【سۋرەتتى اڭگىمە】
2 ـ ايدىڭ 12 ـ كۇنى، پىڭ چاڭجين قىستاق تۇرعىندارىنا مايسا جەتىلدىرۋ تەحنيكاسىن ۇيرەتتى.
2 ـ ايدىڭ 12 ـ كۇنى، پىڭ چاڭجين قاقاعان ايازعا قاراماي ۆەلوسيپەدپەن قىستاق تۇرعىندارىنىڭ كوكونىس قالتقىسىنا بارىپ، كوكونىس ەگۋ جاعدايىن ۇعىستى.
2 ـ ايدىڭ 12 ـ كۇنى، پىڭ چاڭجين قالتقىنى جوندەۋدە.
ماقالاسىن جازىپ، سۋرەتىن تۇسىرگەن تيانشان تورى - شينجياڭ گازەتىنىڭ ٴتىلشىسى زوۋ ي
2 – ايدىڭ 12 - كۇنى، قۇلجا قالاسى ءپانجىم قالاشىعى تومەنگى ءپانجىم قىستاعىنداعى كوكونىس ەگەتىن وتباسىلارى پىڭ چاڭجيننىڭ مايسا ٴوسىرۋ قالتقىسىنا ەرتە كەلىپ، مايسا ٴوسىرۋ كۋرسىنا قاتىناستى.
بيىل 67 جاستاعى پىڭ چاڭجين جەرگىلىكتى ورىنعا تانىمالى كوكونىس ەگەتىن ٴىرى وتباسى. 8 جىلدىڭ الدىندا ول باستاماشىلدىقپەن كوكونىس ەگۋ كاسىپتىك سەلبەستىك كووپەراتيۆىن قۇرادى. بيىل جىل باسىندا پىڭ چاڭجين ٴوزىنىڭ جىلىجايىندا كوكونىس مايساسىن ەرتە جەتىلدىردى. ونىڭ ٴبىر ايدان استام ۋاقىتتاعى دەن قويا باپتاۋىندا 400 مىڭ ٴتۇپ چيەزى، قىزىل بۇرىش، سيىر بۇرشاق سياقتى كوكونىس مايسالارى ويداعىداي كوكتەپ كەلەدى.
پىڭ چاڭجين: ”مەنىڭ بۇل ارادا تۇرمىس كەشىرگەنىمە 50 جىل بولايىن دەدى، قىستاقتاعى بۇقارانى باياعىدا ـ اق ٴوز تۋىسىم دەپ ساناعانمىن، قازىر وتباسىمنىڭ اۋقاتى وڭالدى، ەندى اۋىلداستاردى قاتاردان قالدىرۋعا بولمايدى“، - دەدى. سوڭعى جىلدارى پىڭ چاڭجين قىستاق تۇرعىندارىن ميلليون تۇپتەن استام كوكونىس مايساسىمەن تەگىن قامدادى، سونداي ـ اق مەرزىم بويىنشا تەحنيكالىق كۋرس اشىپ، قىستاق تۇرعىندارىنىڭ قالتقىدا كوكونىس ەگۋ تەحنيكاسىن يگەرۋىنە كومەكتەستى.
پىڭ چاڭجيننىڭ باستاماشىلىق ەتۋىندە، قىستاق تۇرعىنى اكىرام ابىلا 4 جىلدىڭ الدىندا كوكونىس ەگە باستادى، كوكونىس مايساسىن تۇگەل پىڭ چاڭجين تەگىن قامدادى. اكىرام: ”بۇرىن جۇگەرى مەن ٴبيداي ەگەتىنمىن، قازىر كوكونىس ەگۋدى ۇيرەنىپ الدىم، ٴبىر مۋ جەردەن 5000 يۋان كىرىس كىرگىزەمىن“، ـ دەدى.
جۋىق جىلداردان بەرى، قۇلجا قالالىق عىلىم - تەحنيكا مەكەمەسى ٴار جىلى جەرگىلىكتى ورىننان 100 اۋىل شارۋاشىلىق عىلىم - تەحنيكا ارناۋلى قىزمەتكەرىن ۇسىنىس ەتىپ، اۋىل - قالاشىقتارعا بارىپ تەحنيكالىق كۋرس اشىپ، جەتەكشىلىك ەتتى، پىڭ چاڭجين ٴدال سولاردىڭ ٴبىر مۇشەسى. پىڭ چاڭجين بىلاي دەدى: مەن بار كۇشىمدى سالىپ ٴتىپتى دە كوپ اۋىلداستاردى كوكونىس ەگۋ ارقىلى كىرىستەرىن ارتتىرىپ، اۋقاتتانۋعا باستايمىن.
اۋدارعان: قادىر ماقان
