□ انار بۇلت / شينجياڭ گازەتىنىڭ تىلشىلەرى جيڭ بو، دۇڭ لياڭ
ساياحاتشىلار سايرام كولى كورىنىس وڭىرىندە قار - مۇز كوڭىل اشۋ ويىندارىن سەزىنۋدە (2 - ايدىڭ 5 - كۇنى تۇسىرىلگەن). كوكتەم مەرەكەسى كەزىندە ساياحاتشىلار سايرام كولى كورىنىس وڭىرىندە قار - مۇز ويمالارىن تاماشالاپ، قار - مۇز كوڭىل اشۋ ويىندارىن سەزىنىپ، بەيجيڭ قىسقى وليمپيادا سپورت جارىسىنا دەم بەردى.
□ سۋرەتتى ءيۇسۇپ عيني تۇسىرگەن
ءدال وسى ساتتە، دۇنيە ءجۇزى قىسقى وليمپياداعا كوز تىكتى، جۇڭگوعا كوز تىكتى.
”وليمپيادا سپورتىنىڭ 3 سۇراۋىنان“ ”قوس وليمپيادا قالاسىنا“ دەيىن، دەنە تاربيە مەملەكەتتىڭ قۇدىرەتتەنۋ، ۇلتتىڭ گۇلدەنۋ ارمانىنا تىرەك بولدى.
اسقاق سەزىم مەن ارماندى جەتكىزگەن وسى ساتتە، ەرلىك - جىگەر مەن كۇش - قۋاتتى ايگىلەگەن وسى ساتتە، كۇرەس پەن ىنتىماقتى جىرلاعان وسى ساتتە، ”24 امالدى شەگىندىرىپ ساناۋدا“ شينجياڭنىڭ تاۋ - سۋلارىنىڭ كوپتەگەن كوركەم كورىنىستەرى كورسەتىلىپ، ”ادامزات قار شاڭعىسىنىڭ باستالعان جەرى“ − التايلىق سپورتشى دىلنيگار يلھامجان نەگىزگى الاۋدى ”تۇتاندىردى“، كوپتەگەن شينجياڭدىق قار - مۇز ساڭلاقتارى جۇڭگو دەنە تاربيە ۋاكىلدەر ۇيىرمەسىنىڭ قۇرامىندا كوپتەگەن جارىستاردا جورىققا شىقتى... بەيجيڭ قىسقى وليمپيادا سپورت جارىسىنىڭ جۇڭگونىڭ شينجياڭىن دۇنيە جۇزىنە وسىنشاما سالتاناتپەن تانىستىرۋى بەينە مەيىربان انانىڭ تەرەڭ سۇيگەن پەرزەنتتەرىن دۇنيە جۇزىنە كورسەتكەنى ءارى شينجياڭنىڭ قار - مۇز سپورتىنىڭ تالاي جىلدان بەرى اسقاق جىگەرمەن قايراتتانا ۇمتىلىپ، مويىماس تاباندىلىقپەن العا باسقاندىعىنا دەگەن ەڭ تاماشا ماداعى ىسپەتتى بولدى.
جوقتان بارعا دەيىن، قار - مۇز سپورتى كوركەيىپ كەلەدى
”ومىردە قانشا رەت شايقاس ورايى كەلەدى دەيسىڭ، ايانباي شايقاسۋعا تاتيدى. قاتتى ايازعا سۇيەك قارىر شىداماسا، توزبەسە، مەيحۋا گۇلى اڭقىتا الماس، جۇپار ءيىسىن وزگەشە؟“
باس شۋجي شي جينپيڭ: ەلىمىزدىڭ قار - مۇز سپورتىنىڭ قارىشتاپ دامۋىن ىلگەرىلەتۋ ەكىنشى 100 جىلدىق كۇرەس نىساناسىن جۇزەگە اسىرۋدىڭ ماڭىزدى قۇرامداس بولىگى ءارى قالىڭ قار - مۇز سپورتشىلارىنا تاپتىرماس ءومىر ورايىن جاراتتى، - دەپ اتاپ كورسەتتى.
بەيجيڭ قىسقى وليمپيادا سپورت جارىسىنىڭ نەگىزگى الاۋىن تۇتاندىرعان ساتتە، دىلنيگار ماقتانىشىن جاسىرا الماي: ”بۇل بۇدان كەيىنگى ءار كۇنىمدە مەنى ىنتالاندىرىپ وتىرادى“، - دەدى.
ساپتاستارىمەن بىرگە ايەلدەردىڭ دالالىق قار شاڭعى 5 × 4 كيلومەترلىك كۇش جالعاۋ جارىس تۇرىندە قىسقى وليمپياداداعى ەڭ جاقسى ناتيجەنى جاراتقان بايان جالىن: ”قىسقى وليمپيادا سپورت جارىسى الاڭىندا مەن ەڭ زور قۇلشىنىسىممەن سايىسامىن“، - دەدى.
”مۇنان كەيىن مەن ۇزدىكسىز قۇلشىنىپ، پارىقتاردى، ولقىلىقتاردى قاراستىرىپ، ۇزدىك سپورتشىلاردان ۇيرەنەمىن“. تيان رۇينيڭنىڭ ايەلدەردىڭ قىسقا ارالىقتا مۇزدا تەز سىرعاناۋ 500 مەترلىك جارىسى اياقتالعاننان كەيىن ايتقان ءسوزى بۇرىنعىنى قورىتىندىلاۋ بولۋمەن بىرگە، بولاشاققا دەگەن ءۇمىتى دە ەسەپتەلەدى.
تابىسقا جەتۋ جولى قاشاندا بۇرالاڭداۋ كەلەدى. جەڭىلىس پەن ساتسىزدىك دەنە تاربيەنىڭ سپورتشىلاردىڭ ورەنى جوعارىلاتۋىنا بەرگەن ەسەيۋ مەدالى ءارى ارمانعا قۇلاش سەرمەۋدىڭ، بيىك تاۋعا شىعىپ شىڭ بولۋدىڭ قوزعاۋشى كۇش قاينارى سانالادى.
شينجياڭنىڭ قار - مۇز سپورتىنىڭ جەتىلۋى دە ءدال وسىنداي قۋىپ جەتۋ مەن باسىپ وزۋ بارىسىندا ”اناعۇرلىم تەز، اناعۇرلىم ورەلى، اناعۇرلىم قۋاتتى − اناعۇرلىم ىنتىماقتى بولۋدىڭ“ اسقاق سيمفونياسىن شىعانداتتى.
2014 - جىلعى سوچي قىسقى وليمپيادا سپورت جارىسىنا شينجياڭنان بىردە - ءبىر ادام جارىسقا قاتىناسپادى.
2016 - جىلى 13 - كەزەكتى مەملەكەتتىك قىسقى دەنە تاربيە جينالىسى شينجياڭدا ءساتتى وتكىزىلدى. بۇل بەيجيڭ قىسقى وليمپيادا جارىسىن وتكىزۋگە ءوتىنىش بەرۋ ءساتتى بولعاننان كەيىنگى العاشقى مەملەكەتتىك قار - مۇز سالتاناتتى جينالىسى ءارى شىعىس سولتۇستىكتەن تۇڭعىش رەت شىعىپ باتىس بولىك وڭىرىندە وتكىزىلگەن مەملەكەتتىك قىسقى دەنە تاربيە جينالىسى.
2018 - جىلعى پيونچان قىسقى وليمپيادا سپورت جارىسىنا شينجياڭنان 4 ادام 3 جارىس تۇرىنە قاتىناستى، بۇل شينجياڭ قار - مۇز ساڭلاقتارىنىڭ اراعا 24 جىل سالعاننان كەيىن تاعى ءبىر رەت جۇڭگوعا ۋاكىل بولىپ قىسقى وليمپيادا سپورت جارىسىندا جورىققا شىعۋى.
2022 - جىلعى بەيجيڭ قىسقى وليمپيادا سپورت جارىسىندا تيان رۇينيڭ، دىلنيگار، بايان، لۇي يشين، سونداي - اق ۋاڭ زىياڭ، اقنار اداق، قادىس بادەلقان قاتارلى 7 ”شينجياڭدىق بالا“ جۇڭگو قۇراماسى اتىنان جەكە - جەكە مۇزدا تەز سىرعاناۋ، دالالىق قار شاڭعى سياقتى 4 جارىس تۇرىنە قاتىناستى.
2017 - جىلدان بەرى شينجياڭ ىلگەرىندى - كەيىندى نەشە ونداعان توپتا 5000 ادام - رەت سالا اتتاپ، جارىس ءتۇرىن اتتاپ سپورتشى تاڭداۋ قىزمەتىن جۇرگىزدى، ءبىر توپ قار - مۇز سپورتى دارىندىلارى مەن مايسالارى اعالاپ العا شىعىپ، شينجياڭنىڭ قار - مۇز سپورتىنىڭ نەگىزىن بەكەمدەدى. بايان التايداعى جۇگىرۋدى ۇناتاتىن ادەتتەگى ورتا مەكتەپ وقۋشىسىنان بەيجيڭ قىسقى وليمپيادا سپورت جارىسىنا جورىققا شىققان دالالىق قار شاڭعى قۇراماسىنىڭ مۇشەسى بولىپ ەسەيدى؛ جەڭىل اتلەتيكادان جارىس ءتۇرىن اتتاپ قار شانا جارىس تۇرىنە كەلگەن اراپات احىمەت، قىسقى وليمپيادا سپورت جارىسىندا قار شاناسىن سىناۋشى بولدى؛ سىرعىما تاقتاي سپورتشىسىنان تۇعىردان سەكىرۋ قار شاڭعى جارىس تۇرىنە اۋىسقان لۇي يشين قىسقى وليمپيادا سپورت جارىسى ساحناسىنا تۇڭعىش رەت شىقتى.
جاقىنداعى جىلداردان بەرى اۆتونوميالى رايوندىق دەنە تاربيە مەكەمەسى حالىقارامەن، ەل ىشىمەن اۋىس - كۇيىس جاساۋدى، سەلبەستىكتى كۇشەيتىپ، حۋبەي، شاڭحاي، سىچۋان، تيانجين سياقتى جەرلەرمەن، سونداي - اق نورۆەگيا سۋەيكس سەرىكتەستىگىمەن ىركەس - تىركەس ستراتەگيالىق سەلبەستىك كەلىسىمىنە قول قويىسىپ، تاڭداۋلى قار - مۇز سپورتشىلارىن بىرلەسىپ باۋلىدى.
دەنە تاربيە مەن وقۋ - اعارتۋدىڭ توعىسۋىن زور كۇشپەن ىلگەرىلەتتى. اۆتونوميالى رايوندىق دەنە تاربيە مەكەمەسى دەنە تاربيە زاپاس دارىندىلارى جۇيەسىن قايتا سومداۋعا ورنالاستىرۋ جاساپ، رايون، ايماق، اۋدان دەنە تاربيە سپورتى دارىندىلارىنىڭ دەڭگەيىن كوتەرۋ ارناسىن اشىپ، قاتاردان بوساعان سپورتشىلاردى مەكتەپتەردە مۇعالىم بولۋعا شابىتتاندىرىپ، تۇرلىشە جاس قۇرامدارىنداعى، تۇرلىشە جارىس تۇرلەرىندەگى دەنە تاربيە بىرلەسكەن جارىستارىن ورنالاستىرىپ، جاستار مەن ورەندەردىڭ اقاۋسىز دامۋىن جەبەپ، دەنە تاربيە زاپاس دارىندىلارىن قاراستىرا باستادى.
قازىرگىگە كوز جىبەرىپ، بولاشاقتى كوزدەدى. 2026 - جىلعى قىسقى وليمپيادا سپورت جارىسىنا قار شاڭعىمەن تاۋعا شىعۋ جارىس ءتۇرى جاڭادان قوسىلادى، شينجياڭ بىلتىر 12 - ايدىڭ 1 - كۇنى تۇڭعىش قار شاڭعىمەن تاۋعا شىعۋ قۇراماسىن قۇرىپ، قار شاڭعىمەن تاۋعا شىعۋ جارىس ءتۇرى ءۇشىن جوعارى ورەلى سپورتشىلاردى جەتىلدىردى.
جاي باستالعان، نەگىزى ءالسىز شينجياڭ قار - مۇز سپورتى قار - مۇزداعى ”كۇمىس جارىس جولىنا“ تۇسۋدە.
ازدان كوبەيگەن قار - مۇز الاڭدارى بۇكىل شينجياڭعا تارالدى
ەلىمىزدىڭ قىسقى سپورت جارىس تۇرلەرىندەگى ”سولتۇستىكتەگى قار - مۇز ويىندارىن وڭتۇستىككە جالپىلاستىرۋ، باتىسقا كەڭەيتۋ، شىعىسقا ويىستىرۋ“ ستراتەگياسىنىڭ ورتاعا قويىلۋى شينجياڭ سىندى دۇنيە جۇزىندەگى وزىق دەڭگەيدەگى قار - مۇز بايلىعىنا يە ولكە - رايوننىڭ تىڭ تىرشىلىك لەبى مەن ومىرشەڭ كۇش قاۋلاتۋىنا مۇمكىندىك جاسادى.
شينجياڭنىڭ كەڭ - بايتاق الاپتارى قىسى ۇزاق، قار - مۇزبەن كومكەرىلگەن جوعارى ەندىك بەلدەۋىندە، ”سولتۇستىكتە التايدان وڭتۇستىكتە كۇنلۇن تاۋىنا دەيىن، باتىستا ىلەدەن شىعىستا قۇمىلعا دەيىن“ 10 نەشە ايماق، وبلىس، قالانى جاپپاي قامتيدى، مۇنىڭ ىشىندە التاي ايماعى، ءۇرىمجى قالاسى، سانجى حۇيزۋ اۆتونوميالى وبلىسى قاتارلىلار شينجياڭداعى 5 ءىرى قار - مۇز بايلىعى شوعىرلانعان اۋماقتار، شينجياڭنىڭ قار - مۇز بايلىعىن ”دۇنيە جۇزىندە وزىق دەڭگەيدە“ دەپ سۋرەتتەۋ ەشقانداي ارتىق ەمەس.
قار - مۇز الاڭدارى قار - مۇز سپورتىن ورىستەتۋدىڭ نەگىزى. بەيجيڭ قىسقى وليمپيادا سپورت جارىسىن وتكىزۋدى وراي، 13 - كەزەكتى مەملەكەتتىك قىسقى دەنە تاربيە جينالىسىن ءساتتى وتكىزۋدى ءتۇيىن ەتكەن قار - مۇز سپورت الاڭدارى، سارايلارى كوكتەمگى جاۋىننان كەيىنگى جاۋقازىنداي قاۋلاپ، بۇكىل شينجياڭعا تارالدى. قار - مۇزى از وڭتۇستىك شينجياڭنىڭ وزىندە قار - مۇز ويىندارى سەيىل - سەرۋەن باقشالارى بار.
ءتىلشىنىڭ اۆتونوميالى رايوندىق دەنە تاربيە مەكەمەسىنەن ۇعىسۋىنشا، 2016 - جىلدان قازىرگە دەيىن شينجياڭدا قار - مۇز الاڭ - سارايلارى جەدەل مولايىپ، تەك قار شاڭعى الاڭىنىڭ وزىنەن 57سى كوبەيگەن. 2021 - جىلى 12 - ايدىڭ 31 - كۇنىنە دەيىن شينجياڭدا ءتۇرلى قار - مۇز الاڭدارىنان جيىنى 188ى سالىندى، مۇنىڭ ىشىندە قار - مۇز سەيىل - سەرۋەن باقشاسىنان 60ى بار. كوپتەگەن قار - مۇز سپورتى الاڭ - سارايلارى بۇكىل ەل بويىنشا وزىق دەڭگەيگە، حالىقارا بويىنشا ماڭداي الدى ورەگە جەتتى.
”شينجياڭ ’جۇڭگوداعى قار - مۇزدىڭ جاڭا بەلەسى، دۇنيە جۇزىندەگى قار - مۇز 3 - پوليارى بولۋ‘ نىساناسىن كوزدەپ كۇش سالۋدا“. مەملەكەتتىك دەنە تاربيە باس مەكەمەسى قىسقى سپورتتى باسقارۋ ورتالىعىنىڭ ورىنباسار مەڭگەرۋشىسى، اۆتونوميالى رايوندىق دەنە تاربيە مەكەمەسىنىڭ ورىنباسار باستىعى جياڭ شىساي تانىستىرىپ بىلاي دەدى: رايونىمىزدىڭ جوعارى دەڭگەيلى قار - مۇز سپورت الاڭ - سارايلارىن قىسقاشا ”1322 الاڭ - سارايلار شوعىرى“ دەپ اتاۋعا بولادى: مۇنداعى ”1“ − شينجياڭ مۇز ءۇستى سپورتى ورتالىعى؛ ”3“ − كوكتوعاي حالىقارالىق قار شاڭعى الاڭى، سايرام كولى حالىقارالىق قار شاڭعى الاڭى جانە قوم (جىكبەلەڭ) حالىقارالىق قار شاڭعى سەيىل - سەرۋەن اۋماعى، بارلىعى تاۋ شاڭعى الاڭدارى؛ ”2“ − سارقوبى دالالىق قار شاڭعى الاڭى مەن اراسان اۋدانى دالالىق قار شاڭعى الاڭى؛ ەندى ءبىر ”2“ − ۋشىلىك جايلاۋىنداعى التاي تابيعي قار باقشاسى مەن التاي تاۋى ەكى اشا تابيعي قار باقشاسى سىندى 2 تابيعي قار باقشاسى بولىپ تابىلادى.
”بۇل الاڭ - سارايلاردىڭ سالىنۋى شينجياڭنىڭ قار - مۇز سپورتىنىڭ بارىنشا دامۋىنا بەرىك نەگىز قالاپ قانا قالماستان، بولاشاقتا جۇڭگو قار - مۇز سپورتى بولىگىن دە جەبەۋى مۇمكىن“، - دەدى جياڭ شىساي.
جاقىندا اشىلعان شينجياڭنىڭ بەيجيڭ قىسقى وليمپيادا سپورت جارىسىنا قاتىناسۋىن جانە شينجياڭنىڭ قار - مۇز سپورتىنىڭ، قار - مۇز ساياحاتىنىڭ جاعدايىن تانىستىرۋ جونىندەگى اقپار جاريالاۋ ماجىلىسىندە اۆتونوميالى رايوندىق دەنە تاربيە مەكەمەسىنىڭ باستىعى گۇلي ابلىم: ”1322“ 8 ءىرى بەلگى سيپاتتى قار - مۇز الاڭ - سارايلارى تۇگەلدەي ”جۇڭگودا وزىق، دۇنيە جۇزىندە ماڭداي الدى بولۋ“ ساپاسىن ازىرلەدى، ارىپتەستەردىڭ جاپپاي مويىنداۋىنا يە بولدى، - دەدى.
ەلەۋسىز كۇيدەن دۋماندى بولۋعا دەيىن، قار - مۇز مادەنيەتى جانداندى
2014 - جىلى 2 - ايدا ۇسىنىس بويىنشا سوچي قىسقى وليمپيادا سپورت جارىسىنىڭ باستالۋ سالتىنا قاتىناسقان كەزىندە ءتوراعا شي جينپيڭ حالىقارالىق وليمپيادا كوميتەتىنىڭ ءتوراعاسى باحقا: ”جۇڭگودا قار - مۇز سپورتى شانحايگۋاننان وتپەيدى. ەگەر قار - مۇز سپورتى شانحايگۋان ىشىندە جالپىلاسار بولسا، مەجەمەن 200 − 300 ميلليون ادام قاتىناسىپ، وسى ارقىلى جۇڭگو قار - مۇز سپورتىنىڭ الاۋىن تۇتاندىرادى“، - دەدى.
”300 ميلليون ادامدى قار - مۇز سپورتىنا قاتىناسۋعا باستاۋ“ نىساناسىنىڭ جەتەكشىلىگىندە شينجياڭنىڭ قار - مۇز سپورتى قارىشتاپ دامىپ، قار - مۇز سپورتىنا قاتىناساتىن جاستار مەن ورەندەر بارعان سايىن مولايىپ، ءتىپتى دە كوپ بۇقارا كونكي الاڭدارىنا، شاڭعى الاڭدارىنا بەتتەدى.
بەيجيڭ قىسقى وليمپيادا سپورت جارىسىنىڭ وتكىزىلۋىمەن شينجياڭداعى ءار ۇلت بۇقاراسىنىڭ ”قار - مۇزعا ات سالىسۋ“ ىنتاسى ءتىپتى دە قاۋلاي ءتۇستى. اۆتونوميالى رايوندىق دەنە تاربيە مەكەمەسى بۇقارالىق دەنە تاربيە باسقارماسىنىڭ ساناعىنا قاراعاندا، بىلتىر 11 - ايدان باستاپ، شينجياڭنىڭ ايماق، وبلىس، قالالارى تۇگەلدەي ”قىسقى وليمپيادا سپورت جارىسىن قارسى الۋ، قار - مۇز سپورتىن ءسۇيۋ“ بۇقارالىق قار - مۇز قيمىلدارىن كەڭ كولەمدە ورىستەتىپ، قازىرگە دەيىن ءتۇرلى بۇقارالىق قار - مۇز قيمىلدارىن 500 نەشە رەت وتكىزىپ، ولارعا قاتىناسقان ادام سانى 560 مىڭ ادام - رەتتەن اسقان.
كوكتەم مەرەكەسى كەزىندە التاي قالاسى گەنەرال تاۋى حالىقارالىق قار شاڭعى سەيىل - سەرۋەن اۋماعىنىڭ 3 كۇندە قابىلداعان ساياحاتشىسى ءۇرتىس 10 مىڭنان اسىپ وتىردى؛ ءۇرىمجى اۋدانىنداعى كوپتەگەن قار شاڭعى الاڭدارىندا زور مولشەردەگى شاڭعى اۋەسقويلارى، قىسقى لاگەر كۋرسانتتارى قار - مۇز ۇستىندە زىمىراپ، سپورت ىنتاسىن تاسقىنداتتى؛ شۋاڭحى قالاسىنداعى وقىتۋشى ليۋ پين ۇيىندە قيار مەن تەگەنەدەن ”بيڭحۋ“ جاسادى؛ كەلپىن اۋدانىنداعى اسەمونەرشى امەتجان قاري كۇيدىرىپ ورنەكتەۋ فورماسىمەن وزگەشە ”بيڭدۇندۇن“ جاسادى؛ اس - سۋ شەبەرى يۇي جىچياڭ كەۋەك ماتەريالدان ”قار قۇتىن“ ويدى، وقۋشىلاردىڭ قىسقى دەمالىس تاپسىرمالارى، قولگازەتتەرىنە قىسقى وليمپيادا سپورت جارىسى بىلىمدەرى تولتىرا جازىلدى...
2015 - جىلى بەيجيڭ قىسقى وليمپيادا سپورت جارىسىن وتكىزۋدى ءساتتى ءوتىنىش ەتكەننەن بەرى جۇڭگونىڭ قار - مۇز كارتاسى ۇزدىكسىز كەڭەيدى، شينجياڭ وتە - موتە جۇرت نازارىن وزىنە بۇردى.
2 - ايدىڭ 17 - كۇنى وتكىزىلگەن 2022 بەيجيڭ اقپارات ورتالىعىنىڭ اقپار جاريالاۋ ماجىلىسىندە مەملەكەتتىك دەنە تاربيە باس مەكەمەسى ۇگىت مەكەمەسىنىڭ باستىعى تۋ شياۋدۇڭ تانىستىرىپ بىلاي دەدى: شينجياڭ قاتارلى وڭىرلەر ۇلتتىق سالت - سانانى، جاراتىلىستىق كورىنىستەردى قار - مۇز ساياحاتىمەن توعىستىرىپ، بۇكىل ەلدەگى قار - مۇز ساياحاتىنىڭ تيپتىك ۋاكىلىنە اينالدى.
”ءبىز باس شۋجي شي جينپيڭنىڭ وليمپيادا جونىندەگى ماڭىزدى بايىمداۋلارىنىڭ رۋحىن ۇزدىكسىز ىشكەرىلەي دايەكتىلەندىرىپ، تياناقتاندىرىپ، اۆتونوميالى رايوندىق پارتكوم مەن ۇكىمەتتىڭ قار - مۇز سپورتى مەن قار - مۇز كاسىپ سالاسى جونىندەگى ورنالاستىرۋلارى بويىنشا جۇڭگو (چاڭبايشان تاۋ سىلەمى − التاي تاۋ سىلەمى) قار - مۇز ەكونوميكاسىنىڭ جوعارى ساپالى دامۋ سىناق رايونى ستراتەگيالىق سەلبەستىك جۇلگەلىك كەلىسىمىن جالپى بەتتىك تياناقتاندىرىپ، ’سالاماتتى شينجياڭ‘، ’ساياحات ارقىلى شينجياڭدى گۇلدەندىرۋ‘ستراتەگيالارىن ىشكەرىلەي اتقارىپ، عىلمي دامۋ ۇستانىمىن ورناتىپ،’التايدا الدىمەن تۇلعالاۋ، تيانشاننىڭ سولتۇستىگىندە ءتۇيىندى دامىتۋ، بىرتىندەپ بۇكىل شينجياڭدى جەتەكتەۋ‘ سىندى ’3 قادامعا ءبولىپ ءجۇرۋ‘ستراتەگيالىق جول كارتاسى بويىنشا قار - مۇز الاڭ - سارايلارىن نەگىز، قار - مۇز سپورتىن باستاماشى ەتىپ، شىن مانىندە ’سۋىق بايلىقتى‘ ’ىستىق ەكونوميكاعا‘ اينالدىرىپ، جىبەك جولى ەكونوميكالىق بەلدەۋى وزەكتى رايونىنىڭ وزگەشە ارتىقشىلىعىن تولىق ساۋلەلەندىرىپ، ’14 - بەسجىلدىق‘ مەزگىلىندە شينجياڭدى دۇنيە ءجۇزى دارەجەلى قار - مۇز سپورتىنىڭ نىسانالى جەرى جانە دۇنيە ءجۇزى قار - مۇز مادەنيەتىنەن اۋىس - كۇيىس جاساۋداعى وزەكتى شەڭبەر ەتىپ تۇلعالاۋعا قۇلشىنامىز“، - دەدى گۇلي ابلىم.
