انار بۇلت / شينجياڭ گازەتىنىڭ ءتىلشىسى لياڭ ليحۋا
اۋىل شارۋاشىلىق ونىمدەرىن تاسۋ - جەتكىزۋ ورتالىعى ەلىمىزدىڭ وسى زامانعى اۋىل شارۋاشىلىعى كاسىپ سالاسى جۇيەسى مەن اۋىل شارۋاشىلىعى ونىمدەرى بازارى جۇيەسىنىڭ ماڭىزدى قۇرامداس بولىگى، كاسىپ سالاسىنىڭ تيبىن جاڭالاپ، دارەجەسىن جوعارىلاتۋعا جەتەكشىلىك ەتۋ، اۋىل شارۋاشىلىق ونىمدەرى بازارىنىڭ اينالىمىن جەبەۋ، اۋىل شارۋاشىلىق ونىمدەرىنىڭ بازار باعاسىن ورنىقتىرۋ سياقتى جاقتاردا ماڭىزدى رول ساۋلەلەندىرۋدە.
تۇرپاننىڭ جاعراپيالىق ورنى تاماشا، تەمىر جول، اۆياتسيا، تاس جول سياقتى قۇرىلعىلارى كەمەلدى، قاتىناسى توتەنشە قولايلى، كۇن نۇرى بايلىعى مول، جىلدىق جاۋىن - شاشىن مولشەرى از، كليماتى قۇرعاق.
”جەرگىلىكتى ورىننىڭ كليمات شارت - جاعدايىندا كەپتىرىلگەن جەمىستەردى ساقتاعاندا وڭاي كوگەرمەيدى، ساپاسى وزگەرمەيدى، شىرىمەيدى“، - دەدى 2 - ايدىڭ 23 - كۇنى مەملەكەتتىك حالىق قۇرىلتايىنىڭ ۋاكىلى، تۇرپان قالالىق جەمىس ورمانى شارۋاشىلىعى تەحنيكاسىن جالپىلاستىرۋ - قىزمەت وتەۋ ورتالىعىنىڭ ورىنباسار مەڭگەرۋشىسى ءورنيسا قادىر تىلشىگە.
13 - كەزەكتى مەملەكەتتىك حالىق قۇرىلتايىنىڭ 4 - ءماجىلىسى كەزىندە ءورنيسا قادىر «تۇرپان قالاسىندا جىبەك جولى كەپتىرىلگەن جەمىستەردى تاسۋ - جەتكىزۋ ورتالىعىن قۇرۋ جونىندەگى ۇسىنىستى» تاپسىردى، ۇسىنىستا تۇرپان تاماشا جاراتىلىستىق، جاعراپيالىق كليمات باسىمدىعىنا، كورنەكتى وڭىرلىك باسىمدىققا جانە قاتىناس باسىمدىعىنا يە، كەپتىرىلگەن جەمىستەردى تاسۋ - جەتكىزۋ ورتالىعىن قۇرۋعا توتەنشە ۇيلەسەدى، قولايلى قاتىناس - تاسىمال شارت - جاعدايى ءۇرىمجىنىڭ قالا قاتىناس قىسىمىن ءونىمدى باسەيتەدى، شينجياڭنىڭ، ءتىپتى، ەلىمىزدىڭ جەمىس - جيدەك ونىمدەرىن تاسىمالداۋ ىستەرىنىڭ دامۋىن جەدەلدەتەدى دەپ ايتىلدى.
ول ”14 - بەسجىلدىق“ مەزگىلىندە مەملەكەتتىڭ تۇرپاندى كەپتىرىلگەن جەمىستەردى تاسۋ - جەتكىزۋ ورتالىعى دامۋ جوسپارىنا ەنگىزىپ، سايكەستى تيىمدىلىك ساياساتتاردى جاساپ، نەگىزدىك قۇرىلعىلار قۇرىلىسىنا قارجى قوسۋ سەرپىنىن ارتتىرىپ، تۇرپاندى جىبەك جولى ەكونوميكالىق بەلدەۋىندەگى ءتۇيىندى بەكەت رەتىندە دامىتۋ ۇسىنىسىن بەردى.
ءورنيسا قادىردى قۋانتقانى، ونىڭ ۇسىنىسىنا اۋىل شارۋاشىلىعى، اۋىل - قىستاق مينيسترلىگى جاۋاپ قايتاردى. جاۋاپتا مىنالار ايتىلدى: سوڭعى جىلدارى اۋىل شارۋاشىلىعى، اۋىل - قىستاق مينيسترلىگى، مەملەكەتتىك دامۋ جانە رەفورما كوميتەتى، قاتىناس - تاسىمال مينيسترلىگى سياقتى تاراۋلار پارتيا ورتالىق كوميتەتىنىڭ شەشىمدەرىن، ورنالاستىرۋلارىن دەن قويا دايەكتىلەندىرىپ، تياناقتاندىرىپ، شينجياڭنىڭ زات تاسىمال قۇرىلعىلارىنىڭ توراپ قۇرىلىسى قىزمەتىنە باسا ءمان بەرىپ، مەملەكەتتىڭ زات تاسىمال تورابى قۇرىلىسىن بەلسەنە ورىستەتتى، اۋىل شارۋاشىلىعى ونىمدەرىن وندىرىلگەن جەرىندە توڭازىتىپ ساقتاۋ، جاس كۇيىندە ساقتاۋ قۇرىلعى قۇرىلىسىن جاپپاي ىلگەرىلەتتى، وڭىرلىك اۋىل شارۋاشىلىق ونىمدەرىن شوعىرلى جەتكىزۋ ورتالىعى قۇرىلىسىن قولدادى جانە وعان جەتەكشىلىك ەتتى، اۋىل شارۋاشىلىق ونىمدەرى وندىرىلگەن جەردىڭ بازار جۇيەسى قۇرىلىسىن ۇزدىكسىز ىلگەرىلەتتى. كەلەسى قادامدا اۋىل شارۋاشىلىعى، اۋىل - قىستاق مينيسترلىگى قاتىستى تاراۋلارمەن بىرگە ”14 - بەسجىلدىقتاعى“ قاتىستى جوبالارمەن ۇشتاستىرىپ، وڭىرلىك دامۋدىڭ ءىس جۇزىندىك جاعدايى مەن ەرەكشەلىگىنە ساي، اۋىل شارۋاشىلىق ونىمدەرىن تاسىمالداۋ تورابىن ءبىر تۇتاس جوسپارلاپ اقىلداسىپ، ورنالاستىرىپ، اۋىل شارۋاشىلىق ونىمدەرىن تاسىمالداۋ جۇيەسى نەگىزدىك قۇرىلعىسىن جەدەل ورناتىپ، اۋىل شارۋاشىلىق ونىمدەرىن تاسىمالداۋ جۇمىس جۇيەسىن كۇش سالا قالىپتاستىرىپ، زات تاسىمال تورابىنىڭ ماماندانعان قىزمەت وتەۋ دەڭگەيى مەن قىزمەت وتەۋ ساپاسىن جوعارىلاتىپ، تۇرپان قالاسىنىڭ بەلگىلەمەگە ۇيلەسەتىن، شارت - جاعدايى جەتىلگەن قاتىستى نىساندارىنا بەلسەنە قولداۋ كورسەتەدى.
جاۋاپتاعى تياناقتانۋ جاعدايى ءورنيسا قادىردى ءتىپتى دە قۋانتتى، 2021 - جىلى تۇرپان قالاسى ساۋداگەر شاقىرىپ قارجى ەنگىزۋ ارقىلى اۋىل شارۋاشىلىق ونىمدەرى تاسىمال باقشاسىن قۇردى.
”يۇندا توبى(تۇرپان) كاسىپ سالاسى باقشاسى قۇرىلىپ، كەپتىرىلگەن جەمىس اينالىمىن ىلگەرىلەتۋدە ماڭىزدى رول ساۋلەلەندىردى“، - دەدى ءورنيسا قادىر. ونىڭ ۇسىنىسىنا ءمان بەرىلدى، بۇل ونىڭ مىندەت وتەۋىنە زور شابىت سيلادى.
