انار بۇلت / شينجياڭ گازەتىنىڭ ءتىلشىسى ۋاڭ جيڭجيڭ
2 - ايدىڭ 17 - كۇنى شينجياڭ تيانشان تيانچى كورىنىس وڭىرىندەگى مۇز ايدىنىندا كورىنىس ءوڭىرىنىڭ قىزمەتكەرى ءشارىپ شىنايدىڭ باستاۋىندا 10 نەشە ساياحاتشىدان قاردان ادام جاسايتىن بولىمشە اترەتى قۇرىلدى: ولار كول ايدىنىنداعى كەسەك قاردى اكەلىپ، تاعانىن قالاعاننان كەيىن ءتۇستى قارىنداشپەن، ءتۇستى قاعازبەن 2 ساعات ادەمىلەپ ارلەپ، قاردان الىپ ادام جاسادى.
فۋكاڭ قالاسى تيانچى ساياحات كەمەسى تيجارات شەكتى سەرىكتەستىگىنىڭ باس ديرەكتورى گاۋ ۋيبيڭ: ”اسىلىندە قىزمەتكەرلەر وزدەرى قاردان ادام جاساپ ويناپ جاتقان بولاتىن، ساياحاتشىلاردىڭ ات سالىسۋ ىنتاسىنىڭ وسىنشاما جوعارى بولارىن ويلاماپپىز. سونىمەن ءبىز جابدىقپەن جانە سۋرەت قالامىمەن قامداۋعا جاۋاپتى بولىپ، كوپشىلىكتى باستاپ بىرگە وينادىق. قىسقى وليمپيادا سپورت جارىسى اياقتاعانعا دەيىن ساياحاتشىلار بۇل تۇردەگى قيمىلعا قاتىناسا الادى. ساياحاتشىلاردى قابىلداۋ ورتالىعىنداعى ۇلكەن ەكراندا بەيجيڭ قىسقى وليمپيادا سپورت جارىسىنىڭ جارىستارىن تىكە تاراتۋدان سىرت، تيانشان تيانچى كورىنىس ءوڭىرى ءتۇرلى قيمىلداردى دا ۇيىمداستىرىپ، ساياحاتشىلاردى قار - مۇز سپورتىنىڭ قىزىعىنا شومدىرادى“، - دەدى.
قايشىمەن ءبىر جۇپ سۇيكىمدى ”بيڭدۇندۇن“ مەن ”شۋەرۇڭرۇڭدى“ قاعازبەن اينىتپاي قيىپ جاسادى. شاۋەشەك قالاسىنداعى حالىقتىق قاعاز قيۋ ونەرپازى حان سۋمەي ءبىر اپتا ۋاقىتپەن، قىسقى وليمپيادا سپورت جارىسى نەگىزگى تاقىرىپتىق جەلىلەس قيما سۋرەت تۋىندىلارىن جاساپ، جاپپاي جاقسى باعا الدى. ”مەن تاعى جالعاستى جاڭا قيما سۋرەت تۋىندىلارىن جاراتىپ، جۇڭحۋانىڭ تاڭداۋلى ءداستۇرلى مادەنيەتىن ايگىلەۋمەن بىرگە، بەيجيڭ قىسقى وليمپيادا سپورت جارىسىنا دەگەن تاماشا تىلەگىمىزدى دە بەينەلەيمىن“، - دەدى حان سۋمەي.
بەيجيڭ قىسقى وليمپيادا سپورت جارىسى باستالعاننان بەرى التاي قالاسى حاندىعاتى موڭعۇل ۇلتتىق اۋىلى حاندىعاتى قىستاعىنىڭ تۇرعىنى باتىموڭكى شەكارا كۇزەتشىلەرى جاتاعىنا ورالىسىمەن - اق تەلەۆيزوردى اشىپ، قىسقى وليمپيادا سپورت جارىسىن كورەتىن بولدى. دالالىق شاڭعى تۇرلەرى جارىسى شەكارا كۇزەتشىلەرى ەڭ ۇناتاتىن جارىس. جۋىقتا جەرگىلىكتى ورىن تەرى شاڭعى جارىسىن ۇيىمداستىرىپ، باتىموڭكى اعا جۇلدەگەر بولدى. ”شەكارانى شارلاپ جۇرگەنىمدە جىعىلىپ، جارالانسا دا تاباندىلىقپەن جارىسقا قاتىناسىپ جاتقان سپورتشىلار ۇنەمى ەسىمە ورالادى، ولاردىڭ ءون بويىنان ’ماڭگى تانبايتىن، تالىقپايتىن‘ رۋحاني كۇشتى سەزىندىم، سپورت ساڭلاقتارىنىڭ ەرلىكپەن سايىساتىن رۋحىنان ۇيرەنىپ، الداعى قىزمەتكە بار كۇشپەن كىرىسەمىن“، - دەدى ول.
بەيجيڭ قىسقى وليمپيادا سپورت جارىسى تيانشان الابىنداعى ءار ۇلت جاستارى مەن وسپىرىمدەرىنىڭ قىسقى دەمالىستاعى تۇرمىسىن ونان ارى مول مازمۇنعا يە ەتتى. ساۋان قالاسىنداعى بالدىرعان ىنكار كۇلمايزا جونىنەن قىسقى دەمالىستاعى ەڭ ءماندى ءىس 20 نەشە بالدىرعانمەن بىرگە 512 سيقىرلى قوبديشاقپەن بەيجيڭ قىسقى وليمپيادا سپورت جارىسىنىڭ نەگىزگى تاقىرىبىن قۇراستىرۋ سانالدى. ”سيقىرلى قوبديشاقپەن قۇراستىرۋدىڭ سيقىرلى قوبديشاقتى بۇرىنعى قالپىنا كەلتىرۋدەن قيىندىعى زور، كوپشىلىك ءبىر نيەتپەن ىنتىماقتاسىپ، قيىنشىلىقتان قورىقپاعاندا عانا تابىسقا جەتە الادى، مۇعالىمىمىز مۇنىڭ ءوزى دە وليمپيادا رۋحى دەيدى“، - دەدى ول.
2 - ايدىڭ 18 - كۇنى تۇستە قىسقى وليمپيادا سپورت جارىستارىن كورىپ بولعاننان كەيىن حوشۇت اۋدانىنداعى ناديا يىلھامجان ەسىمدى وقۋشى كونكيىن الىپ مۇز ايدىنىنا توتە تارتتى، وسى ساتتە ءوزى تانيتىن كىشكەنتاي 5 سەرىگى دە مۇز ايدىنىندا جۇيتكىپ جۇرگەن ەدى. ”قازىر قىسقى وليمپيادا سپورت جارىسىنىڭ اعا جۇلدەگەرلەرى ءبىزدىڭ ارداق تۇتار ادامدارىمىز. مەنىڭ ارداق تۇتارىم سۋ يميڭ، مەن ونى ۇلگى ەتىپ، الداعى ۇيرەنۋدە، تۇرمىستا سىن - سايىستان قورىقپاي، باتىلدىقپەن العا تارتامىن“، - دەدى ناديا.
