□ انار بۇلت / شينجياڭ گازەتىنىڭ ءتىلشىسى حۋاڭ شيڭ
2 - ايدىڭ 18 - كۇنى جارىسقا قاتىناسۋشىلار كەرلينيگ جارىسىندا. سول كۇنى ”قىسقى وليمپيادا سپورت جارىسىنا دەم بەرىپ، قار - مۇز سپورتىن سۇيەيىك، مەن ساڭلاقتارمەن كەرلينيگ جارىسىنا تۇسەمىن“ تاقىرىبىنداعى جارىس قيمىلى قۇلجا قالالىق دەنە تاربيە سارايىندا وتكىزىلىپ، قالاداعى ورتا مەكتەپتەردەن كەلگەن دەنە تاربيە مۇعالىمدارى ۋاكىلدەر ۇيىرمەسى بولىپ قۇرالىپ، وسى رەتكى جارىسقا قاتىناستى.
□ سۋرەتتى انار بۇلت / شينجياڭ گازەتىنىڭ ءتىلشىسى زوۋ ي تۇسىرگەن
بەيجيڭ قىسقى وليمپيادا سپورت جارىسى الاڭىندا سپورتشىلار بۇرىنعى ناتيجەلەرىنەن اسىپ ءتۇسىپ، قيىندىققا قاسقايا قارسى ءجۇرىپ، اقىرىنا دەيىن ايقاستى؛ نەشە مىڭداعان شاقىرىم شالعايداعى تيانشان تاۋىنىڭ بوكتەرىندە، تارىم وزەنىنىڭ ەكى جاعالاۋىندا ءتىپتى دە كوپ ادام تارتىمدى جارىستاردى تاماشالاۋمەن بىرگە، ۇيدەن شىعىپ، دەنە تاربيەمەن شۇعىلدانىپ شىنىعۋ بارىسىندا ءلاززات الاتىن، دەنە ساپاسىن كۇشەيتەتىن بولدى.
پارتيا 18 - قۇرىلتايىنان بەرى، رايونىمىز دەنە تاربيە ىستەرىنىڭ دامۋ ونىمدىلىگى كورنەكتى بولىپ، بۇقارالىق دەنە تاربيە قارىشتاي دامىپ، دەنە تاربيە كاسىپ سالاسى ۇزدىكسىز زورايىپ، دەنە تاربيە رەفورماسى ورنىقتى قاداممەن ىلگەرىلەپ، سالاماتتى جۇڭگو جانە دەنە تاربيەدە قۋاتتى ەل قۇرىلىسىنا شينجياڭ كۇشىن قوستى.
باسەكەلىك دەنە تاربيە كۇرەسىندە مەن بارمىن
2 - ايدىڭ 12 - كۇنى بەيجيڭ قىسقى وليمپيادا سپورت جارىسى ايەلدەردىڭ دالالىق شاڭعى 5 × 4 كيلومەترلىك كۇش جالعاۋ جارىسىندا جۇڭگو قۇراماسى وسى جارىس تۇرىنە قاتىناسۋ تاريحىنداعى ەڭ جاقسى ناتيجەگە يە بولدى، قۇراما مۇشەسىنىڭ ءبىرى بايان جالىن شينجياڭدىق بولاتىن.
باس شۋجي شي جينپيڭنىڭ ”بورىش مەنىڭ ارقامدا، كۇرەستە مەن بارمىن“ دەگەن ىقىلاستى ءتالىمىن ەستەرىندە بەرىك ساقتاعان رايونىمىزدىڭ دەنە تاربيە ساڭلاقتارى جاتتىعۋ الاڭدارىندا قارا تەرگە مالشىنىپ، باسەكە الاڭىندا ەرلىكپەن الدىن بەرمەۋگە تالپىنىپ، ۇزدىكسىز تۇردە ءوز شەكتەمەلەرىن جەڭىپ، بۇرىنعى دەڭگەيلەرىنەن اسىپ ءتۇسىپ، ”ومىردە قانشا رەت شايقاس ورايى كەلەدى دەيسىڭ“ دەگەن كۇرەس رۋحىن ايگىلەدى.
2014 - جىلى جانە 2018 - جىلى شينجياڭدىق بويجەتكەن شيا شين - ي ازيا سپورت جارىسىنىڭ ايەلدەردىڭ قايراڭ ۆولەيبولى التىن مەدالىن 2 مارتە الدى.
2016 − 2017 - جىلى شينجياڭ فيحۋ قۇراماسى ىلگەرىندى - كەيىندى ازيا كلۋبتارى لوڭقاسىنا تالاسۋ جارىسىنىڭ اعا جۇلدەگەرلىگىن الۋ، CBA جالپى اعا جۇلدەگەرلىگىن الۋ، مەملەكەتتىك سپورت جارىسىندا شەشۋشى جارىسقا وتۋدەي 3 ۇلكەن ناتيجەنى قولعا كەلتىردى. شينجياڭ ايەلدەر باسكەتبول قۇراماسى WCBAدىڭ جالپى شەشۋشى جارىسىنا 2 رەت ءوتىپ، قۇراما باستىعى ۋاڭ ليلي وليمپيادا سپورت جارىسىنىڭ سيلىق الۋ تۇعىرىنا شىقتى.
2021 - جىلى شينجياڭ ەرلەر فۋتبول قۇراماسى مەملەكەتتىك سپورت جارىسىنىڭ شەشۋشى جارىس ساحناسىنا تۇڭعىش رەت شىقتى؛ 2022 - جىلى 1 - ايدا جاڭا كەزەك U21 مەملەكەتتىك ەرلەر فۋتبول قۇراماسىنا شينجياڭنان 6 فۋتبولشى قاتىناستى.
باتىرلىقتى جەڭىس - جەڭىلىسپەن ولشەمەيمىز، باتىر دا باتىلدىقپەن جۇرتتان وزۋى كەرەك.
بىلتىر رايونىمىزدىڭ دەنە تاربيە ساڭلاقتارى توكيو وليمپيادا سپورت جارىسىندا 2 قولا مەدالعا يە بولدى، 14 - رەتكى مەملەكەتتىك سپورت جارىسىندا، مەملەكەتتىك 11 - كەزەكتى مۇگەدەكتەر سپورت جارىسىندا جانە 8 - كەزەكتى ەرەكشە وليمپيادا سپورت جارىسىندا جەكە - جەكە 7 التىن مەدال، 7 كۇمىس مەدال، 7 قولا مەدال جانە 23 التىن مەدال، 15 كۇمىس مەدال، 23 قولا مەدال الۋداي ۇزدىك ناتيجە جاراتىپ، رايونىمىزدىڭ باسەكەلىك دەنە تاربيەسىنىڭ كەلەلى تاريحي سەرپىلىسىن جۇزەگە اسىردى!
بۇگىنگى كۇندەگى شينجياڭ دەنە تاربيەسى ءداستۇرلى باسىمدىققا يە جارىس تۇرلەرىنىڭ جايلى شەڭبەرىنەن شىعىپ، كوپتەگەن سالالاردا بەلسەندىلىكپەن جاڭالىق اشۋعا ىزدەنىس جاساپ، بىرتىندەپ قار - مۇز جارىس تۇرلەرى، 3 ۇلكەن دوپ، جەڭىل اتلەتيكا، جارىس اۆتوموبيلى سياقتى ەرەكشە باسىمدىققا يە جارىس تۇرلەرىن، بوكس، بالۋان، ات ونەرى، ساداق اتۋ، تايكوندو سياقتى ءداستۇرلى باسىمدىققا يە جارىس تۇرلەرىن قالىپتاستىردى.
بۇقارالىق دەنە تاربيە ءبىر تۇلعالى ىلگەرىلەدى
داڭقتار، مەدالدار سپورتشىلاردىڭ، جاتتىقتىرۋشىلاردىڭ قاجىرلىلىقپەن توككەن تەرىنە دەمەۋ بولۋمەن بىرگە، رايونىمىزدىڭ دەنە تاربيە ىستەرىنىڭ جالپى بەتتىك دامۋى قول جەتكىزگەن سۇبەلى ناتيجەنى دە ايگىلەدى. دەسە دە دەنە تاربيە ىستەرى دامىپ بۇگىنگە جەتكەندە، ول تەك قانا جارىس الاڭىندا التىن، كۇمىس مەدال الۋ عانا ەمەس، بۇقارالىق دەنە تاربيەنىڭ باسەكەلىك دەنە تاربيەمەن ءبىر تۇلعالى ىلگەرىلەۋىن دە قاجەت ەتەدى.
2 - ايدىڭ 18 - كۇنى مۇزداعى دومالاتپا دوپ، مۇزدا ارقان تارتۋ، قىزىقتى كەرلينيگ سياقتى قار - مۇز سپورتتارى ءۇرىمجى ەكونوميكالىق، تەحنيكالىق اشۋ رايونى (توۋتۇنحى رايونى) لياڭحى اۋماعى ماجياجۋاڭزى قىستاعىندا ىركەس - تىركەس ورىستەتىلىپ، توڭىرەكتەگى ءبىرتالاي ەگىنشى - مالشىلاردى قار - مۇز قىزىعىنان ءلاززات الۋعا باۋرادى. ماجياجۋاڭزى قىستاعى سياقتى جاقىنداعى جىلداردان بەرى شينجياڭنىڭ جەر - جەرىندە بۇقارالىق دەنە تاربيە جارىس قيمىلدارى قارىشتاپ ورىستەدى. ماركا جارىسى، جارىس تۇرلەرى جەلىلەس جارىسى جانە ەرەكشە جارىس قيمىلدارى جالپى حالىق دەنە شىنىقتىرۋ قيمىلدارىنىڭ كەڭىنەن جالپىلاسۋىن جەبەدى؛ قوعامدىق كۇشتەردىڭ كولەمدى بۇقارالىق دەنە تاربيە جارىستارىن وتكىزۋ ىنتاسى ۇزدىكسىز تاسقىنداپ، جارىس سانى مەن قاتىناسقان ادام سانى جاڭا رەكورد جاراتتى.
قوعامدىق دەنە تاربيە جەتەكشىلەرى قوسىنى جەدەل ۇلعايدى. قازىرگە دەيىن رايونىمىزداعى ءار دارەجەلى، ءار ءتۇرلى قوعامدىق دەنە تاربيە جەتەكشىلەرىنىڭ سانى 53 مىڭ 100 ادامعا جەتىپ، ورتا ەسەپپەن ءار مىڭ ادامعا 2.16 قوعامدىق دەنە تاربيە جەتەكشىسىنەن تۋرا كەلدى. ولار جىل بويى اۋىل - قىستاقتاردا، الەۋمەتتىك اۋماقتاردا تەبىندى قىزمەت ىستەپ، ءار ۇلت بۇقاراسىنا عىلمي دەنە شىنىقتىرۋ جەتەكشىلىگىن ازىرلەپ، جالپى حالىق دەنە شىنىقتىرۋ سپورتىن جالپىلاستىرىپ، قالىڭ بۇقارانىڭ قىزۋ قارسى الۋىنا بولەندى. ولاردىڭ جەتەكتەۋىندە، جالپى حالىق دەنە شىنىقتىرۋ قيمىلى قارىشتاپ ورىستەدى، سۋدا ءجۇزۋ، جۇگىرۋ، تايجي، يوگا... ”كالوريا ورتەۋ“ كوپتەگەن ادامنىڭ تۇرمىس تاسىلىنە اينالدى.
بۇقارالىق دەنە تاربيە جاستىق كوكتەم كۇشىن ۇستەدى. 2014 - جىلدان بەرى التاي ايماعى ىلگەرىندى - كەيىندى فۋتبول، شاڭعى، ات ءمىنۋ سياقتى دەنە تاربيە ساباقتارىن مەكتەپتەرگە كىرگىزىپ، بۇكىل ايماقتا ”جازدا ات مىنەتىن، قىستا شاڭعى تەبەتىن، ءبىر جىلدىڭ 4 ماۋسىمىندا فۋتبول وينايتىن“ ەرەكشە دەنە تاربيە ساباعىن قالىپتاستىردى؛ قارامايلى قالاسى ورتا، باستاۋىش مەكتەپتەردە، سونداي - اق بالاباقشالاردا دوڭگەلەكتى كونكي سپورتىن جاپپاي جالپىلاستىرىپ، كونكي سپورتىنىڭ جالپىلاسۋىن ءونىمدى ىلگەرىلەتىپ، زور توپتاعى شاڭعى اۋەسكەرلەرىن جەتىلدىردى؛ اقسۋ ايماعى ۇستەل دوپ قوعامى 2013 - جىلى 7 - ايدا قۇرىلعاننان بۇگىنگە دەيىن مۇشەلەرى 30 نەشە ادامنان 200 نەشە ادامعا مولايدى، مۇشەلەرىنىڭ ەڭ كىشىسى نەبارى 7 جاستا؛ بۇكىل ەلدەگى جوعارى مەكتەپتەردىڭ فۋتبول قۇراماسى مەن باسكەتبول قۇراماسىندا ”شينجياڭدىقتار بولماسا، قۇراما قۇرىلمايتىن“ قۇبىلىس جارىققا شىقتى.
اۆتونوميالى رايوندىق دەنە تاربيە مەكەمەسىنىڭ ساناق ساندى مالىمەتىندە كورسەتىلۋىنشە، 2020 - جىلدىڭ اياعىنا دەيىن رايونىمىزدا ءار اپتادا دەنە تاربيەلىك شىنىعۋعا قاتىناساتىن ادامداردىڭ سانى ％37تەن اسىپ، دەنە تاربيەلىك شىنىعۋعا ۇنەمى قاتىناساتىن ادامداردىڭ سانى 8 ميلليونعا جەتكەن. تاسقىنداعان سپورت ىنتاسى مەن كوكەي تەستى سالاماتتىق قاجەتى شينجياڭداعى ءار ۇلت بۇقاراسىنىڭ تاماشا تۇرمىسقا تالپىنۋىنىڭ ماڭىزدى قۇرامداس بولىگىنە اينالدى.
جالپى حالىق دەنە شىنىقتىرۋ سالتقا اينالدى
باس شۋجي شي جينپيڭ: ”دەنە تاربيەدە قۋاتتى ەلدەن سالاماتتى جۇڭگوعا دەيىن حالىقتىڭ سالاماتتىعى، حالىقتىڭ دەنە قۋاتى، حالىقتىڭ باقىتى، ءبار - ءبارى تامىرلاس. بۇل جاپپاي دوڭگەلەك داۋلەتتى قوعام ورناتۋدىڭ، جاپپاي وسىزامانداندىرۋدىڭ وزىنە تيەسىلى ءمانى. ونىڭ ماڭىزى كىشكەنە ىستەن ۇلكەن ناتيجە شىعارۋ“، - دەپ اتاپ كورسەتتى.
”ورنىڭدا قادامدا، قولدارىڭدى سەرمە“. ءار كەش سايىن ءۇرىمجى دەنە تاربيە باقشاسىندا مۋزيكا ۋاعىندا قويىلادى، دەنە شىنىقتىرۋ ماڭايداعى قالا تۇرعىندارىنىڭ تۇرمىس ادەتىنە اينالدى، كوپتەگەن ادام بۇل اراعا ارنايى باسقالارمەن ۇستەل دوپ ويناۋعا كەلەدى. ”قايدا بارىپ دەنە شىنىقتىرامىز؟“ دەگەن ماسەلە ءبىر مەزگىل كوپتەگەن ادامنىڭ باسىن قاتىرىپ كەلگەن بولاتىن. كونكي، شاڭعى، جۇرىسكەرلىك، تايجي جۇدىرىقشىلىعى، الاڭ ءبيى... قازىر ادامداردىڭ ويىنا تۇسكەن دەنە شىنىقتىرۋ تۇرلەرىنىڭ بارلىعى شينجياڭ سىندى وسىناۋ شۇرايلى وڭىردە دۋماندى ورىستەۋدە. بالاۋسا جەتكىنشەكتەن زەينەتكە شىققان قارتقا دەيىن جالپى حالىق دەنە شىنىقتىرۋدى بىرتىندەپ سالتقا اينالدىرىپ، سالاماتتى تۇرمىس ۇستانىمى جۇرت جۇرەگىنە بارعان سايىن تەرەڭ ۇيالادى.
رايونىمىز كولەمدى سپورت الاڭ - سارايلارىن سالۋمەن بىرگە، بۇقارانىڭ ماڭىنداعى ”دەنە شىنىقتىرۋ ۇيلەرى“ مەن ”جەڭىل اتلەتيكا الاڭدارىن“ سالۋعا دا ەرەكشە ءمان بەردى. 2021 - جىلعا دەيىن رايونىمىزدا 67 مىڭ 700 دەنە تاربيە الاڭى (بولمە ءىشى دەنە تاربيە الاڭ - سارايى 9500، دالاداعى دەنە تاربيە الاڭى 58 مىڭ 200) سالىنىپ، الاڭ جەر اۋدانى جان باسىنا 2.03 شارشى مەتردەن تۋرا كەلدى. 2018 - جىلدىڭ اياعىنداعىمەن سالىستىرعاندا، دەنە تاربيە الاڭى 6100 مولايىپ، جان باسىنا تۋرا كەلەتىن الاڭ جەر اۋدانى 0.09 شارشى مەتردەن ارتتى. سالىنىپ بولعان اۋدان دارەجەلى جالپى حالىق دەنە شىنىقتىرۋ ورتالىعىنىڭ سانى 86عا جەتىپ، بۇكىل رايونداعى جالپى ساننىڭ ％93ىن يەلەدى؛ اۋىل - قالاشىقتارداعى سالىنىپ بولعان شارۋالار دەنە تاربيە، دەنە شىنىقتىرۋ ينجەنەرياسى 452گە، اكىمشىلىك قىستاقتارداعى ەگىنشى - مالشىلار دەنە تاربيە، دەنە شىنىقتىرۋ ينجەنەرياسى 8601گە جەتتى. شينجياڭدا ”15 مينۋتتىق دەنە شىنىقتىرۋ شەڭبەرى“ قۇرىلىسى جەدەل ىلگەرىلەتىلۋدە، ءار ادام بۇل ارادان وزىنە ۇيلەسەتىن دەنە شىنىقتىرۋ ساحناسىن تابا الادى.
جۋىردا اۆتونوميالى رايوندىق پارتكوم تۇراقتى كوميتەتى كەڭەيتىلگەن ءماجىلىس اشىپ، جالپى حالىق دەنە شىنىقتىرۋعا الەۋمەتتىك قىزمەت وتەۋ جۇيەسىن كەمەلدەندىرىپ، بۇقارالىق دەنە تاربيەنىڭ، باسەكەلىك دەنە تاربيەنىڭ، دەنە تاربيە كاسىپ سالاسىنىڭ سايكەستى دامۋىن ىلگەرىلەتۋدى ورتاعا قويدى.
دەنە شىنىقتىرۋ تانىمىنىڭ، دەنە شىنىقتىرۋ ىنتاسىنىڭ رايونىمىزداعى ءتىپتى دە كوپ ادامنىڭ كۇندەلىكتى داعدىسىنا اينالىپ، ءتىپتى دە كوپ ادامنىڭ قانىنا سىڭەتىندىگى، ءشۇباسىز. قىزمەتتەن تۇسكەندە دەنە شىنىقتىرۋ ۇيىنە بارىپ تەر شىعارۋ، وقۋدان تۇسكەندە دوستارمەن بىرگە قاۋىرسىن دوپ ويناۋ، اپتا سوڭىندا وتباسىنداعىلارمەن بىرگە شاڭعى الاڭىنا بارۋ... دەنە تاربيە سپورتى حالىقتىڭ سالاماتتى، باقىتتى تۇرمىسىنىڭ ماڭىزدى قۇرامداس بولىگىنە اينالىپ، تاماشا تۇرمىسقا ءداۋىر كەلبەتىن ۇستەۋدە.
