□ انار بۇلت / شينجياڭ گازەتىنىڭ ءتىلشىسى شى شين
بيىل 1 - ايدا تۇتاس رايونداعى مەملەكەت مەنشىگىندەگى كاسىپورىندار كورنەكتى ناتيجەگە قول جەتكىزدى: تيجارات كىرىسى، پايدانىڭ جالپى سوماسى سايكەس مەزگىلدەگىدەن جەكە - جەكە ％22.9 جانە ％19.6 ارتتى.
تۋ باستان جىلدامدىقتى ارتتىرىپ، باستالىسىمەن وزىپ شىعۋعا ۇمتىلدى!
2021 - جىلعى قۋاتتى دامۋ نەگىزىندە، اۆتونوميالى رايوندىق مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتى باقىلاۋ - باسقارۋ شارالارى مەن باقىلاۋ - باسقارۋ تاسىلدەرىن ساپالىلاندىرىپ، ىندەتتەن ساقتانۋ - تىزگىندەۋدى جانە ەكونوميكالىق، قوعامدىق دامۋدى اناعۇرلىم ويداعىداي ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، مەملەكەت مەنشىگىندەگى مال - مۇلىكتىڭ، مەملەكەت مەنشىگىندەگى كاسىپورىنداردىڭ جاڭا دامۋ ارناسىن جەدەل قالىپتاستىرىپ، بۇكىل رايونداعى مەملەكەت مەنشىگىندەگى كاسىپورىنداردىڭ ەكونوميكالىق ونىمدىلىگى زور مولشەردە جوعارىلاپ، العاشقى ايدا ءساتتى باستامانى جۇزەگە اسىردى.
مەملەكەت مەنشىگىندەگى كاسىپورىندار كورنەكتى ناتيجەگە قول جەتكىزدى
2 - ايدىڭ 17 - كۇنى ۋجياچۇي ەكونوميكالىق - تەحنيكالىق اشۋ رايونى شىعىس ونەركاسىپ باقشاسىنداعى شينجياڭ شينيە ەنەرگيا - حيميا ونەركاسىبى شەكتى جاۋاپكەرشىلىك سەرىكتەستىگىنىڭ ءوندىرىس سەحتارى قاۋىرت ءوندىرىس جۇرگىزۋدە، 1500دەن استام قىزمەتشى 3 كەزەكپەن جۇمىس ىستەپ، 24 ساعات كەزەكپەن قىزمەت ورىندارىنان تاپجىلماي ىستەپ جاتتى.
”ءبىز اتسەتيلەن - الدەگيدتىك پروتسەس تەحنولوگياسىمەن سۋتەگىن قوسۋ، قويۋلىعىن ارتتىرۋ جانە تازارتىپ جاساۋ ارقىلى سوڭىندا 1، 4 − بۋتاديول وندىرەمىز، كۇنىنە بۇدان 188 توننا مولشەرىندە شىعارامىز“. اتالعان سەرىكتەستىكتىڭ القا باستىعى ما جينرۇڭنىڭ تانىستىرۋىنشا، بيىل 1 - ايدا سەرىكتەستىك 47 مىڭ 900 توننا مەتيل سپيريتىن، 19 مىڭ توننا سۇيىلتىلعان تابيعي گاز، 5800 توننا 1، 4 − بۋتاديول وندىرگەن، بىلتىرعى سايكەس مەزگىلمەن سالىستىرعاندا، ءونىم مولشەرى جەكە - جەكە ％7.22، ％27.09 جانە ％104.42 جوعارىلاپ، العاشقى ايدا ءساتتى باستامانى جۇزەگە اسىرعان.
سول كۇنى شينجياڭ ۋشين مىس كاسىبى شەكتى جاۋاپكەرشىلىك سەرىكتەستىگىندە دە جۇمىس قاۋىرت ءجۇرىپ جاتتى، رۋدا سۇرىپتاۋ، قورىتۋ سەحتارىنداعى ماشينالاردىڭ گۇرىلى قۇلاق تۇندىرىپ، قايراتتانا العا ىلگەرىلەۋدىڭ ەڭ اسەرلى سيمفونياسىن اۋەلەتتى.
”1 - ايدا سەرىكتەستىگىمىزدىڭ ەلەكتروليزدىك كاتود مىسىنىڭ ءوندىرىسى 10 مىڭ توننادان اسىپ، سەرىكتەستىگىمىز وندىرىسكە قوسىلعاننان بەرگى جاڭا جىلدىڭ العاشقى ايى بويىنشا تاريحتاعى ەڭ جاقسى رەكوردتى جاڭالادى“. اتالعان سەرىكتەستىكتىڭ القا باستىعى جوۋ جيەنىڭ تانىستىرۋىنشا، ماشينالاندىرۋدىڭ، اۆتوماتتاندىرۋدىڭ، زەردەلىلەندىرۋدىڭ قورىتۋ كاسىپورنىنىڭ ساپاسىن كوتەرۋىنە، دەڭگەيىن جوعارىلاتۋىنا دەم بەرۋىنە مەڭزەس، اتالعان سەرىكتەستىكتىڭ ەلەكتروليزدىك باستاپقى پاراقشانى ءبولۋ قۇلتەمىر جۇيەسى ىسكە قوسىلعان سوڭ، ەلەكتروليزدىك كاتود مىسىنىڭ ءوندىرىس ونىمدىلىگى بارىنشا جوعارىلاپ، جاڭا جىلدىڭ العاشقى قادامىن جاقسى باسۋ جانە تۇتاس جىلداعى ءوندىرىس، تيجارات نىساناسىن جۇزەگە اسىرۋعا بەرىك نەگىز قالاعان.
بيىل 1 - ايدا شينجياڭ قارجى قوسۋ، دامىتۋ (توبى) شەكتى جاۋاپكەرشىلىك سەرىكتەستىگى پايدا جالپى سوماسىن 280 ميلليون يۋانعا جەتكىزىپ، الدىڭعى جىلعى سول تۇستاعىدان 20 ەسەلەدى، سالىق اقىسىنان 232 ميلليون يۋان تاپسىرىپ، الدىڭعى جىلعى سول تۇستاعىدان 4.6 ەسەلەدى. وعان قاراستى كاسىپورىن شينجياڭ لانشان تۇنحى عىلىم - تەحنيكا جارنا شەكتى سەرىكتەستىگىنىڭ تيجارات كىرىسى 632 ميلليون يۋان، پايدا جالپى سوماسى 269 ميلليون يۋان بولدى.
اۆتونوميالى رايوندىق مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتىنىڭ ساندى مالىمەتتەرىندە كورسەتىلۋىنشە، 1 - ايدىڭ سوڭىنا دەيىن رايونعا قاراستى مەملەكەت مەنشىگىندەگى كاسىپورىنداردى قامتىعان بۇكىل رايونداعى مەملەكەت مەنشىگىندەگى كاسىپورىندار مەن 14 ايماقتاعى (وبلىس، قالا) مەملەكەت مەنشىگىندەگى مال - مۇلىكتى باقىلاۋ - باسقارۋ قۇرىلىمدارىنىڭ باقىلاۋ - باسقارۋىنداعى مەملەكەت مەنشىگىندەگى كاسىپورىندار جيىنى 941، مال - مۇلكىنىڭ جالپى سوماسى 3 تريلليون 141 ميلليارد 978 ميلليون يۋان بولىپ، سايكەس مەزگىلدەگىدەن ％11.8 ارتقان؛ 1 - ايدا تيجارات كىرىسى 34 ميلليارد 663 ميلليون يۋانعا جەتىپ، سايكەس مەزگىلدەگىدەن ％22.9 ارتقان؛ پايدا جالپى سوماسى ءبىر ميلليارد 451 ميلليون يۋانعا جەتىپ، سايكەس مەزگىلدەگىدەن ％19.6 ارتقان؛ تاپسىرعان سالىق اقىسى 2 ميلليارد 991 ميلليون يۋان بولىپ، سايكەس مەزگىلدەگىدەن ％47.6 ارتقان.
ارتۋدى ورنىقتىرۋدى كورنەكتىلەندىرە وتىرىپ ويداعىداي يگەردى
”ءبىز ورنىقتىلىقتى ماڭداي الدى ورىنعا قويۋعا، ورنىقتىلىق بارىسىندا ىلگەرىلەۋگە تاباندى بولىپ، ىندەتتەن ساقتانۋ - تىزگىندەۋدى جانە ەكونوميكالىق، قوعامدىق دامۋدى اناعۇرلىم ويداعىداي ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، مەملەكەت مەنشىگىندەگى كاسىپورىندار رەفورماسىنىڭ 3 جىلدىق ارەكەتىن جەدەل اتقارىپ، جاڭالىق اشۋ ارقىلى دامۋعا دەم بەرۋدى جەدەلدەتىپ، مەملەكەت مەنشىگىندەگى كاپيتالدىڭ ورنالاسىمىن ساپالىلاندىرىپ، مەملەكەت مەنشىگىندەگى مال - مۇلىكتى باقىلاۋ - باسقارۋ ءتۇزىلىسىن اقاۋسىزداندىردىق، مەملەكەت مەنشىگىندەگى ەكونوميكانىڭ باسەكەلىك قۋاتى، جاڭالىق اشۋ قۋاتى، مەڭگەرۋ قۋاتى، ىقپال كۇشى، حاۋىپ - قاتەرگە توتەپ بەرۋ قابىلەتى ونان ارى كۇشەيدى“، - دەدى اۆتونوميالى رايوندىق مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتى پارتكومىنىڭ مۇشەسى، ورىنباسار مەڭگەرۋشى ساۋ جى بۇكىل رايونداعى مەملەكەت مەنشىگىندەگى كاسىپورىنداردىڭ ەكونوميكالىق اينالىمىنىڭ تاماشا باستاما اشۋىنىڭ، جاقسى قادام باسۋىنىڭ سەبەبىن اتاپ كورسەتىپ.
مەملەكەت مەنشىگىندەگى ەكونوميكانىڭ اينالىم ناتيجەسىن قاراپ وتىرساڭىز، ءىرى كاسىپورىنداردىڭ جەتەكتەۋ، تىرەك بولۋ رولىنىڭ اناعۇرلىم كۇشەيگەندىگىن ايقىن كورۋگە بولادى.
1 - ايدا رايونعا قاراستى مەملەكەت مەنشىگىندەگى كاسىپورىنداردىڭ جالپى تيجارات كىرىسى 27 ميلليارد 306 ميلليون يۋان بولىپ، سايكەس مەزگىلدەگىدەن ％21 جوعارىلاپ، بۇكىل رايونداعى مەملەكەت مەنشىگىندەگى كاسىپورىنداردىڭ ％78.8ىن ۇستادى، كىرىس كولەمى بويىنشا الدىڭعى 3 ورىنعا جەكە - جەكە شينجياڭ جۇڭتاي (توبى) شەكتى جاۋاپكەرشىلىك سەرىكتەستىگى، شينجياڭ قارجى قوسۋ، دامىتۋ (توبى) شەكتى جاۋاپكەرشىلىك سەرىكتەستىگى، شينجياڭ ۇيعۇر اۆتونوميالى رايوندىق اۋىل - قىستاق امانات - قارىز كووپەراتيۆى بىرلەسكەن كووپەراتيۆى جايعاستى. ايماقتارداعى (وبلىس، قالا) مەملەكەت مەنشىگىندەگى كاسىپورىنداردىڭ تيجارات كىرىسى 7 ميلليارد 357 ميلليون يۋان بولىپ، سايكەس مەزگىلدەگىدەن ％30.6 ارتتى.
سالالارعا ءبولىپ قاراعاندا، قاتىناس - تاسىمال، ونەركاسىپ، قوعامدىق قىزمەت وتەۋ كاسىبى (قارجى قوسۋدى باسقارۋ قامتىلادى) جانە قۇرىلىس سالاسى سياقتى سالالارداعى تيجارات كىرىسىنىڭ ارتۋ جىلدامدىعى ％30تەن استى؛ وڭىرلەرگە ءبولىپ قاراعاندا، ىلە قازاق اۆتونوميالى وبلىسى، سانجى حۇيزۋ اۆتونوميالى وبلىسى، بايىنعولين موڭعۇل اۆتونوميالى وبلىسى، ءۇرىمجى قالاسى جانە التاي ايماعى سياقتى ايماقتاردىڭ (وبلىس، قالا) تيجارات كىرىسىنىڭ ارتۋ جىلدامدىعى ％40تەن استى.
شينجياڭ ءتۇستى مەتال ونەركاسىپ سەرىكتەستىگى فۋكاڭ مەتال قورىتۋ زاۆودىنىڭ ورىنباسار باستىعى جاڭ يۇيفەي بىلاي دەپ تانىستىردى: جاڭا جىل باستالعاننان بەرى فۋكاڭ مەتال قورىتۋ زاۆودى نيكەل باعاسىنىڭ زور مولشەردە قىمباتتاۋ ورايىن مىقتاپ يگەرىپ، نيكەل سەحىنداعى 138 ەلەكتروليزاتور تولىق كوتەرىمدىلىكپەن ءوندىرىس جۇرگىزدى، زاۆود جوعارى ءونىمدى ءوندىرىس جۇرگىزۋ بويىنشا سايكەستىرۋ مەحانيزمىن ورناتۋ ارقىلى ءوندىرىستى پارمەندى كەپىلمەن قامداپ، جاڭا جىلدىڭ ”العاشقى ۇتىلامالى جارىسىن“ جاقسى باستادى.
قايتا ۇيىمداستىرۋدىڭ، بىرىكتىرۋدىڭ تەزدەۋىنە ىلەسىپ، 1 - ايدىڭ سوڭىندا بۇكىل رايون بويىنشا مەملەكەت مەنشىگىندەگى كاسىپورىنداردىڭ مال - مۇلىك جالپى سوماسى 100 ميلليارد يۋاننان اسقان كاسىپورىن 5كە جەتتى، مۇندا رايونعا قاراستى مەملەكەت مەنشىگىندەگى كاسىپورىن 3كە، ايماقتارداعى (وبلىس، قالا) مەملەكەت مەنشىگىندەگى كاسىپورىن 2گە؛ مال - مۇلىك جالپى سوماسى 10 ميلليارد يۋاننان اسقان كاسىپورىن 42گە، مۇندا رايونعا قاراستى مەملەكەت مەنشىگىندەگى كاسىپورىن 12گە، ايماقتارداعى (وبلىس، قالا) مەملەكەت مەنشىگىندەگى كاسىپورىن 30عا جەتتى.
رەفورمادان قامال الۋعا تىكەلەي سايىس جاريالادى
شينجياڭ ەكونوميكاسىن ”قۇراۋ“ بارىسىندا مەملەكەت مەنشىگىندەگى كاسىپورىنداردىڭ بەينەسى جالپى اۋقىم جونىنەن توتەنشە ماڭىزدى سانالادى.
بيىل 1 - ايدا شينجياڭ شييۇيچۇن ءسۇت شارۋاشىلىعى شەكتى جاۋاپكەرشىلىك سەرىكتەستىگى بازار ورايىن بەلسەنە مىقتى يگەرىپ، ساتۋ جوباسىن جان - جاقتى بىرىكتىرۋ ارقىلى كوپ ءتۇرلى ساتۋ شارالارىن قاتار قولدانىپ، 10 مىڭ 954 توننا ءسۇت ءونىمىن ءوندىرىپ، وتكەن جىلدىڭ سول تۇستاعىسىمەن سالىستىرعاندا ％18.73 اسىردى؛ 9653 توننا ءسۇت ءونىمىن ساتىپ، وتكەن جىلدىڭ سول تۇستاعىسىمەن سالىستىرعاندا ％22.14 اسىرىپ، العاشقى ايدا جاقسى باستامانى جۇزەگە اسىردى.
”العاشقى ايداعى جاقسى باستاما“ ارقىلى ”ماۋسىم سايىن تابىستى بولۋعا“ شىنايى كەپىلدىك ەتىپ، ”تۇتاس جىل تابىستى بولۋدى“ جۇزەگە اسىرۋ ءۇشىن، جۇڭتاي توبى كەلەلى نىساندار قۇرىلىسىن جەدەل ىلگەرىلەتىپ، ”نىسان قۇرىلىسى جىلىن“ زور كۇشپەن اتقارىپ، قامال الۋ ارەكەتىنە دەم بەرىپ، مەجەمەن 100 ميلليارد يۋاننان استام قارجى قوسىپ، ”3 ۇلكەن كاسىپ سالاسى تىزبەگى نىسان“ قۇرىلىسىن باستاپ، توقىماشىلىق، جاڭا ماتەريالداردى ءبىر تۇلعالاندىرۋ نىسانىن ىلگەرىلەتىپ، 1، 4 − بۋتاديول كاسىپ سالاسى تىزبەگىن الۋەتتەندىرىپ، كومىر نەگىزدى جاڭا ماتەريالداردىڭ دارەجەسىن جوعارىلاتۋدان ۇلگى كورسەتۋ نىسانىن سالىپ، كاسىپورىننىڭ كاسىپ سالاسى تىزبەگىن ۇزارتۋ، تولىقتاۋ، كەڭەيتۋ، كۇشەيتۋ ستراتەگيالىق ورنالاستىرۋىن قۇردى، قالىپتاستىردى...
”1 - ايدا شينجياڭ ەنەرگيا (توبى) شەكتى جاۋاپكەرشىلىك سەرىكتەستىگىنىڭ تيجارات كىرىسى 474 ميلليون يۋانعا جەتىپ، سايكەس مەزگىلدەگىدەن ％111 ارتتى، زياننان قۇتىلىپ، ارتقان پايداسى سايكەس مەزگىلمەن سالىستىرعاندا45 ميلليون يۋانعا جەتىپ، ءارقايسى كورسەتكىشتەردە تۇگەلدەي ايلىق نىسانا مىندەتتەردى ولشەمنەن اسىرا ورىنداپ، دامۋ سەنىمىن بارىنشا ارتتىردى“، - دەدى اتالعان سەرىكتەستىكتىڭ القا باستىعى حۋ گوچياڭ.
1 - ايدا ەكونوميكانىڭ اينالىم جاعدايىنان قاراعاندا، بۇكىل رايوننىڭ مەملەكەت مەنشىگىندەگى مال - مۇلىك، مەملەكەت مەنشىگىندەگى كاسىپورىندار جاقسى باستاما اشقانىمەن، الايدا اۋەلگىدەي كوپتەگەن سايىستارعا ءدوپ كەلدى.
ۇكىمەت قىزمەت بايانداماسىندا العا قويىلعان مەملەكەت مەنشىگىندەگى مال - مۇلىك، مەملەكەت مەنشىگىندەگى كاسىپورىندار رەفورماسىن جاپپاي تەرەڭدەتىپ، مەملەكەت مەنشىگىندەگى كاسىپورىندار رەفورماسىنىڭ 3 جىلدىق ارەكەتى مىندەتىن جوعارى ساپامەن ورىنداۋدىڭ ءتۇيىنى مەملەكەت مەنشىگىندەگى كاپيتالمەن قارجى قوساتىن، جۇمىس جۇرگىزەتىن سەرىكتەستىكتىڭ تۇيىندەردە سىناق ەتۋىن كەڭەيتۋ، تەرەڭدەتۋ، شارۋاشىلىق جۇرگىزۋ سيپاتتى مەملەكەت مەنشىگىندەگى مال - مۇلىكتى شوعىرلى، ءبىر تۇتاس باقىلاۋ - باسقارۋدى جاپپاي ىلگەرىلەتۋ، بازارلانعان شارۋاشىلىق جۇرگىزۋ مەحانيزمىن اقاۋسىزداندىرۋ سياقتى شەشۋشى بۋىنداردا اناعۇرلىم زور ناتيجە جاراتىپ، ارالاسپالى مەنشىك ءتۇزىمى رەفورماسىن ورنىقتى ىلگەرىلەتىپ، ءار ءتۇرلى مەنشىكتىڭ ارتىقشىلىعىن ساۋلەلەندىرىپ، ولقىلىعىن تولىقتاۋىن، بىرگە دامۋىن ىلگەرىلەتۋدە. مەملەكەت مەنشىگىندەگى كاپيتال كاسىپ سالاسىنىڭ ورنالاسۋىن ۇزدىكسىز ساپالىلاندىرىپ، كاسىپ سالاسى تىزبەگىن، قامداۋ تىزبەگىن وسىزامانداندىرۋ دەڭگەيىن جوعارىلاتۋ كەرەك.
”اۆتونوميالى رايوندىق مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتى اۆتونوميالى رايون تۇراقتاندىرعان ەكونوميكالىق، قوعامدىق دامۋ مەجەلى نىساناسىنا نەگىزدەلىپ، مەملەكەت مەنشىگىندەگى كاسىپورىندار رەفورماسىنان، جاڭالىق اشۋىنان، ساپاسىن جوعارىلاتۋىنان، قارجى قوسۋىنان، ونىمدىلىگىن ارتتىرۋىنان قامال الۋ شايقاسىن بار كۇشپەن ويداعىداي جۇرگىزىپ، شينجياڭ ەكونوميكاسىنىڭ جوعارى ساپالى دامۋىنىڭ نەگىزگى قوسىنى، باستاماشىسى بولادى“، - دەدى ساۋ جى.
