ۋاكىل رۋحيام ءماتسايدى:
بار پەيىلىممەن مىندەت اتقارىپ، وڭ ەنەرگيا تاراتامىن
انار بۇلت / شينجياڭ گازەتىنىڭ ءتىلشىسى ۋاڭ نا
2 - ايدىڭ 14 - كۇنىنەن بەرى مەملەكەتتىك حالىق قۇرىلتايىنىڭ ۋاكىلى، كەريا اۋدانى قۇربان تۇلىم ەسكەرتكىش سارايىنىڭ ءتۇسىندىرۋشىسى رۋحيام ءماتسايدى اسا قاربالاس كۇيگە ءتۇستى، اقسۋ ايماعىندا مەملەكەتتىك حالىق قۇرىلتايى ۋاكىلدەرىنىڭ شوعىرلى كوزدەن كەشىرۋىنە قاتىناسقاننان كەيىن، دەرەۋ اۋىلىنا قايتىپ كەلىپ قاربالاس قىزمەتكە كىرىستى، قىزمەت ارەدىگىندە ۋاقىتتى مىقتى يگەرىپ، ۋاكىل ۇسىنىسىنا وزگەرىس ەنگىزىپ كەمەلدەندىردى.
رۋحيام ءماتسايدىنىڭ ۇلى ناعاشى اتاسى قۇربان تۇلىمنىڭ 60 نەشە جىلدىڭ الدىندا ءتوراعا ماۋ زىدۇڭنىڭ ىقىلاستى قابىلداۋىندا بولعاندىعىن، پارتيانى قىزۋ ءسۇيۋدىڭ، وتاندى قىزۋ ءسۇيۋدىڭ، جۇڭحۋا ۇلتى ۇلى شاڭىراعىن قىزۋ ءسۇيۋدىڭ ۇلگىسى ەكەندىگىن كوپ ادام بىلەدى، ادامدار ول كىسىنى ىقىلاسپەن ”قۇربان اتاي“ دەپ اتادى.
13 - كەزەكتى مەملەكەتتىك حالىق قۇرىلتايىنىڭ ۋاكىلى بولىپ سايلانعاننان بەرى رۋحيام ءماتسايدىنىڭ بورىش سەزىمى بارعان سايىن كۇشەيدى، ءتىپتى دە ۇلكەن تۇعىرلارعا تالاي مارتە شىعىپ، قۇربان اتايدىڭ اڭگىمەسىن، اۋىلىنىڭ دامۋىن، وزگەرىسىن دۇنيە جۇزىنە بايانداپ، ءىس جۇزىندىك ارەكەتى ارقىلى ۇلتتار ىنتىماعىن قورعاپ، وڭ ەنەرگيا تاراتتى.
2018 - جىلى 3 - ايدا 13 - كەزەكتى مەملەكەتتىك حالىق قۇرىلتايىنىڭ 1 - ءماجىلىسى جابىلۋدان ىلگەرى، رۋحيام ءماتسايدى ”ۋاكىلدەر ارناسىندا“ تەبىرەنە: ”ءبىزدىڭ ۇلكەن شاڭىراقتاعى 100 نەشە ادام تۇگەلدەي باقىتتى تۇرمىس كەشىرۋدە. قازىر اۋىلداستارىمىزدىڭ تۇرمىسى بارعان سايىن جاقسارىپ، كۇنجىت گۇلىندەي جايقالا اشىلۋدا“، - دەدى.
2021 - جىلى 11 - ايدا شينجياڭ ۇيعۇر اۆتونوميالى رايونى حوتان ايماعى كەريا اۋدانىنىڭ ارناۋلى اقپار جاريالاۋ ءماجىلىسىن وتكىزدى، رۋحيام ءماتسايدى ماجىلىسكە بارىپ، اتا مەكەنى كەريادا تۋىلعان وراسان زور وزگەرىستەر مەن بۇقارانىڭ باقىتتى تۇرمىسىن اڭگىمەلەپ، امەريكاداعى، باتىستاعى جۇڭگوعا قارسى كۇشتەردىڭ شينجياڭعا جالا جاپقان وسەك - اياڭدارىنا تايسالماي تويتارىس بەردى.
رۋحيام ءماتسايدىنىڭ تالاي رەت اڭگىمەلەۋىمەن قۇربان اتايدىڭ اڭگىمەسى بايتاق دالاعا تارالدى، ول ءوزى دە اتا مەكەنىنىڭ دامۋىنا، حالىق تۇرمىسىنا قىزمەت وتەۋگە بەلسەندى ۇلەستەر قوستى.
2020 - جىلى 2 - ايدا رۋحيام ءماتسايدى مەن قۇربان تۇلىم قورىنداعى قىزمەتتەستەرى اقىلداسىپ، ۋحانداعى ىندەتتەن ساقتانۋ - تىزگىندەۋ ءبىرىنشى شەبىنە 5 توننا كۇرىش جىلۋ اتادى.
جاقىنداعى بىرنەشە جىلدا مەملەكەتتىڭ ءبىر قىدىرۋ سالىقتى ازايتۋ، اقىنى تومەندەتۋ ساياساتتارىنىڭ شىعارىلۋىنا ىلەسە، رۋحيام ءماتسايدى ءتىپتى دە قاربالاستىققا ءتۇستى، زاۆود، الاڭ، مالىلەردەن تەبىندى قىزمەت ىستەپ جۇرگەن ونىڭ بەينەسىن ۇنەمى كەزدەستىرۋگە بولادى. سەبەبى ول كەريا اۋداندىق سالىق ىستەرى مەكەمەسى جاعىنان ىلگەرىندى - كەيىندى ەرەكشە ۇسىنىس ەتىلگەن مىندەتتى ۇگىتشى، ەرەكشە ۇسىنىس ەتىلگەن سالىق باقىلاۋشى بولىپ، سالىق ىستەرى ورگانىنا سايكەسىپ، سالىق تيىمدىلىك ساياساتتارىن سان مىڭداعان وتباسىلارىنا جەتكىزدى، سالىق قىزمەتىنىڭ تىڭعىلىقتى ورىستەتىلۋىن، سونداي - اق سالىق اقى تيىمدىلىك ساياساتىنىڭ تياناقتانىپ، تامىر تارتۋىن باقىلادى.
رۋحيام ءماتسايدى تەك ۇزدىكسىز ۇيرەنۋ ارقىلى عانا ءوزىنىڭ مىندەت اتقارۋ قابىلەتىن جوعارىلاتۋىنا بولاتىندىعىن ابدەن بىلەدى. ول وزدىگىنەن ۇيرەنۋ ارقىلى زاڭ ماماندىعى بويىنشا جوعارى تەحنيكۋم ديپلومىن الدى، قازىر حوتان قالاسى راديو - تەلەۆيزيا داشۋەسىندە زاڭ ماماندىعى بويىنشا تولىق كۋرس وقۋدا.
”مىندەت اتقارعان وسى بىرنەشە جىلدا بۇقارا كوڭىل بولگەن ماسەلەلەر بىرتىندەپ جاقسارۋدا. مەن بار پەيىلىممەن مىندەت اتقارىپ، حالىق بۇقاراسىنىڭ جاقسى جارشىسى بولامىن“، - دەدى رۋحيام ءماتسايدى.
