2022 - جىلعى ورتالىقتىڭ 1 - ءنومىرلى حۇجاتى جاريالاندى
اۋىل - قىستاقتى گۇلدەندىرۋدى جاپپاي ىلگەرىلەتۋدىڭ ءتۇيىندى قىزمەتتەرى ورتاعا قويىلدى
شينحۋا اگەنتتىگىنىڭ 2 - ايدىڭ 22 - كۇنى بەيجيڭنەن بەرگەن حابارى (تىلشىلەر گاۋ جيڭ، يۇي ۋىنجيڭ). 21 - عاسىردان بەرگى 19 - رەتكى اۋىل شارۋاشىلىعى، اۋىل - قىستاق، شارۋالار قىزمەتىنە جەتەكشىلىك ەتەتىن ورتالىقتىڭ 1 - ءنومىرلى حۇجاتى 2 - ايدىڭ 22 - كۇنى شينحۋا اگەنتتىگىنىڭ وكىلەتتىلىگىمەن جاريالاندى.
«جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ 2022 - جىلى اۋىل - قىستاقتى گۇلدەندىرۋدى جاپپاي ىلگەرىلەتۋدىڭ ءتۇيىندى قىزمەتتەرىن ويداعىداي ىستەۋ جونىندەگى پىكىرى» دەگەن تاقىرىپتاعى بۇل حۇجات جالپى 8 بولىكتەن قۇرالعان، مىنالاردى قامتيدى: استىق ءوندىرىسى جانە ماڭىزدى اۋىل شارۋاشىلىق ونىمدەرىمەن قامداۋدى بار كۇشپەن ويداعىداي يگەرۋ، وسى زامانعى اۋىل شارۋاشىلىعىنىڭ نەگىزدىك تىرەگىن كۇشەيتۋ، كولەمدى تۇردە قايتا كەدەيلەسۋدىڭ تۋىلماۋى سىندى تومەنگى شەكتى بەرىك ساقتاۋ، نازاردى كاسىپ سالاسى ارقىلى اۋىل - قىستاقتى دامىتۋعا شوعىرلاندىرۋ، اۋىل - قىستاق قۇرىلىسىن تىڭعىلىقتى، ورنىقتى ىلگەرىلەتۋ، اۋىل - قىستاقتى باسقارۋدا ناقتى ونىمدىلىكتى كورنەكتىلەندىرۋ، ساياساتتىق قامتاماسىزدىقتى جانە ءتۇزىلىس - مەحانيزمدە جاڭالىق اشۋ تەبىنىن كۇشەيتۋ، پارتيانىڭ اۋىل شارۋاشىلىعى، اۋىل - قىستاق، شارۋالار قىزمەتىنە جالپى بەتتىك باسشىلىعىنا تاباندى بولۋ جانە ونى كۇشەيتۋ.
حۇجاتتا مىنالار اتاپ كورسەتىلدى: كەزەكتە بۇكىل جەر شارىندا جاڭا تيپتى ايدارشا ۆيرۋس وكپە قابىنۋ ىندەتى ءالى دە تارالۋدا، دۇنيە ءجۇزى ەكونوميكاسىنىڭ قالپىنا كەلۋى ءالسىز، كليمات وزگەرىسىنىڭ سىن - سايىسى كورنەكتى، ەلىمىزدىڭ ەكونوميكالىق، قوعامدىق دامۋىنىڭ ءتۇرلى مىندەتتەرى توتەنشە اۋىر دا جاپالى. پارتيا ورتالىق كوميتەتى بىلاي دەپ قارادى: 100 جىلدىق وزگەرىس پەن عاسىرلىق ىندەتكە بايىپتىلىقپەن توتەپ بەرىپ، ەكونوميكانىڭ، قوعامنىڭ ورنىقتى، اقاۋسىز دامۋىن ىلگەرىلەتۋدە، ءسوز جوق، مەملەكەتتىڭ كەلەلى ستراتەگيالىق قاجەتىن كوزدەپ، اۋىل شارۋاشىلىعىنىڭ نەگىزگى جاعدايىن ورنىقتىرىپ، اۋىل شارۋاشىلىعى، اۋىل - قىستاق، شارۋالار قىزمەتىن ويداعىداي ىستەپ، اۋىل - قىستاقتى گۇلدەندىرۋدى ۇزدىكسىز جاپپاي ىلگەرىلەتىپ، اۋىل شارۋاشىلىعىندا ءتۇسىمدى ورنىقتىرۋعا، ءتۇسىمدى ارتتىرۋعا، شارۋالاردىڭ كىرىسىن ورنىقتى ارتتىرۋعا، اۋىل - قىستاقتىڭ ورنىقتى، تىنىش بولۋىنا شىنايى كەپىلدىك ەتۋ كەرەك.
حۇجاتتا مىنالار ورتاعا قويىلدى: مەملەكەتتىڭ استىق حاۋىپسىزدىگىن قامتاماسىز ەتۋ جانە كولەمدى قايتا كەدەيلەسۋدىڭ تۋىلماۋى سىندى ەكى تومەنگى شەكتى مىقتى ساقتاپ، جىلدىق مىندەتتى، باعىتتامالى شارالاردى، ونىمدىلىك بەتالىسىن كورنەكتىلەندىرىپ، اۋىل - قىستاق نەگىزگى ساتى پارتيا ۇيىمدارىنىڭ باسشىلىق رولىن تولىق ساۋلەلەندىرىپ، اۋىل - قىستاقتىڭ دامۋى، اۋىل - قىستاق قۇرىلىسى، اۋىل - قىستاقتى باسقارۋ ءتۇيىندى قىزمەتتەرىن تىڭعىلىقتى، ءتارتىپتى، ويداعىداي ىستەۋ كەرەك.
ورتالىق اۋىل - قىستاق قىزمەتى باسشىلىق گرۋپپاسى كەڭسەسىنىڭ قاتىستى جاۋاپتىسى مىنالاردى ءبىلدىردى: ورنىقتىلىقتى ماڭداي الدى ورىنعا قويۋعا، ورنىقتىلىق بارىسىندا ىلگەرىلەۋگە تاباندى بولىپ، ءتۇيىندى قىزمەتتەردى تىڭعىلىقتى، ءتارتىپتى ىلگەرىلەتىپ، توتەنشە كۇشتى تەبىن جانە اناعۇرلىم قۋاتتى اتقارۋ قابىلەتى ارقىلى بيىلعى اۋىل شارۋاشىلىعى، اۋىل - قىستاق، شارۋالار قىزمەتتەرىن قاز - قالپىندا ويداعىداي ورىنداپ، اۋىل - قىستاقتى گۇلدەندىرۋدى جەبەۋدە تىڭ ىلگەرىلەۋشىلىككە قول جەتكىزىپ، اۋىل شارۋاشىلىعىن، اۋىل - قىستاقتى وسىزامانداندىرۋدا تىڭ قادام تاستاۋ كەرەك.
