ەركىن تۇنياز رايونىمىزدىڭ ەكونوميكا قىزمەتى جونىندە تەكسەرۋ - زەرتتەۋ جۇرگىزدى
ماڭداي الدى شارۋاشىلىق - ساۋدا ورتاسىن قالىپتاستىرىپ، تاماشا باستاما باستاۋدى قايراتتانا جۇزەگە اسىرايىق
انار بۇلت / شينجياڭ گازەتىنىڭ ءتىلشىسى لي ياڭ، لياڭ ليحۋا 2 - ايدىڭ 26 - كۇنى ۇرىمجىدەن حابارلايدى. اۆتونوميالى رايوندىق پارتكومنىڭ ورنالاستىرۋىنا، تالابىنا ساي، 2 - ايدىڭ 25 - كۇنىنەن 26 - كۇنىنە دەيىن اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز رايونىمىزدىڭ ەكونوميكا قىزمەتى جونىندە تەكسەرۋ - زەرتتەۋ جۇرگىزدى ءارى اڭگىمە ءماجىلىس وتكىزىپ، قاتىستى تاراۋلاردىڭ قىزمەتتى ىلگەرىلەتۋ جاعدايىن ۇعىسىپ، ۇسىنىس - پىكىر تىڭدادى. ەركىن تۇنياز بىلاي دەپ باسا دارىپتەدى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، شينجياڭ قىزمەتىنىڭ باس نىساناسىن مىقتاپ يگەرىپ، ىندەتتەن ساقتانۋ - تىزگىندەۋدى جانە ەكونوميكالىق، قوعامدىق دامۋدى ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، جىبەك جولى ەكونوميكالىق بەلدەۋى وزەكتى رايونىن قۇرۋدى جەدەلدەتىپ، بازارلانعان، زاڭمەن باسقارىلاتىن، حالىقارالانعان شارۋاشىلىق - ساۋدا ورتاسىن قالىپتاستىرۋعا قۇلشىنىپ، جوعارى ساپالى دامۋدى ىلگەرىلەتىپ، تاماشا باستاما باستاۋدى قايراتتانا جۇزەگە اسىرۋ كەرەك.
ەركىن تۇنياز بىلاي دەپ اتاپ كورسەتتى: ءونىمدى قارجى قوسۋدى جانە نىسان قۇرىلىسىن مىقتى يگەرىپ، بيىلعى نىسانا مىندەتتى ءساتتى ورىنداۋعا شىنايى كەپىلدىك ەتۋ كەرەك. نىسانداردىڭ جۇمىس باستاۋىن تەكسەرىپ بەكىتۋ ءتارتىبىن جاقسارتىپ، تەكسەرىپ بەكىتىلەتىن ىستەرگە ”ەڭ كوپ بولعاندا ءبىر رەت بارۋ“، ”ەڭ تەز بولعاندا ءبىر رەتتە جەتكىزۋ“ رەفورماسىن كۇش سالا ىلگەرىلەتۋ كەرەك. ”ەتەنە“، ”پاك“ بولعان ۇكىمەت - ساۋدا قاتىناسىن قالىپتاستىرىپ، بازار نەگىزگى تۇلعالارىن جەتىلدىرۋ تەبىنىن كۇشەيتىپ، ”ىرىلەرىن يگەرۋ، شاعىندارىن سۇيەمەلدەۋ، جاڭالارىن جەتىلدىرۋدى“ ءبىر تۇتاس جوسپارلاپ كۇش سالۋعا تاباندى بولۋ كەرەك.
ەركىن تۇنياز بىلاي دەپ باسا دارىپتەدى: ىشكى قارجى مەن سىرتقى قارجى سىندى ەكى تۇرعىدان كۇش سالىپ، ساۋداگەر شاقىرىپ، قارجى ەنگىزۋدىڭ دالمە - دالدىگىن جانە ونىمدىلىگىن جوعارىلاتۋ كەرەك. باقشا قۇرىلىسىن مىقتى يگەرىپ، ولقىلىقتاردى تولىقتاپ، ءالسىز تۇستاردى كۇشەيتۋدە تىڭ ىلگەرىلەۋشىلىكتەرگە قول جەتكىزۋ كەرەك. قالا، اۋىل تۇتىنۋىن ۇزدىكسىز كەڭەيتىپ، ءتۇيىندى سالالاردىڭ تۇتىنۋىن زورايتىپ، ەلەكتروندى ساۋدانى كۇش سالا دامىتىپ، سىرتقى ساۋدا قىزمەتىن كۇش سالا ويداعىداي ىستەۋ كەرەك. ءداستۇرلى ابزال كاسىپ سالالارىنىڭ نەگىزىن بەكەمدەپ، ونىمدىلىگىن ارتتىرۋ جانە تيبىن جاڭالاپ، دارەجەسىن ءوسىرۋدى كۇش سالا ىلگەرىلەتىپ، سيفرلى ەكونوميكانى دامىتۋ نەگىزىن بەرىك قالاپ، سيفرلى كاسىپ سالالاندىرۋدى، كاسىپ سالاسىن سيفرلاندىرۋدى كۇش سالا ىلگەرىلەتۋ كەرەك.”تومەنگە بەرۋ، باسقارۋ، قىزمەت وتەۋ“ رەفورماسىن ۇزدىكسىز تەرەڭدەتىپ، جۇمىس بارىسىنداعى، جۇمىس بىتكەننەن كەيىنگى باقىلاۋ - باسقارۋدى كۇشەيتىپ، جاڭا كاسىپ سالاسىن، جاڭا كاسىپ كۇيىن كەڭشىلىكپەن، بايسالدىلىقپەن باقىلاپ - باسقارىپ، اۆتونوميالى رايوننىڭ تۇلعالىق ەكونوميكانى قولداۋ جەلىلەس ءتيىمدى ساياساتتارىن ويداعىداي تياناقتاندىرىپ، كاسىپورىنداردى قيىنشىلىقتان قۇتقارۋ شارالارىن دالمە - ءدال اتقارۋ كەرەك. شينجياڭدى زاڭمەن باسقارۋعا تاباندى بولىپ، بازار باقىلاۋ - باسقارۋعا ساياتىن زاڭ، زاڭ ەرەجەلەردى، ءتۇزىم، قاعيدالاردى ۇزدىكسىز كەمەلدەندىرىپ، زاڭمەن باسقارۋ ويىن اناعۇرلىم بەرىك ورناتىپ، ساياساتتى ءادىل، باسەكەلى اتقارۋدى ىلگەرىلەتۋدىڭ باياندى مەحانيزمىن اقاۋسىزداندىرىپ، كەمەلدەندىرىپ، بازارلانعان، زاڭمەن باسقارىلاتىن، حالىقارالانعان شارۋاشىلىق - ساۋدا ورتاسىن ۇزدىكسىز قالىپتاستىرۋ كەرەك.
ەركىن تۇنياز مىنالاردى اتاپ كورسەتتى: ءىرى قاتىناس ارقىلى جوعارى ساپالى دامۋعا دەم بەرىپ، ”شينجياڭ ىشىندە شەڭبەر قالىپتاستىرۋ، شينجياڭعا كىرىپ - شىعۋدى تەزدەتۋ، وڭتۇستىك شينجياڭ مەن سولتۇستىك شينجياڭدى ىركىلىسسىزدەندىرۋ، شەكارادان كىرىپ - شىعۋدى ۇلاستىرۋ “ سىندى امبەباپ قاتىناس تورابىن كۇش سالا قالىپتاستىرىپ، جىبەك جولى ەكونوميكالىق بەلدەۋى وزەكتى رايونى قۇرىلىسىنا پارمەندى تىرەك ازىرلەۋ كەرەك.
ەركىن تۇنياز بىلاي دەپ باسا دارىپتەدى: شي جينپيڭ ەكولوگيالىق وركەنيەت يدەياسىن ىشكەرىلەي دايەكتىلەندىرىپ، ەكونوميكانىڭ دامۋى مەن ورتانى قورعاۋدىڭ قاتىناسىن ويداعىداي ءبىر تۇتاس جوسپارلاپ، لاستانۋدان ساقتانۋدان جانە ونى جونگە سالۋدان قامال الۋ شايقاسىن ۇزدىكسىز ويداعىداي جۇرگىزىپ، لاستاۋشى زاتتاردى شىعارۋدى ازايتۋ، كومىر قىشقىل گازىنىڭ شىعارىلۋىن تومەندەتۋ ونىمدىلىگىن سايكەسە ارتتىرۋدى كۇش سالا ىلگەرىلەتىپ، ەكونوميكالىق، قوعامدىق دامۋدىڭ جاپپاي جاسىل جولعا قاراي تيبىن جاڭالاۋىن جەبەۋ كەرەك.
ەركىن تۇنياز بىلاي دەپ اتاپ كورسەتتى: قازىنا توپتاۋعا شەبەر بولۋعا، قازىنادان پايدالانۋدا ءونىمدى بولۋعا، قازىنادان پايدالانۋدى شەگىنەن اسىرماۋعا، قازىنا باسقارۋدىڭ ءجونىن بىلۋگە تاباندى بولىپ، ورتالىقتىڭ رايونىمىزعا بەرگەن ءتۇرلى ەرەكشە قازىنا سالىق ساياساتتارىنان جەتكىلىكتى، ويداعىداي پايدالانىپ، ءتۇيىندى شىعىستىڭ دالدىگى مەن قارجىنىڭ پايدالانىلۋ ونىمدىلىگىن جوعارىلاتىپ، ”ءۇشتى قامتاماسىز ەتۋ“ شىعىسىن باتىل قامتاماسىز ەتىپ، قارىز حاۋىپ - قاتەرىنەن باتىل ساقتانۋ كەرەك.
اۆتونوميالى رايون باسشىلارىنان چىن ۋيجۇن، ءيۇسۇپجان مامەت، جاروللا يسامدين، سۇن حۇڭمەي قاتارلىلار بىرگە تەكسەرۋ - زەرتتەۋ جۇرگىزدى.
