ءار ۇلت بۇقاراسى قىسقى وليمپيادا سپورتىنىڭ شاتتىعىنا شومدى

جارىس كورىپ، قار - مۇز سپورتىمەن اينالىستى

ءار ۇلت بۇقاراسى قىسقى وليمپيادا سپورتىنىڭ شاتتىعىنا شومدى

□ انار بۇلت / شينجياڭ گازەتىنىڭ ءتىلشىسى ءابيبا

　　”جارىس كوردىڭ بە؟“ دەگەن ءسوز بەيجيڭ قىسقى وليمپيادا سپورت جارىسى باستالعاننان بەرى كوپتەگەن ادامنىڭ اماندىق سۇراسقاندا ايتاتىن سوزىنە اينالدى. بىرنەشە كۇننەن بەرى، جارىس كورىپ، قار - مۇز سپورتىمەن اينالىسىپ تيانشان الابىندا ءار ۇلت بۇقاراسى قىسقى وليمپيادا سپورتىنىڭ شاتتىعىنا شومدى.

　　2 - ايدىڭ 12 - كۇنى كەشكى ساعات 8دە، قاشقار بايىرعى قالاسىنداعى تەمىر جابدىقتار قولونەرىنىڭ مۇراگەرى ميجيت مامەتتىڭ وتباسى ەرەكشە دۋمانعا بولەندى، ميجيت ۇستىنەن تاراتىلعان مۇز دوپ جارىسىن كورە وتىرىپ ايەلىنە: ”بۇل سپورت ءتۇرى فۋتبولعا ەرەكشە ۇقسايدى، كوپشىلىك مۇز ۇستىندە دوپ تاياقشاسى ارقىلى دوپتى قارسى جاعىنىڭ قاقپاسىنا ەنگىزىپ ۇپاي الادى، قارقىندارى كوز ىلەستىرمەيدى...“ دەپ تانىستىردى.

　　قىسقى وليمپيادا سپورت جارىسى جايشىلىقتا دامىل كورمەيتىن ميجيت وتباسىنداعىلاردىڭ باسىن قوستى، ەكى ۇلى اكە - شەشەسىنە جارىستى ءتۇسىندىرىپ، ءار كۇنى ەرتە قايتىپ ۇستىنەن تاراتۋدى بىرگە كوردى. ”العاشقى كۇنى تۇندە ۇلىم جارىس قاعيداسىن تۇسىندىرگەن بولاتىن، كەلەسى كۇنى مەن بايىرعى قالانىڭ قىسقى وليمپيادا تۇسىندىرۋشىسىنە اينالدىم، كونە كوز سەرىكتەرىمە ءتۇسىندىرىپ، ولاردىڭ بىلىمدەرىن ءوسىردىم“، - دەدى ميجيت.

　　فۋكاڭ قالاسىندا تۇراتىن ءومارجان ءيۇسۇپ بۇگىنگى كۇنى قىسقى وليمپيادا اۋەسكەرىنە اينالدى، ءاركۇنى قايسى جارىس وتكىزىلەدى، شينجياڭنان قايسى سپورتشىلار جارىسقا قاتىناسادى، ءاربىر جارىس ناتيجەلەرى قانداي بولادى دەگەندەردى ول مۇدىرمەي ايتىپ بەرە الادى. ”قىسقى وليمپيادا سپورت جارىسى باستالۋدان بۇرىن ماڭىزدى جارىستاردى تۇگەلدەي كورۋگە بەكىدىم“، - دەدى ءومارجان.

　　قىسقى وليمپيادا سپورت جارىسىنىڭ اۋقىمىندا سانجى قالاسىنىڭ تۇرعىنى حۋ ميڭفاڭنىڭ وتباسىنداعىلار تۇگەل اتتانىسقا كەلدى، ءبىر وتباسىنداعى 3 جان تۇگەلدەي قار شاڭعى قىسقى لاگەرىنە قاتىناسىپ، قار شاڭعى تەبۋدى ۇيرەندى. ”بالام بۇرىننان قار شاڭعى تەبۋدى ۇيرەنگىسى كەلىپ جۇرگەن، وسى رەتكى قىسقى وليمپيادا سپورت جارىسىنان قار شاڭعى ساڭلاقتارىنىڭ ايبىندى بەينەلەرىن كورىپ، وتباسىمىز بولىپ قاتتى اسەرلەندىك. سونىمەن قار شاڭعى ۇيرەنۋدى ۇيعاردىق، بولاشاقتا وتباسىلىق قار شاڭعى جارىستارىنا بىرگە قاتىناسامىز“، - دەدى حۋ ميڭفاڭ.

　　”بىرنەشە كۇننىڭ الدىندا قىزىم ماعان قار شاڭعى تەبۋدى ۇيرەنسەم، ەسەيگەندە گۋ ايليڭ سياقتى سپورتشى بولىپ وتانعا داڭق اپەرسەم دەدى. مۇنى ەستىگەندە قاباعات قۋاندىم، سونىمەن ونى اۋدانداعى چۋانيۇي شيڭكۇڭ حالىقارالىق قار شاڭعى الاڭىنان قار شاڭعى تەبۋدى ۇيرەنۋگە تىزىمدەتتىم. قىسقا عانا 3 كۇندە ول نەگىزگى ارەكەتتەردى ۇيرەنىپ الدى، جاتتىقتىرۋشى دا ونىڭ جاقسى ۇيرەنگەندىگىنە القاۋ ءبىلدىردى“. ءۇشتۇرپان اۋدانىندا تۇراتىن تۇرسۇن ءۋالي قىزىنىڭ نەبارى 5 جاستا بولعانىمەن، قىسقى وليمپيادا سپورت جارىسىندا قار شاڭعى جارىسى بولا قالسا بولدى، تەلەۆيزور الدىنان تاپجىلماي قاداعالاي كورەتىندىگىن، سپورتشىلاردىڭ قيىندىعى جوعارى ارەكەتتەر جاساعانىن كورگەندە، سافانىڭ ۇستىندە ارلى - بەرلى دومالاپ ولارعا ەلىكتەيتىنىن ايتتى.

　　وسى بىرنەشە كۇندە پارتيا مۇشەسى زناگىن كورسەتكەن اعاي ابدۇجاپار مەڭدى حوشانكوۋ كورىنىس ءوڭىرىن داعدىلى شارلاۋدان تىس، بوس ۋاقىتى شىعا قالسا تەلەۆيزور كورىپ، قىسقى وليمپيادا سپورت جارىسىنداعى جۇڭگو سپورتشىلارىنا قاتىستى جارىستارعا نازار اۋداردى. ”قىسقى وليمپيادا سپورت جارىسىندا مەملەكەتكە داڭق اپەرگەن سپورتشىلار ادامدى قاتتى اسەرلەندىردى، ولار ەشقانداي قيىنشىلىقتان تايسالماي، ماڭگى كۇلىمسىرەي توتەپ بەرىپ كەلەدى، ولارعا ۇلكەن ماداق ايتامىن“، - دەدى ول.