تيانشان تورى
تيانشان تورى   ›   جاڭالىقتار   ›   ساياحات

باعراش اۋدانىنىڭ تۇڭعىش كەزەكتى ٴشول جازيرا مادەنيەت - ساياحات مەرەكەسىنىڭ شىمىلدىعى اشىلدى

اۋەدەن شينجياڭدى سۋرەتكە ٴتۇسىرۋ 2022 ـ جىلعى جەلىلەس قيمىلى سول كۇنى باستالدى

اۆتورى: ٴابيبا

  2 ـ ايدىڭ 19 ـ كۇنى، شينجياڭ بايىنعولين موڭعۇل اۆتونوميالى وبلىسى باعراش اۋدانى باعراش كولى اۋىلىنداعى ەلسۇنۋلا شولىندە دالالىق اۆتوكولىكتەردىڭ گۇرىلدەگەن داۋىسى مەن ۇشقىش اپپاراتتاردىڭ ىزىڭداعان داۋىسىندا، باعراش اۋدانىنىڭ تۇڭعىش كەزەكتى ٴشول جازيرا مادەنيەت - ساياحات مەرەكەسىنىڭ شىمىلدىعى اشىلدى. سونىمەن بىرگە، اۋەدەن شينجياڭدى سۋرەتكە ٴتۇسىرۋ 2022 ـ جىلعى جەلىلەس قيمىلدارى دا باستالدى.

  2 ـ ايدىڭ 19 ـ كۇنى، باعراش اۋدانىنىڭ تۇڭعىش كەزەكتى ءشول جازيرا مادەنيەت - ساياحات مەرەكەسى باستالدى، ساياحاتشىلار ٴساندى كيىم كيىپ، تۇيەگە ٴمىنىپ ساياحاتتادى. (سۋرەتتى تاڭ يۇڭ تۇسىرگەن)

  اۋەدەن شينجياڭدى سۋرەتكە ٴتۇسىرۋ 2022 ـ جىلعى جەلىلەس قيمىلدارى شينجياڭ گازەتى مەكەمەسى (توبى) جۇرگىزگەن مادەنيەت ماركاسى قيمىلى، مۇنداعى ماقسات تيانشاننىڭ تۇستىگى مەن تەرىستىگىندەگى باي مازمۇندى، الۋان ٴتۇرلى مادەنيەت ـ ساياحات بايلىعىنا جانە الۋان ٴتۇرلى مادەنيەت ـ ساياحات قيمىلدارىنا سۇيەنىپ، اۋەدەن سۋرەتكە ٴتۇسىرۋ ارقىلى شينجياڭنىڭ كوركەمدىگىن اناعۇرلىم تىكە، سترەولدى تۇردە ايگىلەۋ. سول كەزدە شينجياڭ گازەتى مەكەمەسى (توبى) تاعى دا ٴارقايسى ايماقتاردىڭ، وبلىستاردىڭ، اۋدانداردىڭ (قالالاردىڭ) توعىسپالى مەديا ورتالىقتارىمەن سەلبەسىپ، ”ۇشقىش اپپارات شەبەرلەرى وتاۋىن“ قۇرىپ، جوعارى دەڭگەيدەگى ۇشقىش اپپاراتپەن اۋەدەن سۋرەتكە ٴتۇسىرۋ قوسىنىن بىرگە قۇرىپ، اناعۇرلىم كوپ كۇشتەردى بىرىكتىرىپ، شەتەلگە شينجياڭدى ۇگىتتەۋ قىزمەتىن ويداعىداي ىستەپ، ٴتىپتى دە كوپ ادامنىڭ شينجياڭعا كەلىپ، شينجياڭدى ٴتۇسىنىپ، وسى ارقىلى شينجياڭدى سۇيۋگە باۋرايدى.

  قيمىل ورنىندا باعراش اۋدانىنداعى 10 نەشە ۇشقىش اپپارات شەبەرى جوعارى كەڭىستىكتە سۋرەتكە ٴتۇسىرۋ ۇلگىسىن اشىپ، تاماشا ساتتەردى سۋرەتكە ٴتۇسىردى. ۇشقىش اپپارات شەبەرى ليۋ چاڭجياڭ بىلاي دەدى: ”مەكەنىمىزدىڭ كوركەم كورىنىسىن اۋەدەن سۋرەتكە ٴتۇسىرۋ ارقىلى جان ـ جاقتى، تولىق قامتۋعا بولادى، تۋىندىلارىم ارقىلى باعراش اۋدانىنىڭ گۋمانيتارلىق، ەكولوگيالىق كوركەمدىگىن ٴتىپتى دە كوپ ادامعا ايگىلەۋدى ٴۇمىت ەتەمىن“.

  كورلادان كەلگەن ۇشقىش اپپارات شەبەرى چۋە . حۋرە ىسىلعان سۋرەتكە الۋ تەحنيكاسىمەن جارىسقا قاتىناسقان شەبەرلەردىڭ ەڭ قارسى الۋىنا يە بولعان جەتەكشى وقىتۋشىعا اينالدى. ”وسىنداي قيمىلدار ارقىلى بۇكىل شينجياڭنىڭ جەر ـ جەرىندەگى ۇشقىش اپپارات شەبەرلەرىنىڭ ٴتىپتى دە كوپ سارا تۋىندىلاردى سۋرەتكە ٴتۇسىرىپ، كورىكتى شينجياڭدى ۇگىتتەۋىن ٴۇمىت ەتەمىن“، ـ دەدى ول.

  شينجياڭدى اۋەدەن سۋرەتكە ٴتۇسىرۋ 2022 ـ جىلعى جەلىلەس قيمىلدارى كەزىندە، شينجياڭ گازەتى مەكەمەسى (توبى) ”شينجياڭدى اۋەدەن سۋرەتكە ٴتۇسىرۋ“ فوتوسۋرەت جارىسىن دا وتكىزەدى، سونىمەن بىرگە ينتەرنەت جەلىسىندە جانە ينتەرنەت جەلىسىنەن تىس شاعىن تاقىرىپتىق فوتوسۋرەت كورمەسىن وتكىزىپ، شينجياڭدى اۋەدەن سۋرەتكە ٴتۇسىرۋ 2022 ـ جىلعى جەلىلەس قيمىلدارىنىڭ سارا تۋىندىلارىن كورسەتەدى.

اۋدارعان: قادىر ماقان

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.