[بەتاشار]
ەڭبەكشىلگە كوكتەم ەرتە كەلەدى، بۇل ءدال ۇمتىلاتىن كەز. ءبىرىنشى ماۋسىمداعى ەكونوميكالىق قىزمەتتى ويداعىداي ىستەۋ تۇتاس جىلدىق مىندەت - نىسانالاردى ورىنداۋعا مىعىم نەگىز قالايدى. بارىس جىلعى كوكتەم مەرەكەسى باستالىسىمەن بۇكىل رايونىمىزدا جوعارىدان تومەنگە دەيىن تاسقىنداعان تەبىنمەن ىسكە كىرىسىپ، ورتالىق كوميتەتتىڭ تالابى مەن اۆتونوميالى رايوندىق پارتكومنىڭ ورنالاستىرۋى بويىنشا ىندەتتەن ساقتانۋ - تىزگىندەۋدى جانە ەكونوميكالىق، قوعامدىق دامۋدى ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، شينجياڭنىڭ رەفورما، دامۋ، ورنىقتىلىق قىزمەتتەرىنىڭ جاڭا جاعدايىن اشۋدى، تىڭ تاراۋدى باستاۋدى ىلگەرىلەتتى.
بۇگىننەن باستاپ انار بۇلت / شينجياڭ گازەتى «ەكىنى ءبىر تۇتاس جوسپارلاۋدى ويداعىداي يگەرىپ، تاماشا باستاما باستايىق» ارناۋلى ستونىن اشىپ، جەر - جەردىڭ، تاراۋلاردىڭ جانە ءار سالانىڭ تاماشا باستاما اشۋ قىزمەتتەرىن بار كۇشپەن ىلگەرىلەتۋ شارالارىن، جارقىن تۇيىندەرىن جانە تابىستارىن جان - جاقتىلى، ءار قىرىنان حابارلاپ، ءبىرىنشى ماۋسىمداعى ەكونوميكانىڭ جوعارى ساپالى دامۋىنا تاماشا قوعامدىق بەينە ازىرلەيدى. نازار سالعايسىزدار!
انار بۇلت / شينجياڭ گازەتىنىڭ ءتىلشىسى حي حۇڭۋي 2 - ايدىڭ 9 - كۇنى ۇرىمجىدەن حابارلايدى. اۆتونوميالى رايوندىق ساۋدا مەڭگەرمەسىنەن ۇعىسۋىمىزشا، قىس كىرگەننەن بەرى رايونىمىزداعى ءار دارەجەلى ساۋداگەر شاقىرۋ تاراۋلارى سىرتقا شىعىپ تۇيىندەر بويىنشا نىسان تانىستىرۋ قىزمەتىن بەلسەنە ورىستەتكەن، بۇكىل رايونىمىزدىڭ ساۋداگەر شاقىرىپ قارجى ەنگىزۋ قىزمەتىندە قۋانىشتى حابارلار ارت - ارتىنان تاراعان. العاشقى ساناققا قاراعاندا، 1 - ايدىڭ سوڭىنا دەيىن رايونىمىز 255 قارجى قوسۋ نىسانىنا قول قويىسىپ، قول قويىسقان سوماسى 110 ميلليارد يۋاننان اسقان.
بىلتىر 11 - ايدىڭ سوڭىندا اۆتونوميالى رايوندىق ساۋدا مەڭگەرمەسى «بيىل قىس پەن كەلەر جىلعى كوكتەمگى ساۋداگەر شاقىرىپ قارجى ەنگىزۋ قىزمەتىن ونان ارى كۇشەيتۋ جونىندەگى حابارلاندىرۋدى» باسىپ تاراتتى. تۇيىندە تۇرىپ ساۋداگەر شاقىرۋ، شاعىن بولىمشە اترەتتەردىڭ ساۋداگەر شاقىرۋىن يكەمدى ورىستەتۋ، ينتەرنەتتە ساۋداگەر شاقىرۋدى ۇدايىلاندىرا ورىستەتۋ، قوعامدىق كۇشتەردىڭ ساۋداگەر شاقىرۋىن ءونىمدى ساۋلەلەندىرۋ جۇمىستارىن بەلسەنە ورىستەتۋ سياقتى جاقتاردا قىس ماۋسىمىنداعى ساۋداگەر شاقىرىپ قارجى ەنگىزۋ قىزمەتىنە ورنالاستىرۋ جاسادى، سونداي - اق قول قويىسقان نىسانداردىڭ تياناقتانىپ ونىمدىلىك كورسەتۋىن جەدەلدەتۋ سياقتى جاقتاردى ارناعا ءتۇسىرىپ، قول قويىسقان نىسانداردى ءتىزىم بويىنشا باسقارۋ ءتۇزىمىن ورناتۋدى، نىسانعا قىزمەت وتەۋگە سايكەستى سەلبەسۋ مەحانيزمىن ورناتۋدى، تەكسەرۋ - زەرتتەۋ، ارالاپ ۇعىسۋ پەريودى ءتۇزىمىن ورناتۋدى تالاپ ەتىپ، جوعارىدان تومەنگە دەيىن بىرلەسىپ قيمىلداپ، قول قويىسقان نىسانداردىڭ ەرتەرەك تياناقتانۋىنا، تياناقتانعان نىسانداردىڭ ەرتەرەك جۇمىس باستاۋىنا، جۇمىس باستاعان نىسانداردىڭ ەرتەرەك وندىرىسكە قوسىلۋىنا شىنايى كەپىلدىك ەتىپ، ءبىرىنشى ماۋسىمداعى ساۋداگەر شاقىرىپ قارجى ەنگىزۋ قىزمەتىنىڭ ءساتتى باستالۋىن كۇش سالا جەبەدى.
بيىل جىل باسىنان بەرى رايونىمىز بازارلاندىرۋ ءتاسىلىن تولىق قولدانىپ، ەرەكشە ابزالدىلىققا يە كاسىپ سالاسى تىزبەگىن ۇزارتۋدى، تولىقتاۋدى، كەڭەيتۋدى، كۇشەيتۋدى ءتۇيىندى تۇردە ارقاۋ ەتىپ، قارجى قوسىلاتىن نىسانداردى دەن قويا جوبالاپ، شاعىن بولىمشە اترەتتەردىڭ ساۋداگەر شاقىرۋىن، بۇلتتىق ساۋداگەر شاقىرۋدى، نىسان ارقىلى ساۋداگەر شاقىرۋدى، ساۋدا ارقىلى ساۋداگەر شاقىرۋدى، كاسىپ تىزبەگى ارقىلى ساۋداگەر شاقىرۋدى باعىتتامالى ۇيىمداستىرىپ ورىستەتتى. ساۋداگەر شاقىرىپ قارجى ەنگىزۋ شارالارىنا جاڭالىق ەنگىزىپ، سيفرلى ەكونوميكانىڭ دامۋىنا جانە سيفرلاندىرا باسقارۋ اۋقىمىنا بەيىمدەلىپ، ينتەرنەت جەلىسىن، ينتەرنەت جەلىسىنەن تىسقارعىنى ءوزارا بايلانىستىرۋعا تاباندى بولىپ، ساۋداگەر شاقىرىپ قارجى ەنگىزۋدىڭ ينفورماتسيالانۋ، جەلىلەنۋ، زەردەلىلەنۋ دەڭگەيىن ۇزدىكسىز جوعارىلاتتى. قارجى قوسۋ ورتاسىن ۇزدىكسىز جاقسارتىپ، شينجياڭ كاسىپ سالاسى دەڭگەيىنىڭ تومەننەن جوعارىعا، ارتۋ قوزعاۋشى كۇشىنىڭ فاكتوردى قوزعاۋشى كۇش ەتۋدەن جاڭالىق اشۋدى قوزعاۋشى كۇش ەتۋگە بۇرىلىس جاساۋىن ىلگەرىلەتىپ، ەكونوميكانىڭ جوعارى ساپالى دامۋىن جەبەدى.
تاياۋدا اۆتونوميالى رايوندىق ساۋدا مەڭگەرمەسى «2022 - جىلعى ساۋداگەر شاقىرىپ قارجى ەنگىزۋ بويىنشا تانىستىرىلاتىن نىسانداردى جانە ۇگىت ماتەريالدارىن جيناۋ جونىندەگى حابارلاندىرۋدى» باسىپ تاراتىپ، تانىستىرۋ ءتۇيىنى مەن نىسان دايىنداۋ تالابىن العا قويدى، ءارقايسى ايماق، وبلىس، قالا 2022 - جىلعى كاسىپ سالاسى ارقىلى ساۋداگەر شاقىرۋداعى ءتۇيىندى بەتالىستارىن جانە نەگىزگى شارالارىن جاساپ، ءتۇرلى تاسىلدەردەن، ءتۇرلى جولداردان پايدالانىپ ساۋداگەر شاقىرىپ قارجى ەنگىزۋدى كەڭەيتتى.
اۆتونوميالى رايوندىق ساۋدا مەڭگەرمەسىنىڭ قاتىستى جاۋاپتىسى مىنالاردى ءبىلدىردى: كەلەسى قادامدا كوپ شارالاردى قاتار قولدانىپ، تياناقتاندىرۋدى مىقتاپ يگەرىپ، نىسانداردى كەڭەسۋ، قول قويىسۋ، تياناقتاندىرۋ اياق الىسىن ۇزدىكسىز تەزدەتىپ، ساۋداگەر شاقىرىپ قارجى ەنگىزۋ وي جەلىسىن، ءادىسىن ۇزدىكسىز جاڭالاپ، رايونىمىزدىڭ ءبىرىنشى ماۋسىمداعى ساۋداگەر شاقىرىپ قارجى ەنگىزگەن نىساندارىنىڭ قول قويىسقان سوماسىن ۇزدىكسىز ورنىقتى ارتتىرىپ، جۇمىستى ءساتتى باستاۋ ارقىلى ”ماۋسىم سايىن ءساتتى بولۋىنا“ جەتەكشىلىك ەتىپ، ”تۇتاس جىل بويىنشا ءساتتى بولۋىن“ جۇزەگە اسىرۋعا كۇش سالامىز.
