تيانشان تورى   ›   جاڭالىقتار   ›   ماڭىزدى حابارلار

جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى ءماجىلىس اشتى

ۇكىمەت قىزمەتىنەن باياندامانى تالقىلادى، «19 - كەزەكتى ورتالىق كوميتەتتىڭ 8 - كەزەكتى شارلاۋ جاعدايى جونىندەگى جالپىلىق باياندامانى»، «ورتالىقتىڭ 2021 - جىلعى شارلاۋ قىزمەتى باسشىلىق گرۋپپاسىنىڭ ءتۇيىندى قىزمەت جاعدايى جونىندەگى باياندامانى» قارادى

جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى

  شينحۋا اگەنتتىگىنىڭ 2 - ايدىڭ 25 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى 2 - ايدىڭ 25 - كۇنى ءماجىلىس اشىپ، مەملەكەتتىك كەڭەستىڭ 13 - كەزەكتى مەملەكەتتىك حالىق قۇرىلتايى 5 - ءماجىلىسىنىڭ قاراۋىنا ۇسىناتىن «ۇكىمەت قىزمەتىنەن بايانداما» نۇسقاسىن تالقىلادى، «19 - كەزەكتى ورتالىق كوميتەتتىڭ 8 - كەزەكتى شارلاۋ جاعدايى جونىندەگى جالپىلىق باياندامانى» جانە «ورتالىقتىڭ 2021 - جىلعى شارلاۋ قىزمەتى باسشىلىق گرۋپپاسىنىڭ ءتۇيىندى قىزمەت جاعدايى جونىندەگى باياندامانى» قارادى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى.

  ءماجىلىس بىلاي دەپ قارادى: وتكەن ءبىر جىل پارتيا مەن مەملەكەت تاريحىندا بەلەستىك مانگە يە ءبىر جىل بولدى. شي جينپيڭ جولداستى ۇيتقى ەتكەن پارتيا ورتالىق كوميتەتى بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن سالتاناتپەن قۇتتىقتادى، پارتيا 19 - كەزەكتى ورتالىق كوميتەتىنىڭ التىنشى جالپى ءماجىلىسىن جەڭىسپەن اشتى، پارتيانىڭ ءۇشىنشى تاريحي قارارىن جاسادى، مەجەلى مەرزىمدە كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزىپ، مەجەلى مەرزىمدە جاپپاي دوڭگەلەك داۋلەتتى قوعام ورناتتى، ءبىرىنشى 100 جىلدىق كۇرەس نىساناسىن جۇزەگە اسىردى، جاپپاي سوتسياليستىك وسىزاماندانعان مەملەكەت قۇرۋدىڭ، ەكىنشى 100 جىلدىق كۇرەس نىساناسىنا شەرۋ تارتۋدىڭ جاڭا جورىعىن باستادى. ءبىر جىلدان بەرى كۇردەلى دە قاتاڭ ىشكى - سىرتقى جاعداي جانە كوپتەگەن حاۋىپ - قاتەر، سىن - سايىستار الدىندا، بۇكىل ەل بويىنشا جوعارىدان تومەنگە دەيىن بىرگە قۇلشىنىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلادى، تۇتاس جىلداعى باستى نىسانا - مىندەتتەر ءبىرشاما جاقسى ورىندالىپ، ”14 - بەسجىلدىق“ تاماشا باستامانى جۇزەگە اسىرىپ، ەلىمىزدىڭ دامۋى تاعى دا تىڭ قوماقتى تابىستارعا قول جەتكىزدى.

  ءماجىلىس مىنالاردى باسا دارىپتەدى: بيىل جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايى اشىلادى، بۇل پارتيا مەن مەملەكەت ىستەرىنىڭ دامۋ ۇردىسىندەگى توتەنشە ماڭىزدى ءبىر جىل. ۇكىمەت قىزمەتىن جاقسى ىستەۋ ءۇشىن، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتتىڭ ءار رەتكى جالپى ماجىلىستەرىنىڭ رۋحىن جاپپاي دايەكتىلەندىرىپ، تياناقتاندىرىپ، پارتيا قۇرۋ ۇلى رۋحىن اسقاقتاتىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، جاڭا دامۋ ارناسىن جەدەل قالىپتاستىرىپ، رەفورما جاساۋدى، ەسىك اشۋدى جاپپاي تەرەڭدەتىپ، جاڭالىق اشۋ ارقىلى دامۋعا دەم بەرۋگە تاباندى بولىپ، جوعارى ساپالى دامۋدى ىلگەرىلەتىپ، قامداۋ جاعىنداعى قۇرىلىمدىق رەفورمانى نەگىزگى جەلى ەتۋگە تاباندى بولىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، ”التىنى ورنىقتىرۋ“، ”التىنى قامتاماسىز ەتۋ“ قىزمەتىن ۇزدىكسىز ويداعىداي ىستەپ، حالىق تۇرمىسىن ۇزدىكسىز جاقسارتىپ، ماكرولىق ەكونوميكانىڭ جالپى اۋقىمىن كۇش سالا ورنىقتىرىپ، ەكونوميكالىق اينالىمدى ۇيلەسىمدى ارالىقتا ساقتاپ، قوعامدىق كەلەلى جاعدايدىڭ ورنىقتىلىعىن ساقتاپ، پارتيا 20 - قۇرىلتايىنىڭ جەڭىسپەن اشىلۋىن قارسى الۋ كەرەك.

  ءماجىلىس مىنالاردى اتاپ كورسەتتى: بيىلعى قىزمەتتە ورنىقتىلىقتى ماڭداي الدى ورىنعا قويۋعا، ورنىقتىلىق بارىسىندا ىلگەرىلەۋگە تاباندى بولۋ كەرەك. ماكرولىق ساياساتتى اتقارۋ سەرپىنىن ارتتىرىپ، ەكونوميكانىڭ جالپى اۋقىمىن ورنىقتىرۋ كەرەك. رەفورمانى مىزعىماس تاباندىلىقپەن تەرەڭدەتىپ، بازار تۇلعالارىنىڭ ومىرشەڭدىك كۇشىن قاۋلاتۋ كەرەك. جاڭالىق اشۋ ارقىلى دامۋعا دەم بەرۋ ستراتەگياسىن ىشكەرىلەي اتقارۋ كەرەك. ىشكى سۇرانىستى ۇلعايتۋ ستراتەگياسىن باتىل اتقارىپ، وڭىرلەردىڭ سايكەسە دامۋى مەن جاڭاشا قالا - قالاشىقتاندىرۋدى ىلگەرىلەتۋ كەرەك. اۋىل شارۋاشىلىق ءوندىرىسىن بار كۇشپەن ويداعىداي يگەرىپ، اۋىل - قىستاقتىڭ جاپپاي گۇلدەنۋىن جەبەۋ كەرەك. جوعارى دەڭگەيدە سىرتقا ەسىك اشۋدى كەڭەيتىپ، سىرتقى ساۋدانىڭ، شەتەل قارجىسىنىڭ ورنىقتى دامۋىن ىلگەرىلەتۋ كەرەك. ەكولوگيالىق ورتانى ۇزدىكسىز جاقسارتىپ، جاسىل، تومەن كومىر قىشقىل گازدى دامۋدى ىلگەرىلەتۋ كەرەك. فينانس حاۋىپ - قاتەرىنەن ساقتانىپ جانە ونى جويىپ، جۇيەلىك حاۋىپ - قاتەر تۋىلماۋدىڭ تومەنگى شەگىن ساقتاۋ كەرەك. حالىق تۇرمىسىن شىنايى قامتاماسىز ەتىپ جانە جاقسارتىپ، قوعامدىق باسقارۋدى كۇشەيتۋ جانە وندا جاڭالىق اشۋ كەرەك. ۇكىمەتتىڭ ءوز قۇرىلىسىن كۇشەيتىپ، فورماشىلدىقتى، تورەشىلدىكتى باتىل تيىپ، تۇتاس جىلداعى ەكونوميكالىق، قوعامدىق دامۋدىڭ نىسانا - مىندەتتەرىن قۇلشىنا ورىنداۋ كەرەك.

  ءماجىلىس مىنالاردى اتاپ كورسەتتى: 19 - كەزەكتى ورتالىق كوميتەتتىڭ 8 - كەزەكتى شارلاۋىنىڭ ناتيجەسى كورنەكتى بولىپ، ساياسي باقىلاۋ رولىن ساۋلەلەندىردى. پارتيا 19 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى فينانس قىزمەتىنە ورتالىقتانعان ءبىر تۇتاس باسشىلىققا تاباندى بولىپ جانە ونى كۇشەيتىپ، فينانس رەفورماسىن تەرەڭدەتۋ جونىندە جان - جاقتى ورنالاستىرۋ جاساپ، فينانستىڭ ناقتى ەكونوميكاعا قىزمەت وتەۋىنە تاباندى بولىپ، فينانس سالاسىنداعى شىرىكتەسۋدى قاتاڭ جازالاپ، ەلەۋلى فينانس حاۋىپ - قاتەرلەرىن ءونىمدى تۇردە جويىپ، ەلىمىزدىڭ فينانس كاسىبىنىڭ دامۋىندا تىڭ ناتيجەگە قول جەتكىزدى. سونىمەن بىرگە شارلاۋ بارىسىندا فينانس ورىندارىنىڭ پارتيانىڭ جاپپاي باسشىلىعىن تياناقتاندىرۋى، پارتيا قۇرىلىسىن كۇشەيتۋى، پارتيانى جاپپاي قاتاڭ باسقارۋى سياقتى جاقتاردا ءالى دە كوپتەگەن كورنەكتى ماسەلەلەردىڭ ورىن تەۋىپ وتىرعاندىعى، كەيبىر ماسەلەلەردىڭ ورتاق سيپاتقا يە ەكەندىگى، ءسوز جوق، مۇقيات شەشۋ كەرەكتىگى دە بايقالدى. رەتتەۋ - تۇزەتۋدىڭ تۇلعالىق جاۋاپكەرشىلىگىن ناقتىلاندىرىپ، رەتتەۋ - تۇزەتۋگە كۇندەلىكتى باقىلاۋدى كۇشەيتىپ، ماسەلەلەردىڭ ءبىر - بىردەن شەشىلۋىن ىلگەرىلەتۋ كەرەك.

  ءماجىلىس مىنالاردى باسا دارىپتەدى: پارتيا ورتالىق كوميتەتىنىڭ فينانس قىزمەتىنە ورتالىقتانعان ءبىر تۇتاس باسشىلىعىن كۇشەيتىپ، فينانستى دامىتۋدىڭ جۇڭگوشا جولىمەن بۇلجىماي، ويداعىداي ءجۇرۋ كەرەك. فينانس حاۋىپ - قاتەرىنەن ساقتانۋدى جانە ونى تىزگىندەۋدى كۇشەيتىپ، فينانستىڭ ورنىقتىلىق كەلەلى جاعدايىن باتىل قورعاۋ كەرەك. پارتيانى جاپپاي قاتاڭ باسقارۋدىڭ قاتاڭ اۋقىمىن كۇشەيتىپ، ”ەكى جاۋاپكەرشىلىكتى“ تياناقتاندىرىپ، ءبىرىنشى باسشى مەن باسشىلىق القانى باقىلاۋدى كۇشەيتىپ، ورتالىقتىڭ 8 ءتۇرلى بەلگىلەمەسىنىڭ رۋحىنا قايشىلىق جاساۋ، ۇكىمەت پەن ساۋدا اراسىنداعى ”اينالمالى ەسىك“ سياقتى تيپتىك جالپىلىق سيپاتتى ماسەلەلەردى ارناۋلى رەتتەپ، جونگە سالىپ، شىرىكتەسۋگە باتىلدىق ەتپەۋدى، شىرىكتەسۋگە مۇمكىندىك بەرمەۋدى، شىرىكتەسۋدى ويىنا الماۋدى ءبىر تۇلعادا ىلگەرىلەتۋ كەرەك. بيلىكتى باقىلاۋ ءتۇزىمى مەن ءتارتىپ اتقارۋ، زاڭ اتقارۋ جۇيەسىندە جاڭالىق اشىپ جانە ونى كەمەلدەندىرىپ، فينانس سالاسىنداعى شىرىكتەسۋدى جازالاۋ مەن فينانس حاۋىپ - قاتەرىن ءبىر جاقتى ەتۋدى قاتار ىلگەرىلەتۋ، جاۋاپكەرشىلىكتى قاتاڭ قۋزاستىرۋ مەن ارام ولجانى قايتارىپ الۋدى، زياننىڭ ورنىن تولتىرۋدى قاتار ىلگەرىلەتۋ، ءتۇزىم ورناتۋ مەن ءتۇزىمنىڭ اتقارىلۋىن كۇشەيتۋدى قاتار ىلگەرىلەتۋ كەرەك. جاڭا داۋىردەگى پارتيانىڭ ۇيىمدىق لۋشيانىن ىشكەرىلەي دايەكتىلەندىرىپ، باسشىلىق القا قوسىنى قۇرىلىسىن كۇشەيتۋ كەرەك. فينانس سالاسىنداعى رەفورمانى ىشكەرىلەي ىلگەرىلەتىپ، فينانستى باسقارۋ جۇيەسى مەن باسقارۋ قابىلەتىن وسىزامانداندىرۋ دەڭگەيىن ۇزدىكسىز جوعارىلاتۋ كەرەك.

  ءماجىلىس ورتالىقتىڭ شارلاۋ قىزمەتى باسشىلىق گرۋپپاسىنىڭ 2021 - جىلعى قىزمەتىن تولىق تۇراقتاندىرىپ، ونىڭ 2022 - جىلعى قىزمەت ورنالاستىرۋىن ماقۇلدادى. ءماجىلىس مىنالاردى باسا دارىپتەدى: ”ەكىنى تۇراقتاندىرۋدىڭ“ شەشۋشى ءمانىن تەرەڭ ۇعىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، شارلاۋ قىزمەتى باعىتىن جاپپاي دايەكتىلەندىرىپ، ساياسي شارلاۋدى بەكەمدەپ، تەرەڭدەتىپ، شارلاۋ قىزمەتىنىڭ ساياسي سيپاتى مەن حالىقتىق سيپاتىن كورنەكتىلەندىرۋ كەرەك. ماسەلەنى باعدار ەتۋدى كورنەكتىلەندىرىپ، پارتيا ىشىندەگى باقىلاۋدا شەكتەلگەن اۋماق بولماۋعا تاباندى بولىپ، شارلاۋ مەن جاپپاي قامتۋ مىندەتىن تىڭعىلىقتى ورىنداۋ كەرەك. شارلاۋ بويىنشا رەتتەۋ - تۇزەتۋدى جانە ونىڭ جەتىستىكتەردەن پايدالانۋدى كۇشەيتۋ جونىندەگى پىكىردى مۇقيات دايەكتىلەندىرىپ، رەتتەۋ - تۇزەتۋ مەحانيزمىن كەمەلدەندىرىپ، رەتتەۋ - تۇزەتۋ جاۋاپكەرشىلىگىن تياناقتاندىرۋدى كۇشەيتۋ كەرەك. شارلاۋدىڭ، شارلاپ تەكسەرۋدىڭ جوعارى مەن تومەن بىرلەسىپ قيمىلدايتىن قىزمەت ارناسىن ۇزدىكسىز تەرەڭدەتىپ، شارلاۋدىڭ جالپىلىق باقىلاۋ رولىن تولىق ساۋلەلەندىرۋ كەرەك. 19 - كەزەكتى شارلاۋ قىزمەتىن مۇقيات قورىتىندىلاپ، زاڭدىلىعى تۋرالى تانىمدى ۇزدىكسىز تەرەڭدەتىپ، شارلاۋ قىزمەتىن اناعۇرلىم عىلمي، ءونىمدى ىستەۋ كەرەك.

  ءماجىلىس باسقا دا ىستەردى اقىلداستى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.