تيانشان تورى   ›   جاڭالىقتار   ›   ەل ءىشى حابارى

بەيجيڭ 24 - كەزەكتى قىسقى وليمپيادا سپورت جارىسىنا قاتىناسقان جۇڭگو دەنە تاربيە ۋاكىلدەر ۇيىرمەسىنە جولداعان قۇتتىقتاۋ تەلەگرامماسى

جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ

بەيجيڭ 24 - كەزەكتى قىسقى وليمپيادا سپورت جارىسىنا قاتىناسقان جۇڭگو دەنە تاربيە ۋاكىلدەر ۇيىرمەسىنە جولداعان قۇتتىقتاۋ تەلەگرامماسى

    جۇڭگو دەنە تاربيە ۋاكىلدەر ۇيىرمەسىنە:

  بەيجيڭ 24 - كەزەكتى قىسقى وليمپيادا سپورت جارىسىندا جۇڭگو دەنە تاربيە ۋاكىلدەر ۇيىرمەسى تاماشا بەينە كورسەتىپ، ەرلىكپەن 9 التىن مەدال، 4 كۇمىس مەدال، 2 قولا مەدال ەنشىلەپ، ەلىمىزدىڭ قىسقى وليمپيادا سپورت جارىسىنا قاتىناسۋ تاريحىنداعى ەڭ تاماشا ناتيجەگە قول جەتكىزىپ، وتان مەن حالىققا داڭق اپەرىپ، بەيجيڭ قىسقى وليمپيادا سپورت جارىسىنىڭ ءساتتى وتكىزىلۋىنە ەلەۋلى ۇلەس قوستى. پارتيا ورتالىق كوميتەتى، مەملەكەتتىك كەڭەس سىزدەردى قىزۋ قۇتتىقتايدى ءارى سىزدەردەن ىقىلاسپەن حال سۇرايدى!

  وسى رەتكى قىسقى وليمپيادا سپورت جارىسىندا سىزدەر پارتيا مەن حالىقتىڭ تاپسىرماسىن ەستە بەرىك ساقتاپ، كوكتەم كەلىسىمەن شايقاسقا اتتانىپ، جۇرەكتىلىكپەن بەلدەسىپ، ءبىر جاعادان باس، ءبىر جەڭنەن قول شىعارا وتىرىپ، بارلىق ءتۇر بويىنشا جارىسقا قاتىناسىپ، بار كۇشپەن جەڭىپ شىعۋعا ۇمتىلىپ، جارىس مىندەتىن جەڭىسپەن ورىنداپ، سپورت ناتيجەسى مەن رۋحاني وركەنيەت ەكەۋىنەن دە مول ءونىم الۋدى جۇزەگە اسىردىڭىزدار، وتان مەن حالىق سىزدەردىڭ قولعا كەلتىرگەن ناتيجەلەرىڭىزبەن ماقتانادى. سىزدەر وليمپيادا سپورت جارىسى الاڭىندا جاڭا داۋىردەگى جۇڭگو سپورتشىلارىنىڭ رۋحاني بەت - بەينەسى مەن ونەر باسەكەسى دەڭگەيىن ايگىلەپ، ءىس جۇزىندىك ارەكەتتەرىڭىز ارقىلى ءمورالدىق التىن مەدال الۋ، قۇلىقتىق التىن مەدال الۋ، كىرشىكسىز التىن مەدال الۋ تالابىن تياناقتاندىرىپ، وليمپيادا رۋحى مەن جۇڭحۋا دەنە تاربيە رۋحىن جاندى ءتۇسىندىرىپ بەردىڭىزدەر. سىزدەر دۇنيە ءجۇزىنىڭ ءارقايسى ەلدەرىنەن، وڭىرلەرىنەن كەلگەن سپورتشىلارمەن كەڭەسىپ، ءوزارا دەم بەرىپ، قار - مۇز سالتاناتىمەن ورتاقتاسىپ، اۋىس - كۇيىستى جەبەپ، دوستىقتى تەرەڭدەتتىڭىزدەر. سىزدەردىڭ تاماشا بەينەلەرىڭىز ەلىمىز قار - مۇز سپورتىنىڭ دامۋىن ونان ارى جەبەپ، ەل ءىشى - سىرتىنداعى جۇڭحۋا ۇل - قىزدارىنىڭ وتاندى ءسۇيۋ ىنتا - ىقىلاسىن ونان ارى ارتتىرىپ، بۇكىل پارتيانىڭ، بۇكىل ەلدەگى ءار ۇلت حالقىنىڭ جاپپاي سوتسياليستىك وسىزاماندانعان مەملەكەت قۇرۋ جاڭا جورىعىندا زەيىن - زەردەنى شوعىرلاندىرىپ، كۇش - قۋات ۇيىستىرىپ، ىنتىماقتاسا كۇرەس جاساۋعا رۋحاني كۇش - قۋات ۇستەدى.

  كەزەكتە بۇكىل پارتيا، بۇكىل ەلدەگى ءار ۇلت حالقى ەكىنشى 100 جىلدىق كۇرەس نىساناسىنا قاراي تەبىندى قادام تاستاۋدا. سىزدەردىڭ شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، اۋەلگى ماقسات، بورىشتى ەستە بەرىك ساقتاپ، داڭقتى ءداستۇردى ساۋلەلەندىرىپ، ەلىمىزدىڭ باسەكەلىك دەنە تاربيە جالپىلىق ناقتى قۋاتىن ۇزدىكسىز جوعارىلاتىپ، وتانعا داڭق اپەرۋ قابىلەتىن جوعارىلاتىپ، ”300 ميلليون ادامدى قار - مۇز سپورتىنا قاتىناسۋعا باستاۋ“ جەتىستىگىن بەكەمدەۋ جانە كەڭەيتۋ، جۇڭحۋانىڭ دەنە تاربيەدە قۋاتتى ەل بولۋ قۇرىلىسىن جەدەلدەتۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن تىڭ دا اناعۇرلىم زور ۇلەس قوسۋلارىڭىزدى ءۇمىت ەتەمىز.

    جۇڭگو كوممۋنيستىك پارتياسى ورتالىق كوميتەتى

    مەملەكەتتىك كەڭەس

    2022 - جىلى 2 - ايدىڭ 20 - كۇنى

    (شينحۋا اگەنتتىگىنىڭ 2 - ايدىڭ 20 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.