تيانشان تورى
تيانشان تورى   ›   جاڭالىقتار   ›   شينجياڭ حابارلارى

شينجياڭنىڭ قاتىناس قۇرىلىسى كوكتەم قادامىنا ىلەسە جەدەلدەدى

□ انار بۇلت / شينجياڭ گازەتىنىڭ ءتىلشىسى لۋ فىڭباۋ

  وڭتۇستىك شينجياڭدا كوكتەم ەرتە كەلەدى، بۇل جەردە قۇرىلىسشىلار كوكتەمنىڭ كەلىپ جەتۋىن ءتىپتى دە تاعاتسىزدانا كۇتەدى.

  ارالاستىرۋ پۋنكتىن ماشينالاردىڭ گۇرىلى جاڭعىرتىپ، تۋنەل ىشىندە قۇرىلىس دابىرالى جۇرگىزىلۋدە... باستالا سالىسىمەن قۇلشىنا ۇمتىلدى، 2 - ايدىڭ 22 - كۇنى G0711 جەلىسىنىڭ ءۇرىمجى − لوپنۇر جوعارى جىلدامدىقتى تاس جولى، G0612 جەلىسىنىڭ جەتىمبۇلاق − چارقىلىق جوعارى جىلدامدىقتى تاس جولى، G0612 جەلىسىنىڭ نيە − لوپ 1 - دارەجەلى تاس جولى سياقتى وڭتۇستىك شينجياڭ وڭىرىندەگى قۇرىلىسى جالعاستىرىلاتىن 13 قاتىناس نىسانىنىڭ قۇرىلىسى ءبىر كۇندە قايتا باستالىپ، بۇكىل شينجياڭداعى قاتىناس نىساندارى قۇرىلىسى جەدەل جۇرگىزىلىپ، تيانشان الابىندا قاتىناستىڭ قاۋىرت قۇرىلىسىنىڭ قىزۋ دۋمانى كوتەرىلدى.

بارىس جىلىندا قاتىناس قۇرىلىسىنىڭ اۋقىمدى جۇمىسى باستالدى

  باستالا سالىسىمەن زىمىراپ، ءساتتى باستاما اشۋعا كۇش سالدى.

  2 - ايدىڭ 21 - كۇنى ءۇرىمجى − لوپنۇر جوعارى جىلدامدىقتى تاس جولى تاس - توپىراق قۇرىلىسىنىڭ 12 - مەردىگەرلىك قۇرىلىس الاڭىندا شيكىزاتتار تولتىرا تيەلگەن جۇك اۆتوموبيلدەرى ارلى - بەرلى قايشالىسىپ، نىساننىڭ قايتا قۇرىلىس باستاۋىنا ماتەريال دايىنداپ جاتتى.

  ”كوكتەم مەرەكەسى وتە بەرە ءبىزدىڭ باسقارۋشى قىزمەتكەرلەرىمىز تۇگەلدەي ءوز جۇمىس ورىندارىنا جايعاسىپ، ماتەريال دايىنداپ، قۇرىلىس جوسپارىن ورنالاستىرىپ، قۇرىلىس مىندەتىن ناقتىلاپ، قۇرىلىستى قايتا باستاۋعا دايىندىق كوردى“، - دەدى جۇڭگو قاتىناس قۇرىلىسى شينجياڭ ءۇرىمجى − لوپنۇر تاس جولى نىسانى ءۇرىمجى − لوپنۇر قۇرىلىس جۇمىسى مەردىگەرلىك 12 - نىسانىنىڭ ديرەكتورى حۋاڭ گويۇڭ.

  2 - ايدىڭ 22 - كۇنى تۇستەن بۇرىن ءۇرىمجى − لوپنۇر جوعارى جىلدامدىقتى تاس جولىنىڭ تيەمىنگۋان تۋنەلىنىڭ سىرتىندا جەر قازۋ ماشيناسى ءشومىشىن بۇلعاقتاتا كۇش سالا قازۋعا كىرىسىپ، وڭتۇستىك شينجياڭ قاتىناس نىساندارىنىڭ قايتا قۇرىلىس باستاۋ شىمىلدىعىن اشتى.

  سول كۇنى مەملەكەتتىك، ولكەلىك 11 نەگىزگى جەلى نىسانىن، ءبىر اۋىل - قىستاق تاس جولى نىسانىن جانە ءبىر جولاۋشى جانە جۇك تاسىمال بەكەتى - الاڭى نىسانىن قامتىعان وڭتۇستىك شينجياڭ وڭىرىندەگى قۇرىلىسى جالعاستىرىلاتىن 13 نىساننىڭ جۇمىسى ءبىر ۋاقىتتا قايتا باستالدى.

  اۆتونوميالى رايوندىق قاتىناس - تاسىمال مەڭگەرمەسى قۇرىلىس باسقارماسىنىڭ باستىعى سۇن شيانكۇي بىلاي دەدى: بۇل رەتكى جۇمىسى جالعاستىرىلاتىن نىساندار قاتارىندا G0711 جەلىسىنىڭ ءۇرىمجى − لوپنۇر جوعارى جىلدامدىقتى تاس جولى نىسانى، S254 جەلىسىنىڭ لوپنۇر − چەرچەن نىسانى، G0612 جەلىسىنىڭ جەتىمبۇلاق − چارقىلىق جوعارى جىلدامدىقتى تاس جولى نىسانى، G314 جەلىسىنىڭ اقسۋ اۋماعىنان وتەتىن بولىگى نىسانى قاتارلىلار بار.

  3 - ايعا اياق باسقان سوڭ، سولتۇستىك شينجياڭ وڭىرىندەگى قۇرىلىسى جالعاستىرىلاتىن قاتىناس نىساندارى دا ىركەس - تىركەس قايتا قۇرىلىس باستايدى. 3 - ايدىڭ سوڭىنا بارعاندا، ءۇستىرتتى سۋىق، تەڭىز دەڭگەيىنەن بيىك وڭىرلەردەگى قۇرىلىس باستاۋ شارت - جاعدايى ازىرلەنبەگەن ءىشىنارا نسانداردان سىرت، وڭتۇستىك، سولتۇستىك شينجياڭداعى قۇرىلىسى جالعاستىرىلاتىن نىساندار تۇگەلدەي قايتا قۇرىلىس باستاۋدى جۇزەگە اسىرا الادى.

  قاتىناس قۇرىلىسى نىساندارىنىڭ قۇرىلىس باستاۋىن، قۇرىلىسىن جالعاستىرۋىن جەبەۋ ءۇشىن، 2 - ايدىڭ 8 - كۇنى اۆتونوميالى رايوندىق قاتىناس - تاسىمال مەڭگەرمەسى 2022 - جىلعى 1 - رەتكى بۇكىل رايونداعى تاس جول نىساندارى قۇرىلىسىن ىلگەرىلەتۋ ءماجىلىسىن اشىپ، رايونىمىزدىڭ تۇتاس جىلداعى قاتىناس قۇرىلىسى قىزمەتى جونىندە ىشكەرىلەي تالداۋ، زەرتتەۋ جۇرگىزىپ، ”ءبىر نىسانعا ءبىر باسشى، ءبىر جوبا“ بويىنشا تۇرلەرگە ءبولىپ شارا قولدانىپ، قۇرىلىسى جالعاستىرىلاتىن نىسانداردىڭ قۇرىلىسىن جاپپاي، جەدەل باستاۋدى، جاڭادان قۇرىلىس باستايتىن نىسانداردىڭ قۇرىلىس باستاۋعا بولاتىندارىن تۇگەلدەي باستاۋدى، زاپاس نىسانداردىڭ قۇرىلىس باستاۋعا بولاتىندارىن ەرتەرەك باستاۋدى تالاپ ەتتى، سونداي - اق ءتۇيىندى قىزمەت - مىندەتتەر جونىندە ورنالاستىرۋ جاساپ، بۇكىل رايونداعى قاتىناس - تاسىمال سالاسىن باعداردى ايقىنداۋعا، سەنىمدى بەكەمدەۋگە جۇمىلدىرىپ، نىسانداردىڭ قۇرىلىس قارقىنىن جەدەلدەتتى.

  ”نىسانداردىڭ قۇرىلىسىن ەرتەرەك قايتا باستاپ، ءوندىرىس قۋاتىنا ەرتەرەك جەتكىزىپ، ءبىرىنشى ماۋسىمداعى تاس جول قۇرىلىسىندا ءساتتى باستامانى جۇزەگە اسىرىپ، تۇتاس جىلداعى قاتىناس قۇرىلىسى مىندەتتەرىنىڭ ءساتتى ورىندالۋىنا شىنايى كەپىلدىك ەتەمىز“، - دەدى سۇن شيانكۇي.

تارىمدى اينالاتىن جەدەل جىلدامدىقتى تاس جول شەڭبەرى بيىل قالىپتاسادى

  سۇن شيانكۇي بىلاي دەدى: مەملەكەتتىك، ولكەلىك باستى جەلىلەردى نەگىز ەتكەن تارىمدى اينالاتىن تاس جول شەڭبەرى الدەقاشان قالىپتاسقان، ”شەڭبەر قالىپتاستىرۋدان“ كەيىن ”جەدەلدەتۋ“ قاجەت، سوڭعى جىلداردان بەرى رايونىمىزدىڭ تارىمدى اينالاتىن جوعارى جىلدامدىقتى (1 - دارەجەلى) كوپ تاس جول نىساندارىن ىركەس - تىركەس سالۋداعى ماقساتى تارىمدى اينالاتىن جەدەل جىلدامدىقتى جول تورىن قالىپتاستىرۋ.

  وسى رەتكى وڭتۇستىك شينجياڭ وڭىرىندەگى قۇرىلىسى قايتا باستالعان قاتىناس نىساندارىنا كوز جىبەرسەڭىز، كوپتەگەن نىساننىڭ تۇگەلدەي تارىم ويپاتىن اينالا سالىنىپ جاتقانىن بايقايسىز، بۇعان G0612 جەلىسىنىڭ نيە − لوپ 1 - دارەجەلى تاس جولى جانە ءۇرىمجى − لوپنۇر جوعارى جىلدامدىقتى تاس جول نىسانىنىڭ ءبىر ءبولىم جول بولىگى قامتىلادى.

  G0612 جەلىسىنىڭ نيە − لوپ 1 - دارەجەلى تاس جولى نىسانىنىڭ قۇرىلىس باسىندا جول بەتىنە قارا ءتۇستى اسفالت تۇتاستاي توسەلىپتى، قۇرىلىسشىلار قاتىناس حاۋىپسىزدىگى جانە جول بويىنداعى ءۇي قۇرىلىستارى سياقتى قوسالقى ينجەنەريالاردى قاربالاس سالىپ جاتىر.

  نيە − لوپ نىسانى حوتان ايماعىنا ورنالاسقان، شىعىستا نيە اۋدانىنىڭ شىعىسىنان باستالىپ، باتىستا لوپ اۋدانىنىڭ شىعىسىنا تىرەلىپ، قازىرگى G315 جەلىسىمەن جالپى جاقتان پارالەل جۇرەدى، باستالۋ نۇكتەسىندە چارقىلىق − نيە جوعارى جىلدامدىقتى تاس جولىن بويلاي جالعاسىپ، سوڭعى نۇكتەدە قاراقاش − حوتان جوعارى جىلدامدىقتى تاس جولىنا تۇيىلىسەدى، ول جالپى ۇزىندىعى 266.883 كيلومەتر كەلەتىن 1 - دارەجەلى جول سانالادى. 2019 - جىلى 10 - ايدا بۇل نىساننىڭ قۇرىلىسى رەسمي باستالعان، قاربالاس قۇرىلىس جۇرگىزۋدەن كەيىن، قازىر جول بەتى تولىقتاي تۇتاستىرىلىپ، قازىر قاتىناس حاۋىپسىزدىگى، ءۇي قۇرىلىستارى سياقتى قوسالقى ينجەنەريالاردىڭ قۇرىلىسى قاربالاس جۇرگىزىلۋدە.

  ”قىستا ءبىزدىڭ ءبىر ءبولىم ادامدار دەمالعان جوق، ءبىرىنشى شەپتەن تاپجىلماي قۇرىلىس ماتەريالدارىن الدىن الا دايىنداپ، قۇرىلىس قوسىنىن ۇيىمداستىرۋمەن اينالىستى. قۇرىلىس قايتا باستالعان سوڭ، ءبىز قوسالقى ينجەنەريالار قۇرىلىسىن جەدەلدەتە جۇرگىزىپ، 6 - ايدىڭ سوڭىندا نىساندا كولىك قاتىناۋدى جۇزەگە اسىرامىز“، - دەدى نيە − لوپ نىسانىنىڭ جالپى كوتەرمەگە الۋ ءبولىمىنىڭ ورىنباسار باس ديرەكتورى ۋ ۋي.

  حۋاڭ گويۇڭ بىلاي دەدى: ءۇرىمجى − لوپنۇر تاس - توپىراق قۇرىلىسى نىسانى 12 - مەردىگەرلىك بولىگىنىڭ جالپى ۇزىندىعى 78.793 كيلومەتر، بيىل قۇرىلىستى جەدەل جۇرگىزىپ، كورلا قالاسىنان لوپنۇر اۋدانىنا دەيىن جوعارى جىلدامدىقتى تاس جول قاتىناۋدى الدىن الا جۇزەگە اسىرامىز.

  وسىلايشا، بىلتىر 12 - ايدىڭ 30 - كۇنى سالىنىپ بولىپ كولىك قاتىناعان G0711 جەلىسىنىڭ لوپنۇر − چارقىلىق، G0612 جەلىسىنىڭ چارقىلىق − نيە جوعارى جىلدامدىقتى تاس جولدارىن قوسقاندا، بيىل تارىمدى اينالاتىن جوعارى جىلدامدىقتى (1 - دارەجەلى) تاس جول شەڭبەرى رەسمي قالىپتاستادى ەكەن.

  تەك بۇل عانا ەمەس، بيىل شينجياڭعا كىرىپ - شىعاتىن جوعارى جىلدامدىقتى تاس جول 3 - ۇلكەن ارناسى دا قالىپتاسىپ ۇلگىرمەك.

  جۇڭگو قاتىناس توبى شينجياڭ قاتىناس قارجى قوسۋ، دامىتۋ شەكتى سەرىكتەستىگىنىڭ باس ديرەكتورى ليۋ حۇڭبو بىلاي دەدى: 2 - ايدىڭ 22 - كۇنى G0612 جەلىسىنىڭ جەتىمبۇلاق − چارقىلىق جوعارى جىلدامدىقتى تاس جولىنىڭ قۇرىلىسى دا قايتا باستالدى، بۇل جولدا 8 - ايدىڭ سوڭىندا كولىك قاتىنايدى.

  جەتىمبۇلاق − چارقىلىق جوعارى جىلدامدىقتى تاس جولى − شينجياڭ قاتىناس - تاسىمال دامۋ جوباسىنىڭ ماڭىزدى قۇرامداس بولىگى سانالادى، سالىنىپ بولىپ كولىك قاتىناعاننان كەيىن، ول G7 جەلىسى بەيجيڭ − شينجياڭ جوعارى جىلدامدىقتى تاس جولىنان، G30 ليانيۇنگاڭ − قورعاس جوعارى جىلدامدىقتى تاس جولىنان كەيىنگى شينجياڭعا كىرىپ - شىعاتىن جوعارى جىلدامدىقتى تاس جولدىڭ 3 - ۇلكەن ارناسىنا اينالىپ، وڭتۇستىك شينجياڭنىڭ كوپتەگەن جەرلەرىنەن شينجياڭعا جەدەل جىلدامدىقپەن كىرىپ - شىعۋ ىسكە اسىپ، ەل ىشىندەگى باسقا ولكە - قالالارمەن جەدەل بارىس - كەلىس جۇزەگە اسپاق.

جىلدىق قارجى قوسۋ نىسانا - مىندەتىنىڭ ورىندالۋىنا شىنايى كەپىلدىك ەتتى

  2021 - جىلى رايونىمىز تۇتاس جىلدا قاتىناس تۇراقتى مۇلكىنە جالپى 69 ميلليارد 50 ميلليون يۋان قارجى قوسۋدى ورىنداپ، جىل باسىنداعى جوسپاردان %15 اسىردى، وتكىزىپ بەرىلگەن 25 نىساندا كولىك قاتىناۋ، جۇمىس جۇرگىزۋ تۇگەلدەي مەجەلى مەرزىمدە ورىندالىپ، ءتۇيىندى ينجەنەريالاردىڭ وزىق، ساپالى بولۋىندا مول جەتىستىككە قول جەتكىزىلدى.

  سۇن شيانكۇي بىلاي دەدى: بيىل رايونىمىز تۇتاس جىلدا قاتىناس تۇراقتى مۇلكىنە 80 ميلليارد يۋان قارجى قوسۋدى بەلگىلەدى، مۇنىڭ ىشىندە مەملەكەتتىك، ولكەلىك 80 باستى جەلى نىسانىن اتقارۋدى، اۋىل - قىستاق تاس جولىنان 6000 كيلومەترىن جاڭادان سالۋدى، وزگەرتىپ سالۋدى، جولاۋشى تاسىمال الاڭ - بەكەتتەرىنەن 25 − 30ىنىڭ قۇرىلىسىن باستاۋدى، جىل سوڭىنا بارعاندا بۇكىل رايونداعى جوعارى جىلدامدىقتى (1 - دارەجەلى) تاس جولداردىڭ جالپى ۇزىندىعىن 10 مىڭ كيلومەتردەن اسىرۋدى، مۇنىڭ ىشىندە جوعارى جىلدامدىقتى تاس جولدىڭ جالپى ۇزىندىعىن 7500 كيلومەتردەن اسىرۋدى جوسپارلاپ وتىر.

  اۆتونوميالى رايوندىق قاتىناس - تاسىمال مەڭگەرمەسى تاس جول نىسانى قۇرىلىستارىن بەينە ەكرانمەن ورنالاستىرۋدى ۇدايىلاندىرىپ ورىستەتۋ نەگىزىندە، نىسان قۇرىلىسىن ىلگەرىلەتۋ ءماجىلىسىن مەرزىمدى ۋاقىتپەن اشىپ، نىساننىڭ ىلگەرىلەۋ جاعدايىنا قاراي اۆتونوميالى رايوننىڭ تاس جول قۇرىلىسىن ايلىق ورنالاستىرۋ ءماجىلىسىن اشۋدى دەر كەزىندە ۇسىنىپ، مەڭگەرمە باسشىلارىن جۇمىس توبىن باستاپ بۇكىل رايونداعى قۇرىلىسى جالعاستىرىلاتىن، جاڭادان قۇرىلىس باستايتىن نىساندارعا قۇرىلىس باسىندا اۋماق بويىنشا جەتەكشىلىك ەتۋگە، قىزمەت وتەۋگە ۇيىمداستىرىپ، بارلىق قاجىر - قايرات پەن باسىم بايلىقتاردى شوعىرلاندىرىپ، نىسانداردىڭ الدىڭعى مەرزىمدىك قىزمەتىن جەدەلدەتىپ، تاس جول نەگىزدىك قۇرىلعى قۇرىلىسىن ىلگەرىلەتىپ، 80 ميلليارد يۋاندىق جىلدىق قارجى قوسۋ نىسانا - مىندەتىنىڭ ورىندالۋىنا شىنايى كەپىلدىك ەتپەك.

  وڭتۇستىك شينجياڭ وڭىرىندە قۇرىلىسى جالعاستىرىلاتىن 13 قاتىناس نىسانىنا بيىل 24 ميلليارد 615 ميلليون يۋان قارجى قوسۋ جوسپارلانىپ وتىر، بۇل بۇكىل رايوننىڭ بيىلعى نىسانا - مىندەتتەرىنىڭ %30.8ىن يەلەيدى، مۇنىڭ ىشىندە ءتۇيىندى تاس جول نىساندارى قاتىناس تۇراقتى مۇلكىنە قارجى قوسۋدى ورىنداۋدىڭ ماڭىزدى قۇرامداس بولىگى سانالادى.

  ”ءۇرىمجى − لوپنۇر تاس جولى كوتەرمەگە الۋ نىسانىنا قاراستى نىسانداردىڭ قۇرىلىسى تۇگەلدەي قايتا باستالدى، بيىل ءبىز قۇرىلىس سەرپىنىن ارتتىرىپ، دەن قويا ۇيىمداستىرىپ، جوعارى دەڭگەيدە ىلگەرىلەتىپ، ادام، جابدىق سياقتىلاردى كوبەيتىپ، 17 ميلليارد 970 ميلليون يۋان قارجى قوسۋداي جىلدىق مىندەتتى اسىرا ورىنداۋعا قۇلشىنامىز“، - دەدى ليۋ حۇڭبو.

  ۇعىسۋىمىزشا، بيىل رايونىمىز مەملەكەتتىڭ قارجىلىق قولداۋىنا بەلسەنە قول جەتكىزۋ، كوپ ارناداعى قارجىلاردى ءبىر تۇتاس جوسپارلاپ، جەرگىلىكتى ورىننىڭ ءوزىنىڭ قارجى توپتاۋىن تياناقتاندىرۋ، قوعامنان قارجى قۇراۋ سەرپىنىن ارتتىرۋ سياقتى شارالار ارقىلى قاتىناس نىساندارى قۇرىلىسىنا جەتكىلىكتى قارجى قۇراپ، تۇتاس جىلداعى قارجى قوسۋدىڭ ورنىقتى اينالىمىنا شىنايى كەپىلدىك ەتەدى ەكەن.

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.