□ انار بۇلت / شينجياڭ گازەتىنىڭ ءتىلشىسى ۋاڭ يۇڭفي
جۇڭگو اۋىل شارۋاشىلىعىن وركەندەتۋ بانكەسى شينجياڭ بولىمشە بانكەسىنىڭ 350 ميلليون يۋاندىق قارىز اقشاسىن دەر كەزىندە العان شينجياڭ سانجى اۋىل شارۋاشىلىق عىلىم - تەحنيكا باقشا رايونىنىڭ اۋىل شارۋاشىلىق عىلىم - تەحنيكاسىن اشۋ شەكتى سەرىكتەستىگىنىڭ ورىنباسار باس ديرەكتورى جيا چاۋياڭنىڭ كوڭىلى ورنىقتى. ”بۇل قارىز اقشا، باستىسى، كاسىپورىنداردىڭ كوكتەمگى ەگىسكە دايىندالۋ مەزگىلىندەگى حيميالىق تىڭايتقىش سياقتى اۋىل شارۋاشىلىعى ءوندىرىس ماتەريالدارىن ساتىپ الۋعا جۇمسالىپ، ءبىزدىڭ قارجى قيىنشىلىعىمىزدى ءونىمدى جەڭىلدەتتى“، - دەدى 2 - ايدىڭ 17 - كۇنى جيا چاۋياڭ.
بيىل جىل باسىنان بەرى بۇل بانكە باس بانكەنىڭ تيىمدىلىك ساياساتىنا بەلسەندىلىكپەن قول جەتكىزىپ، فينانس ۇلگىسىندە جاڭالىق اشىپ، امانات - قارىز اقشا بەرۋدى ارتتىرىپ، اۋىل - قىستاقتى گۇلدەندىرۋ، استىق حاۋىپسىزدىگى سياقتى ءتۇيىندى سالالارعا قارجى قاينارى جاعىنان قولداۋ كورسەتتى.
ءتۇيىندى سالالاردى كوزدەپ، سەنىمدى قارىز اقشا بەرۋ تەبىنىن ارتتىردى
باعراش اۋدانىنىڭ ساپالى تابيعي جايلىمدارىنا سۇيەنىپ، شينجياڭ شيڭمۋيۋان اۋىل شارۋاشىلىعى شەكتى جاۋاپكەرشىلىك سەرىكتەستىگى بيىل 10 مىڭ حۋياڭ قويىن ەنگىزىپ، تازا تۇقىم جەتىلدىرۋدى جوسپارلادى. الايدا، قارجى قيىنشىلىعى سەرىكتەستىك جاۋاپتىسى جاڭ ۋيدىڭ جانىن بايىز تاپقىزبادى. بۇل جاعدايدان حابار تاپقاننان كەيىن، 1 - ايدا اۋىل شارۋاشىلىعىن وركەندەتۋ بانكەسى بايىنعولين موڭعۇل اۆتونوميالى وبلىستىق بولىمشە بانكەسى ىرىقتىلىقپەن ىسكە كىرىپ قارجى قۇراپ، اقىل - پاراسات توپتاپ، سەرىكتەستىككە 111 ميلليون يۋان اۋىل شارۋاشىلىعى عىلىم - تەحنيكا قارىز اقشاسىن بەرۋدى بەكىتتى، قازىر 41 ميلليون يۋان اقشا بەرىلىپ بولدى.
”اۋىل شارۋاشىلىعىن وركەندەتۋ بانكەسىنىڭ امانات - قارىز قارجىسى ءبىزدىڭ قارجى اينالىمى ماسەلەمىزدى شەشتى. نىسان سالىنىپ بولعاننان كەيىن بايىنعولين وبلىسىنداعى ءار ۇلت بۇقاراسىنىڭ جوعارى ساپالى قوي ەتى قاجەتىن ءونىمدى قاناعاتتاندىرادى“، - دەدى جاڭ ۋي.
2022 - جىلعى بەيجيڭ قىسقى وليمپيادا سپورت جارىسىنىڭ دەمەۋىندە التايدىڭ قار - مۇز ەكونوميكاسى جانداندى. جەرگىلىكتى ورىننىڭ بەيجيڭ قىسقى وليمپيادا سپورت جارىسى ورايىن مىقتى يگەرۋىنە دەم بەرۋ ءۇشىن، اۋىل شارۋاشىلىعىن وركەندەتۋ بانكەسى التاي ايماقتىق بولىمشە بانكەسى 3 جىلدىڭ الدىندا - اق كوكتوعاي اۋدانىنىڭ كەشەندى ساياحات ارقىلى كەدەيلەردى سۇيەمەلدەۋ، وركەندەتۋ نىسانىنا قولداۋ كورسەتە باستاعان بولاتىن. جىل باسىندا بەرىلگەن 40 ميلليون يۋان قارىز اقشانى قوسقاندا، بۇل بانكە قازىرگە دەيىن وسى نىسانعا جالپى 600 ميلليون يۋان قارىز اقشا بەردى.
سوڭعى 3 جىلدان بەرى التاي ايماعى زەردەلى قار - مۇز، جابدىق جاساۋ، كاسىپ سالاسى بويىنشا قىزمەت وتەۋ ءبىر تۇلعالانعان قار - مۇز كاسىپ سالاسى تىزبەگىن قالىپتاستىرىپ، قىس مەزگىلىندە جالپى 10 ميلليون 280 مىڭ ادام - رەت ساياحاتشى قابىلداپ، ساياحات كىرىسىن 10 ميلليارد يۋاننان اسىردى.
”ءبىز ساياساتتىق فينانس باسىمدىعىن ۇزدىكسىز ساۋلەلەندىرىپ، شينجياڭنىڭ قار - مۇز كاسىبى سالاسىنىڭ دامۋىن جەدەل ىلگەرىلەتىپ، حالىق بۇقاراسىنىڭ تاماشا تۇرمىسقا دەگەن قاجەتىن شىن مانىندە قاناعاتتاندىرامىز“، - دەدى اۋىل شارۋاشىلىعىن وركەندەتۋ بانكەسى التاي ايماقتىق بولىمشە بانكەسىنىڭ باستىعى لي ۋىنفىڭ.
قارجى قۇراۋ ۇلگىسىندە جاڭالىق اشىپ، كاسىپ سالاسىنىڭ گۇلدەنۋىنە دەم بەردى
نەمەسە قارىز بەرۋدى ۇستىنە الاتىن نەگىزگى تۇلعا كەمشىل، نەمەسە كەپىلگە قويۋ، كەپىلدىك بەرۋ جەتكىلىكسىز بولىپ، بۇرىن كەيبىر نىسانداردا قارىز بەرۋدى قولداۋ شارتى ازىرلەنبەگەندىكتەن، فينانس قۇرىلىمدارى باس تارتۋعا ءماجبۇر بولىپ كەلگەن.
ەندى قايتۋ كەرەك؟ تەك ۇلگىدە جاڭالىق اشۋعا سۇيەنۋ كەرەك. ”بۇل ءبىزدىڭ داعدىلى قالىپتى بۇزىپ، ۇلگىدە جاڭالىق اشۋىمىزدى قاجەت ەتەدى، شارت - جاعداي بولماسا شارت - جاعداي جاراتىپ بازار تۇلعالارىن قولداۋ كەرەك“، - دەدى اۋىل شارۋاشىلىعىن وركەندەتۋ بانكەسى شينجياڭ بولىمشە بانكەسىنىڭ ورىنباسار باستىعى جىڭ بين. بيىل جىل باسىنان بەرى اۋىل شارۋاشىلىعىن وركەندەتۋ بانكەسى شينجياڭ بولىمشە بانكەسى ساياساتتىق فينانستىڭ ”قارجى قۇراۋمەن بىرگە، ونان دا ماڭىزدىسى، اقىل - پاراسات توپتاۋ“ باسىمدىعىن ۇزدىكسىز ساۋلەلەندىرىپ، ۇلگىدە جاڭالىق اشۋدى ۇزدىكسىز ىلگەرىلەتتى.
اۋىل - قىستاقتاعى كوللەكتيۆ تيجارات سيپاتتى قۇرىلىسقا پايدالانىلاتىن جەردى بازارعا سالۋ − ەلىمىزدىڭ اۋىل - قىستاقتا بوس تۇرعان بايلىق قاينارىن جانداندىرۋداعى ماڭىزدى شاراسى. قۇلجا قالاسى تاسكوپىر اۋىلى جاڭا ءمالى قىستاعى وسى ساياساتتىڭ رايونىمىزداعى سىناق ءتۇيىنى، 1 - ايدىڭ 10 - كۇنى اۋىل شارۋاشىلىعىن وركەندەتۋ بانكەسى ىلە قازاق اۆتونوميالى وبلىستىق بولىمشە بانكەسىنىڭ تيجارات ءبولىمى وسى سىناق ءتۇيىنى نىسانىنا اۋىل - قىستاق كوللەكتيۆ تيجارات سيپاتتى قۇرىلىسقا پايدالانىلاتىن جەردى بازارعا سالۋ قارىز اقشاسىنان 18 ميلليون يۋاننان استام قارىز اقشا بەردى.
”ءبىز فينانستىق قىزمەت وتەۋ ۇستانىمى مەن ادىسىندە جاڭالىق اشىپ، وسى قىستاقتاعى 558 مۋ كوللەكتيۆكە ءتان جەردى تەگىستەگەننەن كەيىن ساۋدا نىساندارىنىڭ جۇمىس جۇرگىزۋىن قولدادىق. بۇل نىساننان جارىققا شىعاتىن ەكونوميكالىق ونىمدىلىك قارىز اقشانى قايتارۋعا پايدالانۋدان سىرت، ءار جىلى وسى قىستاقتىڭ كوللەكتيۆ ەكونوميكاسى مەن كوشىرىلەتىن وتباسىلاردىڭ كىرىسىن ارتتىرۋعا بولادى“، - دەي كەلىپ، جىڭ بين نىساننىڭ ءساتتى جۇرگىزىلۋى اۋىل - قىستاقتى گۇلدەندىرۋدى ىلگەرىلەتۋدە ۇلگى كورسەتۋ اسەرىن تۋدىراتىندىعىن ايتتى.
بۇل − اۋىل شارۋاشىلىعىن وركەندەتۋ بانكەسى شينجياڭ بولىمشە بانكەسىنىڭ بيىل ىزدەنىس جاساپ العا قويعان جاڭا ۇلگىلەرىنىڭ ءبىرى. مۇنان سىرت، ورتا، شاعىن، ۇساق كاسىپورىنداردىڭ كەپىلگە قويۋ، كەپىلدىك بەرۋ قيىن بولۋ ماسەلەسىنە مەڭزەس، اۋىل شارۋاشىلىعىن وركەندەتۋ بانكەسى شينجياڭ بولىمشە بانكەسى ايماقتىق، وبلىستىق، قالالىق حالىق ۇكىمەتتەرىمەن بىرلەسىپ، ۇكىمەتتىڭ قازىنالىق قولداۋى مەن كاسىپورىندار وزدەرى توپتاۋ ءتاسىلىن قولدانىپ، كاسىپ سالاسىن دامىتۋ حاۋىپ - قاتەرى تولەم قورىن جاسامپازدىقپەن جولعا قويدى.
ۇكىمەت پەن كاسىپورىننىڭ ناقتى تياناقتاندىرعان قارجى مولشەرىنە ساي، اۋىل شارۋاشىلىعىن وركەندەتۋ بانكەسى شينجياڭ بولىمشە بانكەسى 4 تە 10 ەسە جوعارى امانات - قارىز قارجىسى قولداۋىن كورسەتۋىنە بولادى، قور، نەگىزىنەن، جەرگىلىكتى ۇكىمەت جەتەكشىلىك ەتكەن اۋىل - قىستاقتى گۇلدەندىرۋ كاسىپ سالاسىنداعى ءتۇرلى تيجارات تۇلعالارىنا جۇمسالادى.
”بۇل بۇرىنعى قورعا ۇقسامايدى، ءبىز وسى رەت قارجى قاينارى، جۇمىس ءتارتىبى، قوردان پايدالانۋ سياقتىلار جونىندە جۇيەلى ولشەم شىعاردىق، حاۋىپ - قاتەر تۋىلا قالسا، قور ارقىلى حاۋىپ - قاتەرگە تولەم بەرۋ رولىن شىن مانىندە اتقارۋعا شىنايى كەپىلدىك ەتىلەدى، بۇل بانكەنىڭ ۋايىمىن ءونىمدى شەشىپ، ونىڭ ورتا، شاعىن، ۇساق كاسىپورىنداردى قولداۋ بەلسەندىلىگىن جوعارىلاتادى“، - دەدى اۋىل شارۋاشىلىعىن وركەندەتۋ بانكەسى شينجياڭ بولىمشە بانكەسى اۋىل - قىستاقتى گۇلدەندىرۋ باسقارماسىنىڭ باستىعى ساۋ ۋىنجياڭ.
بۇدان سىرت، اۋىل شارۋاشىلىعىن وركەندەتۋ بانكەسى شينجياڭ بولىمشە بانكەسى تاعى الەۋمەتتىك يگىلىك سيپاتتى نىسانداردى بازارلاندىرىپ جۇرگىزۋ، ماقتا ءجىپ قامباسى تالونىن كەپىلگە قويىپ قارىز اقشا الۋ سياقتى ۇلگىلەردە جاڭالىق اشىپ، بازار تۇلعالارى جولىققان ءىس جۇزىندىك قيىنشىلىقتاردى ءونىمدى شەشتى.
ءتيىمدى ساياسات شىعارىلىپ، قارىز بەرۋ ونىمدىلىگىن جوعارىلاتتى
قۇلجا قالاسى ليانچۋاڭ قالا قۇرىلىسى (توبى) شەكتى جاۋاپكەرشىلىك سەرىكتەستىگى قۇلجا قالاسىنىڭ سۋ بايلىعىن ورنالاستىرۋ قۇرىلىس نىسانىن اتقارۋعا جاۋاپتى بولعان، نىسان سالىنىپ بولعاننان كەيىن، قۇلجا قالاسىنىڭ سۋ بايلىعىنان پايدالانۋداعى قيىن ماسەلەلەرى تۇبەگەيلى شەشىلەدى.
نىساننىڭ ءساتتى اتقارىلۋىنا شىنايى كەپىلدىك ەتۋ ءۇشىن، بۇل سەرىكتەستىك اۋىل شارۋاشىلىعىن وركەندەتۋ بانكەسى ىلە قازاق اۆتونوميالى وبلىستىق بولىمشە بانكەسىنەن 720 ميلليون يۋان قارىز اقشا الۋدى ءوتىنىش ەتتى، ءوتىنىش 1 - ايدىڭ 21 - كۇنى بەكىتىلدى. ”اۋىل شارۋاشىلىعىن وركەندەتۋ بانكەسىنىڭ قارىز اقشا بەرۋدى تەكسەرىپ بەكىتۋى تەز بولىپ قالماستان، ءوسىم مولشەرى دە تومەن، ۋاقىت شەگى 5 جىلدان جوعارى قارىز اقشانىڭ ءوسىم مولشەرى بازارداعى باعا ءوسىم مولشەرىنىڭ (LPR) نەگىزدىك ءوسىم مولشەرى بويىنشا اتقارىلادى“، - دەدى 1 - ايدىڭ 19 - كۇنى وسى سەرىكتەستىكتىڭ نىسان ديرەكتورى يوۋ ياڭ.
ءدال يوۋ ياڭ ايتقانداي، بيىل اۋىل شارۋاشىلىعىن وركەندەتۋ بانكەسى شينجياڭ بولىمشە بانكەسىنىڭ قارىز اقشا بەرۋ تەبىنى زور بولىپ قالماستان، تاعى كوپتەگەن ءتيىمدى شارالار قولداندى. بىلتىر جىل سوڭىندا اۋىل شارۋاشىلىعىن وركەندەتۋ باس بانكەسى وڭتۇستىك شينجياڭداعى 4 ايماق - وبلىسقا 31 ءتۇرلى پارىقتاندىرا قولداۋ شاراسىن شىعاردى؛ 1 - ايدىڭ سوڭىندا اۋىل شارۋاشىلىعىن وركەندەتۋ بانكەسى شينجياڭ بولىمشە بانكەسى اۆتونوميالى رايوندىق دامۋ جانە رەفورما كوميتەتىمەن بىرلەسىپ حۇجات شىعاردى، بيىل مەملەكەتتىڭ 102 ءتۇرلى كەلەلى ينجەنەريا، وزەكتى رايون قۇرىلىسى، اۋىل - قىستاقتى گۇلدەندىرۋ، ساياحات ارقىلى شينجياڭدى گۇلدەندىرۋ سياقتى ءتۇيىندى سالالارىنا 60 ميلليارد يۋان امانات - قارىز اقشامەن قولداۋ كورسەتەدى.
”امانات - قارىز اقشا كولەمى جاعىندا، ءبىز اۆتونوميالى رايوننىڭ اۋىل شارۋاشىلىعى، اۋىل - قىستاق قۇرىلىسى، اۋىل شارۋاشىلىعىن وسىزامانداندىرۋ، وڭىرلەردى سايكەستى دامىتۋ جانە ەكولوگيالىق وركەنيەت قۇرىلىسى سياقتى ءتۇيىندى سالالارعا بەيىمدەلىپ، نىسانداردى الدىمەن جەتىلدىرۋ، الدىمەن قابىلداۋ، الدىمەن قامباعا ەنگىزۋ، الدىمەن تەكسەرۋ، الدىمەن قاراپ - تەكسەرۋ، الدىمەن قاراۋ، الدىمەن تەكسەرىپ بەكىتۋ، الدىمەن تاراتۋ سىندى سەگىز الدىمەن ساياساتىن اتقاردىق“، - دەدى جىڭ بين.
بۇدان سىرت، اۋىل شارۋاشىلىعىن وركەندەتۋ بانكەسى شينجياڭ بولىمشە بانكەسى تاعى بىرلەسىپ قارىز اقشا بەرۋ مەحانيزمىن اتقارىپ، ”ءاربىر ءىستى جەكە - جەكە كەڭەسۋ“، ”ءبىر كاسىپورىنعا ءبىر ءتاسىل قولدانۋ“ جاسىل ارناسىن اشتى، اسىرەسە، اۆتونوميالى رايوننىڭ ”14 - بەسجىلدىق“ جوباسىنا ەنگىزىلگەن كەلەلى نىساندار قاتارلىلارعا مەڭزەس تەكسەرىپ بەكىتۋ ۇقىق شەگىن لايىقتى كەڭەيتىپ، امانات - قارىزدىڭ اينالىم ساپاسىن، ونىمدىلىگىن شىنايى ارتتىرىپ، قاريدارلاردىڭ رازىلىعىن جوعارىلاتتى.
”ءبىز تۇلعالىق ەكونوميكاعا بولعان پايدا بەرۋ تەبىنىن ۇزدىكسىز ارتتىرىپ، قوعامدىق ونىمدىلىكتى بارىنشا ارتتىرۋعا كۇش سالىپ، جاڭادان بەرىلگەن ءتۇرلى قارىز اقشانىڭ ورتاشا ءوسىم مولشەرىندە ۇقساس كاسىپتەرگە سالىستىرعاندا ％0.65 تيىمدىلىك جاساپ، شارتقا ۇيلەسەتىن كاسىپورىندارعا، اسىرەسە، شاعىن، ۇساق كاسىپورىندارعا مەڭزەس، قارىز اقشانىڭ نەگىزگى سوماسى مەن ءوسىمىن ۇزارتۋعا بولاتىندارىن تۇگەلدەي ۇزارتتىق“، - دەدى جىڭ بين.
جيۋشىڭحى جارنا تىزگىندەۋ توبى شەكتى سەرىكتەستىگى اۋىل شارۋاشىلىعىن وركەندەتۋ بانكەسى شينجياڭ بولىمشە بانكەسىنىڭ قارىز اقشاسىن يگىلىكتەنۋشى، 1 - ايدىڭ سوڭىنا دەيىن وسى سەرىكتەستىكتىڭ اۋىل شارۋاشىلىعىن وركەندەتۋ بانكەسىندەگى قارجى قۇراۋ ىركىندى سوماسى ءبىر ميلليارد 519 ميلليون يۋانعا جەتتى.
”اۋىل شارۋاشىلىعىن وركەندەتۋ بانكەسىنىڭ قارىز اقشا بەرىپ قولداۋىندا، ءبىز ’14 - بەسجىلدىق‘ مەزگىلىندە ساپالى تۇقىم بايلىعىن اشۋ، جاڭالىق اشۋ، وزەكتى تۇقىم جەتىلدىرۋ پۋنكتىن قۇرۋ، بيولوگيالىق تەحنيكانى قولدانۋ سياقتى جاقتاردان عىلىم - تەحنيكادا جاڭالىق اشۋ جۇيەسى قۇرىلىسىن ىلگەرىلەتىپ، 500 مىڭ مۋدان استام ولشەمدەنگەن تۇقىم ءوندىرىس بازاسىن قۇرىپ، ەل ىشىندەگى جەتىلدىرۋ، ءوسىرۋ، جالپىلاستىرۋ ءبىر تۇلعالانعان بىرەگەي سەرىكتەستىك قۇرۋعا قۇلشىنامىز“، - دەدى جيۋشىڭحى جارنا تىزگىندەۋ توبى شەكتى سەرىكتەستىگىنىڭ باس قازىنا جاۋاپتىسى شى جۋان.
