تيانشان تورى
تيانشان تورى   ›   جاڭالىقتار   ›   شينجياڭ حابارلارى

شينجياڭنىڭ ەلەكترىن سىرتقا جەتكىزۋ مولشەرى جيىنى 500 ميلليارد كيلوۆات ساعاتتان استى

  انار بۇلت / شينجياڭ گازەتىنىڭ ءتىلشىسى چىن چياڭۋي 2 - ايدىڭ 26 - كۇنى ۇرىمجىدەن حابارلايدى. ءتىلشىنىڭ مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگىنەن ۇعىسۋىنا قاراعاندا، 2 - ايدىڭ 22 - كۇنىنە دەيىن شينجياڭنىڭ ەلەكترىن سىرتقا جەتكىزۋ مولشەرى 503 ميلليارد 700 ميلليون كيلوۆات ساعات بولىپ، شينجياڭنىڭ ەلەكتر قۋاتى كاسىپ سالاسىندا جاراتقان تىكە ەكونوميكالىق كىرىسى 120 ميلليارد يۋاننان اسىپ، ارتقان سالىق 31 ميلليارد يۋان بولدى، وسى ەلەكتر مولشەرى بۇكىل ەلدەگى ءبىر ميلليارد 400 ميلليون تۇرعىننىڭ 156 كۇن پايدالانۋىنا جەتەدى ەكەن.

  مۇنىڭ ىشىندە سىرتقا جەتكىزىلگەن جاڭا ەنەرگيا ەلەكتر مولشەرى 137 ميلليارد 800 ميلليون كيلوۆات ساعات بولىپ، جالپى سىرتقا جەتكىزىلگەن ەلەكتر مولشەرىنىڭ %27.36ىن يەلەدى، بۇل 41 ميلليون توننا ولشەمدى كومىردىڭ از جاعىلعاندىعىمەن، 110 ميلليون توننا كومىر قىشقىل گازىنىڭ، 350 مىڭ توننا كۇكىرت قوس توتىعىنىڭ، 300 مىڭ توننا ديازو توتىعىنىڭ از ىعىستىرىلىپ شىعارىلعاندىعىمەن بارابار.

  شينجياڭ ەنەرگيا بايلىق قورى مول، ەلىمىزدەگى 5 ءىرى ۋنيۆەرسال ەنەرگيا بازاسىنىڭ ءبىرى. شينجياڭ ەلەكتر تورى جالپى اگراگاتتارىنىڭ سيىمدىلىعى 2010 - جىلعى 14 ميلليون 70 مىڭ كيلوۆاتتان 2022 - جىلى 1 - ايدا 109 ميلليون 30 مىڭ كيلوۆاتقا كوتەرىلىپ، كولەم جاعىنان 7.7 ەسە ارتىپ، اگراگاتتار سيىمدىلىعى جاعىنان باتىس تەرىستىك بويىنشا 1 - ورىندا تۇردى. مۇندا جاڭا ەنەرگيا ارقىلى ەلەكتر تاراتۋ اگراگاتتارىنىڭ سيىمدىلىعى 37 ميلليون 180 مىڭ كيلوۆاتقا جەتىپ، شينجياڭ ەلەكتر تورى اگراگاتتارىنىڭ جالپى مولشەرىنىڭ %34ىن يەلەپ، جاڭا ەنەرگيادان پايدالانۋ سالىستىرماسى %94كە جوعارىلاپ، وڭىرلىك ەنەرگيا قۇرىلىمىنىڭ تيبىن جاڭالاۋ ونىمدىلىگى كورنەكتى بولدى.

  2010 - جىلى 11 - ايدىڭ 3 - كۇنى شينجياڭ شينجياڭنىڭ ەلەكترىن سىرتقا جەتكىزۋدەگى 1 - ارنا قۇمىل − دۇنحۋاڭ 750 كيلوۆولتتىق كەرنەۋ وزگەرتۋ ينجەنەرياسىن سالىپ، شينجياڭدى بۇكىل ەلدىڭ ەلەكتر تورىمەن ۇلاستىرۋ - تۇتاستىرۋدى جۇزەگە اسىرىپ، شينجياڭ ەلەكتر تورىنىڭ وقشاۋ اينالىمىن اياقتاتىپ، شينجياڭنىڭ ەلەكترىن سىرتقا جەتكىزۋدى باستاعان. 11 جىلدان بەرى مەملەكەت ەلەكتر تورى سەرىكتەستىگىنىڭ شينجياڭدا قوسقان قارجىسى 220 ميلليارد 500 ميلليون يۋانعا جەتىپ، شينجياڭنىڭ ەلەكتر تورى بۇكىلدەي كۇشەيتىلىپ جانە كەمەلدەندىرىلىپ، ەنەرگيا ابزالدىعىن ەكونوميكالىق باسىمدىققا اينالدىرۋعا نەگىز قالادى. كەزەكتە رايونىمىز ”ىشكى قامداۋدىڭ 4 اينالىمى تورابى، سىرتقا جەتكىزۋدىڭ 4 ارناسى“ سىندى ءىرى ەلەكتر تورى ارناسىن قۇرىپ بولدى.

  2021 - جىلى مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگى ”جىلدىق، ايلىق ساۋدانىڭ ءوزارا تولىقتاۋى، وڭىرلەردىڭ ەلەكتردەن پايدالانۋدىڭ قاۋىرت كەزىندەگى ءوزارا كومەكتەسۋى“ بىرگە ارەكەتتەنۋ مەحانيزمىن ورناتىپ، ۇدايى 5 اي بويى ايلىق سىرتقا جەتكىزىلگەن ەلەكتر مولشەرىن 10 ميلليارد كيلوۆات - ساعاتتان ارتتىرۋدى، اي سايىن ورتاشا سىرتقا جەتكىزىلگەن ەلەكتر مولشەرىن 10 ميلليارد كيلوۆات - ساعاتتان اسىرۋدى جۇزەگە اسىرىپ، ەل ىشىندەگى باسقا ولكە، رايون، قالالاردى توكپەن قامداۋعا پارمەندى كومەكتەستى.

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.