تيانشان تورى   ›   جاڭالىقتار   ›   سپورت الەمى

جۇڭگو ۋاكىلدەر ۇيىرمەسى قىسقى وليمپيادا سپورت جارىسى تاريحىندا ەڭ تاماشا ناتيجە جاراتتى

سۋ يميڭ التىن مەدال الدى

جۇڭگو ۋاكىلدەر ۇيىرمەسى قىسقى وليمپيادا سپورت جارىسى تاريحىندا ەڭ تاماشا ناتيجە جاراتتى

  2 - ايدىڭ 15 - كۇنى جۇڭگو ساڭلاعى سۋ يميڭ جارىستان سوڭ قۇتتىقتاۋدا. 2 - ايدىڭ 15 - كۇنى بەيجيڭ 2022 - جىلعى قىسقى وليمپيادا سپورت جارىسىنىڭ سىڭار تاقتايمەن قاردان سىرعاناۋدىڭ ەرلەردىڭ ۇلكەن تۇعىردان سەكىرۋ شەشۋشى جارىسى بەيجيڭ شوۋگاڭ قار شاڭعى ۇلكەن تۇعىرىندا وتكىزىلدى. جۇڭگو ساڭلاعى سۋ يميڭ التىن مەدالعا يە بولدى.

□ سۋرەتتى شينحۋا اگەنتتىگىنىڭ ءتىلشىسى لي گا تۇسىرگەن

  شينحۋا اگەنتتىگىنىڭ 2 - ايدىڭ 15 - كۇنى بەيجيڭنەن بەرگەن حابارى (ءتىلشى ۋاڭ حىڭجى، جاڭ زى - ۋي). ەگىنشىلىك كالەندارىنداعى 1 - ايدىڭ 15 - كۇنى يۋانشياۋ مەرەكەسى، ەندى 3 كۇننەن كەيىن ءوزىنىڭ 18 جاسقا تولعان تۋعان كۇنىن قارسى الاتىن سۋ يميڭ ءوزى ءۇشىن، جۇڭگو ۋاكىلدەر ۇيىرمەسى ءۇشىن تاريحي سەرپىلىستى جۇزەگە اسىردى. بەيجيڭ قىسقى وليمپيادا سپورت جارىسىنىڭ ەرلەردىڭ سىڭار تاقتايمەن قاردان سىرعاناپ ۇلكەن تۇعىردان سەكىرۋ جارىس تۇرىنەن التىن مەدال العان سوڭ، ول جۇڭگونىڭ سىڭار تاقتايمەن قاردان سىرعاناۋ تۇرىندە قىسقى وليمپيادا سپورت جارىسىنىڭ العاشقى اعا جۇلدەگەرىنە اينالدى، سونىمەن بىرگە جۇڭگو ۋاكىلدەر ۇيىرمەسى 6 التىن، 4 كۇمىس، 2 قولا مەدالدىق ناتيجەمەن جەكە كەزەكتەر بويىنشا قىسقى وليمپيادا سپورت جارىسىندا العان التىن مەدال سانى مەن مەدال سانى سىندى ەكى تۇردەن رەكورد جاڭالاپ، قىسقى وليمپيادا سپورت جارىسىنا قاتىناسقاننان بەرگى تاريحتاعى ەڭ تاماشا ناتيجەنى جاراتتى.

  سۋ يميڭ وسى رەتكى شەشۋشى جارىستا ايرىقشا ورنىقتىلىعىن ساۋلەلەندىردى، الدىڭعى ەكى رەتكى سەكىرۋدىڭ بارىندە ول ءبىر كەزەكتىڭ الدىڭعى 3 - ورنىنا جايعاسىپ، ەكى رەتكى سەكىرۋدەن كەيىن ءبىرىنشى ورىنعا مىقتاپ ورنىقتى. باسەكەلەستەرىنىڭ ءبىر - بىرلەپ جارىستارىن اياقتاتۋىمەن، ەڭ سوڭىندا مايدانعا شىعاتىن سۋ يميڭنىڭ مايدانعا شىقپاي جاتىپ التىن مەدال الاتىنى بەلگىلى بولدى.

  بۇل جۇڭگو ۋاكىلدەر ۇيىرمەسىنىڭ وسى كەزەكتى قىسقى وليمپيادا سپورت جارىسىنداعى 6 - التىن مەدالى. وسى التىن مەدالدىڭ ارقاسىندا جۇڭگو ۋاكىلدەر ۇيىرمەسى جەكە كەزەكتەر بويىنشا قىسقى وليمپيادا سپورت جارىسىندا العان التىن مەدال سانى 2010 - جىلعى ۋانكۋۆەر قىسقى وليمپيادا سپورت جارىسىندا جاراتقان 5 التىن مەدال رەكوردىن جاڭالادى، سونىمەن بىرگە 12 مەدال دا مەدال سانى رەكوردىن جاڭالادى. وسىنىڭ الدىنداعى ەڭ جوعارى رەكورد 11 مەدال بولاتىن، جەكە - جەكە 2006 - جىلعى تۋرين قىسقى وليمپيادا سپورت جارىسى (2 التىن، 4 كۇمىس، 5 قولا) مەن 2010 - جىلعى ۋانكۋۆەر قىسقى وليمپيادا سپورت جارىسىندا (5 التىن، 2 كۇمىس، 4 قولا) العان بولاتىن.

  سەرپىلىس جاساۋدا گۋ ايليڭنىڭ دە ۇلەسى بار. سول كۇنى ول قاردا ەركىن سىرعاناپ قيا بەتتە كەدەرگىدەن ءوتىپ ونەر كورسەتۋدەن كۇمىس مەدال الدى، سۋ يميڭ ەكەۋى دە وسى كەزەكتى قىسقى وليمپيادا سپورت جارىسىندا ءبىر التىن، ءبىر كۇمىس مەدال الدى.

  سيلىق تۇعىرىنا كوتەرىلمەسە دە وزىنە ءتان ماقتانىشى بار. 19 جاستاعى رۇڭ گى تۇڭعىش رەت ايەلدەردىڭ سىڭار تاقتايمەن قاردان سىرعاناپ ۇلكەن تۇعىردان سەكىرۋ جارىسىنىڭ شەشۋشى جارىسىنا قاتىناسىپ، 5 - ورىن سىندى تاريحتاعى ەڭ تاماشا ناتيجەگە قول جەتكىزدى.

     جاستار بولاشاقتى قيالدايدى، ساقا شەبەرلەر ۇزدىكسىز شايقاسقا شىعادى. كوپتەگەن ساقا شەبەرى بار جۇڭگو قاردا ەركىن سىرعاناپ كەڭىستىكتە ونەر كورسەتۋ قۇراماسى 3 - التىن مەدالعا سايىس جاريالادى، 31 جاستاعى چي گۋاڭپۋ مەن 30 جاستاعى جيا زۇڭياڭ ەرلەردىڭ كەڭىستىكتە ونەر كورسەتۋ تولىمدىلىق جارىسىندا العاش رەت الدىڭعى ەكى ورىنعا شىعىپ، شەشۋشى جارىسقا جولداما الدى. شەشۋشى جارىس 2 - ايدىڭ 16 - كۇنى وتكىزىلەدى.

  مۇزدا مانەرلەپ سىرعاناۋ جارىس الاڭىندا، حالىقارالىق دەنە تاربيە تورەلىك سوتى جارىسقا قاتىناسا بەرۋگە رۇقسات ەتكەن رەسەيلىك تالانتتى ءوسپىرىم قىز ۆاليەۆا ايەلدەردىڭ جالعىز ادامدىق قىسقا ارالىققا سىرعاناۋ جارىسىندا ءبىرىنشى ورىندى يەلەدى، جۇڭگو ساڭلاعى جۋ ي ەركىن سىرعاناۋ باسەكەسىنەن تىس قالدى.

  سول كۇنى جيىنى 9 التىن مەدال دوداعا ءتۇستى، نورۆەگيا قۇراماسى ابىرويمەن 3 التىن مەدال الىپ، 12 التىن، 7 كۇمىس، 7 قولا مەدال سىندى ناتيجەمەن ءبىرىنشى ورىننان كورىندى، شۆەتساريا قۇراماسى 2 التىن مەدال، جۇڭگو، اۆستريا، كانادا، گەرمانيالار بىردەن التىن مەدال الدى. جۇڭگو ۋاكىلدەر ۇيىرمەسى 6 التىن، 4 كۇمىس، 2 قولا مەدالمەن قازىرشە مەدال تاقتاسىندا 6 - ورىندا تۇر.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.