□ حالىق گازەتىنىڭ شولۋشىسى
قازىر بۇكىل پارتيا پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، پارتيا 20 - قۇرىلتايىنىڭ ۋاكىلدەرىن سايلاۋ قىزمەتىن ورىستەتۋدە. پارتيانىڭ باسشىلىعى مەن دەموكراتيانى ساۋلەلەندىرۋدىڭ بىرلىگىنە تاباندى بولىپ، قاتاڭ تۇردە بەلگىلەنگەن ءتارتىپ بويىنشا 20 - قۇرىلتاي ۋاكىلدەرىن ويداعىداي سايلاۋ − ۋاكىلدەردىڭ العاباسارلىعى مەن كەڭ كولەمدى ۋاكىلدىك سيپاتىن كۇشەيتۋدىڭ ماڭىزدى كەپىلى. ءار دارەجەلى پارتيا ۇيىمدارى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا ۋستاۆى مەن پارتيا ورتالىق كوميتەتىنىڭ تالاپتارى بويىنشا مۇقيات ءىس جۇرگىزىپ، پارتيانىڭ جالپى بەتتىك باسشىلىعىنا تاباندى بولىپ جانە ونى كۇشەيتىپ، پارتيا ىشىندەگى دەموكراتيانى تولىق ساۋلەلەندىرىپ، دەموكراتيانىڭ ساپاسى مەن ناقتى ونىمدىلىگىن جوعارىلاتۋعا باسا ءمان بەرىپ، پارتيا ورتالىق كوميتەتىنىڭ تالابىنا ۇيلەسەتىن، قالىڭ پارتيا مۇشەلەرى قولداپ - قۋاتتايتىن 20 - قۇرىلتاي ۋاكىلدەرىن سايلاپ شىعۋعا شىنايى كەپىلدىك ەتۋ كەرەك.
پارتيانىڭ باسشىلىعى مەن دەموكراتيانى ساۋلەلەندىرۋ قاراما - قارسى ەمەس، قايتا بىرلىككە كەلگەن، ەكەۋىنىڭ بىرەۋىنە بولا بىرەۋىن ەسكەرۋسىز قالدىرۋعا بولمايدى. 20 - قۇرىلتاي ۋاكىلدەرىن سايلاپ شىعۋ قالىڭ پارتيا مۇشەلەرىنىڭ دەموكراتيالىق ورتالىقتاندىرۋ پرينسيبى بويىنشا دەموكراتيالىق ۇقىقتارىن دۇرىس جۇرگىزىپ، پارتيانىڭ ىشكى ساياسي تۇرمىسىنا قاتىناسۋىنىڭ ماڭىزدى جولى جانە فورماسى. پارتيا مۇشەلەرىنىڭ تۇلعالىق ورنىنا قۇرمەت ەتىپ، ءتيىمدى شارت - جاعدايلاردى بەلسەندىلىكپەن جاراتىپ، پارتيا مۇشەلەرىنىڭ جاعدايدى ءبىلۋ ۇقىعىن، قاتىناسۋ ۇقىعىن، تاڭداۋ ۇقىعىن جانە باقىلاۋ ۇقىعىن قامتاماسىز ەتىپ، پارتيا مۇشەلەرىن ءتارتىپتى تۇردە، ءونىمدى قاتىناسۋعا جەتەكتەپ، ءاربىر پارتيا مۇشەسىنىڭ ءوز ەركىن تولىق بەينەلەۋىنە مۇمكىندىك جاساۋ كەرەك. ۇيىمدىق باسشىلىقتى، ۇيرەنۋ - ۇگىتتەۋدى جانە پارتيالىلىق، پارتيا ستيلى، پارتيا ءتارتىبى، پارتيا تاريحى تاربيەسىن كۇشەيتۋ ارقىلى ءار دارەجەلى پارتيا ۇيىمدارى مەن قالىڭ پارتيالى كادرلاردى پارتيا ۋستاۆىن قاستەرلەپ، پارتيا ۋستاۆىنا بويسۇنىپ، ساياسي شىڭدالۋدان، پارتيالىلىق شىنىعۋدان ءوتىپ، ساياسي تارتىپكە، ساياسي قاعيداعا قاتاڭ بويسۇنىپ، ”ەكىنى تۇراقتاندىرۋدىڭ“ شەشۋشى ماڭىزى جونىندەگى تانىمدى تەرەڭدەتىپ، سانالى تۇردە ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، يدەيادا، ساياسيدا، ارەكەتتە قاي - قاشان دا شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋعا جەتەكتەۋ كەرەك.
ۋاكىلدەردى سايلاپ شىعۋ ءتارتىبىن قاتايتۋ. 20 - قۇرىلتاي ۋاكىلدەرىن سايلاپ شىعۋدا تومەننەن جوعارىعا قاراي بولۋ، جوعارى مەن تومەن ۇشتاسۋ، قايتا - قايتا اقىلداسۋ، دارەجە سايىن ىلعاۋ سىندى ادىستەر قولدانىلىپ جۇرگىزىلەدى، تانىستىرىپ ۇسىنۋ، ۇيىمدىق تەكسەرۋ، ۋاكىل كانديداتىنا كورسەتىلەتىن العاشقى كانديداتتى تۇراقتاندىرۋ، ۋاكىل كانديداتىنىڭ زاپاس كانديداتىن تۇراقتاندىرۋ جانە جيىنعا سالىپ سايلاۋ سياقتى 5 بۋىنعا بولىنەدى. ءار بۋىنداعى قىزمەت، ءسوز جوق، تىڭعىلىقتى دا ەگجەي - تەگجەيلى، ولشەمدى ىستەلۋ كەرەك، قۇبىلتۋعا، قاراپايىمداستىرۋعا بولمايدى، ءتۇرىن وزگەرتۋگە، فورماسىن تۇرلەندىرۋگە ءتىپتى دە بولمايدى. مىسالى، تانىستىرىپ ۇسىنعاندا بۇقارالىق لۋشيانمەن جاقسى ءجۇرىپ، كەڭ كولەمدە ۇيىمداستىرىپ، جۇمىلدىرىپ، بارلىق نەگىزگى ساتى پارتيا ۇيىمدارى مەن پارتيا مۇشەلەرىن تەگىس قاتىناستىرۋعا قۇلشىنۋ كەرەك؛ ۇيىمدىق تەكسەرۋدە پارىقتى سانمەن تەكسەرۋ جانە تەكسەرۋدى حابارلاندىرۋ جولعا قويىلىپ، كوپ ارنامەن، كوپ ساتىلى، كوپ جاقتان ۇعىسىپ، سايلانۋشىنىڭ ساياسي وتكەلى مەن پاكتىك وتكەلىن قاتاڭ يگەرۋ كەرەك؛ ۋاكىل كانديداتىنا كورسەتىلەتىن العاشقى كانديداتتى تۇراقتاندىرۋدا ۇيلەسىمدى تاسىلمەن اشىق جاريالاپ، پارتيا ۇيىمىنان، پارتيا قۇرىلتايى ۋاكىلدەرىنەن جانە پارتيا مۇشەلەرىنەن ىشكەرىلەي پىكىر الىپ، پارتيالى بۇقارانىڭ ۋاكىل سايلاۋ قىزمەتىنىڭ جاعدايىن بىلمەۋ، ۋاكىل بولىپ سايلاناتىن ادامدى بىلمەۋ جاعدايلارىنىڭ تۋىلۋىنان ساقتانۋ كەرەك. كانديداتتى تۇراقتاندىرۋدان بۇرىن دارەجەلەس ءتارتىپ تەكسەرۋ، باقىلاۋ - تەكسەرۋ ورگانىنان پىكىر الۋ، فينانس قۇرىلىمدارى، كاسىپورىن سياقتى جاقتاردان سايلاناتىن ادامدارعا باعىتتامالى تۇردە اكىمشىلىك زاڭ اتقارۋ، كاسىپ سالاسىن باقىلاۋ - باسقارۋ سياقتى تاراۋلاردان پىكىر تىڭداۋ، جالپىلىق مەنشىككە جاتپايتىن شارۋاشىلىق ۇيىمدارىنان نەمەسە قوعامدىق ۇيىمداردان سايلاناتىن ادامدار تۋرالى قاتىستى پارتيا قۇرىلىسى قىزمەت قۇرىلىمىنىڭ پىكىرىن تىڭداۋعا ءمان بەرۋ كەرەك.
دارەجە سايىن ىلعاپ، ۇزدىكتەردى تاڭداۋعا تاباندى بولۋ. نەگىزگى ساتى پارتيا ۇيىمىنان باستاپ تانىستىرۋشى ورىن پارتيا ۇيىمىنا، ونان ارى سايلاعان ورىن پارتيا ۇيىمىنا دەيىن دارەجە سايىن ۋاكىلدىككە سايلاناتىن ادامداردى سالىستىرىپ، ىلعاپ، جاقسىلاردىڭ اراسىنان ۇزدىكتەرىن تاڭداۋ كەرەك. بۇل پارتيا ىشىندەگى دەموكراتيانى تولىق ساۋلەلەندىرۋ بارىسى بولۋمەن بىرگە، دۇرىس ورتالىقتاندىرۋ، پارتيا ۇيىمىنىڭ وتكەلدى يگەرۋىن كۇشەيتۋ بارىسى دا بولىپ تابىلادى. شەشۋشى بۋىندى يگەرۋگە ءمان بەرىپ، ۋاكىل كانديداتىنا تانىستىرىلاتىن سايلانۋشىنى تۇراقتاندىرۋ، تانىستىرۋشى ورىندار پارتكومنىڭ ءىس قاراۋ، شەشىم جاساۋ ەرەجەسىنە بويسۇنىپ، پارتكوم تۇراقتى كوميتەت ءماجىلىسىنىڭ، پارتكوم جالپى ءماجىلىسىنىڭ كانديداتتاردى تاڭداۋ، تۇراقتاندىرۋداعى وتكەلدى يگەرۋ رولىن تولىق ساۋلەلەندىرۋ؛ ۋاكىل كانديداتىنا كورسەتىلەتىن العاشقى كانديداتتى تۇراقتاندىرۋدا سايلاۋشى ورىن پارتيا ۇيىمى تەكسەرۋ جاعدايى مەن ۋاكىلدەر قۇرىلىمى تالابى سياقتىلارعا ساي، سايلانۋشىلار ەسىمدىگىن كوللەكتيۆ اقىلداسىپ ورتاعا قويۋ؛ ۋاكىل كانديداتىنىڭ زاپاس كانديداتىن تۇراقتاندىرۋدا اقىلداسۋ، تالقىلاۋ نەگىزىندە بەلەت تاستاۋ تاسىلىمەن تۇراقتاندىرۋ كەرەك، بەكىتۋگە وتكىزۋ، شەڭبەرلەي قۇپتاۋ، تەلەفوندا پىكىر الۋ سياقتى تاسىلدەردى ماجىلىستە اقىلداسىپ ۇيعارۋدىڭ ورنىنا قويۋعا بولمايدى، جەكە ادامنىڭ ايتقانى ەسەپ بولاتىن جاعدايدى تۋدىرماۋ كەرەك.
ءماجىلىس اشىپ سايلاۋدى دەن قويا ۇيىمداستىرۋ. بۇل ۋاكىل سايلاۋ قىزمەتىن جاقسى ىستەۋدەگى شەشۋشى بۋىن، سايلاۋشى ورىندار، ءسوز جوق، پارتيا ۋستاۆى سياقتى پارتيا ىشىندەگى زاڭ ەرەجەلەردىڭ بەلگىلەمەسى مەن پارتيا ورتالىق كوميتەتىنىڭ تالابى بويىنشا قىزمەت ءتارتىبىن قاتايتىپ، تىڭعىلىقتى ۇيىمداستىرىپ اتقارۋ كەرەك. پارتيا ۋاكىلدەر قۇرىلتايىن نەمەسە پارتيا ۋاكىلدەر ءماجىلىسىن ويداعىداي اشىپ، پارتيا قۇرىلتايىنا قاتىناساتىن ۋاكىلدەردى ويداعىداي تۇراقتاندىرۋ كەرەك. سايلاۋ ءتاسىلىن كەمەلدەندىرىپ، پارىقتى سانمەن سايلاۋ جۇرگىزۋ، پارىقتى سان سالىستىرماسى ％15تەن كوپ بولۋ؛ كانديداتتى تانىستىرۋ ءادىسىن جاقسارتىپ، تانىستىرۋ مازمۇنىن بايىتىپ، سايلاۋشىلاردىڭ كانديدات جونىندەگى تۇسىنىگىن ارتتىرۋ؛ تاماشا سايلاۋ ورتاسىن قالىپتاستىرىپ، سايلاۋشىلاردىڭ ءوز قالاۋىن شىنايى بەينەلەۋىنە، دەموكراتيالىق ۇقىعىن تولىق جۇرگىزۋىنە شارت - جاعداي جاراتۋ كەرەك. پارتكومدار سايلاۋ قىزمەتىنىڭ باسشىلىق ۇقىعى مەن ىرىقتىلىق ۇقىعىن مىقتاپ يگەرىپ، عىلمي، ۇيلەسىمدى سايلاۋ ءادىسىن جاساپ، سايلاناتىن ادامدار ەسىمدىگى تۇسىنىگىن مۇقيات جاقسى جاساپ، پارتيا ورتالىق كوميتەتىنىڭ رۋحىن، ۋاكىل بولۋ شارتتارىن، قۇرىلىم تالابىن جانە سايلانۋشىنىڭ سايلانىپ شىعۋ بارىسىن ايقىن ءتۇسىندىرىپ، اقىلداسۋدى، تالقىلاۋدى جاقسى ۇيىمداستىرىپ، ۋاكىلدەردى دەموكراتيالىق ۇقىقتى دۇرىس جۇرگىزۋگە جەتەكتەپ، دەموكراتيانى ساۋلەلەندىرۋدى ۇيىمنىڭ ويىن دايەكتىلەندىرۋمەن بىرلىككە كەلتىرۋ؛ سايلاۋ قىزمەتىنىڭ باسقىشتارى مەن بۋىندارىن ەگجەي - تەگجەيلىلەندىرىپ، توسىن جاعدايعا توتەپ بەرۋ جوباسىن جاساپ، سايلاۋ جاعدايىنىڭ وزگەرىسىن دەر كەزىندە يگەرىپ ءارى ۇيلەسىمدى توتەپ بەرىپ، ءماجىلىس ارقىلى سايلاۋدىڭ ولشەمدى، ءتارتىپتى، تولىق تابىستى بولۋىنا كەپىلدىك ەتۋ كەرەك. پارتيا ىشىندەگى دەموكراتيانىڭ ساپاسى مەن ناقتى ونىمدىلىگىن جوعارىلاتۋ ارقىلى قالىڭ پارتيالى كادرلاردى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، قامال الىپ، قيىنشىلىقتاردى جەڭىپ، ءورىس اشا ەكپىندەي العا ىلگەرىلەپ، كەزەكتەگى قىزمەتتەردى تىڭعىلىقتى جاقسى ىستەپ، پارتيا 20 - قۇرىلتايىنىڭ جەڭىسپەن اشىلۋىن ۇزدىك ناتيجەمەن قارسى الۋعا جۇمىلدىرۋ كەرەك.
(شينحۋا اگەنتتىگىنىڭ 2 - ايدىڭ 16 - كۇنى بەيجيڭنەن بەرگەن حابارى)
