ەگىلۋ اۋماعى بۇكىل رايون بويىنشا ％80كە جۋىعىن يەلەدى
وڭتۇستىك شينجياڭ رايونىمىزداعى ماڭىزدى قۇرىلعىلى كوكونىس ءوندىرۋ بازاسىنا اينالدى
انار بۇلت / شينجياڭ گازەتىنىڭ ءتىلشىسى ليۋ ي 2 - ايدىڭ 15 - كۇنى ۇرىمجىدەن حابارلايدى. اۆتونوميالى رايوندىق اۋىل شارۋاشىلىعى، اۋىل - قىستاق مەڭگەرمەسىنەن ۇعىسۋعا قاراعاندا، قازىر وڭتۇستىك شينجياڭ ءوڭىرىنىڭ قۇرىلعىلى كوكونىس ەگىلگەن اۋماعى بۇرىنعى بۇكىل شينجياڭدىكىنىڭ ％40ىن يەلەۋدەن ％80كە جۋىعىن يەلەۋگە جوعارىلاپ، رايونىمىزداعى ەڭ ماڭىزدى قۇرىلعىلى كوكونىس ءوندىرىس بازاسىنا اينالعان. وسىنىڭ ارقاسىندا بىلتىر قىس، بيىل كوكتەمدە رايونىمىزدىڭ كوكونىسپەن قامداۋ ورەسى ونان ارى جوعارىلادى. بۇكىل رايونىمىزدىڭ وزىندە وندىرىلەتىن قىستا ساقتالاتىن كوكونىس جانە قۇرىلعىلى كوكونىسپەن بازاردى قامداۋ مولشەرى مەجەمەن ءبىر ميلليون 400 مىڭ تونناعا جەتىپ، بىلتىرعى سول تۇستاعىدان 100 مىڭ توننا اينالاسىندا ارتادى.
”بۇرىن ەگۋ تەحنيكاسى كەمشىل بولىپ، قىستا كوكونىستى از تۇتىناتىنبىز، ەگىلۋى، تىپتەن، از بولاتىن، قازىر ءبىز دوعاشا لاپاستا قىزىل بۇرىش ەكتىك، ءوزىمىز تۇتىنىپ قانا قالماستان، ءار كيلوگرامىن 7 يۋان اينالاسىندا ساتا الامىز، كىرىسىمىز دە جوعارىلادى“. 2 - ايدىڭ 10 - كۇنى ماكىت اۋدانى قۇمقۇسار اۋىلى توۋانگى قۇمقۇسار قىستاعىنىڭ تۇرعىنى ماليكام تۇرعۇن تەلەفوندا تىلشىگە وسىنى ايتتى.
تارىم ويپاتىنىڭ جارىق، جىلۋ بايلىعى مول، ايتسە دە توپىراعى سورتاڭدانۋ، ءوندىرىس، تيجارات ۇلگىسى مەشەۋ بولۋ سياقتى سەبەپتەردەن كوكونىسپەن ءوزىن - ءوزى تولىق قامداۋ قۋاتى ءالسىز بولاتىن. ءبىراز جىلدىڭ الدىندا قاشقار ايماعىن قىس، كوكتەم ماۋسىمدارىندا كوكونىسپەن قامداۋدا جارتىسىنان استامى سىرتتان اكەلۋگە سۇيەنەتىن، باعاسى دا قىمبات بولاتىن.
2020 - جىلى رايونىمىز وڭتۇستىك شينجياڭ ءوڭىرىنىڭ قۇرىلعىلى كوكونىس كاسىپ سالاسىن دامىتۋدىڭ 3 جىلدىق ارەكەت جوسپارىن اتقارۋدى باستاپ، وڭتۇستىك شينجياڭ ءوڭىرىنىڭ جارىق، جىلۋ بايلىعى باسىمدىعىنا سۇيەنىپ، قۇرىلعىلى كوكونىس كاسىپ سالاسىن بەلسەنە دامىتتى. ەكى جىلدان بەرى وڭتۇستىك شينجياڭ ءوڭىرى زەردەلىلەندىرىلگەن جوعارى ءتۇسىمدى، جوعارى ءونىمدى تەحنيكادان ۇلگى كورسەتۋدى، جالپىلاستىرۋدى وزەك ەتىپ، كاسىپ سالاسى جۇيەسى قۇرىلىسىن جەدەلدەتىپ، جىكتەپ سۇرىپتاۋ، جاستاي ساقتاۋ، تاسۋ، قوراپتاپ مانەرلەۋ سياقتى ءوندىرىس بۋىندارىن كۇشەيتىپ، قۇرىلعىلى اۋىل شارۋاشىلىعىنىڭ ءوندىرۋ، مانەرلەۋ، ساتۋ كاسىپ سالاسى جۇيەسى كۇن سايىن كەمەلدەنىپ، قاقاعان قىستا ولشەمدى كۇن نۇرى جىلىجايىندا ءوندىرۋدى نەگىز ەتكەن، كوكتەم، كۇز ماۋسىمىندا ۇلكەن، كىشى قوس جارعاقتى دوعاشا لاپاستا ءوندىرۋدى تولىقتاما ەتكەن ”جىل بويى ءوندىرۋ، بىركەلكى قامداۋ“ سىندى ءوندىرىس ۇلگىسىن بىرتىندەپ قالىپتاستىردى. قازىر بۇكىل رايوندا قۇرىلعىلى كوكونىستىڭ اتىزدا ءوندىرىلۋ اۋماعى 70 مىڭ مۋدان اسىپ، بىلتىرعى سول تۇستاعىدان 6000 مۋدان استام ارتتى.
جالپى مولشەرىن ۇلعايتتى، ساپاسىن جوعارىلاتىپ، ونىمدىلىگىن ارتتىردى. بۇگىندەرى رايونىمىزدىڭ قۇرىلعىلى كوكونىس تۇرلەرىندە بايساي، كارتوپ، لوبى سياقتى ”ءۇش كونە تۇردەن“ سىرت، تاعى چيەزى، قىزاناق، بوساي سياقتى 10 نەشە ءتۇر بار. رايونىمىز تاعى كوكونىس وندىرىسىنە پايدالانىلاتىن مايسامەن قامتاماسىز ەتۋدى نەگىزگى بەتالىس ەتىپ، سورتتى مايسا جەتىلدىرۋ جۇيەسى قۇرىلىسىن ورىستەتىپ، مايسا جەتىلدىرۋدى، كوبەيتۋدى زەردەلىلەندىرۋ جانە شوعىرلاندىرۋ دەڭگەيىن جوعارىلاتتى. بۇكىل رايوندا اۋدان دارەجەلى زەردەلىلەندىرىلگەن مايسا جەتىلدىرۋ ورتالىعىنان جيىنى 30ىن جاڭادان سالىپ، اۋىل دارەجەلى مايسا جەتىلدىرۋ سەحىنان 120سىن جاڭادان سالىپ، اۋدان، اۋىل ەكى دارەجە ءوزارا ۇشتاستىرىلعان، كەمەلدى سايكەستىرىلگەن كوكونىس سورتتى مايساسىن كوبەيتىپ جەتىلدىرۋ جۇيەسىن بىرتىندەپ قۇرىپ، وڭتۇستىك شينجياڭنىڭ كوكونىس وندىرىسىندە شوعىرلامالى مايسا جەتىلدىرۋدى جۇزەگە اسىرىپ، قۇرىلعىلى اۋىل شارۋاشىلىعىن ساپالىلاندىرىپ، دارەجەسىن جوعارىلاتۋدى جەدەل ىلگەرىلەتتى.
قىستا اۋا رايى قاقاعان سۋىق بولۋ سياقتى فاكتورلاردىڭ شەكتەمەسىنە ۇشىراعاندىقتان، رايونىمىز قىستا كەيبىر كوكونىستەردى ءالى دە سىرتتان اكەلىپ قامداۋعا سۇيەنىپ وتىر. بىلتىر قىس، بيىل كوكتەمدە بۇكىل رايون ءبىر جاعىنان ءوندىرىستى يگەرىپ، ەندى ءبىر جاعىنان سىرتتان اكەلۋدى يگەرىپ، اۆتونوميالى رايوندىق اۋىل شارۋاشىلىعى، اۋىل - قىستاق مەڭگەرمەسى، اۋىل - قىستاقتى گۇلدەندىرۋ مەكەمەسى قىزمەتكەرلەردى شينجياڭنان سىرتقى 16 ولكە - قالاعا بارۋعا ۇيىمداستىرىپ، ”كوجە قاتىقپەن“ قامداۋعا كەپىلدىك ەتۋ قىزمەتىن ءتۇيىلىستىردى. 1 - ايدان بەرى شينجياڭ جيۋديڭ اۋىل شارۋاشىلىق ونىمدەرىن تولايىم ساتۋ بازارى سياقتى شينجياڭ ىشىندەگى 8 نەگىزگى كوكونىس وتكەرمەلەۋ كاسىپورنى شينجياڭ سىرتىنان 154 مىڭ 500 توننا كوكونىس اكەلىپ، بىلتىرعى سول تۇستاعىدان 11 مىڭ 800 توننا مولايتتى. بۇكىل رايوننىڭ كوكونىسپەن قامداۋعا كەپىلدىك ەتۋ جاعدايى ورنىقتى، بازاردى قامداۋ جەتكىلىكتى بولىپ، كوكونىس باعاسىندا ورنىقتىلىق بارىسىندا تومەندەۋ بەتالىسى جارىققا شىقتى.
