”ۇسىنىسىما 5 بەت قاعازدا ءبىر - بىرلەپ جاۋاپ قايتارىلىپتى، مەن توتەنشە رازى بولدىم“
انار بۇلت / شينجياڭ گازەتىنىڭ ءتىلشىسى فان چيۇڭيان
”بىلتىر مەملەكەتتىك ەكى ماجىلىستەن كەيىن مەنىڭ ۇسىنىس جوبادا قويعان ۇسىنىستارىما مەملەكەتتىك دەنە تاربيە باس مەكەمەسى ءبىر - بىرلەپ جاۋاپ بەرىپتى، جاۋاپ 5 بەت قاعازعا ەگجەي - تەگجەيلى جازىلىپتى، بۇعان توتەنشە رازى بولدىم“، - دەدى 2 - ايدىڭ 21 - كۇنى شينجياڭدا تۇراتىن مەملەكەتتىك ساياسي كەڭەستىڭ مۇشەسى، شينجياڭ شىفان داشۋەسىنىڭ ورىنباسار باستىعى گۇلپاري ابدوللا تەبىرەنىپ.
مەملەكەتتىك ساياسي كەڭەس 13 - كەزەكتى كوميتەتىنىڭ 4 - ماجىلىسىندە گۇلپاري ابدوللا «شينجياڭ وڭىرىندە ”دەنە تاربيە مەن مەديتسينانىڭ توعىسا“ دامۋىن ىلگەرىلەتۋ جونىندە ۇسىنىس جوبا» تاپسىرىپ، ”دەنە تاربيە مەن مەديتسينانىڭ توعىسۋىن“ سايكەستىرۋ مەحانيزمىن ورناتۋ جانە كەمەلدەندىرۋ، ”دەنە تاربيە مەن مەديتسينانى توعىستىرۋعا“ قىزمەت وتەۋ ولشەمىن بەلگىلەۋ، ساياساتتى باعدار ەتىپ، ”دەنە تاربيە مەن مەديتسينانى توعىستىرۋداعى“ عىلىم جالپىلاستىرۋ، ۇگىت تەبىنىن كۇشەيتۋ سياقتى 4 جاقتان ۇسىنىس قويعان بولاتىن.
گۇلپاري ابدوللا بىلاي دەدى: مەملەكەتتىك دەنە تاربيە باس مەكەمەسى ۇسىنىس جوبانى ءبىر جاقتى ەتۋگە ايرىقشا ءمان بەردى، 5 - ايدان باستاپ اتالعان مەكەمەنىڭ عىلىم - تەحنيكا، وقۋ - اعارتۋ مەكەمەسىندەگى قىزمەتكەرلەر مەنىمەن حابارلاسىپ، ۇسىنىس جوبانى تاپسىرىپ الىپ، ءبىر جاقتى ەتۋدى باستاعاندىقتارىن ايتتى، وسىدان سوڭ بىرنەشە رەت تەلەفوندا حابارلاسىپ ءبىر جاقتى ەتۋ اياق الىسىن ايتىپ، مەنەن پىكىر الدى.
گۇلپاري ابدوللا ۇسىنىس جوباسىندا العا قويعان 4 جاقتاعى ۇسىنىسىنا مەملەكەتتىك دەنە تاربيە باس مەكەمەسى ءبىر - بىرلەپ جاۋاپ قايتاردى.
”دەنە تاربيە مەن مەديتسينانى توعىستىرۋدى“ سايكەستىرۋ مەحانيزمىن ورناتۋ جانە كەمەلدەندىرۋ، ”دەنە تاربيە مەن مەديتسينانى توعىستىرۋعا“ قىزمەت وتەۋ ولشەمىن بەلگىلەۋ جونىندەگى ۇسىنىسىنا مەملەكەتتىك دەنە تاربيە باس مەكەمەسى بىلاي دەپ جاۋاپ بەردى: تاياۋ جىلداردان بەرى دەنە تاربيە جۇيەسىنىڭ ءىشى - سىرتىنداعى كوپتەگەن قۇرىلىمدار ”دەنە تاربيە مەن مەديتسينانى توعىستىرۋعا“ قاتىستى قىزمەتتەر ورىستەتتى، دەنە تاربيە باس مەكەمەسى ءۇرتىس 3 جىل ”دەنە تاربيە مەن مەديتسينانى توعىستىرىپ، عىلمي دەنە شىنىقتىرۋعا جەتەكشىلىك ەتۋ“ كۋرسىن اشىپ، بۇكىل ەلدەگى كوپتەگەن ولكەلەردە، رايونداردا، قالالاردا جالپىلاستىردى، شينجياڭعا دا جالپىلاستىرىلىپ، جەرگىلىكتى كۋرسانتتاردىڭ قارسى الۋىنا يە بولدى. دەنە تاربيە باس مەكەمەسى «”14 - بەسجىلدىق“ دەنە تاربيەنى دامىتۋ جوباسىندا» ”دەنە تاربيە مەن دەنساۋلىق ساقتاۋدى توعىستىرۋعا“ قاتىستى ساياساتتاردى كەمەلدەندىرۋ، ”دەنە تاربيە مەن دەنساۋلىق ساقتاۋدى توعىستىرۋ“ ورتالىعى مەن ”دەنە تاربيە مەن دەنساۋلىق ساقتاۋدى توعىستىرۋدان“ جاڭالىق اشۋ، ۇلگى كورسەتۋ رايونىن قۇرۋدى عىلمي ورنالاستىرۋ، سپورت رەتسەبى جۇيەسىن كەمەلدەندىرۋ، الەۋمەتتىك سالاماتتىق ءىسىن ىلگەرىلەتۋگە تۇلعالىق جاقتان رەفورما جاساۋ، جاڭالىق اشۋدى جوباعا ەنگىزەدى.
ساياساتتى باعدار ەتىپ، ”دەنە تاربيە مەن مەديتسينانى توعىستىرۋداعى“ عىلىم جالپىلاستىرۋ، ۇگىت تەبىنىن كۇشەيتۋ سياقتى جاقتارداعى ۇسىنىستار جونىندە دەنە تاربيە باس مەكەمەسى شينجياڭدا عىلىم جالپىلاستىرۋ قىزمەتىن ورىستەتىپ، جالپى حالىقتىڭ دەنە شىنىقتىرۋ كۇنى، وليمپيادا سپورت جارىسى سياقتى ماڭىزدى ۋاقىت تۇيىندەرىمەن ۇشتاستىرىپ، عىلىم جالپىلاستىرۋ تاربيەسىن كەڭ كولەمدە ورىستەتىپ، ىندەتتەن ساقتانۋ تالابىنا قاتاڭ بويسۇنۋ العى شارتىندا، عىلمي زەرتتەۋ ورىندارىنداعى، دەنە تاربيە جوعارى مەكتەپتەرىندەگى مامانداردى نەمەسە جاتتىقتىرۋشىلاردى شينجياڭعا بارىپ جەتەكشىلىك ەتۋگە ۇيىمداستىرادى.
”دەنە تاربيە مەن مەديتسينانى توعىستىرۋ“ زەرتتەۋ تۇعىرىن بەلسەنە كەڭەيتۋ جونىندە دەنە تاربيە باس مەكەمەسى جوعارى مەكتەپتەردىڭ، عىلمي زەرتتەۋ قۇرىلىمدارىنىڭ كۇشىن ۇزدىكسىز بىرىكتىرىپ، قاتىستى ءتۇيىندى تاجىريبەحانا سياقتىلاردى ورنالاستىرىپ، قۇرىپ، بايلىقتاردان بىرگە يگىلىكتەنۋدى جۇزەگە اسىرىپ، جاساندى زەردە سياقتى جوعارى، جاڭا تەحنيكانى تىرەك ەتكەن جاڭا داۋىردەگى عىلمي دەنە شىنىقتىرۋعا جەتەكشىلىك ەتۋ تۇعىرىن بەلسەنە كەڭەيتەدى.
دارىندىلاردى باۋراۋ تەبىنىن ارتتىرۋ جونىندە جەرگىلىكتى دارىندىلاردى باۋلۋ ۇسىنىسىنا باسا ءمان بەردى، دەنە تاربيە باس مەكەمەسى ءۇرتىس كوپ جىل بۇكىل ەلدەگى جاستار مەن ورەندەر دەنە تاربيە كلۋبتارىن باسقارۋشى قىزمەتكەرلەر كۋرسىن اشىپ، دەنە تاربيە وقۋ - اعارتۋى، دەنە تاربيە جاتتىعۋى سياقتىلارداعى وقىتۋشىلار مەن باۋلۋدى باسقارۋ جاقتارىندا شينجياڭ رايونىنا باعىتتاپ، قاتىستى باۋلۋ ورىستەتتى، ونىڭ مازمۇنى دەنە تاربيە، مەديتسينا بىلىمدەرىنە جانە شەبەرلىكتەرىنە قاتىستى بولىپ، جەرگىلىكتى كاسىپتىك سالالارداعى دارىندىلاردىڭ ءبىلىم قورىن جوعارىلاتتى.
”مەنىڭ ۇسىنىستارىما بەرىلگەن ءار جاۋاپتا تاريحي توركىن، قازىرگى جاعداي، ىستەلىپ جاتقان قىزمەتتەر، مۇنان كەيىن قالاي ىستەۋ سياقتى جاقتار ەگجەي - تەگجەيلى باياندالدى، جاۋاپتاردا باسقا دا قاتىستى تاراۋلاردىڭ ءبىر جاقتى ەتۋ جاعدايى قامتىلدى. مەن ۇسىنىس جوبالار جاۋاپ مازمۇنى بويىنشا تياناقتانعاننان كەيىن، اقىرىندا قول جەتكىزگەن ونىمدىلىكتەردىڭ مەنىڭ ۇسىنىسىمداعىدان دا جاقسى بولاتىندىعىنا سەنەمىن“، - دەدى گۇلپاري ابدوللا.
