− رايونىمىزداعى كادر - جۇرتشىلىق بەيجيڭ قىسقى وليمپيادا سپورت جارىسىن القادى
□ انار بۇلت / شينجياڭ گازەتىنىڭ ءتىلشىسى ياۋ گاڭ
2 - ايدىڭ 20 - كۇنى 16 كۇن لاۋلاعان وليمپيادا الاۋى بىرتىندەپ ءسونىپ، شۇعىلالى وتشاشۋ اسپانعا كوتەرىلىپ، مەملەكەتتىك دەنە تاربيە الاڭى ”قۇس ۇياسىنىڭ“ كەڭىستىگىندە 5 ساقينالى ءپىشىن جانە جۇڭگو، اعىلشىن تىلىندەگى ”الەم حالقى ءبىر وتباسى“ جازۋىن قۇرادى. قار - مۇز سپورتىنىڭ كوركەم كارتيناسى وسىلاي كەستەلەندى. جۇڭگو بۇكىل دۇنيە جۇزىنە قاراپايىم، حاۋىپسىز، تارتىمدى وليمپيادا سپورت جارىسى سالتاناتىن ۇسىنىپ، وليمپيادا سپورتىنىڭ شىت جاڭا تاراۋىن جازدى، رايونىمىزداعى ءار ۇلت كادر - جۇرتشىلىعى بۇكىل ەل حالقىمەن بىرگە قار - مۇز ارمانىن ىسكە اسىرىپ، بولاشاققا بىرگە اتتاندى.
”بەيجيڭ تاريحتاعى تۇڭعىش ’قوس وليمپيادا قالاسىنا‘ اينالدى، جۇڭگو ۋاكىلدەر ۇيىرمەسى 9 التىن، 4 كۇمىس، 2 قولا مەدال الۋداي ناتيجەمەن 1980 - جىلى قىسقى وليمپيادا سپورت جارىسىنا قاتىناسقاننان بەرگى تاريحتاعى ەڭ جاقسى ناتيجەنى جاراتتى، بەيجيڭ قىسقى وليمپيادا سپورت جارىسىنىڭ تولىق تابىستى بولۋى ءبىز جۇڭگولىقتاردى شەكسىز ماقتانىش سەزىمگە بولەدى“. زەينەتكە شىققان جۇمىسشى شى رىڭچين مەن تاڭەرتەڭ شىنىعىپ جۇرگەن كونە سەرىكتەرى 2 - ايدىڭ 21 - كۇنى تاڭەرتەڭ ءۇرىمجى قالاسى لييۇيشان باقشاسىندا باستان - اياق قىسقى وليمپيادا سپورت جارىسىن تىلگە تيەك ەتتى.
”سپورت ساڭلاقتارىنىڭ قايراتتانا سايىساتىن قايتپاس رۋحى ادامدى سەرپىلتەدى، قىسقى وليمپيادا سپورت جارىسى اناعۇرلىم كوپ ادامعا قار - مۇزدىڭ قىزىعىن سەزىندىردى، مەن دە وليمپيادا رۋحىن وقىتۋ ۇستانىمىما سىڭىرەمىن“، - دەدى ءۇرىمجى قالالىق 44 - ورتا مەكتەپتىڭ دەنە تاربيە مۇعالىمى ۋاڭ شين.
2 - ايدىڭ 20 - كۇنى ءۇرىمجى قالالىق 70 - ورتا مەكتەپ ”قىسقى وليمپيادا سپورت رۋحىن جالعاستىرىپ، بولاشاققا بىرگە اتتانايىق“ نەگىزگى تاقىرىبىنداعى وقۋ باستاۋدىڭ 1 - ساباعى نەگىزگى تاقىرىپتىق كلاس جيىنىن اشتى. وقىتۋشىلار كوپشىلىككە ”بيڭدۇندۇن“، ”شۋەرۇڭرۇڭ“ وبرازىنىڭ جوبالانۋى، ”شينجياڭ جاقسى“ قىسقى وليمپيادا سپورت جارىسىنداعى شينجياڭ فاكتورلارى سياقتىلاردى ءتۇسىندىردى. وقۋشىلار تاعى ”قىسقى وليمپيادا ەنتسيكلوپەدياسى“ ءبىلىم جارىسىن ورىستەتىپ، بەيجيڭ قىسقى وليمپيادا جارىسىنداعى ادامدى اسەرلەندىرەتىن ساتتەردى بىرگە ەسكە الدى. زۇلفيرا ابدۇراحمان دەگەن وقۋشى ەرەكشە تەبىرەنىپ: ”مەن دە وليمپيادا ساڭلاقتارى سەكىلدى قايراتتانا سايىسۋ جانە قۇلشىنۋ ارقىلى ءساليقالى ءومىر كەشىپ، وتانعا داڭق اپەرىپ، وليمپيادا سپورت جارىسىنىڭ اجارىن اسىرامىن“، - دەدى.
16 جاستاعى ءدىلدار يىلھامجان 2021 - جىلى شينجياڭ دالالىق شاڭعى قۇراماسىنا قاتىناسقان، قىسقى وليمپيادا سپورت جارىسى كەزىندە ول ارىپتەستەرىمەن بىرگە ءاربىر مايدان دالالىق شاڭعى جارىسىن قالدىرماي كوردى. ”قىسقى وليمپيادا سپورت جارىسىنىڭ اياقتاۋ سالتىندا بۇكىل دۇنيە ءجۇزى كوز تىككەن ساتتە، دالالىق شاڭعى ايەلدەردىڭ 30 كيلومەترگە توپتىق اتتانۋ جانە ەرلەردىڭ 50 كيلومەترگە توپتىق اتتانۋ (ەركىن شەبەرلىك) تۇرىندە مەدالعا يە بولعان شەبەرلەر ساحناعا شىعىپ مەدال الدى. دالالىق شاڭعى جارىس ءتۇرى دەنە قۋاتى مەن جىگەردى بىردەي سىنايتىن سايىس. مەن اناعۇرلىم قۇلشىنا جاتتىعىپ، حالىقارالىق جارىستارعا قاتىناسىپ، وتانعا داڭق اپەرۋگە ۇمتىلامىن“، - دەدى ءدىلدار.
سايرام كولىندەگى مۇزسەڭ، تۇرگەن ورىك گۇلى سايى، بايىنبۇلاق كورىنىس وڭىرىندەگى توعىز يرەك، 18 ءيىن، بۋىرشىن اۋدانىنداعى ۋسايتان سياقتى شينجياڭنىڭ كوركەم كورىنىستەرى قىسقى وليمپيادا سپورت جارىسى ارقىلى دۇنيەگە تانىلدى. ”بۇكىل دۇنيە جۇزىندەگى ادامدار ءبىزدىڭ مەكەنىمىزدىڭ قانشالىقتى كوركەم ەكەندىگىن كوردى، مەن وسىنداي كوركەم كورىنىستەردىڭ ءتىپتى دە كوپ ساياحاتشىنى باۋراي ءتۇسۋىن، ءبىزدىڭ ساياحاتىمىزدىڭ اناعۇرلىم دامۋىنا تۇرتكى بولۋىن ءۇمىت ەتەمىن“، - دەدى بۋىرشىن اۋدانى شۇڭقىر قالاشىعى قىزىلقايىڭ قىستاعىنىڭ تۇرعىنى توكەن يماش.
”ميكرو الاۋ“ قىسقى وليمپيادا سپورت جارىسىنىڭ نەگىزگى الاۋىنا اينالىپ، ”جاسىل ەلەكتر“ قىسقى وليمپيادا سپورت الاڭ - سارايلارىن جارقىراتتى، جاڭاشا مۇز جاساۋ تەحنيكاسى ”ەڭ تەز مۇزدى“ قالىپتاستىردى، ۋاقىتشا قۇرىلعىلاردى بۇزعاننان كەيىن قايتالاي پايدالانۋعا بولادى... جاسىل، ورتانى قورعاۋ قىسقى وليمپيادا سپورت جارىسىنداعى تاعى ءبىر ەڭ كوپ تىلگە تيەك ەتىلگەن سوزگە اينالدى. ”ءبىز كۇندەلىك تۇرمىستا جاسىل تۇرمىستى دارىپتەپ، وزىمىزدەن باستاپ ورتانى قاستەرلەپ، ورتانى قورعاۋعا ءمان بەرىپ، تازا ەنەرگيانىڭ پايدالانىلۋىن ىلگەرىلەتۋىمىز كەرەك“، - دەدى مەملەكەت ەلەكتر تورى قاشقار ەلەكترمەن قامداۋ سەرىكتەستىگىنىڭ توك جەتكىزۋدەگى اينالىمدى تەكسەرۋ ورتالىعى تەكسەرۋ - جوندەۋ 1 - بانىنىڭ ورىنباسار بانجاڭى ءاليجان وبۇلقاسىم.
