انار بۇلت / شينجياڭ گازەتىنىڭ ءتىلشىسى چىن چياڭۋي 2 - ايدىڭ 9 - كۇنى ۇرىمجىدەن حابارلايدى. ءۇرىمجى كەدەنىنەن ۇعىسۋعا قاراعاندا، 2021 - جىلى تۇتاس شينجياڭدا كەشەندى قورعامالى باجى اۋماعىنىڭ يمپورت - ەكسپورت قۇنى 15 ميلليارد 939 ميلليون يۋان بولىپ، سايكەس مەزگىلدەگىدەن ％19.1 ارتقان.
كەزەكتە رايونىمىزدا الاتاۋ ساعاسى وتكەلى كەشەندى قورعامالى باجى اۋماعى، ءۇرىمجى كەشەندى قورعامالى باجى اۋماعى، قورعاس كەشەندى قورعامالى باجى اۋماعى، قاشقار كەشەندى قورعامالى باجى اۋماعى سىندى 4 كەشەندى قورعامالى باجى اۋماعى بار. مۇنىڭ ىشىندە قاشقار كەشەندى قورعامالى باجى اۋماعىنىڭ ارتۋ جىلدامدىعى كورنەكتى بولىپ، يمپورت - ەكسپورت قۇنى سايكەس مەزگىلدەگىدەن ％436.8 ارتتى.
ءۇرىمجى كەدەنى كاسىپورىن باسقارۋ جانە تەكسەرۋ باسقارماسى قورعامالى باجى باسقارۋ ءبولىمىنىڭ باستىعى چىن چي مىنالاردى ءبىلدىردى: بىلتىرعى ساندى مالىمەتتەن 4 قورعامالى باجى اۋماعىنىڭ ىشىندە قورعاس، قاشقار كەشەندى قورعامالى باجى اۋماعىنىڭ يمپورت - ەكسپورت قۇنىنىڭ ارتۋ جىلدامدىعى ءبىرشاما تەز بولعاندىعىن كورۋگە بولادى. رايونىمىزدا كەشەندى قورعامالى باجى اۋماقتارى مەن اشىق ۇستاۋ تۇعىرلارىنىڭ سانى ەل ىشىندەگى باسقا ولكە، رايون، قالالارمەن سالىستىرعاندا ورتا جوعارى دەڭگەيدە تۇر.
كەشەندى قورعامالى باجى اۋماعىنىڭ جوعارى ساپالى دامۋىن جەبەۋ ءۇشىن ءۇرىمجى كەدەنى ءارقايسى كەشەندى قورعامالى باجى اۋماعىنىڭ وڭىرلىك ورىن باسىمدىعىمەن، كاسىپ سالاسى قۇرىلىمىمەن، كاسىپ ەرەكشەلىگىمەن بىرلەستىرىپ، 2021 - جىلى «ءۇرىمجى كەدەنىنىڭ كەشەندى قورعامالى باجى اۋماعىنىڭ جوعارى ساپالى دامۋىن ونان ارى قولداۋداعى ”ءبىر اۋماققا ءبىر ساياسات قولدانۋ“ جەتەكشى پىكىرىن» شىعاردى، بۇل 32 ناقتىلى شاراعا سايادى.
چىن چي مىنالاردى ءبىلدىردى: كەزەكتە «جەتەكشى پىكىردەگى» 32 ءتۇرلى ناقتى شارانىڭ 26 ءتۇرى ناقتىلانىپ اتقارىلدى. بيىل كەدەن 4 كەشەندى قورعامالى باجى اۋماعىن «جەتەكشى پىكىردىڭ» ىلگەرىلەتىلۋ، تياناقتانۋ اياق الىسىن جەدەلدەتۋگە قۋزاپ، 32 شارانىڭ كەشەندى قورعامالى باجى اۋماعىندا جاپپاي تياناقتانۋىن جەبەيدى. بۇدان تىس، كەدەن كەشەندى قورعامالى باجى اۋماعى ىشىندە قارجى توپتاۋ، جالعا بەرۋ سىندى تىڭ كاسىپتەردى جولعا قويۋدى ءارى جەرگىلىكتى ۇكىمەتپەن سەلبەسۋدى كۇشەيتىپ، دالمە - ءدال ساۋداگەر شاقىرۋدى جۇزەگە اسىرىپ، كەشەندى قورعامالى باجى اۋماعىنىڭ ساياساتتىق قولداۋىنا مۇقتاج اناعۇرلىم كوپ كاسىپورىنداردىڭ ىرگە تەبۋىنە كومەكتەسىپ، كەشەندى قورعامالى باجى اۋماعىنىڭ جوعارى دەڭگەيدە اشىق ۇستالۋىن، جوعارى ساپالى دامۋىن بار كۇشپەن ىلگەرىلەتۋدى دە جوسپارلادى.
