— ”وندى ايقىنداۋدىڭ“ ماركسيزمنىڭ جۇڭگوشالانۋىنىڭ تىڭ سەكىرۋىن ايگىلەگەندىگىنە شولۋ (1)
□ شينحۋا اگەنتتىگىنىڭ تىلشىلەرى لين حۇي، حۋ حاۋ، ديڭ شياۋشي، گاۋ لەي
رەداكتور ەسكەرتپەسى
شي جينپيڭ جاڭا ءداۋىر جۇڭگوشا سوتسياليزم يدەياسى − زامانىمىزداعى جۇڭگو ماركسيزمى، 21 - عاسىر ماركسيزمى، جۇڭحۋا مادەنيەتى مەن جۇڭگو رۋحىنىڭ داۋىرلىك جاۋھارى، ماركسيزمنىڭ جۇڭگوشالانۋىنىڭ تىڭ سەكىرۋىن جۇزەگە اسىردى.
پارتيا 19 - كەزەكتى ورتالىق كوميتەتى التىنشى جالپى ءماجىلىسى «جۇڭگو كوممۋنيستىك پارتياسى ورتالىق كوميتەتىنىڭ پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرى تۋرالى قارارىن» قاراپ ماقۇلداپ، ”وندى ايقىنداۋ“ ارقىلى شي جينپيڭ جاڭا ءداۋىر جۇڭگوشا سوتسياليزم يدەياسىنىڭ وزەكتى مازمۇنىنا جۇيەلى تۇجىرىم جاسادى. 2 - ايدىڭ 13 - كۇنىنەن باستاپ، شينحۋا اگەنتتىگى ”’وندى ايقىنداۋ‘ جونىندەگى تىزبەكتى سۇحبات“ اتتى ۇلاسپالى شولۋدى ارت - ارتىنان تاراتىپ، ”وندى ايقىنداۋدىڭ“ رۋحاني ءمانى مەن باي ىشكى مازمۇنىن ىشكەرىلەي بايىمداپ، شي جينپيڭ جاڭا ءداۋىر جۇڭگوشا سوتسياليزم يدەياسىندا قامتىلعان ءتول جاسامپازدىق سيپاتتى ۇلەستى جالپى بەتتىك ايگىلەيدى.
100 جىلدىق تاريحي اۋمالى - توكپەلى جاعدايدى باستان وتكەرگەن ءبىر اقيقات بولاشاققا مىنانى اڭداتتى: جۇڭگو كوممۋنيستىك پارتياسى بولماسا، جاڭا جۇڭگو بولماق ەمەس، جۇڭحۋا ۇلتىنىڭ ۇلى گۇلدەنۋى بولماق ەمەس.
«جۇڭگو كوممۋنيستىك پارتياسى ورتالىق كوميتەتىنىڭ پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرى تۋرالى قارار» شي جينپيڭ جاڭا ءداۋىر جۇڭگوشا سوتسياليزم يدەياسىنىڭ وزەكتى ءمانىن جۇيەلى قورىتىندىلاپ، پارتيانىڭ باسشىلىعىنداعى ”وندى ايقىنداۋدا“ الدىڭعى ورىنعا قويدى ——
جۇڭگوشا سوتسياليزمنىڭ ەڭ ماندىك ەرەكشەلىگى − جۇڭگو كوممۋنيستىك پارتياسىنىڭ باسشىلىعى، جۇڭگوشا سوتسياليزم ءتۇزىمىنىڭ ەڭ ۇلكەن ابزالدىلىعى − جۇڭگو كوممۋنيستىك پارتياسىنىڭ باسشىلىعى، جۇڭگو كوممۋنيستىك پارتياسى − ەڭ جوعارى ساياسي باسشىلىق كۇش، بۇكىل پارتيا، ءسوز جوق، ”ءتورت تانىمدى“ كۇشەيتۋ، ”ءتورت سەنىمدى“ بەكەمدەۋ، ”ەكىنى قورعاۋدى“ ورىنداۋ كەرەك.
وسى ءبىر كەلەلى تۇجىرىم پارتيانىڭ باسشىلىعى مەن جۇڭگوشا سوتسياليزمنىڭ ءوزارا قاتىناسىن تەرەڭ اشىپ كورسەتتى، پارتيامىزدىڭ ماركسيزمدىك پارتيا قۇرۋ ءىلىمى جانە سوتسياليزمنىڭ دامۋ زاڭدىلىعى جونىندەگى تانىمىنىڭ جاڭا بيىك دەڭگەيگە جەتكەندىگىن كورسەتتى.
بوران - شاشىندا اسقار تاۋداي مىزعىماي تۇرىپ، ارقا سۇيەر تىرەك بولدى.
پارتيانىڭ جالپى بەتتىك باسشىلىعىنا تاباندى بولۋدان جانە ونى كۇشەيتۋدەن تيتتەي دە مىزعىماعان ايبىندى جۇڭگو ءنومىرلى الىپ كەمە حاۋىپ - قاتەر مەن سىن - سايىس اتاۋلىعا توتەپ بەرەتىن بەرىك سەنىم مەن قۋاتتى ارىنعا يە بولدى.
”پارتيا ورتالىق كوميتەتى ورتاداعى قولباسشىلىق شاتىرىنداعى ’باس قولباسشى‘، سوعىس ارباسى، ات، زەڭبىرەكتەردىڭ ءارقايسىسى ءوز ارتىقشىلىعىن ساۋلەلەندىرەدى، ءبىر شاحمات تاسىنىڭ جالپ-ى جاعدايى ايقىن“
2022 - جىلى 1 - ايدىڭ 6 - كۇنى، بەيجيڭ جۇڭنانحاي.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى كوميتەتى تۇتاس كۇن بويى ءماجىلىس اشتى، باس شۋجي شي جينپيڭ باسقارىپ، مەملەكەتتىك حالىق قۇرىلتايى تۇراقتى كوميتەتى، مەملەكەتتىك كەڭەس، مەملەكەتتىك ساياسي كەڭەس، ەڭ جوعارى حالىق سوتى مەكەمەسى، ەڭ جوعارى حالىق پروكۋراتۋراسى پارتيا باسشىلىق گرۋپپالارىنىڭ قىزمەت مالىمەتىن تىڭدادى، ورتالىق كوميتەت شۋجيچۋىنىڭ قىزمەت بايانداماسىن تىڭدادى.
تاياۋ جىلداردان بەرى پارتيا ورتالىق كوميتەتىنىڭ ”بەس ۇلكەن باسشىلىق القاسىنىڭ“ قىزمەت مالىمەتى مەن ورتالىق كوميتەت شۋجيچۋىنىڭ قىزمەت بايانداماسىن ءار جىلى تىڭداۋى پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىن كۇشەيتۋدىڭ جانە قورعاۋدىڭ ماڭىزدى تۇزىمدىك ورنالاستىرۋىنا الدەقاشان اينالدى.
پارتيانىڭ باسشىلىق ۇقىق ماسەلەسى ماركسيزمنىڭ پارتيا قۇرۋ ءىلىمىنىڭ كەلەلى ماسەلەسى. ىلگەرى ءبىر مەزەت ۋاقىتتا پارتيا ىشىندە پارتيا باسشىلىعىنا تاباندى بولۋدا تانىم كۇڭگىرت بولۋ، ارەكەت جەتكىلىكتى بولماۋ، پارتيا باسشىلىعى السىرەۋ، كولگىرسۋ، سولعىنداۋ، شەتتەلۋ سياقتى ماسەلەلەر ورىن تەپتى. باس شۋجي شي جينپيڭ ماركسيزمدىك ساياساتكەردىڭ تاريحي سانالىلىعى جانە ۇلى جوسپار ارقىلى توركىنىن تۇزەپ، قاينارىن الاستاپ، بۇلجىماس كەسىم جاسادى.
”پارتيانىڭ باسشىلىعىن، ءسوز جوق، كۇشەيتىپ جانە جاقسارتىپ، پارتيانىڭ جالپى جاعدايدى تۇگەل مەڭگەرەتىن، ءار جاقتى سايكەستىرەتىن باسشىلىق ۇيتقى رولىن تولىق ساۋلەلەندىرۋ كەرەك“.
2012 - جىلى 11 - ايدىڭ 17 - كۇنى ەندى عانا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى بولىپ سايلانعان شي جينپيڭ 18 - كەزەكتى ورتالىق كوميتەتى ساياسي بيۋروسىنىڭ 1 - رەتكى توپتىق ۇيرەنۋىن باسقارعاندا پارتيانىڭ باسشىلىعىنا تاباندى بولۋ جونىندە ايقىن تالاپ قويدى.
”پارتيا، ۇكىمەت، ارميا، حالىقتىق قۇرىلىمدار، عىلىم - ءبىلىم سالاسى سياقتى بارلىق سالاعا جانە بارلىق جەرگە پارتيا باسشىلىق ەتەدى“ دەگەندى باسا دارىپتەدى؛
”پارتيانىڭ باسشىلىعىنا تاباندى بولۋ جانە ونى كەمەلدەندىرۋ − پارتيا مەن مەملەكەتتىڭ ءتۇبىرلى تياناعى، جان جۇيەسى، بۇكىل ەلدەگى ءار ۇلت حالقىنىڭ مۇددە ارقاۋى، باقىت ارقاۋى“ دەگەندى العا قويدى؛
”پارتيانىڭ باسشىلىعى، ءسوز جوق، جالپى بەتتىك، جۇيەلى، تۇتاس تۇلعالى بولۋى، ءسوز جوق، ەكونوميكالىق قۇرىلىس، ساياسي قۇرىلىس، مادەنيەت قۇرىلىسى، قوعامدىق قۇرىلىس، ەكولوگيالىق وركەنيەت قۇرىلىسى جانە مەملەكەت قورعانىس ارمياسى، وتاندى بىرلىككە كەلتىرۋ، ديپلوماتيالىق قىزمەت، پارتيا قۇرىلىسى سياقتى ءار جاقتان ايگىلەنۋى كەرەك“ دەپ اتاپ كورسەتتى؛
”پارتيانىڭ بارلىق قىزمەتكە باسشىلىعىن كۇشەيتۋ تالابى مانەرسىز، ابستراكتتى بولماۋى، ءار جاقتا، ءار بۋىندا تياناقتانۋى جانە ايگىلەنۋى كەرەك“ دەگەندى ايقىندادى؛
...
جۇڭگو كوممۋنيستىك پارتياسىنىڭ بيلىك جۇرگىزۋ تاجىريبەسىن تەرەڭدەي قورىتىندىلاۋ نەگىزىندە، باس شۋجي شي جينپيڭ تۇڭعىش رەت پارتيانىڭ باسشىلىعى تۇرعىسىنان جۇڭگوشا سوتسياليزمنىڭ ماندىك ۇيعارىم سيپاتىن بايانداپ، پارتيا باسشىلىعىنىڭ ماڭىزدى ءمانى مەن نەگىزگى تالابىن جاسامپازدىقپەن ەگجەي - تەگجەيلى ءتۇسىندىرىپ، ماركسيزمدىك پارتيا قۇرۋ ءىلىمىن تىڭ بەلەسكە كوتەردى.
2017 - جىلى قوڭىر كۇزدە جۇڭگو كوممۋنيستىك پارتياسى مەملەكەتتىك 19 - قۇرىلتايىندا ”جۇڭگو كوممۋنيستىك پارتياسىنىڭ باسشىلىعى − جۇڭگوشا سوتسياليزمنىڭ ەڭ ماندىك ەرەكشەلىگى، جۇڭگوشا سوتسياليزم ءتۇزىمىنىڭ ەڭ ۇلكەن ابزالدىلىعى“ دەگەن وسى كەلەلى تۇجىرىم پارتيا ۋستاۆىنا ەنگىزىلدى. ”جۇڭگو كوممۋنيستىك پارتياسىنىڭ باسشىلىعى − جۇڭگوشا سوتسياليزمنىڭ ەڭ ماندىك ەرەكشەلىگى“ ەكىنشى جىلى نەگىزگى زاڭعا جازىلدى.
الدىڭعىلاردىڭ ءىزىن باسىپ، بولاشاققا جول اشقان وسى رەتكى قۇرىلتايدا باس شۋجي شي جينپيڭ ”پارتيانىڭ جالپى بەتتىك باسشىلىعىنا تاباندى بولۋ جانە ونى كۇشەيتۋ“ دەگەندى ايقىن العا قويدى.
”تاباندى بولىپ“ قانا قويماي، تاعى ”كۇشەيتۋ“ كەرەك؛ پارتيانىڭ ”باسشىلىعى“ عانا ەمەس، ونان دا ماڭىزدىسى، پارتيانىڭ ”جالپى بەتتىك باسشىلىعى“ بولۋ كەرەك.
9 جىلدان اسا ۋاقىتتان بەرى ءبىر قىدىرۋ نەگىزدىك، جاسامپازدىق، ستراتەگيالىق شارالار ىركەس - تىركەس شىعارىلىپ، پارتيانىڭ گۇلدەنۋ الىپ كەمەسىنىڭ دۇرىس باعداردى بويلاپ تولقىن جارا العا ىلگەرىلەۋىنە باستان - اياق جەتەكشىلىك ەتۋىنە شىنايى كەپىلدىك ەتتى.
پارتيانىڭ باسشىلىق ءتۇزىمى جۇيەسى ۇزدىكسىز كەمەلدەندى ——
مەملەكەت ءتۇزىمى مەن مەملەكەتتى باسقارۋ جۇيەسىندە پارتيا تۇتاس جۇيە اينالىمىن بەلگىلەيتىن تەتىك بولىپ تابىلادى.
2019 - جىلى 10 - ايدىڭ 31 - كۇنى تۇستەن كەيىن حالىق سارايىندا پارتيا 19 - كەزەكتى ورتالىق كوميتەتىنىڭ ءتورتىنشى جالپى ءماجىلىسى جەڭىسپەن جابىلدى.
جالپى ءماجىلىس ماقۇلداعان «جۇڭگو كوممۋنيستىك پارتياسى ورتالىق كوميتەتىنىڭ جۇڭگوشا سوتسياليزم تۇزىمىنە تاباندى بولۋ جانە ونى كەمەلدەندىرۋ، مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتۋ جونىندەگى ءبىرقانشا كەلەلى ماسەلەلەر تۋرالى قاۋلىسى» پارتيانىڭ باسشىلىق ءتۇزىمىن ەلىمىزدىڭ ءتۇبىرلى باسشىلىق ءتۇزىمى ەتىپ ايقىن تۇراقتاندىردى ءارى ءبىر قىدىرۋ كەلەلى ورنالاستىرۋ جاساپ، مەملەكەتتى باسقارۋدىڭ تەتىگى مەن نەگىزىن مىقتاپ يگەردى.
رەفورمانى جاپپاي تەرەڭدەتۋ، مەملەكەتتى جاپپاي زاڭمەن باسقارۋ، قازىنا، سىرتقى ىستەر قىزمەتى، مەملەكەت حاۋىپسىزدىگى، ينتەرنەت حاۋىپسىزدىگى جانە ينفورماتسيالاندىرۋ... باس شۋجي شي جينپيڭ ورتالىقتىڭ ءبىر قىدىرۋ جوعارى قۇرىلىمدارىنىڭ جاۋاپتىسى بولۋدى ءوز ۇستىنە الىپ، پارتيانىڭ ماڭىزدى قىزمەتتەرگە بولعان باسشىلىعىن جاپپاي كۇشەيتتى.
«پارتيا مەن مەملەكەت قۇرىلىمدارىنىڭ رەفورماسىن تەرەڭدەتۋ جوباسى» پارتيانىڭ ەڭ جوعارى ساياسي باسشىلىق كۇشى رەتىندەگى بەدەلى مەن رولىن ونان ارى تۇزىمدەندىرۋدى كوزدە ۇستاپ، ون نەشە تاراۋدى رەتتەپ، قايتادان قۇرىپ، ساپالىلاندىرىپ، پارتيا مەن مەملەكەتتىڭ ۇيىمدىق قۇرىلىمى مەن باسقارۋ تۇزىلىسىندە جۇيەلى، تۇتاس تۇلعالىق قايتا تۇلعالاۋدى جۇزەگە اسىردى.
ورتالىق كاسىپورىن توپتارىنىڭ ”پارتيا قۇرىلىسىن ەرەجەگە ەنگىزۋىن“ جاپپاي ورىندادى، جوعارى مەكتەپ پارتكومدارىنىڭ باسشىلىعىنداعى مەكتەپ باستىعى جاۋاپتى بولۋ ءتۇزىمىن ۇزدىكسىز اقاۋسىزداندىردى، ۇكىمەتتىك ورتا، باستاۋىش مەكتەپ، شيپاحانا، عىلمي زەرتتەۋ مەكەمە، ورنى پارتيا ۇيىمى باسشىلىعىنداعى مەكتەپ (مەكەمە، ورىن) باستىعى جاۋاپتى بولۋ ءتۇزىمىن بىرتىندەپ جۇزەگە اسىردى... پارتيانىڭ باسشىلىعىن ءار سالانىڭ، ءار جاقتىڭ قىزمەتىندە دايەكتىلەندىرىپ جانە ونىمەن توعىستىرىپ، پارتيانىڭ باسشىلىق ءتۇزىمىنىڭ جان - جاقتىلانۋىن، ناقتىلانۋىن ىلگەرىلەتىپ، ناقتاپ تياناقتاندىردى.
پارتيانىڭ باسشىلىق ءتاسىلى اناعۇرلىم عىلمي بولدى ——
2020 - جىلى 8 - ايدا ىشكى موڭعۇل دالات حوشۇنى پۋگبو قىستاعىنىڭ كادرى لي ديانبو ”يۇنفان“ دەگەن توراپ اتپەن ”ءوزارا سەلبەستىك سيپاتىنداعى قارتتاردى كۇتىمدەۋ“ ۇسىنىسىن جازىپ قالدىردى. وسى ۇسىنىس سوڭىنان ”14 - بەسجىلدىق“ جوبانىڭ ۇسىنىستار قاتارىنا ەنگىزىلدى ءارى جوبا باعدارلاماسىنىڭ ناقتى شاراسىنا اينالدى.
اشىق سۇراستىرىلدى، تولىق قارالدى، عىلمي شەشىم جاسالدى... 5 جىلدىق جوبانى دايىنداۋ تاريحىندا تۇڭعىش رەت ”ينتەرنەتتە اقىل - كەڭەس جيناۋ“ ورىستەتىلدى، ”14 - بەسجىلدىق“ جوبانىڭ ۇسىنىستارىن دايىنداۋ قىزمەتى دەموكراتيالىق ورتالىقتاندىرۋدىڭ شىن ءمانىن ۇعىندىردى.
پارتيا باسشىلىعىن سوتسياليستىك دەموكراتيانى ساۋلەلەندىرۋمەن بىرلىككە كەلتىرىپ، جۇڭگو كوممۋنيستىك پارتياسىنىڭ بيلىك جۇرگىزۋىن قالىڭ حالىق بۇقاراسىنىڭ ساياسيعا تارتىپپەن ات سالىسۋىمەن بىرلەستىرىپ، عىلمي بيلىك جۇرگىزۋگە، دەموكراتيالى بيلىك جۇرگىزۋگە، زاڭ بويىنشا بيلىك جۇرگىزۋگە تاباندى بولىپ، پارتيانىڭ باسشىلىق ءتاسىلىن كۇننەن - كۇنگە اقاۋسىزداندىرىپ، پارتيا باسشىلىعىنىڭ ۇزدىكسىز كۇشەيۋىن جانە جاقسارۋىن ىلگەرىلەتتى.
سان تاۋلاردان ايباتى اسقان دەسى مىڭ، ەلدىڭ مىزعىماس تىرەگى بولعان وسى شىڭ.
95 ميلليوننان استام پارتيا مۇشەسى، 4 ميلليون 800 مىڭنان استام نەگىزگى ساتى پارتيا ۇيىمى بار جۇڭگو كوممۋنيستىك پارتياسى پارتيا ورتالىق كوميتەتىنىڭ پارمەندى باسشىلىعىندا، ”بەرىك قۇرىش“ بولىپ ىنتىماقتاسىپ، بىركەلكى قاداممەن العا ىلگەرىلەدى.
شەبەرلىكپەن قولباسشىلىق ەتتى. جاڭا داۋىردەگى جۇڭحۋانىڭ بايتاق دالاسىنا كوز جىبەرسەك، پارتيا ورتالىق كوميتەتى ورتاداعى قولباسشىلىق شاتىردا قولباسشىلىق ەتىپ، سوعىس ارباسى، ات، زەڭبىرەكتەردىڭ ءارقايسىسى ءوز ارتىقشىلىعىن ساۋلەلەندىرگەن جاندى كارتينا بىرتىندەپ كوز الدىعا تارتىلدى.
”پارتيانىڭ باسشىلىعىنا تاباندى بولۋ جانە ونى كەمەلدەندىرۋ − پارتيا مەن مەملەكەتتىڭ ءتۇبىرلى تياناعى، جان جۇيەسى، بۇكىل ەلدەگى ءار ۇلت حالقىنىڭ مۇددە ارقاۋى، باقىت ارقاۋى“
الۋان گۇلدەر شەشەك اتقاندا كوكتەم شۋاعىن بارشا جۇرت بىرگە قۇتتىقتادى، بۇقارا كەدەيلىكتەن ارىلعاندا پارتيانىڭ مەيىرىن ۇنەمى ەسكە الدى − وتتاي قىزىل كوكتەم بوساعالىعى ىرىس قارىن ايشىقتاپ، سانشيدىڭ لينفىنىنىڭ فىنشي اۋدانى سىڭنيان قالاشىعى دۋانسۇن قىستاعىنىڭ تۇرعىنى ساي ۋىنميڭ 2022 - جىلى كوكتەم مەرەكەسى قارساڭىندا قىزمەت تەكسەرە كەلگەن باس شۋجي شي جينپيڭدى قارسى الدى.
اس ۇستەلىندەگى حوش ءيىسى اڭقىعان قىزارتىپ قۋىرىلعان ەت، ۇگىلمەلى ەت، دومالاقتاما ەت، قازانداعى بۋى بۇرقىراعان قوي ەتى، كىلەتتەگى جەتەرلىكتەي استىق، كوكونىس قورى... باس شۋجيگە كەدەيلىكتەن ارىلعاننان كەيىنگى وزگەرىستى ايتقاندا، ساي ۋىنميڭ تەبىرەنىپ بىلاي دەدى: ”ءبىز تاماشا داۋىرگە كەز كەلدىك، بارلىعى كوممۋنيستىك پارتيانىڭ ارقاسى، باس شۋجيدىڭ ارقاسى“.
”كوممۋنيستىك پارتيا حالىق ءۇشىن ءىس ىستەيدى، حالىقتىڭ تۇرمىسىنىڭ كۇن سايىن جاقسارۋىنا، جىلدان - جىلعا جاقسى تۇرمىس كەشىرۋىنە مۇمكىندىك جاسايدى“، - دەدى باس شۋجي.
ۇندەۋ تاستالعاندا، قولداۋشىلار كوپ بولعاندىقتان، وتانىمىزدى قورعاپ قالدىق. تاريحتىڭ تەربەۋىندە جۇڭگو كوممۋنيستىك پارتياسى باستان - اياق ءداۋىردىڭ الدىڭعى لەگىندە ءجۇرىپ، ۇلتتىڭ تىرەگى بولىپ، ءجۇز ميلليونداعان حالىقتى ەكپىندەي ىلگەرىلەۋگە باستايتىن پارمەندى باسشىلىق ۇيتقىعا اينالدى.
پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى جاڭا تاريحي باعىتتى تياناق ەتىپ، دامۋ اۋقىمىن يگەرىپ، ءداۋىر اعىمىن باستاپ، بۇكىل پارتيانى، بۇل ەلدەگى ءار ۇلت حالقىن ىنتىماقتاستىرىپ جانە باستاپ، جۇڭحۋانىڭ بايتاق دالاسىندا جاپپاي دوڭگەلەك داۋلەتتى قوعام ورناتىپ، ءبىرىنشى 100 جىلدىق كۇرەس نىساناسىن جەڭىسپەن جۇزەگە اسىردى، سونداي - اق قولايلى جاعدايدان ۇتىمدى پايدالانىپ جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستادى. 9 جىلدان اسا ۋاقىتتان بەرگى ءتول جاسامپاز يدەيا، توڭكەرىس سيپاتتى اماليات، شەشۋشى ىلگەرىلەۋشىلىكتەر، بەلگى سيپاتتى جەتىستىكتەر جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا اناعۇرلىم كەمەلدى تۇزىمدىك كەپىلدىك، اناعۇرلىم بەرىك زاتتىق نەگىز، اناعۇرلىم ىرىقتى رۋحاني كۇش - قۋات ازىرلەدى.
جۇڭگونىڭ ءىسىن ويداعىداي ىستەۋدىڭ تەتىگى پارتيادا. جۇڭگوشا سوتسياليزم ءتۇزىمىنىڭ كوپ جاقتاردا كورنەكتى ابزالدىلىقتارى بار، مۇنىڭ ىشىندە جۇڭگو كوممۋنيستىك پارتياسىنىڭ باسشىلىعى ەڭ ۇلكەن ابزالدىلىق، باسقا جاقتارداعى ابزالدىلىقتاردىڭ ءومىر ءسۇرۋى مەن رولىن ساۋلەلەندىرۋىنىڭ ءتۇبىرلى كەپىلى.
تاۋدىڭ بيىك بولۋى جوتاسىنان، ءۇيدىڭ بەرىك بولۋى ارقالىعىنان. پارتيانىڭ پارمەندى باسشىلىعى ءبىزدىڭ جاپا - ماشاقات، حاۋىپ - قاتەر، بوگەتتەر الدىنداعى ەڭ بەرىك تىرەگىمىز ——
العاشقى جانعا جايلى كۇن شۋاعى بايتاق دالاعا توگىلگەندە، حيلۇڭجياڭ شاڭشىڭ قىستاعىنىڭ ءبىرىنشى شۋجيى ۋاڭ لۋ تايفىڭ بورانى جايپاپ كەتكەن جۇگەرى اتىزىنا كەلىپ، قىستاق تۇرعىندارىن باستاپ جەردە جاتقان جۇگەرىلەردى ءبىر - بىرلەپ ارشي باستادى؛ گۇيجوۋدىڭ پوتوۋ قىستاعىنىڭ ءبىرىنشى شۋجيى ليۋ گۇڭلي ءۇي بىتكەندى ارالاپ، قونىس جاڭالاپ كەدەيلەردى سۇيەمەلدەۋ بويىنشا كوشىرۋ ساياساتىن ۇگىتتەدى...
كەسكىنگە الۋ بارىسىندا كوزبەن كورگەن ناقتى مىسالداردى اۋىزعا العاندا، «ءبىزدىڭ ءبىرىنشى شۋجي» اتتى كينونىڭ رەجيسسەرى رىن جيە كوزىنە جاس الدى: كەدەيلىكتەن ارىلتۋدان قامال الۋ شايقاسى بارىسىندا ىلگەرىندى - كەيىندى 3 ميلليوننان استام ءبىرىنشى شۋجي مەن قىستاقتا تۇراتىن كادر ءبىرىنشى شەپتە ەرلىكپەن كۇرەس جاسادى، كەيبىرەۋى، ءتىپتى، كۇرەس جاساعان جەرلەرىنە ءومىرىن ارنادى، ”مىنە بۇل جۇڭگو كۇشى“!
بۇيرىق بەرىلىسىمەن جەدەل شايقاسقا اتتاندى. كەدەيلىكتەن ارىلتۋ سىندى عاسىرلىق قيىن تاقىرىپقا بەتپە - بەت كەلگەن جۇڭگو كوممۋنيستىك پارتياسىنىڭ بۇكىل ەلدىڭ جەر - جەرىنە تارالعان نەگىزگى ساتى پارتيا ۇيىمى مەن ءبىرىنشى شۋجيلەرى، قىستاقتا تۇراتىن كادرلار جانە قالىڭ اۋىل - قىستاق كادرلارى جاۋىنگەر قورعاندىق رولدارى مەن اۆانگارد ۇلگىلىك رولدارىن تولىق ساۋلەلەندىرىپ، بۇقارانى باستاپ كەدەيلىكتىڭ ىشىندەگى كەدەيلىكتى جەڭىپ، قامالدىڭ ىشىندەگى قامالدى الدى.
تەك جۇڭگوشا سوتسياليزم تۇزىمىندە عانا كەدەيلىكتەن ارىلتۋدان قامال الۋ جالپى بەتتىك جەڭىسكە قول جەتكىزە الدى؛ تەك جۇڭگو كوممۋنيستىك پارتياسىنىڭ باسشىلىعىندا عانا ءبىز دۇنيە جۇزىندەگى ەشقانداي ساياسي كۇش جاراتا الماعان دۇنيە كەرەمەتتەرىن جاراتا الامىز!
قۇرىشتاي شىڭدالدى، پارتيا تۋى اسقاق جەلبىرەدى. پارتيانىڭ پارمەندى باسشىلىعى ءبىزدىڭ بوران - شاشىنعا تاپ بولعاندا ەڭ سەنىمدى سۇيەنىشىمىز بولۋىنا مۇمكىندىك بەردى.
جيحاي جىلىنىڭ سوڭى مەن گىڭزى جىلىنىڭ باسىندا جاڭا تيپتى ايدارشا ۆيرۋس وكپە قابىنۋ ىندەتى تۇتقيىل تاپ بەردى.
100 جىلدان بەرگى الەمدەگى ەڭ اۋىر بولعان وسى جۇقپالى اۋرۋدىڭ كەڭ تارالۋىنا مەڭزەس، باس شۋجي شي جينپيڭ ءوزى قولباسشىلىق ەتىپ، ءوزى ورنالاستىرىپ، حالىقتى بارىنەن جوعارى قويۋ، ءومىردى بارىنەن جوعارى قويۋ ۇستانىمىنان جازباي، جالپى جاعدايدى سايكەستىرىپ، جوبا - جوسپار جاساپ، بۇكىل ەل حالقىنا باسشىلىق ەتىپ ىندەتتەن ساقتانۋ - تىزگىندەۋدىڭ حالىقتىق شايقاسىن، جالپى تۇلعالىق شايقاسىن، توسقاۋىل شايقاسىن جەدەل باستادى.
ۋحاننان شىعاتىن جولداردى شورت جابۋ، بۇيرىق بەرىلىسىمەن ءۇش ارميا تۇگەل اتتانۋ، بۇكىل پارتيا ارەكەتكە كوشۋ، بۇكىل ەلدى جۇمىلدىرۋ... وسى ايبىنى اسقاق كۇرەس بارىسىندا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىنىڭ ”مىزعىماس تىرەكتىك“ رولى تولىق ايگىلەنىپ، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ اقيقات ۇلى كۇشى تولىق كورنەكتىلەندى.
قيان - كەسكى دە كۇردەلى ”ءتورت ۇلكەن سىناققا“، ”ءتورت ءتۇرلى حاۋىپكە“ توتەپ بەرىپ، پارتيا ستيلى، پاكتىك قۇرىلىسى مەن شىرىكتەسۋگە قارسى تۇرۋ كۇرەسىن بۇرىن بولىپ كورىلمەگەن باتىلدىقپەن جانە تاباندىلىقپەن ىلگەرىلەتىپ، پارتيانى باسقارۋداعى، پارتيانى جونگە سالۋداعى كەڭ، بوس، ءالسىز جاعدايدى تۇبىرىنەن وزگەرتتى؛ شياڭگاڭ اۋقىمىندا ءبىر مەزەت جارىققا شىققان اۋىر جاعداي الدىندا، زامانا اۋقىمىن اڭداپ باتىل شەشىم جاساپ، بىلىقپالىقتان جونگە سالۋعا دەيىنگى كەلەلى بۇرىلىستىڭ جۇزەگە اسۋىن ىلگەرىلەتتى؛ جۇڭحۋا ۇلتىنىڭ ۇلى گۇلدەنۋى سىندى ستراتەگيالىق جالپى جاعدايدى جانە دۇنيە جۇزىندە 100 جىلدا بولماعان ۇلى وزگەرىستى ءبىر تۇتاس جوسپارلاپ، سىرتقى كۇشتەردىڭ سايىستارىنا قيسىندى، ءتيىمدى، لايىقتى توتەپ بەرىپ، ءوز مۇددەمىزدى باتىل قورعادى ...
ۇلى شايقاسقا كوز جىبەرگەن، ۇلى سىناققا قايىرىلا قاراعان ادامدار جۇڭگو كوممۋنيستىك پارتياسىنا ءتان شەكسىز پارمەندى باسشىلىق قۋاتتىڭ بوران - شاشىن بولعاندا جۇڭگو حالقى ارقا سۇيەيتىن ەڭ سەنىمدى سۇيەنىش ەكەندىگىن اناعۇرلىم تەرەڭ سەزىندى.
رولدى مىقتى يگەرىپ، بەتالىستى ايقىنداپ، تولقىن جارا ىلگەرىلەدى. پارتيانىڭ پارمەندى باسشىلىعى ءبىزدىڭ ەكپىندەي ىلگەرىلەۋ بارىسىمىزداعى ەڭ بەكەم ورنىقتىرعىشىمىز بولدى ——
2022 - جىلى 2 - ايدىڭ 4 - كۇنى كەشتە وليمپيادادان اكەلىنگەن وت ۇشقىنى بەيجيڭنىڭ تۇنگى كەڭىستىگىن نۇرلاندىرىپ، بەيجيڭ الەمدەگى تۇڭعىش ”قوس وليمپيادا قالاسىنا“ اينالىپ، ەكپىندەي ىلگەرىلەگەن جۇڭگو بايىرعى وليمپيادامەن تاعى دا قول الىسىپ العا ىلگەرىلەدى.
قىسقى وليمپيادا كەلىسىمى، جۇڭگو ۋادەسى.
بۇل جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان بەرى تۇڭعىش رەت ۋاعىندا وتكىزىلگەن الەمدىك امبەباپ سالتاناتتى دەنە تاربيە جينالىسى، بۇل ”اناعۇرلىم تەز، اناعۇرلىم ورەلى، اناعۇرلىم قۋاتتى − اناعۇرلىم ىنتىماقتى بولۋ“ سىندى وليمپيادا ناقىلىنىڭ تابىستى امالياتى.
”دۇنيە ءجۇزى جۇڭگونى كۇتۋدە، جۇڭگو دايىندالىپ بولدى“.
جۇڭگو ىسكەر، ويتكەنى جۇڭگو كوممۋنيستىك پارتياسى ىسكەر! 100 جىلدىق وزگەرىس پەن عاسىرلىق ىندەت جاعدايى قاباتتاسقان جاعدايدا، قار - مۇز سپورتىنىڭ الاۋىن تۇتاندىرىپ، جۇڭگو كوممۋنيستىك پارتياسىنىڭ كەرەمەت باسقارۋ ونىمدىلىگى مەن تۇزىمدىك ابزالدىلىعىن ايگىلەدى.
جۇڭگو كوممۋنيستىك پارتياسىنىڭ باسشىلىعى سىندى جۇڭگوشا سوتسياليزمنىڭ ەڭ ۇلكەن ابزالدىلىعىن تولىق ساۋلەلەندىرگەن جۇڭحۋانىڭ بايتاق دالاسى الىپ تولقىندار جوڭكىلگەن ايبىنى اسقاق كۇيدە.
”پارتيا ورتالىق كوميتەتىندە، ءسوز جوق، جالپى قۇرمەت تۇتاتىن، بۇلجىماس كەسىم جاسايتىن بەدەل بولۋى كەرەك“
”پارتيا شي جينپيڭ جولداستىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى ورنىن تۇراقتاندىردى، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جەتەكشى ورنىن تۇراقتاندىردى، بۇل بۇكىل پارتيانىڭ، بۇكىل ارميانىڭ، بۇكىل ەلدەگى ءار ۇلت حالقىنىڭ ورتاق تىلەگىن بەينەلەدى، بۇل جاڭا داۋىردەگى پارتيا مەن مەملەكەت ىستەرىن دامىتۋ، جۇڭحۋا ۇلتىنىڭ ۇلى گۇلدەنۋى تاريحي ءۇردىسىن ىلگەرىلەتۋ جونىنەن شەشۋشى مانگە يە“.
پارتيا 19 - كەزەكتى ورتالىق كوميتەتىنىڭ التىنشى جالپى ءماجىلىسى تاريحي قارار فورماسىمەن وسى كەلەلى ساياسي تۇجىرىمدى جاساپ، بۇكىل پارتياعا، بۇكىل ەلگە مىناداي ۇندەۋ تاستادى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسايىق!
اسقار - اسقار تاۋلاردىڭ دا بارىنەن بيىك شىڭى بولادى.
باسشىلىق ۇيتقىنى تۇراقتاندىرۋ جانە قورعاۋ باستان - اياق ماركسيزمنىڭ پارتيا قۇرۋ ءىلىمىنىڭ نەگىزگى كوزقاراسى بولىپ كەلەدى. ماركس پەن ەنگەلستىڭ قاراۋىنشا، جۇمىسشى تابىنىڭ ساياسي پارتياسى ورتالىق كوميتەتپەن بايلانىسىن كۇشەيتپەسە، ”ءوزىنىڭ بىردەن - ءبىر بەرىك تىرەگىنەن“ ايرىلادى؛ لەنيننىڭ كوڭىلىندە ”پارتيانىڭ ورتالىق ورگانى كەڭ كولەمدى ۇقىققا يە بولىپ، پارتيا مۇشەلەرىنىڭ جاپپاي سەنىمىنە يە قۇزىرلى قۇرىلىمعا اينالعاندا عانا“، پارتيا ءوز مىندەتىن اتقارا الادى.
قىزىل وت حۋاشيانىڭ بايتاق دالاسىندا تۇتانعاندا، ادامدار گۇيجوۋدىڭ زۇن - ي شاعىن عيماراتىنداعى ماي شام جارىعىنان، رەفورما جاساپ، ەسىك اشۋدىڭ كوكتەم سامالىنان ۇيتقىعا يە بولعاندا، جەڭىستەن - جەڭىسكە جەتۋدىڭ اسىلىنا يە بولاتىندىعىن انىق تانىپ جەتتى؛ ۇيتقىنى قورعاعاندىق ماركسيزمدىك ساياسي پارتيانىڭ ارتىقشىلىعىن قورعاعاندىق سانالادى.
پارتيا 18 - قۇرىلتايىنان بەرى، باس شۋجي شي جينپيڭ ”مەن وزىممەن ساناسپاي، حالىقتىڭ ءۇمىتىن اقتايمىن“ دەگەن قالتقىسىز ادالدىقپەن جۇڭگو اتتى الىپ كەمەنى باستاپ، قاتەرلى قايراڭداردان ءوتىپ، سۇراپىل تولقىنداردى جەڭىپ، پارتيا مەن مەملەكەت ىستەرىندە تاريحي تابىستارعا قول جەتكىزۋدى، تاريحي وزگەرىستەر تۋدىرۋدى ىلگەرىلەتىپ، ەل قۇرمەتىنە بولەنگەن، اتى - زاتىنا ساي پارتيانىڭ ۇيتقىسىنا، حالىقتىڭ كوسەمىنە، ارميانىڭ قولباسشىسىنا اينالدى.
قازىر جۇڭحۋا ۇلتىنىڭ ۇلى گۇلدەنۋى شەشۋشى كەزەڭگە ءوتتى. نىساناعا نەعۇرلىم جاقىنداعان سايىن، مىندەت نەعۇرلىم جاپالى بولعان سايىن، ”ەكىنى قورعاۋدى“ سولعۇرلىم پارتيانىڭ ەڭ جوعارى ساياسي پرينسيبى جانە ءتۇبىرلى ساياسي قاعيداسى ەتۋ كەرەك.
− ۇيتقىنى قولداۋ، ۇيتقىنى قورعاۋ ءۇشىن، پارتيانىڭ ساياسي قۇرىلىسىن ۇزدىكسىز كۇشەيتۋ كەرەك.
”ماسەلەنى ساياسي جاقتان باقىلاۋعا جانە ءبىر جاقتى ەتۋگە شەبەر بولماۋ“، ”ۇيرەنۋ مەن دايەكتىلەندىرۋ، تياناقتاندىرۋ اراسىنداعى ’ىستىق - سۋىق پارقى‘ ءالى دە ءومىر ءسۇرىپ وتىر“... كوكتەم مەرەكەسىنىڭ الدى - ارتىندا اشىلعان پارتيا تاريحىن ۇيرەنۋ تاربيەسى ارناۋلى تاقىرىپتىق دەموكراتيالىق تۇرمىس جيىندارى ىسكە شىنداپ كىرىسىپ، قيىندىقتان تايسالماي، شىمبايىنا جەتكىزە ايتىپ، كوپتەگەن پارتيالى كادردىڭ بەتىن قىزارتىپ، قارا تەرگە مالشىندىردى.
ساياسي جاقتاعى ىرىقتىلىق ەڭ ءتيىمدى ىرىقتىلىق، ساياسي جاقتاعى ىرىقسىزدىق ەڭ حاۋىپتى ىرىقسىزدىق. پارتيانىڭ ساياسي قۇرىلىسىنىڭ ماڭداي الدى مىندەتى − بۇكىل پارتيانىڭ ورتالىققا بويسۇنۋىنا كەپىلدىك ەتۋ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىنا تاباندى بولۋ، بۇعان ءدۇدامال بولۋعا جانە سولقىلداقتىق جاساۋعا استە بولمايدى.
جاڭا داۋىردەگى جۇڭگوشا سوتسياليزمنىڭ ۇلى امالياتىندا بۇكىل پارتيا جوعارىدان تومەنگە دەيىن باس شۋجي شي جينپيڭنىڭ ۇيتقىلىق ورنىن قورعاۋ پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن قورعاۋ ەكەندىگىن؛ پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن قورعاۋدا، ەڭ اۋەلى، باس شۋجي شي جينپيڭنىڭ ۇيتقىلىق ورنىن قورعاۋ كەرەكتىگىن اناعۇرلىم تەرەڭ تانىپ جەتتى.
− ۇيتقىنى قولداۋ، ۇيتقىنى قورعاۋ ءۇشىن، سانالى تۇردە شي جينپيڭ جاڭا ءداۋىر جۇڭگوشا سوتسياليزم يدەياسىنىڭ باتىل سەنۋشىسى، ادال امالياتتا ايگىلەۋشىسى بولۋ كەرەك.
ءسوزدى تىڭداپ، حۇجاتتى زەر سالا وقىپ، تالقىلاپ، پىكىر اۋىستىردى... قىستىگۇنى تاڭەرتەڭ، ورتالىق پارتيا مەكتەبىنىڭ (مەملەكەتتىك اكىمشىلىك شۋەيۋانى) اۋلاسىنىڭ بارلىق جەرىنەن ۇيرەنۋدىڭ، وي جۇگىرتۋدىڭ، تالپىنۋدىڭ قىزۋ ورلەۋىن سەزىنۋگە بولادى.
2022 - جىلى 1 - ايدىڭ 11 - كۇنىنەن 14 - كۇنىنە دەيىن ولكە، مينيسترلىك دارەجەلى نەگىزگى باسشى كادرلار پارتيانىڭ ەڭ جوعارى وقۋ ورنىندا باس قوسىپ، باس شۋجي شي جينپيڭنىڭ ماڭىزدى ءسوزىنىڭ جانە پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن دەن قويا ۇيرەنىپ، يدەيانى ونان ارى بىرلىككە كەلتىرىپ، بەتالىستى ايقىندادى.
”شەشۋشى ازشىلىقتان“ كىرىسىپ، نازاريامەن قارۋلانۋدان باستاپ يگەردى. بۇكىل پارتيادا جوعارىدان تومەنگە دەيىن پارتيانىڭ جاسامپاز نازارياسىن ىشكەرىلەي ۇيرەنۋ بارىسى پارتيا ورتالىق كوميتەتىنە قاراپ قاتار تۇزەۋ بارىسى، ”ەكىنى قورعاۋ“ يدەيالىق نەگىزىن ۇزدىكسىز بەكەمدەۋ بارىسى بولدى.
− ۇيتقىنى قولداۋدا، ۇيتقىنى قورعاۋدا ءتۇرلى قىزمەتتە باس شۋجي شي جينپيڭنىڭ ماڭىزدى نۇسقاۋىن، تالابىن جانە پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرۋ، تياناقتاندىرۋ كەرەك.
2022 - جىلى 1 - ايدىڭ 24 - كۇنى باس شۋجي شي جينپيڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ توپتىق ۇيرەنۋىن باسقاردى، نەگىزگى تاقىرىبى ەلىمىزدىڭ بولاشاق دامۋىنا ساياتىن كەلەلى وزگەرىس − ”كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋ، كومىر قىشقىل گازىن بەيتاراپتاندىرۋ نىساناسىن قۇلشىنا جۇزەگە اسىرۋ“.
قاتىستى مينيسترلىكتەر، كوميتەتتەر كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋ، كومىر قىشقىل گازىن بەيتاراپتاندىرۋ ”N+1“ ساياساتتىق جۇيەسىن بەلسەنە ورناتتى؛ جەر - جەر جاسىل، تومەن كومىر قىشقىل گازدى، سيفىرلانۋعا بۇرىلىس جاساۋدى جوعارى ساپالى دامۋدى ىلگەرىلەتۋدىڭ ”كىندىك ءسوزى“ ەتتى؛ بارشا جۇرت تومەن كومىر قىشقىل گازدى تۇرمىستى امالياتتا بەلسەنە ايگىلەدى... حۋاشيانىڭ بايتاق دالاسىندا جاسىل دامۋدىڭ ءداۋىر سيمفونياسى شىعاندادى.
ۇيتقىنى قولداۋدى جاۋاپكەرشىلىك ارقالاپ، شىنايى ىستەۋ ناقتى قىزمەتىندە تياناقتاندىرىپ، ۇيتقىنى قورعاۋدى مىندەتتى اتقارىپ، جاۋاپكەرشىلىكتى ادا ەتۋدىڭ ءىس جۇزىندىك ناتيجەسىندە ايگىلەدى. وڭىرلەر، تاراۋلار باس شۋجيدىڭ تاپسىرماسىن ەستە بەرىك ساقتاپ، ”مەملەكەتتىڭ زور ىستەرىن“ كوكەيدە ساقتاپ، پارتيا ورتالىق كوميتەتىنىڭ تالاپتارىنا ۇزدىكسىز تۋرالانىپ، ءتۇرلى ىستەردىڭ كۇن سايىن جاڭارۋىن، شىت جاڭا جاعدايدىڭ جارىققا شىعۋىن ىلگەرىلەتتى.
قۇس جولى جارقىراپ، بەيدوۋ جول نۇسقادى؛ تۋلاعان الىپ تولقىنداردا ايبىندى تىرەك بولدى.
شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ جول باستاپ، رول ۇستاۋىندا، پارتيانىڭ جالپى بەتتىك باسشىلىعىنا مىزعىماستان تاباندى بولىپ جانە ونى كۇشەيتكەندە، جۇڭحۋا ۇلتى، ءسوز جوق، ءبىر نيەتپەن ىنتىماقتاسىپ، تولقىن جارا العا ىلگەرىلەپ، ۇلتتىڭ گۇلدەنۋىنىڭ نۇرلى كەلەشەگىنە جەڭىسپەن جەتەدى.
(شينحۋا اگەنتتىگىنىڭ 2 - ايدىڭ 13 - كۇنى بەيجيڭنەن بەرگەن حابارى)
