تيانشان تورى   ›   جاڭالىقتار   ›   ماڭىزدى حابارلار

جۇڭگونىڭ ادامدىق ۇقىقتى دامىتۋ جولىمەن بۇلجىماي ءجۇرىپ، ەلىمىزدىڭ ادامدىق ۇقىق ىستەرىنىڭ دامۋىن اناعۇرلىم ويداعىداي ىلگەرىلەتۋ كەرەك

شي جينپيڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ 37 - رەتكى توپتىق ۇيرەنۋىندە بىلاي دەپ باسا دارىپتەدى

جۇڭگونىڭ ادامدىق ۇقىقتى دامىتۋ جولىمەن بۇلجىماي ءجۇرىپ، ەلىمىزدىڭ ادامدىق ۇقىق ىستەرىنىڭ دامۋىن اناعۇرلىم ويداعىداي ىلگەرىلەتۋ كەرەك

  شينحۋا اگەنتتىگىنىڭ 2 - ايدىڭ 26 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى 2 - ايدىڭ 25 - كۇنى تۇستەن كەيىن جۇڭگونىڭ ادامدىق ۇقىقتى دامىتۋ جولى جونىندە 37 - رەتكى توپتىق ۇيرەنۋ وتكىزدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ۇيرەنۋدى باسقارعاندا بىلاي دەپ باسا دارىپتەدى: ادامدىق ۇقىققا قۇرمەت ەتۋ جانە ونى قامتاماسىز ەتۋ جۇڭگو كوممۋنيستەرىنىڭ تالىقپاس تالپىنىسى. پارتيانىڭ 100 جىلدىق كۇرەس تاريحىنا پارتيانىڭ حالىقتى ىنتىماقتاستىرىپ جانە باستاپ، ادامدىق ۇقىققا قول جەتكىزۋ، ادامدىق ۇقىققا قۇرمەت ەتۋ، ادامدىق ۇقىقتى قامتاماسىز ەتۋ، ادامدىق ۇقىقتى دامىتۋ جولىندا جۇرگىزگەن قاجىماس قۇلشىنىسى سىڭىرىلگەن. ەلىمىز جاپپاي سوتسياليستىك وسىزاماندانعان مەملەكەت قۇرۋدىڭ، ەكىنشى 100 جىلدىق كۇرەس نىساناسىنا قاراي شەرۋ تارتۋدىڭ جاڭا جورىعىن باستادى، ءبىز ادامدىق ۇقىق قىزمەتىن ويداعىداي ىستەۋدىڭ ماڭىزدىلىعى مەن كوكەي تەستىلىگىن تەرەڭ تانىپ، جۇڭگونىڭ ادامدىق ۇقىقتى دامىتۋ جولىمەن بۇلجىماي ءجۇرىپ، ادامدىق ۇقىققا قۇرمەت ەتۋگە جانە ونى قامتاماسىز ەتۋگە اناعۇرلىم ءمان بەرىپ، ەلىمىزدىڭ ادامدىق ۇقىق ىستەرىنىڭ دامۋىن اناعۇرلىم ويداعىداي ىلگەرىلەتۋىمىز كەرەك.

  جۇڭگو ادامدىق ۇقىق زەرتتەۋ قوعامىنىڭ باس حاتشىسى لۋ گۋاڭجين جولداس وسى ماسەلە جونىندە تۇسىنىك جاساپ، قىزمەت ۇسىنىسىن ورتاعا قويدى. ورتالىق كوميتەت ساياسي بيۋروسىنداعى جولداستار ونىڭ تۇسىندىرمەسىن مۇقيات تىڭدادى ءارى تالقى جۇرگىزدى.

  شي جينپيڭ ۇيرەنۋدى باسقارعاندا ماڭىزدى ءسوز سويلەدى. ول بىلاي دەپ باسا دارىپتەدى: ادامدىق ۇقىققا قۇرمەت ەتۋ جانە ونى قامتاماسىز ەتۋ جۇڭگو كوممۋنيستەرىنىڭ تالىقپاس تالپىنىسى. پارتيامىز قۇرىلعان كۇننەن باستاپ ”دەموكراتياعا قول جەتكىزۋ، ادامدىق ۇقىققا قول جەتكىزۋ“ تۋىن بيىك ۇستاپ، وتاندى قۇتقارۋ، حالىقتى قۇتقارۋ، ادامدىق ۇقىققا قول جەتكىزۋ دارىپتەمەسىن ايقىن تۇردە جاريالادى. جاڭا دەموكراتيالىق توڭكەرىس كەزەڭىنىڭ، سوتسياليستىك توڭكەرىس پەن قۇرىلىس كەزەڭىنىڭ، رەفورما جاساۋدىڭ، ەسىك اشۋدىڭ جانە سوتسياليستىك وسىزامانداندىرۋ قۇرىلىسىنىڭ جاڭا كەزەڭىنىڭ بارلىعىندا پارتيامىز جۇڭگو حالقىن باقىتقا كەنەلتۋ، جۇڭحۋا ۇلتىنىڭ گۇلدەنۋىن جۇزەگە اسىرۋ اۋەلگى ماقساتىن، بورىشىن مىقتاپ يگەرىپ، حالىققا باسشىلىق ەتىپ، توڭكەرىستىڭ، قۇرىلىستىڭ، رەفورمانىڭ ۇلى جەڭىسىنە قول جەتكىزدى، جۇڭگو حالقى مەملەكەتتىڭ، قوعامنىڭ جانە ءوز تاعدىرىنىڭ قوجايىنىنا اينالدى، جۇڭگو حالقىنىڭ ءومىر ءسۇرۋ ۇقىعىن، دامۋ ۇقىعىن جانە باسقا دا ءتۇرلى نەگىزگى ۇقىقتارىن قامتاماسىز ەتۋ ۇزدىكسىز العا ىلگەرىلەدى.

  شي جينپيڭ بىلاي دەپ اتاپ كورسەتتى: پارتيا 18 - قۇرىلتايىنان بەرى ءبىز ادامدىق ۇقىققا قۇرمەت ەتۋدى جانە ونى قامتاماسىز ەتۋدى ەل باسقارۋداعى ماڭىزدى قىزمەت ەتۋدەن جازباي، ەلىمىزدىڭ ادامدىق ۇقىق ىستەرىندە تاريحي جەتىستىكتەرگە قول جەتكىزۋدى ىلگەرىلەتتىك. ءبىز ءبىرىنشى 100 جىلدىق كۇرەس نىساناسىن جۇزەگە اسىرىپ، جاپپاي دوڭگەلەك داۋلەتتى قوعام ورناتىپ، مۇلدەم كەدەيلىك ماسەلەسىن تاريحي سيپاتتى شەشىپ، ەلىمىزدىڭ ادامدىق ۇقىق ىستەرىنىڭ دامۋىنا اناعۇرلىم بەرىك زاتتىق نەگىز قالادىق. ءبىز جالپى بارىستىق حالىق دەموكراتياسىن ۇزدىكسىز دامىتىپ، ادامدىق ۇقىقتى زاڭمەن باسقارۋ ارقىلى قامتاماسىز ەتۋدى ىلگەرىلەتىپ، قوعامدىق ادىلدىك پەن تۋراشىلدىقتى باتىل قورعادىق، حالىق اناعۇرلىم كەڭ، اناعۇرلىم تولىق، اناعۇرلىم جان - جاقتى دەموكراتيالىق ۇقىقتان يگىلىكتەندى. ءبىز اناعۇرلىم كەمەلدى، اناعۇرلىم جوعارى ساپالى جۇمىستانۋدى جۇزەگە اسىرۋدى ىلگەرىلەتىپ، دۇنيە جۇزىندەگى كولەمى ەڭ ۇلكەن وقۋ - اعارتۋ جۇيەسىن، قوعامدىق قامتاماسىز ەتۋ جۇيەسىن، ەمدەۋ - دەنساۋلىق ساقتاۋ جۇيەسىن ورناتىپ، حالىقتىڭ تۇرمىس ورتاسى ساپاسىن كۇش سالا جاقسارتتىق. ءبىز حالىقتى بارىنەن جوعارى قويۋعا، ءومىردى بارىنەن جوعارى قويۋعا تاباندى بولىپ، جاڭا تيپتى ايدارشا ۆيرۋس وكپە قابىنۋ ىندەتىنە پارمەندى توتەپ بەرىپ، حالىقتىڭ ءومىرىنىڭ حاۋىپسىزدىگى مەن دەنساۋلىعىن ەڭ جوعارى شەكتە قورعادىق. ءبىز پارتيانىڭ ۇلت ساياساتى مەن ءدىن ساياساتىن جاپپاي دايەكتىلەندىرىپ، بارلىق ۇلتتىڭ تەرەزەسى تەڭ بولۋىنا تاباندى بولىپ، بۇقارانىڭ ءدىني سەنىمىنە قۇرمەت ەتىپ، ءار ۇلت بۇقاراسىنىڭ زاڭدى ۇقىق - مۇددەسىن قامتاماسىز ەتتىك. ءبىز ءادىليا ءتۇزىلىسى رەفورماسىن ىشكەرىلەي ىلگەرىلەتىپ، تىنىش جۇڭگو، زاڭمەن باسقارىلاتىن جۇڭگو قۇرىلىسىن كۇشەيتىپ، ساياسي - زاڭ قوسىنىن تاربيەلەۋدى، رەتتەۋدى ىشكەرىلەي ورىستەتىپ، قارا كۇشتەردى الاستاۋ، سۇرقيا كۇشتەردى جويۋ ارەكەتىن جاپپاي ورىستەتىپ، زاڭعا قايشى ءتۇرلى قىلمىستارعا قاتاڭ سوققى بەرىپ، قوعامنىڭ ۇزاق ۋاقىت ورنىقتىلىعىن ساقتاپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن شىنايى قورعادىق. ەلىمىز 4 مەرزىمدىك مەملەكەتتىڭ ادامدىق ۇقىق ارەكەت جوسپارىن ۇزدىكسىز جاساعان جانە اتقارعان دۇنيە جۇزىندەگى بىردەن - ءبىر نەگىزگى ءىرى ەل. ءبىز الەمدىك ادامدىق ۇقىق ىستەرىن باسقارۋعا بەلسەنە ات سالىسىپ، دۇنيە جۇزىندەگى ادامدىق ۇقىق ىستەرىنىڭ دامۋىنا جۇڭگو ۇلەسىن قوسىپ، جۇڭگو جوباسىن ۇسىندىق.

  شي جينپيڭ بىلاي دەپ باسا دارىپتەدى: ەلىمىزدىڭ ادامدىق ۇقىق ىستەرىنىڭ دامۋىن ىلگەرىلەتۋ امالياتى بارىسىندا ءبىز ماركسيزمدىك ادامدىق ۇقىق كوزقاراسىن جۇڭگونىڭ ناقتى ءىس جۇزىندىگىمەن بىرلەستىرىپ جانە جۇڭحۋانىڭ تاڭداۋلى ءداستۇرلى مادەنيەتىمەن بىرلەستىرىپ، پارتيامىزدىڭ حالىقتى ىنتىماقتاستىرىپ جانە باستاپ، ادامدىق ۇقىققا قۇرمەت ەتۋدەگى جانە ونى قامتاماسىز ەتۋدەگى تابىستى تاجىريبەلەرىن قورىتىندىلاپ، ادامزاتتىڭ تاڭداۋلى وركەنيەت جەتىستىكتەرىنەن ۇلگى الىپ، ادامدىق ۇقىقتى دامىتۋدىڭ ءداۋىر اعىمىنا ۇيلەسەتىن، ءوز ەلىمىزدىڭ مەملەكەت جاعدايىنا ساي كەلەتىن جولىن تاپتىق. ءبىرىنشى، جۇڭگو كوممۋنيستىك پارتياسىنىڭ باسشىلىعىنا تاباندى بولدىق. جۇڭگو كوممۋنيستىك پارتياسىنىڭ باسشىلىعى مەن ەلىمىزدىڭ سوتسياليستىك ءتۇزىمى ەلىمىز ادامدىق ۇقىق ىستەرىنىڭ سوتسياليستىك سيپاتىن بەلگىلەگەن، ءبىزدىڭ حالىقتىڭ قوجايىن بولۋىنا كەپىلدىك ەتە الاتىندىعىمىزدى بەلگىلەگەن، ادامدىق ۇقىقتان تەڭ تۇرعىدا بىرگە يگىلىكتەنۋگە تاباندى بولىپ، ءتۇرلى ادامدىق ۇقىقتاردىڭ جاپپاي دامۋىن ىلگەرىلەتىپ، ەڭ قالىڭ حالىقتىڭ ءتۇبىرلى مۇددەسىن ۇزدىكسىز ويداعىداي جۇزەگە اسىردىق، ويداعىداي قورعادىق، ويداعىداي دامىتتىق. ەكىنشى، حالىقتىڭ تۇلعالىق ورنىنا قۇرمەت ەتۋگە تاباندى بولدىق. حالىقتىق سيپات − جۇڭگونىڭ ادامدىق ۇقىقتى دامىتۋ جولىنىڭ ەڭ كورنەكتى ەرەكشەلىگى. ءبىز حالىقتىڭ دەموكراتيالىق ۇقىعىن قامتاماسىز ەتىپ، قالىڭ حالىق بۇقاراسىنىڭ بەلسەندىلىگىن، ىرىقتىلىعىن، جاسامپازدىعىن تولىق جۇمىلدىرىپ، حالىقتى ادامدىق ۇقىق ىستەرى دامۋىنىڭ نەگىزگى ات سالىسۋشىسىنا، جەبەۋشىسىنە، يگىلىگىن كورۋشىسىنە اينالدىرىپ، ادامنىڭ جان - جاقتى دامۋىن، جالپى حالىقتىڭ بىرگە بايۋىن شىنايى ىلگەرىلەتۋدە اناعۇرلىم ايقىن ماندىك ىلگەرىلەۋشىلىككە قول جەتكىزدىك. ءۇشىنشى، ەلىمىزدىڭ ءىس جۇزىندىگىن نەگىزگە الۋعا تاباندى بولدىق. ءبىز ادامدىق ۇقىقتىڭ جالپىلىق پرينسيبىن جۇڭگونىڭ ءىس جۇزىندىگىمەن بىرلەستىرىپ، ەلىمىزدىڭ مەملەكەت جاعدايى مەن حالىقتىڭ تالابىن نەگىزگە الىپ، ادامدىق ۇقىق ىستەرىنىڭ دامۋىن ىلگەرىلەتىپ، حالىقتىڭ كەڭ كولەمدى، تولىق، شىنايى، ناقتى، ءونىمدى، جارامدى ادامدىق ۇقىقتان زاڭ بويىنشا يگىلىكتەنۋىنە شىنايى كەپىلدىك ەتتىك. ءتورتىنشى، ءومىر ءسۇرۋ ۇقىعىن، دامۋ ۇقىعىن ماڭداي الدى ورىنعا قوياتىن نەگىزگى ادامدىق ۇقىققا تاباندى بولدىق. ءومىر ءسۇرۋ − بارلىق ادامدىق ۇقىقتان يگىلىكتەنۋدىڭ نەگىزى، حالىقتىڭ باقىتتى تۇرمىسى − ەڭ ۇلكەن ادامدىق ۇقىق. ءبىز جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، حالىقتى وزەك ەتكەن دامۋ يدەياسىنا تاباندى بولىپ، حالىق ءۇشىن دامۋعا، دامۋدا حالىققا سۇيەنۋگە، دامۋ جەتىستىكتەرىنەن حالىق بىرگە يگىلىكتەنۋگە تاباندى بولىپ، اناعۇرلىم جوعارى ساپالى، اناعۇرلىم ءونىمدى، اناعۇرلىم ءادىل، اناعۇرلىم باياندى، اناعۇرلىم حاۋىپسىز دامۋدى قۇلشىنا جۇزەگە اسىرىپ، دامۋ بارىسىندا قالىڭ حالىق بۇقاراسىنىڭ تابىس سەزىمىنىڭ، باقىت سەزىمىنىڭ، حاۋىپسىزدىك سەزىمىنىڭ اناعۇرلىم تولىق، اناعۇرلىم قامتاماسىز، اناعۇرلىم باياندى بولۋىنا مۇمكىندىك جاسادىق. بەسىنشى، ادامدىق ۇقىقتى زاڭ بويىنشا قامتاماسىز ەتۋگە تاباندى بولدىق. ءبىز زاڭ الدىندا بارلىق ادامنىڭ تەرەزەسى تەڭ بولۋعا تاباندى بولىپ، ادامدىق ۇقىققا قۇرمەت ەتۋدى جانە ونى قامتاماسىز ەتۋدى زاڭ شىعارۋدىڭ، زاڭ اتقارۋدىڭ، ءادىليانىڭ، زاڭعا بويسۇنۋدىڭ ءارقايسى بۋىندارىنا ءسىڭىرىپ، ۇقىق تەڭ، وراي تەڭ، ەرەجە ءادىل بولاتىن زاڭ - تۇزىمدەردى جەدەل كەمەلدەندىرىپ، ازاماتتاردىڭ جەكە باستىق ۇقىعىن، مال - مۇلىك ۇقىعىن، كىسىلىك ۇقىعىن قامتاماسىز ەتىپ، ازاماتتاردىڭ دەموكراتيالىق سايلاۋ، دەموكراتيالىق كەڭەسۋ، دەموكراتيالىق شەشىم جاساۋ، دەموكراتيالىق باسقارۋ، دەموكراتيالىق باقىلاۋ سياقتى نەگىزگى ساياسي ۇقىقتارعا قاتىناسۋىن قامتاماسىز ەتىپ، ازاماتتاردىڭ ەكونوميكا، مادەنيەت، قوعام، قورشاعان ورتا سياقتى جاقتارداعى ۇقىقتارىن قامتاماسىز ەتىپ، ادامدىق ۇقىقتى زاڭمەن باسقارۋ ارقىلى قامتاماسىز ەتۋ دەڭگەيىن ۇزدىكسىز جوعارىلاتتىق. التىنشى، الەمدىك ادامدىق ۇقىق ىستەرىن باسقارۋعا بەلسەنە ات سالىسۋعا تاباندى بولدىق. ءبىز بۇكىل ادامزاتقا ورتاق قۇندىلىقتاردى اسقاقتاتىپ، ناعىز كوپ جاقتىلىقتى امالياتتا ايگىلەپ، ادامدىق ۇقىقتى قامتىعان الەمدىك باسقارۋ جۇيەسى رەفورماسى مەن قۇرىلىسىنا بەلسەنە ات سالىسىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتتىك. جوعارىداعى 6 ءتۇيىن جۇڭگونىڭ ادامدىق ۇقىق ىستەرى دامۋىنىڭ باستى ەرەكشەلىگى، سونداي - اق ءبىزدىڭ ەلىمىزدىڭ ادامدىق ۇقىق ىستەرىن ىلگەرىلەتۋ امالياتى بارىسىندا قول جەتكىزگەن قۇندى تاجىريبەلەرىمىز سانالادى، جاڭا امالياتپەن ۇشتاستىرىپ، ۇزدىكسىز ويداعىداي تاباندى بولۋىمىز، ويداعىداي دامىتۋىمىز كەرەك.

  شي جينپيڭ بىلاي دەپ اتاپ كورسەتتى: ادامدىق ۇقىق ىستەرىنىڭ جاپپاي دامۋىن جەبەۋدە جۇڭگونىڭ ادامدىق ۇقىقتى دامىتۋ جولىنا تاباندى بولىپ، حالىقتىڭ جوعارى ساپالى تاماشا تۇرمىسقا دەگەن تىلەگىنە ۇيلەسىپ، حالىقتىڭ كۇن سايىن ارتىپ وتىرعان كوپ جاقتى ۇقىق قاجەتىن ۇزدىكسىز قاناعاتتاندىرىپ، ەكونوميكانىڭ دامۋى، دەموكراتيالىق زاڭمەن باسقارۋ، يدەيا - مادەنيەت، ادىلدىك پەن تۋراشىلدىق، قوعامدىق باسقارۋ، قورشاعان ورتانى قورعاۋ سياقتى قۇرىلىستاردى ءبىر تۇتاس جوسپارلاپ ىلگەرىلەتىپ، جۇمىستاندىرۋ، كىرىس ءبولىسى، وقۋ - اعارتۋ، قوعامدىق قامسىزداندىرۋ، ەمدەۋ، تۇرعىن ءۇي، زەينەتكەرلىك، بالالارعا قارايلاسۋ جاعىنداعى قىزمەتتەردى جالپى بەتتىك ويداعىداي ىستەپ، زاتتىق وركەنيەتتىڭ، ساياسي وركەنيەتتىڭ، رۋحاني وركەنيەتتىڭ، قوعامدىق وركەنيەتتىڭ، ەكولوگيالىق وركەنيەتتىڭ سايكەسە دامۋى بارىسىندا ءتۇرلى ادامدىق ۇقىقتاردى قامتاماسىز ەتۋ دەڭگەيىن جاپپاي جوعارىلاتۋ كەرەك.

  شي جينپيڭ بىلاي دەپ باسا دارىپتەدى: ادامدىق ۇقىقتى زاڭمەن باسقارۋ ارقىلى قامتاماسىز ەتۋدى كۇشەيتىپ، زاڭمەن باسقارۋ سالاسىنداعى رەفورمانى تەرەڭدەتىپ، ادامدىق ۇقىقتى زاڭمەن باسقارۋ ارقىلى قامتاماسىز ەتۋ مەحانيزمىن اقاۋسىزداندىرىپ، ادامدىق ۇقىققا قۇرمەت ەتۋدى جانە ونى قامتاماسىز ەتۋدى زاڭ شىعارۋدىڭ، زاڭ اتقارۋدىڭ، ءادىليانىڭ، زاڭعا بويسۇنۋدىڭ تۇتاس تىزبەگىندە، جالپى بارىسىندا، ءار جاعىندا قامتۋدى جۇزەگە اسىرىپ، حالىق بۇقاراسىنا ءاربىر زاڭ - تۇزىمنەن، ءاربىر زاڭ اتقارۋ ۇيعارىمىنان، ءاربىر ءادىليالىق دەلودان ادىلدىكتى، تۋراشىلدىقتى سەزىندىرۋ كەرەك. زاڭمەن باسقارۋ سالاسىندا حالىق بۇقاراسىنىڭ اڭىسى كۇشتى بولىپ وتىرعان كورنەكتى ماسەلەلەردى جۇيەلى زەرتتەپ، جوسپارلاپ جانە شەشىپ، حالىق بۇقاراسىنىڭ تالاپ - تىلەگىنە زاڭ بويىنشا ءادىل مامىلە جاساپ، ءادىليانىڭ ءادىل بولماۋى سەبەبىنەن حالىق بۇقاراسىنىڭ سۇيىسپەنشىلىگىنە قاياۋ تۇسىرەتىن، حالىق بۇقاراسىنىڭ ۇقىق - مۇددەسىنە زيان جەتكىزەتىن ىستەردىڭ تۋىلۋىن باتىل تيۋ كەرەك. بۇقارانىڭ زاڭدى ۇقىق - مۇددەسىنە قول سۇعاتىن بارلىق ءىس - ارەكەتتەردى، بۇقارانىڭ ۇقىق - مۇددەسىنە قول سۇعاتىن ماسەلەلەردى كاپەرگە المايتىن، ونىمەن جۇمىسى بولمايتىن بارلىق قۇبىلىستاردى، ءسوز جوق، ءتارتىپ بويىنشا، زاڭ بويىنشا قاتاڭ تەكسەرىپ ءبىر جاقتى ەتۋ، جاۋاپكەرشىلىگىن باتىل قۋزاستىرۋ كەرەك.

  شي جينپيڭ بىلاي دەپ اتاپ كورسەتتى: دۇرىس ادامدىق ۇقىق كوزقاراسىن اسقاقتاتىپ، ادامدىق ۇقىق جونىندەگى ۇگىتتى جانە بىلىمدەردى جالپىلاستىرۋدى كەڭىنەن ورىستەتىپ، ادامدىق ۇقىققا قۇرمەت ەتەتىن جانە ونى قامتاماسىز ەتەتىن تاماشا اۋقىم قالىپتاستىرۋ كەرەك. بارشا حالىق، اسىرەسە، قالىڭ جاستار مەن ورەندەر اراسىندا ادامدىق ۇقىق بىلىمدەرى تاربيەسىن ورىستەتىپ، ماركسيزمدىك ادامدىق ۇقىق كوزقاراسى، زامانىمىزداعى جۇڭگونىڭ ادامدىق ۇقىق كوزقاراسى تاربيەسىن حالىقتىق وقۋ - اعارتۋ جۇيەسىنە ەنگىزۋ كەرەك. ۇكىمەت قىزمەتكەرلەرىن، اسىرەسە، نەگىزگى ساتىداعى ۇكىمەت قىزمەتكەرلەرىن ادامدىق ۇقىق بىلىمدەرى بويىنشا باۋلۋدى كۇشەيتۋ كەرەك. بۇقارالىق ۇيىمداردىڭ باسىمدىعىن ساۋلەلەندىرىپ، ايەلدەر مەن بالالار، قارتتار، مۇگەدەكتەر سياقتى ەرەكشە قاۋىمنىڭ ۇقىق - مۇددەسىنىڭ اناعۇرلىم قامتاماسىز ەتىلۋىن جەبەۋ كەرەك. ەلىمىزدىڭ ادامدىق ۇقىق ىستەرى دامۋىنىڭ جاندى امالياتىنا سۇيەنىپ، ءتول جاسامپازدىق ۇعىمداردى سۇرىپتاپ شىعىپ، ەلىمىزدىڭ ادامدىق ۇقىق ءپان جۇيەسىن، عىلىم جۇيەسىن، ءسوز جۇيەسىن دامىتۋ كەرەك. ادامدىق ۇقىق اقىل - پاراسات قويماسى مەن ادامدىق ۇقىقتى زەرتتەۋ بازاسى قۇرىلىسىن كۇشەيتىپ، نازارياسى شىمىر، عىلمي جاقتان ىسىلعان، حالىقارالىق ەرەجەگە قانىق، جۇڭگونىڭ ادامدىق ۇقىق حيكاياسىن سويلەي الاتىن ءبىر توپ جوعارى دەڭگەيلى ادامدىق ۇقىق ماماندار قوسىنىن كۇش سالا جەتىلدىرۋ كەرەك.

  شي جينپيڭ مىنالاردى باسا دارىپتەدى: الەمدىك ادامدىق ۇقىق ىستەرىن باسقارۋدى بەلسەنە ىلگەرىلەتىپ، بۇكىل ادامزاتقا ورتاق قۇن كوزقاراسىن اسقاقتاتىپ، تەڭ تۇرعىدا ءوزارا سەنىم ارتۋ، سيىسىمدى بولۋ، ءوزارا ۇلگى الۋ، سەلبەسىپ تەڭ يگىلىككە كەنەلۋ، بىرگە دامۋ ۇستانىمىنا تاباندى بولىپ، الەمدىك ادامدىق ۇقىق ىستەرىن باسقارۋدىڭ اناعۇرلىم ءادىل، تۋراشىل، ۇيلەسىمدى، سيىسىمدى بەتالىسقا قاراي دامۋىن ىلگەرىلەتۋ كەرەك. بىرلەسكەن مەملەكەتتەر ۇيىمىنىڭ ادامدىق ۇقىق ىستەرىنە بەلسەنە ات سالىسىپ، ءار ەلمەن، اسىرەسە، وركەندەپ كەلە جاتقان ەلدەرمەن ادامدىق ۇقىق بويىنشا حالىقارالىق اۋىس - كۇيىستى، سەلبەستىكتى كەڭ كولەمدە ورىستەتىپ، سىندارلى رول ساۋلەلەندىرۋ كەرەك.

  شي جينپيڭ بىلاي دەپ اتاپ كورسەتتى: ادامدىق ۇقىق تاريحي، ناقتى، رەال بولادى، تۇرلىشە ەلدەردىڭ قوعامدىق - ساياسي شارت - جاعدايىنان جانە تاريحي مادەنيەت داستۇرىنەن قول ءۇزىپ ادامدىق ۇقىق تۋرالى بوس ءسوز كوپىرتۋگە بولمايدى. ءبىر مەملەكەتتە ادامدىق ۇقىقتىڭ بار - جوقتىعىنا باعا بەرۋدە وزگە ەلدىڭ ولشەمىمەن ولشەۋگە بولمايدى، قوس ولشەم قولدانۋعا، اۋەلى، ادامدىق ۇقىقتى باسقا ەلدىڭ ىشكى ىسىنە كيلىگۋدىڭ ساياسي قۇرالى ەتۋگە ءتىپتى دە بولمايدى. ستراتەگيالىق ىرىقتىلىقتى يگەرىپ، جۇڭگونىڭ ادامدىق ۇقىق حيكاياسىن كۇش سالا جاقسى بايانداپ، وبرازدى، ناقتى بەينەلەۋ ءتاسىلىن قولدانىپ، زامانىمىزداعى جۇڭگونىڭ ادامدىق ۇقىق كوزقاراسىنىڭ باۋراۋ قۋاتىن، اسەرلەندىرۋ قۋاتىن، ىقپال قۋاتىن نىعايتۋ كەرەك.

  شي جينپيڭ بىلاي دەپ باسا دارىپتەدى: ءار دارەجەلى پارتكومدار (پارتيا باسشىلىق گرۋپپالارى) ەلىمىزدىڭ ادامدىق ۇقىق ىستەرىنىڭ دامۋىن ىلگەرىلەتۋدىڭ تاريحي جاۋاپكەرشىلىگىن ارقالاپ، ۇيىمدىق باسشىلىقتى كۇشەيتىپ، ىرىقتىلىقپەن جاۋاپكەرشىلىك ارقالاپ، ىسكەرلىك كورسەتىپ، مەملەكەتتىڭ ادامدىق ۇقىق ارەكەت جوسپارىن شىن مانىندە ويداعىداي تياناقتاندىرۋ كەرەك. ءار دارەجەلى كادرلار، اسىرەسە، باسشى كادرلار ماركسيزمدىك ادامدىق ۇقىق كوزقاراسىن، زامانىمىزداعى جۇڭگونىڭ ادامدىق ۇقىق كوزقاراسىن سانالىلىقپەن ۇيرەنىپ، تانىمدى جوعارىلاتىپ، سەنىمدى كۇشەيتىپ، ادامدىق ۇقىققا قۇرمەت ەتۋ جانە ونى قامتاماسىز ەتۋ قىزمەتتەرىن ىرىقتىلىقپەن ويداعىداي ىستەۋ كەرەك. وڭىرلەر، تاراۋلار، سالالار ادامدىق ۇقىققا قۇرمەت ەتۋ جانە ونى قامتاماسىز ەتۋ تانىمىن كۇشەيتىپ، ەلىمىزدىڭ ادامدىق ۇقىق ىستەرىنىڭ دامۋىن ىلگەرىلەتەتىن بىرىككەن كۇش قالىپتاستىرۋ كەرەك.

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.