ما شيڭرۇي التاي ايماعىندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
جاسىل دامۋ ارتىقشىلىعىنا تاباندى بولىپ، ەكولوگياسى كوركەم، كاسىپ سالاسى گۇلدەنگەن، حالىق اۋقاتتانعان جوعارى ساپالى دامۋ جولىمەن ءجۇرۋ كەرەك
ەركىن تۇنياز بىرگە تەكسەرۋ - زەرتتەۋ جۇرگىزدى
2 - ايدىڭ 19 - كۇنى اۆتونوميالى رايوندىق پارتكومنىڭ شۋجيى ما شيڭرۇي التاي ايماعىندا تەكسەرۋ - زەرتتەۋ جۇرگىزدى. سۋرەتتە: ما شيڭرۇي شينجياڭ ۋاڭيۋان بيو عىلىم - تەحنيكا توبى شەكتى سەرىكتەستگىندە ەرەكشە كاسىپ سالاسىن جەتىلدىرۋ، كاسىپورىننىڭ تيجاراتتى دامىتۋ، جۇمىستانۋعا، كىرىستى ارتتىرۋعا جەتەكشىلىك ەتۋ سياقتى جاعدايلارىن ۇعىستى.
□ سۋرەتتى انار بۇلت / شينجياڭ گازەتىنىڭ ءتىلشىسى سۇي جىجيان تۇسىرگەن
انار بۇلت / شينجياڭ گازەتىنىڭ ءتىلشىسى ۋاڭ شيڭرۇي 2 - ايدىڭ 20 - كۇنى التايدان حابارلايدى. اۆتونوميالى رايوندىق پارتكومنىڭ شۋجيى ما شيڭرۇي 2 - ايدىڭ 19 - كۇنى التاي ايماعىندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى: باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، ەكولوگيانى الدىڭعى ورىنعا قوياتىن، جاسىل داميتىن باعداردى بەرىك ورناتىپ، ەرەكشەلىكتى كورنەكتىلەندىرىپ، ابزالدىلىقتى نىعايتىپ، وسى زامانعى كاسىپ سالاسى جۇيەسىن قۇرۋدى جەدەلدەتىپ، مادەنيەت پەن ساياحاتتىڭ تەرەڭ توعىسا دامۋىن ىلگەرىلەتىپ، حالىق تۇرمىسىن ۇزدىكسىز قامتاماسىز ەتىپ، جاقسارتىپ، ەكولوگياسى تاماشا، كاسىپ سالاسى گۇلدەنگەن، حالىققا باقىت جاراتاتىن جوعارى ساپالى دامۋ جولىمەن ءجۇرۋ كەرەك. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز بىرگە تەكسەرۋ - زەرتتەۋ جۇرگىزدى.
ما شيڭرۇي بۋرىلتوعاي اۋدانى ۋاڭيۋان بيو عىلىم - تەحنيكاسى، بۋىرشىن اۋدانى نوگان ءسۇت شارۋاشىلىعى جانە التاي قالالىق مۇزدىق، سۋ ىستەرى كاسىپ سالاسى باقشا رايونىنا بارىپ، ەرەكشە كاسىپ سالاسىن جەتىلدىرۋ، كاسىپورىندار تيجاراتىن دامىتۋ، جۇمىستانۋعا، كىرىستى ارتتىرۋعا جەتەكشىلىك ەتۋ سياقتى جاعدايلاردى ەگجەي - تەگجەيلى ۇعىستى. ول بىلاي دەپ باسا دارىپتەدى: كاسىپ سالاسىن جەتىلدىرۋدى، كاسىپورىنداردى دامىتۋدى بۇقارانى جۇمىستاندىرۋمەن، اۋىل - قىستاقتى گۇلدەندىرۋمەن، ۇلتتار ىنتىماعىمەن ءتىپتى دە ويداعىداي ءبىر تۇتاس جوسپارلاپ، ەرەكشە باسىمدىققا يە ەگىن، مال شارۋاشىلىعى كاسىبى بايلىعى مەن ەكولوگيالىق بايلىقتى كادەگە جاراتۋدى، قۇنىن ارتتىرۋدى جەدەلدەتىپ، باستاماشى كاسىپورىنداردى جەتىلدىرىپ، زورايتىپ، جاسىل ەكولوگيالى، حالىقتى اۋقاتتاندىراتىن كاسىپ سالاسىن تۇلعالاپ، ساپا مەن ونىمدىلىكتى ۇزدىكسىز جوعارىلاتىپ، جوعارى ساپالى دامۋعا اناعۇرلىم ويداعىداي تىرەك بولىپ، ءار ۇلت بۇقاراسىن جۇمىستاندىرىپ، كىرىستى ارتتىرۋعا باستاۋ كەرەك. التاي تاۋى جۇڭگوشا ءشوپ ءدارى مۇراجايىندا ما شيڭرۇي التاي جۇڭگوشا ءشوپ ءدارى بايلىعى مەن كاسىپ سالاسىن دامىتۋ جاعدايىن ۇعىسىپ، وسىمدىكتەردىڭ الۋان تۇرلىلىگىن قورعاۋدى كۇشەيتۋدى، قاتىستى كاسىپ سالاسىنىڭ دامۋ دەڭگەيىن جوعارىلاتىپ، جۇڭگوشا شيپاگەرلىك، ءدارى - دارمەك مادەنيەتىنىڭ ءمانىن اشىپ، ساپالى بايلىقتان ءتىپتى دە ۇلكەن قۇن جاراتۋدى، سالاماتتىق كۇتىمدەلۋ سياقتى كاسىپ سالاسىنىڭ جەرگىلىكتى ورىنعا اناعۇرلىم ويداعىداي تيىمدىلىك جەتكىزۋىنە مۇمكىندىك جاساۋ كەرەكتىگىن باسا دارىپتەدى.
التاي ادامزات قار شاڭعىسىنىڭ باستالعان جەرى، قار - مۇز بايلىعى مول شوعىرلانعان، ابزالدىلىعى اسا كورنەكتى. گەنەرال تاۋى قار شاڭعى الاڭىندا ادامدار قايشالىسىپ، مەملەكەتتىڭ جەر - جەرىنەن كەلگەن شاڭعى اۋەسكەرلەرى شاڭعىمەن قۇيعىتا ەركىن زىمىراۋدا. ما شيڭرۇي شاڭعى جولىنا شىعىپ، قار - مۇز كاسىپ سالاسىن دامىتۋ جوسپارى، شاڭعى الاڭىنىڭ جۇمىس جۇرگىزۋى، دەمالىس رايونى قۇرىلىسى، قار - مۇز ەكونوميكاسىنىڭ دامۋى سياقتى جاعدايلاردى ۇعىستى. ول بىلاي دەپ اتاپ كورسەتتى: قار - مۇز التايدىڭ قۇندى تابيعي بايلىعى، سونداي - اق كومەسكى كۇشى مول ەكونوميكالىق بايلىق. بەيجيڭ قىسقى وليمپيادا سپورت جارىسىن، قىسقى مۇگەدەكتەر وليمپيادا سپورت جارىسىن تابىستى وتكىزۋ سىندى ماڭىزدى ورايدان شىن مانىندە ويداعىداي پايدالانىپ، قار - مۇزدا قامتىلعان ەكونوميكالىق، ەكولوگيالىق، مادەنيەت قۇنىن تەرەڭدەي اشىپ، قار - مۇز ەكونوميكاسىن دامىتۋدى جوعارى ولشەممەن، جوعارى ساپامەن جوسپارلاپ، عىلمي، ۇيلەسىمدى ورنالاستىرىپ، قۇرىلعى شارت - جاعداي قابىلەت دارەجەسىن جوعارىلاتىپ، قار - مۇز ساياحاتى، قار - مۇز سپورتى، قار - مۇز جابدىعى سياقتى كوپ ءتۇرلى كاسىپ سالاسى فورماتسياسى ءورىسىن كەڭەيتىپ، قار - مۇزدىڭ باۋراۋ قۋاتىن، باسەكەلىك قۋاتىن، ىقپال قۋاتىن ۇزدىكسىز كۇشەيتىپ، اقشا قار، كوگىلدىر مۇزدى شىن مانىندە باعالى بايلىققا اينالدىرۋ كەرەك.
قىس كۇنىندەگى ۇلىڭگىر كولى اق كورپەگە ورانىپ، ايرىقشا كوز تارتادى. ما شيڭرۇي كول جاعاسىنا كەلىپ، الاپتىڭ ەكولوگيالىق قۇرىلىسى، سۋ قاينارىن قورعاۋ، وزەن، كولدى وڭاۋ سياقتى جاعدايلاردى ناقتى ورىندا ۇعىستى. ول بىلاي دەپ اتاپ كورسەتتى: ەكولوگيالىق ورتانى قورعاۋدى شىن مانىندە ماڭداي الدى ورىنعا قويىپ، تاۋ، سۋ، ورمان، اتىز، كول، جايلىم، قۇمدى ءبىر تۇلعالاندىرا قورعاۋدى جانە قالپىنا كەلتىرۋدى ءبىر تۇتاس جوسپارلاپ، وزەن - كول سۋ قاينارىن ساقتاۋدى كۇشەيتىپ، سۋ الابى ەكولوگياسىنىڭ يقۋاتى مەن وڭىرلىك ەكولوگيالىق ورتانى جاقسارىپ، ەكولوگيانىڭ الۋان تۇرلىلىگىن وڭاۋ تەبىنىن كۇشەيتىپ، ەكولوگيالىق قالتقىنى ۇزدىكسىز بەكەمدەپ، تاماشا ەكولوگيالىق ورتانى جاقسى وبرازدى ايگىلەيتىن، دامۋدىڭ قوزعاۋشى قۋاتىن تۋىنداتاتىن، ءار ۇلت حالقى بىرگە يگىلىكتەنەتىن التىن ءارىپتى ماڭدايشالىققا اينالدىرۋ كەرەك.
ما شيڭرۇي بۋىرشىن اۋدانى جۇڭگو - رەسەي ەسكى كەمە تۇراعىنا كەلىپ، تاريحي مادەنيەت مۇرالارىن قورعاۋ، ساياحات كاسىبىنىڭ دامۋى سياقتى جاعدايلاردى ەگجەي - تەگجەيلى ۇعىستى. ول بىلاي دەپ باسا دارىپتەدى: شينجياڭدى ساياحاتپەن گۇلدەندىرۋ ستراتەگياسىن بار كۇشپەن اتقارىپ، جاراتىلىستىق، تاريح، گۋمانيتارلىق سياقتى بايلىقتاردىڭ ايرىقشا قۇنىن تولىق ساۋلەلەندىرىپ، مادەنيەت پەن ساياحاتتىڭ ىشكەرىلەي توعىسا دامۋىن ىلگەرىلەتىپ، ساياحاتتى دامىتۋ، ەرەكشەلىككە يە تيجارات، تاريحي مادەنيەت جۇرتتارىن قورعاۋ سياقتىلاردى ءبىر تۇتاس ويداعىداي جوسپارلاپ، كاسىپ كۇيى فورماسىن كەڭەيتىپ، ونىممەن قامداۋدى مولايتىپ، قىزمەت وتەۋ ساپاسىن جوعارىلاتىپ، ساياحات تۇتىنۋىن جانداندىرىپ، ساياحات كاسىبىنىڭ جوعارى ساپالى دامۋىن جەدەل ىلگەرىلەتۋ كەرەك.
تەكسەرۋ - زەرتتەۋ بارىسىندا ما شيڭرۇي التاي ايماعى سۋ يگىلىگى جوباسىن باسقارۋ، ءتۇيىندى ينجەنەريا قۇرىلىسى سياقتى جاعدايلاردان بەرگەن مالىمەتتى تىڭداعاننان كەيىن، بىلاي دەپ باسا دارىپتەدى: وڭىرلىك سۋ جاعدايىن تياناق ەتىپ، سۋ بايلىعىن جايعاستىرۋدى ۇزدىكسىز ساپالىلاندىرىپ، قاجەتسىنۋ مەن قامداۋدى باسقارۋدى ءبىر تۇتاس جوسپارلاۋدى كۇشەيتىپ، جاسىل، باياندى ءوندىرىس، تۇرمىس ءتاسىلىن جەدەل قالىپتاستىرىپ، سۋى حاۋىپسىز، ءونىمدى قامتاماسىز ەتىلگەن، سۋ بايلىعىنان جوعارى ءونىمدى پايدالاناتىن، سۋ ەكولوگياسى كورنەكتى جاقسارعان شوعىرلى، ۇنەمدى دامۋ جولىمەن شىنايى ويداعىداي ءجۇرۋ كەرەك.
اۆتونوميالى رايون باسشىلارىنان ەلزات احمەتجان، قادەن كابەن قاتارلىلار تەكسەرۋ - زەرتتەۋگە قاتىناستى.
