− انار بۇلت قاتارلى 6 مەديا قار - مۇز سپورتىن بىرلەسىپ تىلگە تيەك ەتتى
□ انار بۇلت / شينجياڭ گازەتىنىڭ ءتىلشىسى ءابيبا
قار - مۇز بايلىعى مول، قار - مۇز سپورتى تاريحى ۇزاق شينجياڭ، جيلين، حىبەي مەن قار - مۇز كاسىپ سالاسىن دامىتۋ تاجىريبەسىنە باي گۇيجوۋدىڭ، گۋاڭجوۋدىڭ، ۋحاننىڭ ”300 ميلليون ادامدى قار - مۇز سپورتىنا قاتىناسۋعا باستاۋ“ سەبەبىنەن بايلانىستارى ءتىپتى دە قويۋلاي ءتۇستى. انار بۇلت / شينجياڭ گازەتى، گۇيجوۋ گازەتى تيانيان حابارلارى، حىبەي چاڭچىڭ جاڭا مەديا توبى، چاڭجياڭ گازەتى، جيلين گازەتى سايليان حابارلارى، گۋاڭجوۋ گازەتى ”قىسقى وليمپيادانى ولكە اتتاپ بىرگە كورىپ“، قىسقى وليمپيادا ”ۇلكەن قار گۇلىنىڭ“ ۇزاق ۋاقىت اشىلىپ، باياندى كوركەيۋىنە دەم بەردى.
جاقىندا، جۇڭگو ساياحاتتى زەرتتەۋ ورنى جاريالاعان «جۇڭگو قار - مۇز ساياحاتىنىڭ دامۋى بايانداماسى 2022دە» كورسەتىلۋىنشە، جۇڭگو قار - مۇز ساياحاتى ”ءۇش جاق قاسقايىپ تۇرعان، ەكى بەلدەۋ گۇلدەنگەن، جالپى بەتتىك گۇل اشقان“ كەڭىستىك جاڭا ارناسىن قايتا قۇراعان. مۇنىڭ ىشىندەگى ”ءۇش جاق“ شينجياڭدى قامتيدى.
شينجياڭ قىسقى دەنە تاربيە سپورتى قوعامىنىڭ باس حاتشىسى فۋ يۇڭ بىلاي دەدى: ”قاسات قار، كۇن نۇرى جانە ەرەكشە ۇزاق قار مەزگىلى شينجياڭدى قار - مۇز سپورتىنداعى ءبىرشاما ماڭىزدى وڭىرگە اينالدىردى“.
قازىر شينجياڭنىڭ جەر - جەرىندە جيىنى 72 شاڭعى الاڭى بار، سانى جاعىنان ايتقاندا، تەك قانا حيلۇڭجياڭ مەن شاندۇڭنان كەيىن بۇكىل ەلدە 3 - ورىندا تۇرادى. جىبەك جولى حالىقارالىق تىنىعۋ، سەيىل - سەرۋەن اۋماعى، تيانشان بوعدا حالىقارالىق شاڭعى الاڭى، كوكتوعاي حالىقارالىق شاڭعى تىنىعۋ، سەيىل - سەرۋەن اۋماعى بەيجيڭ قىسقى وليمپيادا سپورت جارىسىنا دايىندالۋداعى دەنە تاربيەلىك جاتتىعۋ بازاسى بولدى، بۇل 3 شاڭعى الاڭى مەن التاي گەنەرال تاۋى حالىقارالىق شاڭعى تىنىعۋ، سەيىل - سەرۋەن اۋماعى، شينجياڭ باييۇن حالىقارالىق شاڭعى الاڭى 5S دارەجەلى ولشەمگە جەتتى.
قىسقى وليمپيادا سپورت جارىسىن وراي ەتىپ، جيلين ولكەسى قار - مۇز جارىس الاڭ - سارايلارى قۇرىلىسىنىڭ ورەسىن ۇزدىكسىز جوعارىلاتىپ، كاسىبي الاڭدار مەن الەۋمەتتىك يگىلىك قۇرىلعى قۇرىلىسىن قاتار ىلگەرىلەتتى، قازىر 54 شاڭعى الاڭى سالىنىپ، قار جولىنىڭ جالپى اۋدانى 1139 گەكتار بولدى. گۇيجوۋ ولكەسىنىڭ 9 قالا، وبلىسىنىڭ ىشىندەگى 5 قالا، وبلىس 10 شاڭعى الاڭىن (ساراي) ىلگەرىندى - كەيىندى سالىپ، قار - مۇز سپورتىن ورىستەتۋگە بەرىك نەگىز قالادى. ۋحاندا 9 بولمە ءىشى مۇز الاڭى، 3 شاڭعى الاڭى بار، گۋاڭگۋ، حانياڭنىڭ قار - مۇز سپورت الاڭدارى سالىنۋدا.
قار - مۇز سپورتىن جالپىلاستىرۋ جاعىندا، تەز سىرعاناۋ، مۇز دوپ، دالالىق شاڭعى، تاۋ شاڭعىسى سياقتى تۇرلەر شينجياڭنىڭ مەكتەپتەرىنە كىرىپ، بالالاردىڭ دەنە تاربيە ساباعىنا اينالدى. بۇكىل ەل بويىنشا شاڭعى دەنە تاربيە ساباعىن تۇڭعىش اشقان قالا رەتىندە، التايدا قازىر قار - مۇز ءتۇسىن العان مەكتەپتەن 33ى، اۆتونوميالى رايوننىڭ قارداعى ءداستۇرلى جارىس تۇرلەرى مەكتەبىنەن 20سى، اۆتونوميالى رايوننىڭ مۇزداعى ءداستۇرلى جارىس تۇرلەرى مەكتەبىنەن 22سى بار. ”قار - مۇز سپورتىن بالالىق شاقتان باستاپ يگەرۋدى“ جۇزەگە اسىرۋ ءۇشىن، قازىر اۆتونوميالى رايون 100 مەكتەپكە مۇزداعى جارىس تۇرلەرىنەن ۇلگى كورسەتۋ مەكتەبى اتىن بەرۋ قىزمەتىن ورىندادى ءارى يكەمدى باسقارۋ جۇرگىزدى.
”شينجياڭ قار - مۇز سپورتىن مەكتەپكە كىرگىزۋ قيمىلىن زور كۇشپەن ورىستەتىپ، جاستار مەن ورەندەر قار - مۇز سپورتى دارىندىلار نەگىزىن بەكەمدەپ، شينجياڭنىڭ قار - مۇز سپورتىنا دارىندى ازىرلەپ، شينجياڭنىڭ قار - مۇز سپورتىنىڭ ۇزدىكسىز دامۋىن ىلگەرىلەتتى“، - دەدى شينجياڭ شىفان داشۋەسى دەنە تاربيە شۋەيۋانىنىڭ ورىنباسار باستىعى ليۋ ياڭ.
گۋاڭدۇڭ ولكەسىنىڭ تاراۋلارى بىرلەسىپ، 30 نەشە مەكتەپتە شاڭعى سپورتىن دامىتۋدى ىلگەرىلەتتى، قازىر 18 مەكتەپتە ماڭدايشالىق اسىلىپ، جاستار مەن ورەندەر شاڭعى جارىسى باسەكەسى مەكتەپ قۇراماسىن قۇردى.
