تيانشان تورى
تيانشان تورى   ›   جاڭالىقتار   ›   عىلىم جالپىلاستىرۋ

2025 - جىلى رايونىمىزدا ازاماتتاردىڭ عىلىم ساپاسىن ازىرلەۋ سالىستىرماسى %12كە جەتكىزىلەدى

اۆتونوميالى رايوننىڭ جالپى حالىقتىڭ عىلىم ساپاسى جونىندەگى ارەكەت جوباسى باعدارلاماسىنىڭ اتقارۋ جوباسى باسىلىپ تاراتىلدى

2025 - جىلى رايونىمىزدا ازاماتتاردىڭ عىلىم ساپاسىن ازىرلەۋ سالىستىرماسى %12كە جەتكىزىلەدى

  انار بۇلت / شينجياڭ گازەتىنىڭ ءتىلشىسى شيە حۇيبيان 2 - ايدىڭ 22 - كۇنى ۇرىمجىدەن حابارلايدى. جۋىقتا اۆتونوميالى رايوندىق حالىق ۇكىمەتى كەڭسەسى «اۆتونوميالى رايوننىڭ جالپى حالىقتىڭ عىلىم ساپاسى جونىندەگى ارەكەت جوباسى باعدارلاماسىنىڭ اتقارۋ جوباسىن (2021 − 2025 - جىلدار) باسىپ تاراتىپ، 2025 - جىلعا دەيىن رايونىمىزدا ازاماتتاردىڭ عىلىم ساپاسىن ازىرلەۋ سالىستىرماسىن %12كە جەتكىزۋدى ورتاعا قويدى.

  «باعدارلامادا» مىنالار ورتاعا قويىلدى: 2025 - جىلعا دەيىنگى نەگىزگى نىسانا مىنالاردى قامتيدى: عىلىم جالپىلاستىرۋ مەن عىلىم - تەحنيكادا جاڭالىق اشۋ ۇقساس دارەجەدە ماڭىزدى بولعان ءتۇزىم ورنالاستىرۋى نەگىزىنەن قالىپتاسىپ، عىلىم جالپىلاستىرۋ جوعارى ساپالى دامۋعا قىزمەت وتەۋ جۇيەسى نەگىزىنەن قۇرىلادى، عىلىم جالپىلاستىرۋمەن ءونىمدى قامداۋ كورنەكتى كۇشەيدى، عىلىم جالپىلاستىرۋ ارقىلى ”ۇشقارىلىقتى الاستاۋ“ ونىمدىلىگى كورنەكتىلەنەدى، عىلىم رۋحى مەن عالىم رۋحى تۇتاس قوعامدا كەڭ كولەمدە اسقاقتاپ، جاڭالىق اشۋدى ارداقتاۋدىڭ قوعامدىق رايى كۇن سايىن كۇشەيەدى.

  جالپى حالىقتىڭ عىلىم ساپاسىنىڭ جوعارىلاۋىن ءونىمدى جەبەۋ ءۇشىن ”14 - بەسجىلدىق“ مەزگىلىندە اۆتونوميالى رايون نازاردى جاستار مەن وسپىرىمدەر، ەگىنشى - مالشىلار، كاسىپ سالاسى جۇمىسشىلارى، قارتتار، باسشى كادرلار مەن مەملەكەت قىزمەتكەرلەرى سىندى 5 ءتۇرلى ءتۇيىندى قاۋىمعا شوعىرلاندىرىپ، عىلىم ساپاسىن جوعارىلاتۋ ارەكەتىن اتقارادى ءارى عىلىم - تەحنيكا بايلىعىن جالپىلاستىرۋ، عىلىم جالپىلاستىرۋدىڭ ينفورماتسيالانۋىن جوعارىلاتۋ، عىلىم جالپىلاستىرۋ نەگىزدىك قۇرىلعى قۇرىلىستارى، نەگىزگى ساتى عىلىم جالپىلاستىرۋ قابىلەتىن جوعارىلاتۋ، عىلىم ساپاسى جونىندە اشىق اۋىس - كۇيىس جانە سەلبەستىك جاساۋ سىندى 5 ءتۇيىندى ينجەنەريانى اتقارادى.

  2020 - جىلى رايونىمىزدا ازاماتتاردىڭ عىلىم ساپاسىن ازىرلەۋ سالىستىرماسى %7.52كە جەتىپ، ”13 - بەسجىلدىقتاعى“ %6.08 − %6.79كە جەتكىزۋ دامىتۋ نىساناسىنىڭ مەجەلى اۋماعىنان اسىپ، 2015 - جىلداعىمەن سالىستىرعاندا 3.55 پايىز جوعارىلادى، تۇتاس رايونداعى ازاماتتاردىڭ عىلىم ساپاسى دەڭگەيى ورنىقتى دامۋ كەزەڭىنە ءوتتى.

  اۆتونوميالى رايوندىق عىلىم - تەحنيكا قوعامى پارتيا باسشىلىق گرۋپپاسىنىڭ شۋجيى، ورىنباسار ءتوراعاسى ۋاڭ گۋاڭچياڭ مىنالاردى ءبىلدىردى: جاڭا داۋىردە جالپى حالىقتىڭ عىلىم ساپاسىن جوعارىلاتۋ ارەكەتىن ورىستەتىپ، ازاماتتاردىڭ عىلىم ساپاسى قۇرىلىسىن اناعۇرلىم كۇشەيتىپ، ادام كۇشى بايلىعى ساپاسىن ۇزدىكسىز جوعارىلاتۋ شينجياڭ ەكونوميكاسىنىڭ، قوعامىنىڭ جوعارى ساپالى دامۋىنا دەم بەرۋدە ماڭىزدى مانگە يە.

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.