انار بۇلت / شينجياڭ گازەتىنىڭ ءتىلشىسى حي حۇڭۋي 2 - ايدىڭ 26 - كۇنى ۇرىمجىدەن حابارلايدى. 1 - ايدا رايونىمىزدىڭ ەلەكتروندى ساۋداسىنىڭ دامۋىنىڭ تۇتاس تۇلعالىق بەتالىسى تاماشا بولىپ، ينتەرنەتتەگى ساۋدا سوماسى 22 ميلليارد 252 ميلليون يۋانعا جەتىپ، سايكەس مەزگىلدەگىدەن ％25.25 ارتتى. ينتەرنەتتەگى بولشەك ساتۋ سوماسى 4 ميلليارد 289 ميلليون يۋان بولىپ، سايكەس مەزگىلدەگىدەن ％26.87 ارتتى، مۇندا ينتەرنەتتە ناقتى زاتتاردىڭ بولشەك ساتىلۋ سوماسى 3 ميلليارد 96 ميلليون يۋان بولىپ، سايكەس مەزگىلدەگىدەن ％33.48 ارتتى؛ ينتەرنەتتە قىزمەت وتەۋ ءتۇرىنىڭ بولشەك ساتىلۋ سوماسى ءبىر ميلليارد 193 ميلليون يۋان بولىپ، سايكەس مەزگىلدەگىدەن ％12.42 ارتتى.
1 - ايدا شينجياڭنىڭ ينتەرنەتتەگى ناقتى زاتتاردىڭ بولشەك ساتىلۋىندا ازىق - تۇلىك، دەنساۋلىق ساقتاۋ، القا - مونشاق اشەكەيلەر جانە ءۇي جابدىقتارى ناقتى زات تۇرىندەگى كاسىپتەردە الدىڭعى ءۇش ورىندى يەلەپ، ينتەرنەتتە ناقتى زاتتاردىڭ بولشەك ساتىلۋ سوماسى جەكە - جەكە ءبىر ميلليارد 939 ميلليون يۋان، 342 ميلليون يۋان جانە 189 ميلليون يۋان بولىپ، جەكە - جەكە ％62.62تى، ％11.04 جانە ％6.10تى يەلەدى. ينتەرنەت جەلىسى اس - سۋى، ينتەرنەت جەلىسى ساياحاتى جانە تۇرمىستىق قىزمەت وتەۋ − قىزمەت وتەۋ تۇرىندەگى كاسىپتەردىڭ الدىڭعى ءۇش ورنىن يەلەپ، ينتەرنەتتە قىزمەت وتەۋ تۇرىنىڭ بولشەك ساتىلۋ سوماسى جەكە - جەكە 766 ميلليون يۋان، 191 ميلليون يۋان جانە 149 ميلليون يۋان بولىپ، جەكە - جەكە ％64.24تى، ％16.00تى جانە ％12.47تى يەلەدى.
1 - ايدا شينجياڭنىڭ اۋىل - قىستاقتارىنداعى ينتەرنەتتىك بولشەك ساتىلۋىندا ۇزدىكسىز ارتۋ جاعدايى كورىنىپ، اۋىل شارۋاشىلىق ونىمدەرىنىڭ ينتەرنەتتە ساتىلۋى كورنەكتىلەنىپ، اۋىل - قىستاقتىڭ ناقتى زات تاۋارلارى جىلدام توراپقا شىعارىلىپ، اۋىل - قىستاقتىڭ بايۋىن جەبەپ، ەگىنشىلەردىڭ كىرىسىن ارتتىردى. ساندى مالىمەتتە كورسەتىلۋىنشە، 1 - ايدا شينجياڭنىڭ اۋىل - قىستاقتارىندا ينتەرنەتتە بولشەك ساتۋ سوماسى 2 ميلليارد 25 ميلليون يۋانعا جەتىپ، سايكەس مەزگىلدەگىدەن ％36.87 ارتتى؛ اۋىل شارۋاشىلىق ونىمدەرىنىڭ ينتەرنەتتەگى بولشەك ساتىلۋ سوماسى ءبىر ميلليارد 433 ميلليون يۋانعا جەتىپ، سايكەس مەزگىلدەگىدەن ％32.07ارتتى. مۇنىڭ ىشىندە اۋىل - قىستاق ناقتى زاتتارىنىڭ ينتەرنەتتە بولشەك ساتىلۋ سوماسى ءبىر ميلليارد 114 ميلليون يۋانعا جەتىپ، اۋىل - قىستاق ينتەرنەتتە بولشەك ساتىلۋ سوماسىنىڭ ％55.01ىن يەلەدى؛ اۋىل - قىستاق ينتەرنەتتە قىزمەت وتەۋ ءتۇرىنىڭ بولشەك ساتىلۋ سوماسى 911 ميلليون يۋانعا جەتىپ، اۋىل - قىستاق ينتەرنەتتە بولشەك ساتىلۋ سوماسىنىڭ ％44.99ىن يەلەدى.
ۇعىسۋعا قاراعاندا، بيىل ”ينتەرنەتتەگى مەرەكەلىك بۇيىمدار مەرەكەسى“ كەزىندە رايونىمىزداعى ءارقايسى ءىرى ەلەكتروندى ساۋدا تۇعىرلارى كوكتەم مەرەكەسىندە ”ساۋدانى تۇندە دە توقتاتپاۋ“ ۇلگىسىن اشىپ، باستى تاقىرىبى كوپ نەگىزدى، فورماسى الۋان ءتۇرلى تۇتىنۋدى جەبەۋ قيمىلدارىنىڭ ساپاسىن ءوسىرىپ، دارەجەسىن جوعارىلاتىپ، ساتىلۋدىڭ قوزعاۋشى قۋاتى بارىنشا ايگىلەندى. ”ينتەرنەتتەگى مەرەكەلىك بۇيىمدار مەرەكەسى“ كەزىندە جەلىدەگى تۇتىنۋ بارىنشا جوعارىلاپ، ەلەكتروندى ساۋدانىڭ جاڭا قوزعاۋشى قۋاتى اناعۇرلىم ايگىلەنىپ، ينتەرنەتتەگى بولشەك ساتىلۋ سوماسى 5 ميلليارد 61 ميلليون يۋانعا جەتىپ، سايكەس مەزگىلدەگىدەن ％20.50 ارتتى؛ اۋىل شارۋاشىلىق ونىمدەرىنىڭ ينتەرنەتتە بولشەك ساتىلۋ سوماسى ءبىر ميلليارد 553 ميلليون يۋانعا جەتىپ، سايكەس مەزگىلدەگىدەن ％38.14 ارتتى.
”ينتەرنەتتەگى مەرەكەلىك بۇيىمدار مەرەكەسى“ كەزىندەگى ءوتىمدى ناقتى زاتتاردىڭ الدىڭعى وندىعى بويىنشا قاراعاندا ۇلكەن شىلان، قۋىرىلعان قاتتى قابىقتى جەمىس، قانتتالىپ كەپتىرىلگەن جەمىس تۇرلەرىنىڭ ساۋداسى كۇسەت بولىپ، قالىڭ تۇتىنۋشىلاردىڭ قىزۋ قارسى الۋىنا بولەندى. سونىمەن بىرگە، تىكە تاراتۋ كاسىپ كۇيى تاۋارلاردىڭ بولشەك ساتىلۋ ارناسىن ۇزدىكسىز كەڭەيتىپ، جەر - جەردىڭ ەرەكشە تاۋار تۇتىنۋ جارقىن تۇيىندەرى كوپتەپ جارىققا شىقتى. بيىل ”ينتەرنەتتەگى مەرەكەلىك بۇيىمدار مەرەكەسى“ كەزىندە شينجياڭدا جيىنى 3200 مايدان تىكە تاراتۋ ورىستەتىلىپ، تىكە تاراتىلىمدى كورگەن ادام سانى 40 ميلليون ادام - رەتكە جەتىپ، تىكە تاراتۋ ساۋدا سوماسى جيىنى 333 ميلليون يۋانعا جەتتى.
