□ حوۋ حۇي
تاياۋدا انار بۇلت كليەنتى سياقتى جاڭا مەديا تۇعىرىنىڭ قىسقى وليمپيادا حابارلارىنا توراپتاستار لەبىز ءبىلدىرىپ، شينجياڭداعى ءار ۇلت بۇقاراسىنىڭ بەيجيڭ قىسقى وليمپيادا سپورت جارىسىنا دەگەن ەڭ شىنايى سۇيىسپەنشىلىكتەرىن ءبىلدىردى: ”مەن شينجياڭدا تۇرىپ، قىسقى وليمپياعا ماداق ايتىپ، وتاندى ماقتانىش ەتەمىن“. ەكران بەتىنە لىق تولعان ماقتانىش پەن قۋانىشقا تولى سوزدەر تيانشان الابىنداعى جۇڭگو دەپ سوققان شىن پەيىل جۇرەكتەردەن، شينجياڭداعى ءار ۇلت حالقىنىڭ تەرەڭ وتانشىلدىق سەزىمىنەن تۋىنداعان.
جالپى حالىق بىرگە ءلاززات العان بەيجيڭ قىسقى وليمپيادا سپورت جارىسىندا جەڭىسكە جەتۋدەن گورى ات سالىسۋ ەڭ ماڭىزدى سانالدى؛ جارىس الاڭىنىڭ ءىشى - سىرتىندا ءبىزدى ەڭ اسەرلەندىرگەنى جەڭۋ - جەڭىلۋ ەمەس، قايتا تەرەڭ سۇيىسپەنشىلىك بولدى. قىسقى وليمپيادا سپورت جارىسىنداعى مەدالمەن قاتىسسىز، ءبىراق جۇرتتىڭ جۇرەك قىلىن تەربەگەن جالىندى ساتتەر كوزىمىزگە جاس ىركىلتتى، ويتكەنى بۇلار جۇرەگىمىزدەگى ەڭ قاستەرلى سۇيىسپەنشىلىك − وتان اناعا دەگەن شەكسىز ماحابباتقا دارىپ جاتتى.
باسەكەلىك جارىستارعا ءارقانداي ادام قاتىناسا بەرمەيدى، ءدال وسىنداي ”وتانشىلدىق“ سىندى ورتاق سۇيىسپەنشىلىك بولعاندىعى ءۇشىن ءاربىر جارقىراعان الاۋلى ساتتەر جۇرەگىمىزدىڭ تۇكپىرىندەگى شەكسىز قاستەرلى داڭققا اينالدى. 2 - ايدىڭ 12 - كۇنى 4 جىل عانا جاتتىققان التايلىق بويجەتكەن بايان جالىن مەن ساپتاستارى دالالىق قار شاڭعى ايەلدەردىڭ 5×4 كيلومەترلىك كۇش جالعاۋ جارىسىندا 10 - قاتارعا كىرىپ، جۇڭگو قۇراماسىنىڭ قىسقى وليمپيادا سپورت جارىسىنىڭ وسى تۇردەگى تاريحىن جاراتتى. سول كۇنى باياننىڭ اۋىلىندا ۇستىنەن تاراتقان ءتىلشى: ”اۋىلىمنىڭ پەرزەنتتەرىنىڭ قىسقى وليمپيادا سپورت جارىسىنا قاتىناسقانىن كورگەندە ەرەكشە كەرەمەت سەزىندىم“ دەگەندە كوزىنە ىستىق جاس الىپ، داۋىسى قىستىعا شىقتى، ەكران الدىنداعى ”كوڭىل كۇيىن مەڭگەرە الماعان“ وسى ءتىلشى شينجياڭداعى ءار ۇلت حالقىنىڭ ورتاق جۇرەك ءۇنىن جەتكىزدى: وتان اتىنان قىسقى وليمپيادا جارىس ساحناسىنا شىعۋدىڭ ءوزى تابىسقا جەتكەندىك، وسىنىڭ ءوزى شەكسىز داڭق.
بىرنەشە كۇننەن بەرى اشىلۋ سالتىندا نەگىزگى الاۋدى تۇتاتقان دىلنيگار يىلھامجان قاتارلى جۇڭگونىڭ شينجياڭىنان بارعان قىسقى وليمپيادا ساڭلاقتارىنان الاۋگەر، تۋ ۇستاۋشى، ەرىكتى، تەحنيكالىق قىزمەتكەرلەرگە دەيىنگى كوپتەگەن شينجياڭدىقتار شينجياڭدىق توراپكەرلەر جاعىنان ۇزدىكسىز تانىلدى. وسىنداي ۇنامدى ارەكەتتەر شينجياڭدىق توراپكەرلەردىڭ ماقتانىش سەزىمدەرىنىڭ تابيعي بەينەلەنۋى بولىپ قانا قويماي، ونان دا ماڭىزدىسى، شينجياڭداعى ءار ۇلت حالقىنىڭ وتاندى ءسۇيۋىنىڭ، شينجياڭدى ءسۇيۋىنىڭ شىنايى ايگىلەنۋى سانالادى.
وليمپيادا جارىس الاڭىندا وتانشىلدىق، ىنتىماق رۋحى جان دۇنيەنى تەربەيتىن ماڭگىلىك ەرشىمدى كۇش سانالادى. شينجياڭدىقتاردىڭ ماقتانىشى مەن قۋانىشى اۋىلداستارىنىڭ بەينەسىن كورۋدەن عانا ەمەس، بۇكىل ەل حالقىمەن بىرگە جۇڭگو ساڭلاقتارىنىڭ ءار رەتكى العا ىلگەرىلەۋشىلىگىنە قۋانعان شاقتاردان دا بەينەلەندى. ءبىز گاۋ تيڭيۇيدىڭ اسقاق سەزىممەن جۇڭگونىڭ ەرلەردىڭ تەز سىرعاناۋ قىسقى وليمپيادا سپورت جارىسى تاريحىنداعى تۇڭعىش التىن مەدالدى العانىنا ەرەكشە تەبىرەندىك، سونداي - اق لاۋلاعان ورتتە قايتا تۇلەپ، جارىستا جانارىن جاسپەن جۋعان جين بوياڭ ءۇشىن كوزىمىزگە ىستىق جاس الدىق. ءدال وسى ورتاق قۋانىش پەن مۇڭ جۇرەك تۇكپىرىمىزگە مىقتاپ تامىر تارتقان جۇڭحۋا ۇلتى ورتاق تۇلعا تانىمىنان، سونداي - اق وسىدان تۋىنداعان تەرەڭ دە ىستىق وتانشىلدىق سەزىمىنەن باستاۋ العان.
ءبىز قىسقى وليمپيادا سپورت جارىسىنداعى شينجياڭدىقتار ءۇشىن، شينجياڭ فاكتورلارى ءۇشىن ماقتانامىز، كوتەرىلگەن مەملەكەت تۋى، جاراتىلعان حيكىمەتتەر ءۇشىن ماقتانامىز، وسى جۇرەك جاردى ورتاق ۇندەستىك، ورتاق سۇيىسپەنشىلىك تيانشان الابىنداعى ءاربىر جۇڭگو دەپ سوققان ىستىق جۇرەكتەردى توعىستىرىپ، شينجياڭنىڭ بايتاق دالاسىندا ەكپىندەي العا باسقان ءاربىر جۇڭگولىقتى ىنتىماقتاستىردى ءارى العا باسۋ جولىمىزداعى قيىنشىلىق اتاۋلىنى جەڭەتىن كۇش قاينارىمىزعا اينالدى.
