□ انار بۇلت / شينجياڭ گازەتىنىڭ تىلشىلەرى
”قىسقى وليمپيادا سپورت جارىسى باستالعاننان قازىرگە دەيىن ءار رەتكى ماڭىزدى جارىستاردىڭ تىكە تاراتىلىمىن قالدىرماي كورىپ كەلەمىن. ءار ەلدىڭ سپورت ساڭلاقتارى ارمان ءۇشىن قۇلشىنعان ساتتەردەن تەرەڭ اسەر الدىم“، - دەدى 2 - ايدىڭ 10 - كۇنى كەريا اۋدانى كوكيار اۋىلى باش اگىلە قىستاعىنداعى اۋىلىنا قايتىپ كەلگەن داشۋە وقۋشىسى نۇسىراتگۇل ءماتسايدي.
بەيجيڭ قىسقى وليمپيادا سپورت جارىسى باستالعاننان بەرى ءار الۋان قيمىلدار مەن جارىستار رايونىمىزداعى ءار ۇلت بۇقاراسىنىڭ كەڭ كولەمدە نازارىن اۋدارىپ، قىزۋ تالقىلايتىن تاقىرىپقا اينالىپ قانا قالماستان، ونان دا ماڭىزدىسى، كوپشىلىكتىڭ ”قار - مۇزعا“ دەگەن قىزۋ ىنتاسىن اسىردى.
وتان، مەن سەنى ماقتانىش ەتەمىن
بەيجيڭ قىسقى وليمپيادا سپورت جارىسىنىڭ باستالۋ سالتىن تىلگە العاندا، 63 جاستاعى تىلەۋقان يماماز توتەنشە تەبىرەندى. تىلەۋقان باركول قازاق اۆتونوميالى اۋدانى شىرىنزى اۋىلى كوكقونىس قىستاعىنىڭ مالشىسى. ول: ”سول كۇنى بۇكىل وتباسىمىزداعىلار ەرتە جارىقتا تەلەۆيزوردىڭ الدىنا جينالىپ، باستالۋ سالتىن كۇتتىك. باستالۋ سالتى توتەنشە تارتىمدى بولدى، اسىرەسە، جۇڭگو سىپورتشىلارى الاڭعا كىرگەن ساتتە، مەن شىنىمەن - اق توتەنشە ماقتانىش سەزىمگە بولەندىم“، - دەيدى.
تىلەۋقاننىڭ نەمەرە قىزى ۇلان ومىربەك تولىق ورتا 3 - جىلدىعىنىڭ وقۋشىسى. ول: ”بەيجيڭ قىسقى وليمپيادا سپورت جارىسىنىڭ باستالۋ سالتى توتەنشە تارتىمدى ءارى جان تەبىرەنتەرلىك بولدى. دىلنيگار يىلھامجان اپەكەمىزدىڭ ەڭ سوڭعى الاۋگەر بولىپ نەگىزگى الاۋدى ’تۇتاندىرعاندىعىن‘ كورگەندە مەن ەرەكشە تەبىرەندىم، ول ءبىزدىڭ شينجياڭدىقتاردىڭ ماقتانىشى!“، - دەدى.
تالاي كۇننەن بەرى ”بەيجيڭ قىسقى وليمپيادا سپورت جارىسى“ التاي ايماعىنداعى ءار ۇلت بۇقاراسىنىڭ قىزۋ تالقى تاقىرىبىنا اينالدى. ”بەيجيڭ قىسقى وليمپيادا سپورت جارىسى، شىنىمەن دە كەرەمەت دەنە تاربيە سالتاناتى بولدى، ول جۇڭگونىڭ سەنىمىن، جۇڭگونىڭ كۇش - قۋاتىن ايگىلەدى، ءاربىر جۇڭگولىقتىڭ وسى ءۇشىن ماقتانۋىنا تاتيدى“! - دەدى كوكتوعاي اۋدانىنىڭ تۇرعىنى ۋاڭ مين.
جۇڭگو ساڭلاقتارىنا الاقايلاپ دەم بەردى
قىسقى وليمپيادا سپورت جارىسى الاڭىندا جۇڭگو ساڭلاقتارىنىڭ ءار رەتكى ايانباي سايىسۋى تۇگەلدەي ءار ۇلت بۇقاراسىنىڭ جۇرەگىن تەبىرەنتۋدە.
”بۇگىن ءبىزدىڭ قۇرامانىڭ بارلىق مۇشەسى دالالىق قار شاڭعى ءتۇرى بويىنشا جەكەلەردىڭ قىسقا ارالىققا سىرعاناۋ جارىسىن توپتىق كورىپ، جۇڭگو ساڭلاقتارىنىڭ تارتىمدى بەينەسىن تاماشالادى، كوپشىلىك توتەنشە تەبىرەندى“. 2 - ايدىڭ 8 - كۇنى التاي قالاسىندا قىسقى توپتىق جاتتىعۋعا قاتىناسىپ جاتقان شينجياڭ دالالىق قار شاڭعى قۇراماسىنىڭ باستىعى قۇشتار بۇرلىبەك: ”ءبىز دە بولاشاقتا قىسقى وليمپيادا سپورت جارىسىنا قاتىناسۋ ورايىنا يە بولىپ، وتان ءۇشىن داڭق اپەرسەك دەپ ارماندايمىز. جۇڭگونىڭ قىسقى وليمپيادا سپورت جارىسىنداعى ساڭلاقتارىنىڭ الاڭدا توپ جارۋىن شىن جۇرەكتەن تىلەيمىز“، - دەدى.
سول كۇنى حوتان قالالىق 1 - باستاۋىش مەكتەپ 6 - جىلدىعىنىڭ وقۋشىسى نۇرزات ءنۇرالي قىسقى وليمپيادا سپورت جارىسىنداعى ايەلدەردىڭ شاڭعىمەن ۇلكەن تۇعىردان ەركىن سىرعاناۋ ءتۇرىنىڭ شەشۋشى جارىسىن كورە وتىرىپ، اكە - شەشەسىنىڭ ءتۇسىندىرۋىن تىڭدادى. ”اناۋ دەگەنىڭىز قيىندىعى توتەنشە جوعارى ارەكەت“! ەكراننان جۇڭگو شەبەرى گۋ ايليڭنىڭ تاماشا بەينەسىن كورگەندە، نۇرزاتتىڭ قۋانىشى قوينىنا سيماي: ”گۋ ايليڭ اپەكەم التىن مەدال الدى، ول جارايدى ەكەن. جۇڭگولىق سپورتشىلاردىڭ بارلىعى كەرەمەت، مەن ولاردان ۇيرەنەمىن“، - دەدى.
”قىسقى وليمپيادا سپورت جارىسى باستالاردان بۇرىن، مەن ينتەرنەتتەن جۇڭگو قۇراماسىنىڭ جارىسقا قاتىناسۋ ۋاقىت كەستەسىن كورىپ العانمىن، جۇڭگولىق سپورتشىلاردىڭ جارىس الاڭىنداعى كەرەمەت ويىندارىنىڭ بىردە - بىرەۋىن قالدىرماي كوردىم“. كورلا سالت - سانا، مادەنيەت مۇراجايىنىڭ ورىنباسار باستىعى بايىنساسكە قۋانا: ”ءبىز ءۇي ىشىمىزبەن ءار كۇنى جۇڭگو ساڭلاقتارىنا قايراتتان دەپ دەم بەرەمىز“، - دەدى.
”جۇڭگولىق سپورتشىلاردىڭ ەرجۇرەكتىلىكپەن ايانباي سايىسىپ، وتانعا داڭق اپەرۋى ءبىز جاستاردىڭ ۇيرەنۋ ۇلگىمىز. ولاردىڭ قيان - كەسكى جارىستا قيىندىققا قارسى اتتانىپ، بەلدەسۋدەن قايمىقپاعانى ادامدى ءتانتى ەتەدى. ولار كوپشىلىككە مول وڭ ەنەرگيا سيلادى“، - دەدى كۇنەس اۋدانى نارات قالاشىعى اراسان قىستاعىنىڭ تۇرعىنى تابىس ىدىرىس.
”قار - مۇزعا“ دەگەن قىزۋ ىنتا ونان ارى كۇشەيدى
بەيجيڭ قىسقى وليمپيادا سپورت جارىسى بەينە كاتاليزاتور ىسپەتتى رايونىمىزداعى ءار ۇلت بۇقاراسىنىڭ قار - مۇز دەنە تاربيە قيمىلدارىنا قاتىناسۋ قىزۋ ىنتاسىن جالىنداتتى.
قالا، اۋىل تۇرعىندارى بەيجيڭ قىسقى وليمپيادا سپورت جارىسىنا كەڭ كولەمدى نازار اۋدارعاندىقتان، ”وتتى القاپ“ اتانعان تۇرپان قالاسى ءارقايسى ساياحات كورىنىس وڭىرلەرىندە، دەمالىس ورىندارىندا كوپتەگەن قار - مۇز ويىن تۇرلەرىن شىعاردى. ەندى عانا وتكەن كوكتەم مەرەكەسىنىڭ دەمالىسىندا تۇرپان قالاسى ايدىنكول كورىنىس ءوڭىرى، چينحۇي قار - مۇز تاقىرىپتىق سايران باعى، گاۋچاڭ رايونى حۋايۋانحۋ ساياحات - دەمالىس ورنى مۇز اربا، مۇزدا ارقان تارتۋ، قار - مۇزدا دوپ سوعىستىرۋ سياقتى تۇرلەردى شىعارىپ، قالىڭ ساياحاتشىلاردى باۋرادى.
ءپىشان اۋدانى قۇمتاع قۇمدى ءشول كورىنىس وڭىرىندە ءار الۋان مۇز ءۇستى ويىندارىن ويناۋ ورىندارى ەرەكشە دۋمانعا شومدى. ”جۋىقتان بەرى بەيجيڭ قىسقى وليمپيادا سپورت جارىسىن كورۋمەن بولدىم، مەن مانەرلەپ سىرعاناۋعا توتەنشە قىزىعامىن، ءار مايدان جارىستى تۇگەل كوردىم. بۇگىن وسىندا كەلىپ سىناپ كورەيىن دەدىم“، - دەيدى ءپىشان اۋدانىنىڭ تۇرعىنى مۇيبۇللا ءانۋار.
”ءبىز تەلەۆيزوردان قار - مۇز سپورتى ساڭلاقتارىنىڭ تاماشاسىن كورىپ وتىرمىز، ولار مەيلى مەدال السا دا، الماسا دا، ولاردىڭ قار - مۇز سپورتى جارىس الاڭىنا شىعىپ ەرجۇرەكتىلىكپەن ايانباي سايىسۋى ماداقتاۋعا تاتيدى. مەن ءاربىر قىسقى وليمپيادا سپورت جارىسى ساڭلاقتارىنا قۇرمەت بىلدىرەمىن، ولاردىڭ ايانباي سايىسۋ رۋحىنان ۇيرەنەمىن“، - دەيدى ۇلۇقشات اۋدانى ۇلۇقشات اۋىلى قورعان قىستاعىنىڭ تۇرعىنى تۇردىبەك كەرىم.
”بەيجيڭ قىسقى وليمپيادا سپورت جارىسىنىڭ وتكىزىلۋى ءبىزدىڭ قار - مۇز سپورتىن ىلگەرىلەتۋىمىزدەگى جانە قار - مۇز مادەنيەت - ساياحات تۇرلەرىن اشۋىمىزداعى ءتيىمدى وراي. بۇدان كەيىن ءبىز قار - مۇز سپورتىن زور كۇشپەن جالپىلاستىرىپ، قار - مۇز سپورتىنىڭ بۇقارالىق نەگىزىن بەكەمدەيمىز“، - دەيدى موڭعۇلكۇرە اۋداندىق پارتكوم ۇگىت ءبولىمىنىڭ ۇنەمىلىك ىستەرگە جاۋاپتى ورىنباسار باستىعى لي ۋىن - ۋ.
(ءتىلشى ۋي يۇڭگۇي، قاتىناسقان تىلشىلەر ءپاريزات ابدۇل، جاڭ تيڭ، دۋ جيانحۇي، جاڭ رۇيلين، سۇڭ ۋيگو، ءجازيرا نەسىپبەك، ەرىكتى ءتىلشى يە سۇي)
