۋعا قاراعاندا، 2 - ايدىڭ 9 - كۇنى تۇستەن كەيىن ءبىر جۇك پويەزى وڭتۇستىك شينجياڭ تەمىر جولى قاعىلىق بەكەتىنەن جولعا شىققان، قورعاس تەمىر جولى شەكارا وتكەلىنەن شەكارادان شىعىپ، 15 كۇن مولشەرىندە تاجىكستانعا جەتەدى، بۇل وڭتۇستىك شينجياڭنان تاجىكستانعا قاتىنايتىن تۇڭعىش جۇڭگو - ورتا ازيا كەزەكشى پويەزى سانالادى.
”سەرىكتەستىگىمىزدىڭ زاتتارىنىڭ تۇڭعىش رەت پويەزبەن شەكارادان شىعارىلۋىنىڭ ارقاسىندا، تاسىمال وزىندىك قۇنىنىڭ جەتىدەن ءبىرى ۇنەمدەلىپ، تاسىمال ۋاقىتى مولشەرمەن 7 كۇنگە قىسقاردى“. قاشقار شينمياۋ اعاششىلىق شەكتى سەرىكتەستىگىنىڭ باس ديرەكتورى شۇي يانلۇڭ: بۇل سەرىكتەستىكتىڭ ونىمدەرىنىڭ حالىقاراداعى باسەكەلىك قۋاتىن زور دارەجەدە جوعارىلاتادى، - دەدى.
وسى كەزەكشى پويەزدىڭ ءساتتى قاتىناۋىنا شىنايى كەپىلدىك ەتۋ ءۇشىن، شينجياڭ تەمىر جول تاراۋلارى ينفورماتسيالاردى ءوزارا تۇتاستىرۋ باسىمدىعىن تولىق ساۋلەلەندىرىپ، ۇكىمەتپەن، سىرتقى ساۋدا كاسىپورىندارىمەن ۇدايىلانعان بايلانىس مەحانيزمىن قۇرىپ، زات دايىنداۋ، قىسقا ارالىقتى وتكەرمەلەۋ، تيەۋ، جونەلتۋ - تاسىمالداۋ سىندى ءارقايسى بۋىندارىنىڭ تىعىز ۇشتاسۋىن ىسكە اسىردى ءارى قاريدارلاردىڭ سۇرانىسىنا نەگىزدەلىپ زات تاسىمالىنا ۇيلەسەتىن كولىك قاينارىن دەر كەزىندە سايكەستىرىپ، الدىمەن جۇك تيەۋدى، الدىمەن تاسىمالداۋدى اتقارىپ، كولىكتەردى الۋ - جەتكىزۋ، تيەۋ - بەرىكتەۋ، تالون جاساۋ، تاسىمالداۋ سىندى بۋىنداردى تىزگىندەۋىن كۇشەيتىپ، تاسىمالدىڭ تۇتاس بارىسىن ىركىلىسسىزدەندىرىپ، جۇكتىڭ تەز تيەلىپ، تەز تاسىمالدانۋىن جۇزەگە اسىردى.
”ءبىز قاريدارلارمەن الدىن الا سويلەسىپ، كولىككە تيەۋ سۇرانىسىنا نەگىزدەلىپ، تۇتاس شينجياڭ كولەمىندەگى كولىكتەردى شوعىرلاندىرىپ، قاريدارلاردىڭ جاعدايىنا قاراي كولىككە تيەۋ جوباسىن جاساپ، توپ - توبىمەن زات تاسىمالداۋ ۋاقىتىن بۇرىنعىدان 9 ساعات ۇنەمدەدىك“، - دەدى جۇڭگو تەمىر جولى ءۇرىمجى مەكەمەسى توبى شەكتى سەرىكتەستىگى قاشقار زات تاسىمالى ورتالىعى قاعىلىق جۇمىس ءتۇيىنىنىڭ ديرەكتورى ۋاڭ حۇي.
جۋىق جىلداردان بەرى شينجياڭ تەمىر جول تاراۋلارى تاسىمالداۋ قۇرىلعىلارى قۇرىلىسىن كۇشەيتۋ، تيەۋ - ءتۇسىرۋ جانە تاسىمالدى ۇيىمداستىرۋ قابىلەتىن كۇشەيتۋ، تاسىمالداۋ قۋاتىن، تاسىمالداۋ قابىلەتىن قامتاماسىز ەتۋدى كۇشەيتۋ جاقتارىندا ۇزدىكسىز وڭتۇستىك شينجياڭعا بەيىمدەلىپ، زات اينالىمى بازاسى قۇرىلىسىن بار كۇشپەن ىلگەرىلەتىپ، جوعارعى، تومەنگى جەلىدەگى كاسىپورىندارمەن سايكەسۋدى، قارىم - قاتىناس جاساۋدى كۇشەيتىپ، سول جەردىڭ وزىندە كەدەنگە مالىمدەۋ، تاس جول، تەمىر جول بىرلەسىپ تاسىمالداۋ، شەكارا اتتاعان ەلەكتروندى ساۋدا سىندى كوپ ءتۇرلى ۇلگىلەردى قاراستىرىپ جانە ودان پايدالانىپ، شەكارا اتتاعان كەزەكشى پويەزداردىڭ تاسىمال تىڭ جەلىسىن ۇزدىكسىز ۇزارتتى.
كەزەكتە وڭتۇستىك شينجياڭ ءوڭىرى اقسۋدان رەسەيدىڭ ماسكەۋىنە، قاشقاردان وزبەكستاننىڭ تاشكەنتىنە، كورلادان رەسەيگە، كورلادان پولشاعا دەيىنگى، ت. ب جۇڭگو - ەۆروپا (ورتا ازيا) كەزەكشى پويەزدارى جەلىسىنەن 9ىن اشىپ، ”ءبىر بەلدەۋ، ءبىر جولدىڭ“ جوعارى ساپالى دامۋىن ىلگەرىلەتۋگە تىڭ ۇلەس قوستى.
