□ انار بۇلت / شينجياڭ گازەتىنىڭ تىلشىلەرى لي لي، حۋاڭ ليڭيان، ەرىكتى تىلشىلەر حۋاڭ ۋانلي، دۇڭ شياۋ، تيان تىڭشان
مەرەكەلىك ويىندا بيلەۋ، اشەكەيلى شام تاماشالاۋ، جارقىلداق تاماشالاۋ، يۋانشياۋ جەۋ، شام جۇمباعىن شەشۋ، سونداي - اق ءان - ءبيلى تەاتر كورۋ، ولەڭ - جىر وقۋ، ادەبيەت - كوركەمونەر كونسەرتى، يۋانشياۋ ساۋىق كەشى، دەنە شىنىقتىرۋ گيمناستيكاسى جارىسى، از ۇلتتاردىڭ ءداستۇرلى دەنە تاربيەسىن كورسەتۋ، ”باق تىلەۋ بالىعىن“ اۋلاۋ ... يۋانشياۋ مەرەكەسىندە بۇكىل شينجياڭنىڭ جەر - جەرى باي مازمۇندى، الۋان ءتۇرلى مادەنيەت قيمىلدارىن وتكىزىپ، ادامدار شات - شادىمان رايدا قويۋ مەرەكەلىك لەپتى سەزىندى.
2 - ايدىڭ 15 - كۇنى ساعات 11دە ءۇرىمجى حالىق الاڭى، شينجياڭ حالىقارالىق ۇلكەن بازارى جاياۋلار كوشەسى سياقتى جەرلەر مەرەكە ويىندارى كورمەلىك قويىلىمىن كورسەتۋ قيمىلىن وتكىزدى. بارابان ۇندەرى جاڭعىرىپ، ءبي بيلەنىپ، ءان شىرقالىپ، گۇلدەنگەن زامان جىرلاندى. ياڭگى، بارابان ايبىنى، ايداعار ءبيى، ارىستان ءبيى، حانچۋان، الاڭ ءبيى، ءماشىراپ، تايچۋانداۋ، كوشە ءبيى، تايجي جۇدىرىقشىلىعى، گۇڭفۋ جەلپۋىشى، ەركىن فۋتبول سياقتى ەرەكشە ويىن - ساۋىق نومىرلەرى كوز مەيىرىن قاندىرار جىلجىمالى سالتاناتقا اينالىپ، ويىن كورگەن كورەرمەندەر تاماشالاپ ۇلگىرە المادى.
شيحۋ قالاسى گانحىزى قالاشىعىنىڭ مەرەكە ويىندارىمەن اتى ايگىلى، بۇكىل ەلدەگى حالىقتىق مادەنيەت - كوركەمونەر مەكەنى. جياۋلۇڭ، شيۇڭشى، ياڭگى، حانچۋان سياقتى مەرەكەلىك ويىندار اترەتى، جيۋجيانلوۋ اۋىلى، باشىسىحۋ اۋىلى، جياحىزى اۋىلىنان قۇرالعان 3 ەگىنشىلىك مەرەكەلىك ويىن قويۋ اترەتى اۋىل شارۋاشىلىق وندىرىسىندە قولدانىلاتىن جالعىز دوڭگەلەكتى اربا، اعاش كۇرەك، تاس تيىرمەن سياقتى اۋىل شارۋاشىلىعى ءوندىرىس قۇرالدارى كونە بۇيىمدارىن تۇگەلدەي ساحناعا الىپ شىقتى. گانحىزى قالاشىعى پارتكومىنىڭ مۇشەسى يۇي فاڭ بىلاي دەدى: ”مەرەكەلىك ويىندار − جۇڭحۋا ۇلتىنىڭ يۋانشياۋ مەرەكەسىن تويلايتىن ماڭىزدى فورماسى، سونداي - اق گانحىزى قالاشىعىنىڭ مادەنيەت تانىسقىسى، ءبىز ويىن قويۋ فورماسىن ۇزدىكسىز جاڭالاپ، مەرەكەلىك ويىنداردى ونان ارى تارتىمدى ەتەمىز“.
2 - ايدىڭ 15 - كۇنى تۇستەن بۇرىن قاشقار قالاسى دۇڭحۋ دوڭعالاعىنان حۋانجياڭ شينشىجيە ءتۇرلى بۇيىمدار بازارىنا دەيىنگى 5. 2 كيلومەتر ۇزىندىقتاعى جول بولىگىندە ”قۇتتى بارىس جىلىندا يۋانشياۋ مەرەكەسىن تويلايمىز ● باقىت قۇشاعىنداعى قاشقاردا جاڭا جىلدى وتكىزەمىز“ مەرەكەلىك قيمىلى شار تاراپتان جينالعان بۇقارانى باۋرادى. الۋان ءتۇستى گۇلدى ماشينادا بارابان ءۇنى اۋەلەپ، جولبارىس جوندانىپ، ايداعار ويناپ ەرەكشە ايدىن تانىتتى.
”بيىلعى مەرەكەلىك لەپ ەرەكشە قويۋ، يۋانشياۋ مەرەكەسى قيمىلى باي مازمۇندى، الۋان ءتۇرلى، كەشكى ساۋىق پەن مەرەكەلىك ويىندار ەرەكشە تارتىمدى ەكەن. كوپشىلىكتىڭ كۇندەرىنىڭ مەرەكەلىك ويىندارداي دۋماندى بولىپ، بارعان سايىن جاقسارا ءتۇسۋىن تىلەيمىن“، - دەدى قاشقار قالاسىنىڭ تۇرعىنى گۇزالنۇر وسمان.
شاندۇڭدىق ساياحاتشى مياۋ شينجۇيدى قاشقاردىڭ مەرەكەلىك ويىندارىنىڭ قويۋ مەرەكەلىك لەبى باۋرادى: ”مەن ءبىرىنشى رەت قاشقاردا كوكتەم مەرەكەسىن وتكىزدىم، قاشقاردىڭ جاقسى جەر ەكەندىگىن، شينجياڭنىڭ جاقسى جەر ەكەندىگىن شىن جۇرەكتەن سەزىندىم. وتانىمىزدىڭ گۇلدەنىپ - كوركەيۋىن، حالىقتىڭ باقىتتى دا امان - ەسەن بولۋىن شىن جۇرەكتەن تىلەيمىن“.
قالانىڭ تەڭ جارىم حالقى مەرەكەلىك ويىنداردى تاماشالاپ ءجۇر، كوشە - كوشەدەگى مەرەكەلىك ويىندار كوكتەم مەرەكەسىنە كورىك قوستى. كورلا قالاسىنىڭ 2022 - جىلعى يۋانشياۋ مەرەكەسى بۇقارالىق مەرەكە ويىندارىن ارالاپ كورسەتۋ قيمىلى جەكە - جەكە كونە قالا رايونى مەن جاڭا قالا رايونىنىڭ ەكى جول جەلىسىندە ءبىر ۋاقىتتا وتكىزىلدى، قىسقى وليمپيادا سپورت جارىسىنىڭ ارقاسىندا جۇرتقا تانىمال بولعان بيڭدۇندۇن، شۋەرۇڭرۇڭ ادەمى كوركىمەن ارالاپ ويىن كورسەتۋ قوسىنى اراسىنان كوزگە ءتۇستى.
قولدارىنا مەملەكەت تۋىن ۇستاپ قىزىل ءاندى اۋەلەتە شىرقادى، جۇڭگو مۇنايى تارىم مۇناي الابى شاعىن اۋماعى قىسقى وليمپيادا سپورت جارىسى مادەنيەت الاڭىنداعى ەرىكتى قىزمەت كورسەتۋ اترەتىنىڭ 30 ەرىكتىسى قىزۋ مەرەيمەن ونەر كورسەتتى. ”ءبىز بىرگە قۇلشىنىپ، ەرىكتىلەردى قىسقى وليمپيادا سپورت جارىسىنداعى شۇلەن شۇعىلاعا جانە ’بولاشاققا بىرگە اتتانۋدىڭ‘ ماڭىزدى كۇش - قۋاتىنا اينالدىرامىز“، - دەدى ەرىكتى ۋاڭ زىحاۋ.
”يۋانشياۋ مەرەكەسىن دۋمانداتا تويلاپ، بارلىق ءۇي ءان ايتىپ، بيگە باستى“. 2 - ايدىڭ 15 - كۇنى التاي قالالىق 12 - كەزەكتى يۋانشياۋ شام كورمەسى ۋبايلي ● سالت - سانا كوشەسى كورىنىس اۋماعىندا باستالدى. تاڭ اعارىپ كەلە جاتسا دا شام ساۋلەسى جارقىراپ، 2000 اشەكەيلى شام قارلى قالانىڭ ءتۇنىن نۇرعا بولەپ جارقىراتتى. دۋماندى مەرەكەلىك ويىندار بارىسىندا ”تەرى شاڭعى شارشى توبى“ ەرەكشە كوزگە ءتۇستى. لاستى اۋىلىنان كەلگەن سەرىكبەك كەنجەقان قوي تەرىسىنەن قولمەن تىگىلگەن شاڭعى تەبۋ كيىمىن كيىپ، اياعىنا تەرى شاڭعى تاعىپ، كوپشىلىكتى باستاپ ۋاقىت پەن كەڭىستىكتەن ەندەي ءوتىپ، قار شاڭعى مەكەنىنىڭ قار - مۇز مادەنيەتىن ايگىلەدى.
يرەلەڭدەگەن ايداعار، ويناقتاعان ارىستان، ويناقى ياڭگى، جىگەرلى بەل بارابان، سۇيكىمدى ايۋ ءبيى، شاتتانعان قازانباس بالا... 2 - ايدىڭ 15 - كۇنى تۇستەن بۇرىن باركول قازاق اۆتونوميالى اۋدانىنداعى 18 مەرەكەلىك ويىن اترەتى رەتىمەن تاريحي مادەنيەت كوشە اۋماعىندا، داشىزىدا، جاياۋلار كوشەسىندە ونەر كورسەتىپ، ءار ۇلت بۇقاراسى مەن قالىڭ ساياحاتشىلارعا بارىس جىلعى باقىت تىلەكتەرىن جەتكىزدى.
”مەن باركولگە تۇڭعىش رەت كەلىپ وتىرمىن، بۇل ارانىڭ مەرەكەلىك ويىن كورسەتۋى قويۋ جەرگىلىكتى ەرەكشەلىككە يە ەكەن، ويناقى قارا جورعا كونسەرت شارشى توبى كورگەن جانعا تەرەڭ اسەر قالدىرادى“. گانسۋلىق ساياحاتشى لي شياۋتيڭ قولفونىن قولىنان تاستاماي دامىلسىز سۋرەتكە ءتۇسىرىپ ءجۇر. ”تۇستەن كەيىن ءبىز تاعى حۋبين ەكولوگيالىق باقشاسى الاڭىنا بارىپ اشەكەيلى شام تاماشالاپ، شام جۇمباعىن شەشەمىز“.
