داڭقتى ساتكە كۋا بولىپ، كۇرەس جۇرگىزۋ ىنتاسىن تاسقىنداتتى
رايونىمىزداعى ءار ۇلت بۇقاراسى قىسقى وليمپيادا سپورت جارىسىنا قاداعالاي نازار اۋداردى
□ انار بۇلت / شينجياڭ گازەتىنىڭ تىلشىلەرى
بەيجيڭ قىسقى وليمپيادا سپورت جارىسىنىڭ ءتۇرلى جارىستارى قيان - كەسكى جۇرىلۋدە، ءبىر - بىرلەگەن تارتىمدى جارىستار قايسارلىقپەن شايقاساتىن، ماڭگى سەرتتەن تايمايتىن دەنە تاربيە رۋحىن ۇعىندىردى. تاياۋدان بەرى رايونىمىزداعى ءار ۇلت بۇقاراسى قىسقى وليمپيادا سپورت جارىسىنىڭ اشىلۋ سالتى مەن ءتۇرلى جارىس حابارلارىن ءتۇرلى تاسىلدەر ارقىلى تىڭدادى ءارى كوردى، جۇڭگو ساڭلاقتارىنىڭ قايسارلىقپەن شايقاساتىن رۋحى ءاربىر ادامدى جىگەرلەندىرىپ جانە اسەرلەندىرىپ، كوپشىلىكتىڭ كۇرەس جۇرگىزۋ ىنتاسىن تاسقىنداتتى.
2 - ايدىڭ 12 - كۇنى كەشقۇرىم، ءبىر كۇندىك جاتتىعۋلارىن اياقتاتتى، التاي قالاسىندا قىسقى شوعىرلى جاتتىعۋعا قاتىناسىپ جاتقان شينجياڭ دالالىق شاڭعى قۇراماسىنىڭ مۇشەلەرى تەلەۆيزوردى قاۋمالاي وتىرىپ، قىسقى وليمپيادا سپورت جارىستارىن كوردى، القاۋ بىلدىرگەن، دەم بەرگەن داۋىستار تولاس تاپپادى.
”جاقىننان بەرى مەن قىسقى وليمپيادا سپورت جارىستارىنا اركەز نازار اۋدارىپ كەلەمىن، قىسقا ارالىققا تەز سىرعاناۋ ارالاسپا توپتىق كۇش جالعاپ سىرعاناۋ شەشۋشى جارىسىندا جۇڭگو قۇراماسى اعا جۇلدەگەرلىكتى ەنشىلەدى، قاتتى تەبىرەندىم. جۇڭگو ساڭلاقتارىنىڭ بويىنان ’ماڭگى سەرتتەن تايمايتىن، تاباندىلىقپەن جالعاستىراتىن‘ رۋحاني كۇش - قۋاتتى سەزىندىم ءارى سپورتشى بولعان مەنى ءار ۋاقىت: قۇلشىنىستىڭ جەڭىسكە جەتەلەۋى ناعايبىل، الايدا قۇلشىنباساڭ، ءسوز جوق، ناتيجە جوق دەپ ەسكەرتىپ وتىرۋعا شابىتتاندىردى“، - دەدى شينجياڭ دالالىق قار شاڭعى قۇراماسىنىڭ مۇشەسى بوپەناي شاكەن.
بوپەناي بىلاي دەدى: مەنىڭ ۇستاز اپەكەلەرىم دىلنيگار يىلھامجان مەن بايان جالىن وسى كەزەكتى قىسقى وليمپيادا سپورت جارىسىنا قاتىناستى، ولاردىڭ بەينەسى وتە تاماشا بولدى. ”بۇل دا مەنى قۇلشىنا جاتتىعۋعا، دەڭگەيىمدى جوعارىلاتۋعا ىنتالاندىردى، كۇندەردىڭ كۇنىندە جۇڭگو اتىنان وليمپيادا سپورت جارىسىنا قاتىناسىپ، وتانعا داڭق اپەرۋدى ءۇمىت ەتەمىن“.
2 - ايدىڭ 12 - كۇنى كەشتە ءپايزاۋات اۋدانى يىڭىمالى اۋىلى قۇمايرىق قىستاعىنىڭ كادرى ازەتالي تۇرعۇن كورشىلەرىمەن بىرگە بەيجيڭ قىسقى وليمپيادا سپورت جارىسىن كوردى. قىسقى وليمپيادا سپورت جارىسى باستالعاننان بەرى ازەتالي جارىسقا باستان - اياق نازار سالدى. ”مەن جۇڭگو ساڭلاقتارىنىڭ قول جەتكىزگەن ناتيجەلەرىنە ماقتانامىن. مەن جۇڭگو ساڭلاقتارىنىڭ قايسارلىقپەن شايقاساتىن رۋحىنان ۇيرەنىپ، بۇدان كەيىنگى قىزمەتىمە بار ىنتا - پەيىلىممەن كىرىسىپ، اۋىل - قىستاقتى گۇلدەندىرۋگە كۇش - قۋاتىمدى ارنايمىن“، - دەدى ازەتالي.
سول كۇنى ونسۋ اۋداندىق 5 - ورتا مەكتەپ ورتالاۋ ءبىرىنشى جىلدىق وقۋشىسى ءساليما الىم ۇيىندە وتىرىپ ”قىسقى وليمپيادا سپورت جارىسىن قۇتتىقتايمىن“ تاقىرىبىنداعى سىزبا گازەت جاسادى. سىزبا گازەتتە ونىڭ قىسقى وليمپيادا سپورت جارىسى سالتاناتىن كورگەننەن كەيىنگى تابىسى مەن اسەرى ايگىلەندى، تاعى سپورتشىلاردىڭ الۋەتتى تۇلعاسىن بەينەلەدى.
”مەن ءار كۇنى ۇيرەنۋدەن سىرت ۋاقىتتا دەرلىك قىسقى وليمپيادا سپورت جارىسىن كورەمىن، ءار جولى جۇڭگو سپورتشىلارىنىڭ وتانعا داڭق اپەرگەنىن كورگەنىمدە بەينە ەمتيحاننان جوعارى ناتيجە العانداي تەبىرەنەمىن. مەن سپورت ساڭلاقتارىنىڭ بيىككە تالپىنعان، جان قيارلىقپەن شايقاسۋعا دايىن تۇراتىن جىگەرىنەن ۇيرەنەمىن، وليمپيادا رۋحىن ءوزىمنىڭ تۇرمىسىممەن جانە ۇيرەنۋىممەن توعىستىرىپ، ەسەيگەن سوڭ وتان ءۇشىن ۇلەس قوسامىن“، - دەدى ءساليما.
ونسۋ اۋداندىق 5 - ورتا مەكتەپتىڭ ورىنباسار مەكتەپ باستىعى ليۋ ۋيۋي تانىستىرىپ بىلاي دەدى: قىسقى كانيكۋلدان بۇرىن مەكتەپ بەيجيڭ قىسقى وليمپيادا سپورت جارىسىن قارسى الۋ قيمىلىن ۇيىمداستىردى، وقۋشىلار ”بولاشاققا بىرگە اتتانايىق“ اتىنداعى قول يشاراتى بيىنە جاتتىقتى. قىسقى وليمپيادا سپورت جارىسىنىڭ شىمىلدىعى اشىلعاننان كەيىن، مەكتەپ وقۋشىلارعا قىسقى وليمپيادا سپورت جارىسىنا نازار اۋدارۋدى ءارى سىزبا گازەت شىعارۋدى تاپسىردى. وقۋشىلار توتەنشە بەلسەندىلىك تانىتتى، ءىشىنارا وقۋشىلار، اۋەلى، ونسۋ اۋدانىنىڭ مول قار - مۇز بايلىعىمەن بىرلەستىرىپ، قار شاڭعى الاڭىنا بارىپ قار - مۇز سپورتىن سەزىنىپ، ءىس جۇزىندىك ارەكەتتەرى ارقىلى وليمپيادا سپورت ساڭلاقتارىن جىگەرلەندىردى.
تەكەس اۋداندىق جوعارى دارەجەلى ورتا مەكتەبىنىڭ دەنە تاربيە وقىتۋشىسى نۇرلان نۇربەكتىڭ دەنە تاربيە وقىتۋى قىزمەتىمەن شۇعىلدانعانىنا 8 جىل بولعان. ول بەيجيڭ قىسقى وليمپيادا سپورت جارىسىنا ءار كۇنى نازار اۋدارۋمەن بولدى. ”جۇڭگو ساڭلاعى گاۋ تيڭيۇي ەرلەردىڭ مۇزدا تەز سىرعاناۋ 500 مەترلىك جارىس ءتۇرىنىڭ وليمپيادا سپورت جارىسى رەكوردىن جاڭالاپ، التىن مەدال ەنشىلەپ، بويىمداعى ىستىق قانىمدى تاسقىنداتتى“، - دەدى نۇرلان، - ”سپورتشىلاردىڭ قايسارلىقپەن شايقاساتىن رۋحى ءبىزدى اسەرلەندىردى، ءبىز دە بەيجيڭ قىسقى وليمپيادا سپورت جارىسىن وراي ەتىپ، وقۋشىلار قۋانا قابىلدايتىن دەنە تاربيە قيمىلىن كەڭ كولەمدى ورىستەتىپ، وليمپيادا رۋحىن ساباقحانا وقىتۋىمەن توعىستىرىپ، جاستىق كوكتەمىمىزدى زايا جىبەرمەي، بولاشاققا بىرگە اتتانامىز“.
(ءتىلشى شيا چيڭ، قاتىناسقان تىلشىلەر جاڭ تيڭ، حان چينيان، ءجازيرا نەسىپبەك، جاڭ جىلي)
