شي جينپيڭ جاۋاپ حات جازىپ، جۇڭگو قار - مۇز سپورتى ساڭلاقتارىن
كۇرەس بارىسىندا تارتىمدى دا تاماشا ءومىر ورنەكتەپ، وتان مەن حالىققا جاستىق ورالى مەن كۇش - قۋاتىن ارناۋعا ىنتالاندىردى
جاۋاپ حات
يميڭ ساباقتاس:سالەمەتسىز بە! حاتىڭىزدى تاپسىرىپ الدىم. ءسىز جانە جۇڭگو قار - مۇز سپورتى ساڭلاقتارى قىسقى وليمپيادا سپورت جارىس الاڭىندا قايراتتانا بەلدەسىپ، ءوز مۇمكىندىكتەرىڭىزدى ەڭ جوعارى شەكتە ساۋلەلەندىرىپ، ۇزدىك ناتيجەگە قول جەتكىزدىڭىزدەر. سىزدەردى قۇتتىقتايمىن! سىزدەردى القايمىن!
حاتىڭىزدا ۇلى مەملەكەتتە ومىرگە كەلىپ، ەڭ تاماشا داۋىردە ەرجەتىپ، قۇلشىنۋ ارقىلى ءوز ارمانىمدى جۇزەگە اسىرعاندىعىمدى باقىت سەزىنەمىن دەپ ايتقان ەكەنسىز. جاڭا ءداۋىر ارمان قۋعانداردىڭ ءداۋىرى ءارى قالىڭ جاستار مەن وسپىرىمدەردىڭ ارمانىن ورىندايتىن ءداۋىر. سىزدەردىڭ وتاندى كوكەيدە ساقتاپ، اسقاق ارمان ارقالاپ، قۇنتتى دا ۇقىپتى بولىپ، كۇرەس بارىسىندا تارتىمدى دا تاماشا ءومىر ورنەكتەپ، وتان مەن حالىققا جاستىق ورال مەن كۇش - قۋاتتى ارناۋلارىڭىزدى ءۇمىت ەتەمىن.
شي جينپيڭ
2022 - جىلى 2 - ايدىڭ 24 - كۇنى
(شينحۋا اگەنتتىگىنىڭ 2 - ايدىڭ 24 - كۇنى بەيجيڭنەن بەرگەن حابارى)
شينحۋا اگەنتتىگىنىڭ 2 - ايدىڭ 24 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 2 - ايدىڭ 24 - كۇنى جۇڭگو سىڭار تاقتايمەن قاردا سىرعاناۋ سپورتشىسى سۋ يميڭگە جاۋاپ حات جازىپ، ونىڭ جانە جۇڭگو قار - مۇز سپورتى ساڭلاقتارىنىڭ ۇزدىك ناتيجەگە قول جەتكىزگەندىگىن قۇتتىقتادى ءارى ىقىلاستى ءۇمىت ارتتى.
شي جينپيڭ جاۋاپ حاتىندا بىلاي دەدى: ءسىز جانە جۇڭگو قار - مۇز سپورتى ساڭلاقتارى قىسقى وليمپيادا سپورت جارىس الاڭىندا قايراتتانا بەلدەسىپ، ءوز مۇمكىندىكتەرىڭىزدى ەڭ جوعارى شەكتە ساۋلەلەندىرىپ، ۇزدىك ناتيجەگە قول جەتكىزدىڭىزدەر. سىزدەردى قۇتتىقتايمىن! سىزدەردى القايمىن!
شي جينپيڭ مىنالاردى ءبىلدىردى: حاتىڭىزدا ۇلى مەملەكەتتە ومىرگە كەلىپ، ەڭ تاماشا داۋىردە ەرجەتىپ، قۇلشىنۋ ارقىلى ءوز ارمانىمدى جۇزەگە اسىرعاندىعىمدى باقىت سەزىنەمىن دەپ ايتقان ەكەنسىز. جاڭا ءداۋىر ارمان قۋعانداردىڭ ءداۋىرى ءارى قالىڭ جاستار مەن وسپىرىمدەردىڭ ارمانىن ورىندايتىن ءداۋىر. سىزدەردىڭ وتاندى كوكەيدە ساقتاپ، اسقاق ارمان ارقالاپ، قۇنتتى دا ۇقىپتى بولىپ، كۇرەس بارىسىندا تارتىمدى دا تاماشا ءومىر ورنەكتەپ، وتان مەن حالىققا جاستىق ورال مەن كۇش - قۋاتتى ارناۋلارىڭىزدى ءۇمىت ەتەمىن.
جۋىقتا سۋ يميڭ باس شۋجي شي جينپيڭگە حات جازىپ، باس شۋجيدىڭ ءتالىمىن ەستە بەرىك ساقتاپ، قاجىرلىلىقپەن جاتتىعىپ، ءوز شەكتەمەسىن جەڭىپ، ارمانىن جۇزەگە اسىرعان كۇرەس بارىسىنان مالىمەت بەرىپ، ۇزدىكسىز قۇلشىنىپ، اقاۋسىز ەرجەتىپ، وتان ءۇمىتىن اقتايتىن بەرىك بەكىمىن بىلدىرگەن بولاتىن.
