تيانشان تورى
تيانشان تورى   ›   جاڭالىقتار   ›   ماڭىزدى حابارلار

جۇڭگوشا سوتسياليستىك زاڭمەن باسقارۋ جولىمەن تاباندىلىقپەن ءجۇرىپ، جۇڭگوشا سوتسياليستىك زاڭمەن باسقارۋ جۇيەسى قۇرىلىسىن اناعۇرلىم ويداعىداي ىلگەرىلەتۋ كەرەك

«ىزدەنۋ» جۋرنالى باس شۋجي شي جينپيڭنىڭ ماڭىزدى ماقالاسىن جاريالايدى

جۇڭگوشا سوتسياليستىك زاڭمەن باسقارۋ جولىمەن تاباندىلىقپەن ءجۇرىپ، جۇڭگوشا سوتسياليستىك زاڭمەن باسقارۋ جۇيەسى قۇرىلىسىن اناعۇرلىم ويداعىداي ىلگەرىلەتۋ كەرەك

  شينحۋا اگەنتتىگىنىڭ 2 - ايدىڭ 15 - كۇنى بەيجيڭنەن بەرگەن حابارى. 2 - ايدىڭ 16 - كۇنى باسپادان شىعاتىن «ىزدەنۋ» جۋرنالىنىڭ 4 - سانى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «جۇڭگوشا سوتسياليستىك زاڭمەن باسقارۋ جولىمەن تاباندىلىقپەن ءجۇرىپ، جۇڭگوشا سوتسياليستىك زاڭمەن باسقارۋ جۇيەسى قۇرىلىسىن اناعۇرلىم ويداعىداي ىلگەرىلەتۋ كەرەك» اتتى ماڭىزدى ماقالاسىن جاريالايدى.

  ماقالادا مىنالار باسا دارىپتەلدى: زاڭمەن باسقارۋ كوركەيسە، ۇلت كوركەيەدى، زاڭمەن باسقارۋ قۋاتتى بولسا، مەملەكەت قۇدىرەتتەنەدى. قازىر ەلىمىز جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ شەشۋشى كەزەڭىندە تۇر، دۇنيە جۇزىندە 100 جىلدا بولماعان زور وزگەرىس جەدەل قۇبىلۋدا، رەفورما، دامۋ، ورنىقتىلىق مىندەتتەرى جاپالى دا اۋىر، سىرتقا ەسىك اشۋ ىشكەرىلەي ىلگەرىلەۋدە، بۇل زاڭمەن باسقارۋدىڭ نەگىزدى بەكەمدەۋ، مەجەنى ورنىقتىرۋ، ۇزاق بولاشاققا ءتيىمدى بولۋ رولىن اناعۇرلىم ويداعىداي ساۋلەلەندىرۋدى قاجەت ەتەدى. جۇڭگوشا سوتسياليستىك زاڭمەن باسقارۋ جۇيەسىن قۇرۋدا ىستەرىمىزدىڭ دامۋ قاجەتىنە سايكەسىپ، جۇيە كوزقاراسىنا تاباندى بولۋىمىز، ونى جاپپاي ىلگەرىلەتۋىمىز كەرەك.

  ماقالادا مىنالار اتاپ كورسەتىلدى: زاڭمەن باسقارۋ جۇيەسى قۇرىلىسىنىڭ دۇرىس بەتالىسىنا تاباندى بولۋ كەرەك. جۇڭگوشا سوتسياليستىك زاڭمەن باسقارۋ جۇيەسى جۇڭگوشا سوتسياليستىك ءتۇزىمنىڭ ماڭىزدى قۇرامداس بولىگى، ءسوز جوق، جۇڭگوشا سوتسياليزم سىندى سيپاتتى مىقتاپ يگەرىپ، جۇڭگوشا سوتسياليستىك زاڭمەن باسقارۋ جولىمەن بۇلجىماي ءجۇرىپ، ساياسي مەن زاڭمەن باسقارۋدىڭ، رەفورمالاۋ مەن زاڭمەن باسقارۋدىڭ، مەملەكەتتى زاڭمەن باسقارۋ مەن مورالمەن باسقارۋدىڭ، مەملەكەتتى زاڭمەن باسقارۋ مەن پارتيانى ەرەجەمەن باسقارۋدىڭ قاتىناسىن دۇرىس ءبىر جاقتى ەتىپ، پارتيانىڭ جالپى بەتتىك باسشىلىعىنا تاباندى بولۋ، حالىقتىڭ قوجايىن بولۋىنا كەپىلدىك ەتۋ سياقتى كەلەلى ماسەلەلەردە وي - سانا ەرەكشە سەرگەك، تۇرعى ەرەكشە بەرىك بولۋ كەرەك. ءبىز قۇراتىن جۇڭگوشا سوتسياليستىك زاڭمەن باسقارۋ جۇيەسى، ءسوز جوق، جۇڭگو مادەنيەتىنە تەرەڭ تامىر تارتقان، جۇڭگونىڭ مەملەكەت جاعدايىن تياناق ەتكەن، جۇڭگونىڭ ماسەلەسىن شەشەتىن زاڭمەن باسقارۋ جۇيەسى بولۋ كەرەك، باتىستىڭ قاتە يدەيالىق اعىمدارىمەن الجاستىرۋعا بولمايدى.

  ماقالادا مىنالار اتاپ كورسەتىلدى: ءتۇيىندى سالالارداعى زاڭ شىعارۋدى جەدەلدەتۋ كەرەك. مەملەكەت حاۋىپسىزدىگى سياقتى ماڭىزدى سالالاردا زاڭ شىعارۋدى كۇشەيتىپ، سيفرلى ەكونوميكا سياقتى سالالارداعى زاڭ شىعارۋ قادامىن جەدەلدەتىپ، مەملەكەتتى باسقارۋعا شۇعىل قاجەتتى، حالىقتىڭ كۇن سايىن ارتىپ وتىرعان تاماشا تۇرمىس قاجەتىن قاناعاتتاندىرۋدا، ءسوزسىز، بولۋعا ءتيىستى زاڭ - تۇزىمدەردى قۇلشىنا كەمەلدەندىرۋ كەرەك. پارتيانى ەرەجەمەن باسقارۋدىڭ پارتيا مەن مەملەكەت ىستەرىنىڭ دامۋىنداعى ساياسي قامتاماسىزدىق رولىن ساۋلەلەندىرىپ، مەملەكەت زاڭى مەن پارتيا ىشىندەگى زاڭ ەرەجەلەر ءبىرىن - ءبىرى تولىقتايتىن ءارى ءوزارا سايكەسەتىن جاعداي قالىپتاستىرۋ كەرەك.

  ماقالادا مىنالار اتاپ كورسەتىلدى: زاڭمەن باسقارۋ سالاسىنداعى رەفورمانى تەرەڭدەتۋ كەرەك. حالىق بۇقاراسىنا ءاربىر زاڭ - تۇزىمنەن، ءاربىر زاڭ اتقارۋ ۇيعارىمىنان، ءاربىر ءادىليالىق دەلودان ادىلدىك پەن تۋراشىلدىقتى سەزىندىرۋ نىساناسىن ارقاۋ ەتىپ، ءادىليا ءتۇزىلىسىنىڭ كەشەندى سايكەستى رەفورماسىن تەرەڭدەتىپ، ءادىل، جوعارى ءونىمدى، بەدەلدى سوتسياليستىك ءادىليا ءتۇزىمىن جەدەل قۇرۋ كەرەك. زاڭمەن باسقارۋ سالاسىنداعى رەفورمانىڭ ساياسي سيپاتى، ساياساتتىق سيپاتى كۇشتى بولادى، ءسوز جوق، پرينسيپتى يگەرىپ، تومەنگى شەكتى باتىل ساقتاپ، رەفورمانى باتىستىڭ زاڭمەن باسقارۋ جۇيەسىنە ”تۋرالاناتىن“، باتىستىڭ زاڭمەن باسقارۋ امالياتىنا ”جۇگىنەتىن“ رەفورماعا اينالدىرۋعا استە بولمايدى.

  ماقالادا مىنالار اتاپ كورسەتىلدى: حالىقارالىق كۇرەستى زاڭمەن باسقارۋ تاسىلىنەن پايدالانىپ ورىستەتۋ كەرەك. ەل ىشىندەگى زاڭمەن باسقارۋ مەن شەتەلگە ساياتىن زاڭمەن باسقارۋدى ءبىر تۇتاس جوسپارلاپ ىلگەرىلەتۋگە تاباندى بولىپ، شەتەلگە ساياتىن سالالاردا زاڭ شىعارۋدى كۇشەيتىپ، جازالاۋعا قارسى تۇراتىن، كيلىگۋگە قارسى تۇراتىن، ”الىستان قۇرىق سالۋعا“ قارسى تۇراتىن زاڭداردى، زاڭ ەرەجەلەردى ونان ارى كەمەلدەندىرىپ، ەلىمىزدىڭ زاڭ اياسى سىرتىندا قولدانىلاتىن زاڭدار جۇيەسى قۇرىلىسىن ىلگەرىلەتۋ كەرەك.

  ماقالادا مىنالار اتاپ كورسەتىلدى: زاڭمەن باسقارۋ نازارياسىن زەرتتەۋدى جانە ۇگىتتەۋدى كۇشەيتۋ كەرەك. جاڭا داۋىردەگى جۇڭگوشا سوتسياليستىك زاڭمەن باسقارۋ يدەياسىن ءارقايسى زاڭ عىلىمى پاندەرىنىڭ وقۋلىقتارىن قۇراستىرۋ جانە وقىتۋ قىزمەتىندە تياناقتاندىرىپ، وقۋلىقتارعا ەنۋىن، ساباقحانالارعا ەنۋىن، وي - ساناعا ۇيالاۋىن ىلگەرىلەتۋ كەرەك. جالپى حالىقتىڭ زاڭعا بويسۇنۋىن ىلگەرىلەتۋدى نەگىزدىك ينجەنەريا ەتۋ كەرەك، ءار دارەجەلى باسشى كادرلار باستاماشىلدىقپەن زاڭعا قۇرمەت ەتۋ، زاڭدى ۇيرەنۋ، زاڭعا بويسۇنۋ، زاڭدى قولدانۋ كەرەك. جۇڭگونىڭ زاڭمەن باسقارۋ حيكاياسىن ويداعىداي بايانداپ، ەلىمىزدىڭ زاڭمەن باسقارۋ جۇيەسى مەن زاڭمەن باسقارۋ نازارياسىنىڭ حالىقارالىق ىقپالى مەن ءسوز بيلىگىن جوعارىلاتۋ كەرەك.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.