ما شيڭرۇي بۇراتالا موڭعۇل اۆتونوميالى وبلىسىندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
ەسىك اشۋدى تەرەڭدەتىپ، جاسىل ەكولوگيانى الدىڭعى ورىنعا قويۋعا تاباندى بولىپ، شەكارا بويىنداعى قالا ەرەكشەلىگىندەگى جوعارى ساپالى دامۋ جولىمەن ءجۇرۋ كەرەك
ەركىن تۇنياز بىرگە تەكسەرۋ - زەرتتەۋ جۇرگىزدى
2 - ايدىڭ 12 - كۇنىنەن 13 - كۇنىنە دەيىن اۆتونوميالى رايوندىق پارتكومنىڭ شۋجيى ما شيڭرۇي بۇراتالا موڭعۇل اۆتونوميالى وبلىسىندا تەكسەرۋ - زەرتتەۋ جۇرگىزدى. سۋرەتتە: 2 - ايدىڭ 13 - كۇنى ما شيڭرۇي اراسان اۋدانى بۇراتالا وزەنى مەملەكەتتىك سازدىق باقشاسىنا كەلىپ سازدىقتى قورعاۋ، قالپىنا كەلتىرۋ جاعدايىنان بەرىلگەن مالىمەتتى تىڭدادى.
□ سۋرەتتى انار بۇلت / شينجياڭ گازەتىنىڭ ءتىلشىسى سۇي جىجيان تۇسىرگەن
انار بۇلت / شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 2 - ايدىڭ 13 - كۇنى بۇراتالادان حابارلايدى. اۆتونوميالى رايوندىق پارتكومنىڭ شۋجيى ما شيڭرۇي 2 - ايدىڭ 12 - كۇنىنەن 13 - كۇنىنە دەيىن بۇراتالا موڭعۇل اۆتونوميالى وبلىسىندا تەكسەرۋ - زەرتتەۋ جۇرگىزدى. ول بىلاي دەپ باسا دارىپتەدى: باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، ”ەكىنى تۇراقتاندىرۋدى“ قورعاپ، ”ەكىنى قورعاۋدى“ امالياتتا ايگىلەپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، بايلىق باسىمدىعى مەن جەرگىلىكتى ەرەكشەلىكتى تياناق ەتىپ، شەكارا بويى ەسىك اشۋ سەلبەستىگىن كۇشەيتىپ، جىبەك جولى ەكونوميكالىق بەلدەۋى وزەكتى رايونىن قۇرۋدى جەدەلدەتىپ، شينجياڭدى مادەنيەتپەن نارلەندىرۋ ينجەنەرياسىن ىشكەرىلەي اتقارىپ، ەكولوگيانى الدىڭعى ورىنعا قويۋعا، جاسىل دامۋعا تاباندى بولىپ، حالىق تۇرمىسىنا تىعىز جاناسا وتىرىپ جوعارى ساپالى دامۋدى ىلگەرىلەتۋ كەرەك. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز بىرگە تەكسەرۋ - زەرتتەۋ جۇرگىزدى.
ما شيڭرۇي الاتاۋ ساعاسى تەمىر جول حالىقارالىق بىرلەسىپ تاسىمالداۋ عيماراتى، شەكارا اتتاعان ەلەكتروندى ساۋدا ۇلكەن ساندى مالىمەت ورتالىعى، كەدەن تەكسەرۋ - ايىرۋ ورتالىعى، مۇناي جەتكىزۋ پۋنكتى جانە جىڭ حالىقارالىق تاس جول - تەمىر جول بىرلەسىپ تاسىمالداۋ ۋنيۆەرسال زات اينالىمى باقشاسى سياقتى جەرلەرگە بارىپ، جۇڭگو - ەۆروپا كەزەكشى پويەزىنىڭ قاتىناۋى، شەكارا وتكەلى ەكونوميكاسىنىڭ دامۋى، كەشەندى قورعامالى باجى اۋماعىنىڭ قۇرىلىسى، جۇمىس جۇرگىزۋى سياقتى جاعدايلاردى ۇعىستى. ول بىلاي دەپ اتاپ كورسەتتى: شەكارا بويى ءوڭىرى رايونىمىزدىڭ سىرتقا ەسىك اشۋداعى ەڭ الدىڭعى شەبى، ءوڭىر ورنى، ساياسات، بايلىق سياقتى باسىمدىقتاردان ويداعىداي پايدالانىپ، جىبەك جولى ەكونوميكالىق بەلدەۋى وزەكتى رايون قۇرىلىسىن ىلگەرىلەتۋدى قوزعاۋشى كۇش ەتىپ، نەگىزدىك قۇرىلعى شارت - جاعدايىن جاپپاي كۇشەيتىپ، شەكارا وتكەلىندە قۋاتتى وبلىس بولۋدى كۇش سالا ىلگەرىلەتىپ، سىرتقا ەسىك اشۋدىڭ دەڭگەيىن جوعارىلاتىپ، اشىق ەكونوميكانىڭ جوعارى ساپالى دامۋىن ىلگەرىلەتىپ، ”ءبىر بەلدەۋ، ءبىر جول“ قۇرىلىسىنا بەلسەندى قىزمەت وتەۋ جانە توعىسۋ كەرەك. شەكارا اتتاعان ساۋدانى اۆتوماتتاندىرۋ، قولايلىلاندىرۋ دەڭگەيىن جەدەل ىلگەرىلەتىپ، شەكارا وتكەلىنەن ءوتۋ ونىمدىلىگىن جوعارىلاتىپ، شەكارا وتكەلىنىڭ شارۋاشىلىق - ساۋدا ورتاسىن ساپالىلاندىرىپ، فاكتور بايلىعىن شوعىرلاندىرۋ قابىلەتىن جانە اكەلىپ مانەرلەۋ، كادەگە جاراتۋ قابىلەتىن اناعۇرلىم جوعارىلاتىپ، سىرتقا باعىتتالعان كاسىپ سالاسىن شوعىرلاندىرۋدى، دامىتۋدى ىلگەرىلەتىپ، شەكارا اتتاعان ەلەكتروندى ساۋداعا قىزمەت وتەۋ جۇيەسى قۇرىلىسىن بار كۇشپەن ىلگەرىلەتىپ، وتكەل ەكونوميكاسىنان ءتۇيىن ەكونوميكاسىنا، كاسىپ سالاسى ەكونوميكاسىنا، وتىرىقتى ەكونوميكاعا قاراي بۇرىلىس جاساۋىن جەدەلدەتۋ كەرەك.
جينشاحى ۇن كاسىبى، جينشينيۇي توقىماشىلىعى، تيانلاي مال شارۋاشىلىعى، جيڭچيشىن الاقات ءوندىرۋ ورنى سياقتى كاسىپورىنداردا ما شيڭرۇي ءوندىرىس سەحىنا بارىپ، كاسىپورىن جاۋاپتىلارىمەن ەگجەي - تەگجەيلى اڭگىمەلەسىپ، ەرەكشە كاسىپ سالاسىن جەتىلدىرۋ، ابزال بايلىقتاردى كادەگە جاراتۋ، بۇقارانى جۇمىستانۋعا باستاۋ سياقتى جاعدايلاردى ۇعىستى. ول بىلاي دەپ باسا دارىپتەدى: كاسىپ سالاسى دامۋدىڭ ءتۇپ نەگىزى، كاسىپ سالالاندىرۋ، كولەمدەندىرۋ، ماركالاندىرۋ سىندى دامۋ جولىمەن باتىل ءجۇرىپ، شينجياڭنىڭ ەرەكشە اۋىل شارۋاشىلىعى قوسىمشا ءونىم بايلىق ابزالدىلىعىن كاسىپ سالاسى ابزالدىلىعىنا، ەكونوميكا ابزالدىلىعىنا اينالدىرىپ، ەگىنشى - مالشىلاردى كاسىپ سالاسىنىڭ ارتقان قۇن پايداسىنان اناعۇرلىم كوپ يگىلىكتەندىرۋ كەرەك. شينجياڭعا كومەكتەسۋ ابزالدىلىعىنان ويداعىداي پايدالانىپ، كاسىپ سالاسىن جوسپارلاۋدى، ۇشتاستىرۋدى كۇشەيتىپ، ساۋداگەر شاقىرىپ قارجى ەنگىزۋ جانە نىسانداردى تياناقتاندىرۋ تەبىنىن ارتتىرىپ، ەرەكشە كاسىپ سالاسى جۇيەسىن جەدەل قۇرىپ، بۇقارانىڭ جۇمىستانىپ كىرىستەرىن ارتتىرۋىنا جانە ەكونوميكانىڭ جوعارى ساپالى دامۋىنا اناعۇرلىم ويداعىداي قىزمەت وتەۋ كەرەك.
ما شيڭرۇي اراسان اۋدانى بۇراتالا وزەنى مەملەكەت سازدىق باقشاسىنا بارىپ، سازدىقتى قورعاۋ، قالپىنا كەلتىرۋ جاعدايىنان بەرىلگەن مالىمەتتى تىڭداپ، سازدىقتىڭ سۋ قاينارى، ەكولوگيانى وڭاۋ، قالا مەن تابيعاتتى توعىستىرۋ سياقتى جاعدايلاردى ۇعىستى. ول بىلاي دەپ اتاپ كورسەتتى: تاۋ، سۋ، ورمان، اتىز، كول، جايلىم، قۇمدى جۇيەلى وڭاۋعا تاباندى بولىپ، قورعاۋدى مىزعىماستان ءبىرىنشى ورىنعا قويىپ، سازدىق ەكولوگياسى مەن سۋ ورتاسىن ەڭ زور كۇشپەن ساقتاۋعا قۇلشىنىپ، سازدىقتىڭ ەكولوگيالىق يقۋاتىن ۇزدىكسىز قورعاپ جانە جوعارىلاتىپ، قالانىڭ ءوندىرىس، تۇرمىس، ەكولوگيا كەڭىستىك ورنالاسۋىن ءبىر تۇتاس جوسپارلاپ، سازدىق باقشاسىن ءار ۇلت بۇقاراسى بىرگە يگىلىكتەنەتىن جاسىل جەلەك جامىلعان كەڭىستىككە اينالدىرۋ كەرەك. اراسان اۋداندىق ساياحاتتى جوسپارلاۋ سارايى، بەينيگۋان سارايى سياقتى جەرلەردە ما شيڭرۇي ”بەس ساراي، ءبىر ورتالىق“ قۇرىلىسىنىڭ جۇمىس جۇرگىزۋ جاعدايىنان بەرىلگەن مالىمەتتى تىڭداپ، بىلاي دەپ باسا دارىپتەدى: حالىقتى وزەك ەتۋگە تاباندى بولىپ، نازاردى حالىق بۇقاراسىنىڭ قاجەتىنە شوعىرلاندىرىپ، كاسىپكە قولايلى، قونىسقا جايلى، كوڭىل اشۋعا ىڭعايلى، ساياحاتقا ۇيلەسەتىن تاماشا ورتانى قۇلشىنا جاراتىپ، مادەنيەت ارقىلى ساياحاتتى تۇلعالاپ، ساياحات ارقىلى مادەنيەتتى ايگىلەپ، بۇقارالىق مادەنيەت قيمىلدارىن بار كۇشپەن دامىتىپ، ءار ۇلت حالقى ءۇشىن اناعۇرلىم باقىتتى تاماشا تۇرمىس جاراتۋعا قۇلشىنۋ كەرەك.
ما شيڭرۇي اراسان اۋدانى زالىمتى اۋىلى بوگدۇر قىستاعىنا بارىپ، نەگىزگى ساتىداعى كادرلارمەن جانە بۇقارامەن ىقىلاستى اڭگىمەلەسىپ، اۋىل - قىستاقتى گۇلدەندىرۋ، قالا مەن اۋىلدى توعىستىرا دامىتۋ، ەرەكشە قىستاق قۇرىلىسى سياقتى جاعدايلاردى ۇعىستى. ول بىلاي دەپ باسا دارىپتەدى: اۋىل - قىستاقتىڭ ەرەكشە بايلىعىن تەرەڭدەي قازىپ جانە ويداعىداي پايدالانىپ، ەرەكشە كاسىپ سالاسىن جەرگىلىكتى جاعدايعا قاراي دامىتىپ، ءار ۇلت بۇقاراسىن اۋىل - قىستاق كاسىپ سالاسىنىڭ توعىسا دامۋىنا ىشكەرىلەي ات سالىسۋعا باستاپ، كىرىستى ارتتىرۋ ارناسىن ۇزدىكسىز كەڭەيتىپ، ءوندىرىس، تۇرمىس شارت - جاعدايىن جاقسارتىپ، اۋىل - قىستاقتى جاپپاي گۇلدەندىرۋ، قالا مەن اۋىلدىڭ توعىسا دامۋى الا كەلگەن پايدادان شىنايى يگىلىكتەندىرۋ كەرەك.
بەيجيڭ قىسقى وليمپيادا سپورت جارىسىنىڭ تابىستى وتكىزىلۋىن ارقاۋ ەتكەن قىس مەزگىلىندەگى سايرام كولىنىڭ كوركى وزگەشە بولىپ، قار - مۇز ساياحاتىنىڭ قىزۋ ورلەۋى باسىلمادى. ما شيڭرۇي سايرام كولى كورىنىس وڭىرىنە بارىپ، ەرەكشە ساياحات كاسىبىنىڭ دامۋى، مادەنيەت پەن ساياحاتتىڭ توعىسۋى، قار - مۇز ەكونوميكاسى، ەگىنشى - مالشىلاردى كىرىستى ارتتىرۋعا باستاۋ سياقتى جاعدايلاردى ۇعىستى. ول بىلاي دەپ اتاپ كورسەتتى: ەلىمىزدىڭ بەيجيڭ قىسقى وليمپيادا سپورت جارىسىن، قىسقى مۇگەدەكتەر وليمپيادا سپورت جارىسىن تابىستى وتكىزۋ ماڭىزدى ورايىن مىقتاپ يگەرىپ، ساياحات ارقىلى شينجياڭدى گۇلدەندىرۋ ستراتەگياسىن كۇش سالا اتقارىپ، قار - مۇز سپورتىن، قار - مۇز ەكونوميكاسىن بەلسەنە دامىتىپ، ساياحاتتىڭ كۇيى مەن فورماسىن ۇزدىكسىز بايىتىپ، مادەنيەت پەن ساياحاتتىڭ تەرەڭدەي توعىسا دامۋىن ىلگەرىلەتۋ كەرەك.
ما شيڭرۇي تاعى بۇراتالا وبلىستىق مۇراجايدى ەكسكۋرسيالاپ، جەرگىلىكتى ورىننىڭ تاريحي مادەنيەت، ءار ۇلتتىڭ ارالاسۋ، ىشتەسۋ، توعىسۋ، جەر جايى مەن جۇرت سالتى سياقتى احۋالداردى تاپتەشتەي ۇعىستى. ول بىلاي دەپ باسا دارىپتەدى: شينجياڭدى مادەنيەتپەن نارلەندىرۋ ينجەنەرياسىن ىشكەرىلەي اتقارىپ، جۇڭحۋا ۇلتى ورتاق تۇلعا تاريحىن، جۇڭحۋا ۇلتىنىڭ كوپ نەگىزدى، ءبىر تۇلعالى جۇلگەسىن زەرتتەۋدى كۇشەيتىپ، مادەنيەت مۇرالارىن ويداعىداي قورعاپ، ويداعىداي جالعاستىرىپ، ويداعىداي پايدالانىپ، ءار ۇلت كادر - بۇقاراسىن ءبىزدىڭ كەڭ - بايتاق جەر - سۋىمىزدى ءار ۇلتتىڭ بىرگە اشقاندىعىن، ۇزاق تاريحتى ءار ۇلتتىڭ بىرگە جازعاندىعىن، شۇعىلالى مادەنيەتتى ءار ۇلتتىڭ بىرگە جاراتقاندىعىن، ۇلى رۋحتى ءار ۇلتتىڭ بىرگە جەتىلدىرگەندىگىن تەرەڭدەي تۇسىنۋگە تاربيەلەپ، جەتەكتەپ، جۇڭحۋا ۇلتى ورتاق تۇلعا تانىمىنىڭ جۇرەكتىڭ تەرەڭ تۇكپىرىنە تامىر تارتۋىنا مۇمكىندىك جاساۋ كەرەك.
اۆتونوميالى رايوننىڭ باسشىلارىنان قادەن كابەن قاتارلىلار تەكسەرۋ - زەرتتەۋگە قاتىناستى.
