انار بۇلت / شينجياڭ گازەتىنىڭ ءتىلشىسى جاۋ مين 2 - ايدىڭ 27 - كۇنى ۇرىمجىدەن حابارلايدى. بيىل 4 - ايدان باستاپ رايونىمىزدا جۇمىسشى - قىزمەتشىلەر نەگىزگى ەمدەۋ قامسىزداندىرۋىنا قاتىناسقانداردىڭ جەكەلىك ەسەپتەگى قارجىسىنىڭ ىستەتىلۋ كولەمى كەڭەيەدى. وتكەندە جەكەلىك ەسەپتەگى قارجىنى تەك قامسىزداندىرۋعا قاتىناسقانداردىڭ ءوزى عانا ىستەتە الاتىن، مۇنان بىلاي جەكەلىك ەسەپتىڭ ”ءوزارا جاردەمدەسۋ“ يقۋاتى بولاتىن بولدى، قارجىنى وتباسىلىق ءوزارا جاردەمدەسۋ ءتاسىلى ارقىلى بەلگىلەمە بويىنشا قامسىزداندىرۋعا قاتىناسۋشىنىڭ جۇبايىنىڭ، اكە - شەشەسىنىڭ، بالالارىنىڭ بەلگىلەنگەن ەمدەۋ قۇرىلىمىنداعى جانە بەلگىلەنگەن بولشەك ساتۋ ءدارى دۇكەندەرىندەگى جەكە تولەۋگە ءتيىستى ەمدەۋ قاراجاتىن تولەۋىنە بولاتىن بولدى.
كەزەكتە «شينجياڭ ۇيعۇر اۆتونوميالى رايونىنىڭ جۇمىسشى - قىزمەتشىلەردىڭ نەگىزگى ەمدەۋ قامسىزداندىرۋىنىڭ امبولاتوريالىق ءوزارا جاردەمدەسۋ بويىنشا قامتاماسىزداندىرۋدى اتقارۋ ءادىسى» (قىسقاشا «ءادىس» دەلىندى) باسىپ تاراتىلدى، بيىل رايونىمىز ءوزارا كومەكتەسىپ، ءوزارا جاردەمدەسۋ، جاۋاپكەرشىلىكتى بىرگە ارقالاۋ سىندى جۇمىسشى - قىزمەتشىلەردىڭ نەگىزگى ەمدەۋ قامسىزداندىرۋ ءتۇزىمىن ونان ارى اقاۋسىزداندىرىپ، ادەتتەگى امبولاتوريالىق ءبىر تۇتاس جوسپارلاۋدى ورناتۋ جانە جەكەلىك ەسەپكە رەفورما جۇرگىزۋ سىندى ەكى قىزمەتتى ءبىر ۋاقىتتا ىلگەرىلەتىپ، نەگىزگى ەمدەۋ قامسىزداندىرۋىنا قاتىناسقان جۇمىسشى - قىزمەتشىلەردى امبولاتوريالىق قامتاماسىزداندىرۋ ماسەلەسىن ءتىپتى دە جاقسى شەشىپ، ولاردىڭ ەمدەۋ قاراجاتى اۋىرتپالىعىن شىن مانىندە جەڭىلدەتەدى.
اۆتونوميالى رايوندىق ەمدەۋ قامتاماسىزداندىرۋ مەكەمەسى يگىلىكتى قامتاماسىز ەتۋ باسقارماسىنىڭ باستىعى موۋ شينۋي بىلاي دەپ تانىستىردى: جۇمىسشى - قىزمەتشىلەردىڭ نەگىزگى ەمدەۋ قامسىزداندىرۋى بويىنشا امبولاتوريادا ءوزارا جاردەمدەسىپ قامتاماسىز ەتۋ رەفورماسىن قىسقاشا بىلاي دەپ تۇسىندىرۋگە بولادى: نەگىزگى ەمدەۋ قامسىزداندىرۋىنا قاتىناسقان جۇمىسشى - قىزمەتشىلەردىڭ امبولاتورياداعى قاراجاتى بۇرىن، باستىسى، جەكەلىك ەسەپ ءتاسىلى ارقىلى قامتاماسىز ەتىلەتىن، قازىر رەتتەۋ ارقىلى جەكەلىك ەسەپ قاراجاتى قۇرىلىمىنا ەنگىزىلدى، امبولاتوريا قاراجاتىن ءبىر تۇتاس جوسپارلاۋ قورى ”ءوزارا جاردەمدەسىپ قامتاماسىز ەتۋ“ ياعني ءبىر تۇتاس جوسپارلاۋ قورى ارقىلى ەسەپتەن كوتەرۋگە بولادى. سونىمەن قاتار، جەكەلىك ەسەپتى ىستەتۋ كولەمى ونان ارى كەڭەيىپ ءارى جۇيەگە ءتۇسىپ، جەكەلىك ەسەپتىڭ دە ءوزارا كومەكتەسۋ، ءوزارا جاردەمدەسۋ يقۋاتى بولۋىنا مۇمكىندىك جاسالدى.
«ادىسكە ساي» نەگىزگى ەمدەۋ قامسىزداندىرۋىنا قاتىناسقان جۇمىسشى - قىزمەتشىلەردىڭ امبولاتوريا قاراجاتىن ءبىر تۇتاس جوسپارلاۋ قورى بويىنشا ەسەپتەن كوتەرۋ مازمۇنى مىنالاردى قامتيدى: ادەتتەگى امبولاتوريا قاراجاتىن قامتاماسىز ەتۋ، امبولاتوريادا سوزىلمالى ناۋقاس جانە ەرەكشە ناۋقاس قاراجاتىن قامتاماسىز ەتۋ، امبولاتوريا ەرەكشە ءدارى - دارمەك قاراجاتىن قامتاماسىز ەتۋ، امبولاتوريا كۇندىزگى وپەراتسيا قاراجاتىن قامتاماسىز ەتۋ.
موۋ شينۋي بىلاي دەپ تانىستىردى: جەكەلىك ەسەپتەگى قاراجاتتى قامسىزداندىرۋعا قاتىناسۋشى بەلگىلەمە بويىنشا ىستەتەدى، بۇل جەكەلىك ەسەپتەگى جالپى قالدىق اقشانى قامتيدى، مۇنى وتباسى مۇشەلەرىنىڭ ءوزارا جاردەمدەسىپ ىستەتۋىنە بولادى، ونىڭ تولەۋگە بولاتىن مازمۇندارى مىنالار: نەگىزگى ەمدەۋ قامسىزداندىرۋىنا قاتىناسقان جۇمىسشى - قىزمەتشىلەردىڭ ءوزى، سونداي - اق جۇبايى، اكە - شەشەسى، بالاسى سياقتى وتباسى مۇشەلەرى بەلگىلەنگەن ەمدەۋ قۇرىلىمىندا ەمدەلۋدە ءوزى تولەۋگە ءتيىستى ەمدەۋ قاراجاتى، سونداي - اق بەلگىلەنگەن بولشەك ساتۋ ءدارى دۇكەندەرىنەن ءدارى - دارمەك، ەمدەۋ جابدىقتارى، ەمدەۋ شىعىن ماتەريالدارىن ساتىپ العاندا جەكە تولەۋگە ءتيىستى قاراجاتى؛ قامسىزداندىرۋعا قاتىناسۋشىنىڭ ءوزىنىڭ جۇمىسشى - قىزمەتشىلەر قوماقتى سوما ەمدەۋ قاراجاتى جاردەماقى قامسىزداندىرۋىنا، ۇزاق ۋاقىتتىق كۇتىمدەلۋ قامسىزداندىرۋىنا قاتىناسۋ قاراجاتى، قامسىزداندىرۋعا قاتىناسۋشىنىڭ جۇبايىنىڭ، اكە - شەشەسىنىڭ، بالاسىنىڭ قالا، اۋىل تۇرعىندار نەگىزگى ەمدەۋ قامسىزداندىرۋىنا، ۇزاق ۋاقىتتىق كۇتىمدەلۋ قامسىزداندىرۋىنا قاتىناسۋ قاراجاتى.
جەكەلىك ەسەپتەگى قاراجاتتى الەۋمەتتىك دەنساۋلىق ساقتاۋ قاراجاتى، سپورتتىق شىنىعۋ نەمەسە دەنساۋلىق كۇتىمدەۋ، سالاماتتىق ساقتاۋ تۇتىنۋى سياقتى نەگىزگى ەمدەۋ قامسىزاندىرۋ بويىنشا قامتاماسىز ەتۋ كولەمىنە جاتپايتىن شىعىستارعا ىستەتۋگە بولمايدى.
نازار اۋدارۋعا ءتيىستىسى، وتباسى مۇشەلەرى جەكەلىك ەسەپتەگى قاراجاتتى ءوزارا جاردەمدەسىپ ىستەتپەكشى بولعاندا، قامسىزداندىرۋعا قاتىناسۋشى ءوزى ينتەرنەت جەلىسىندە، ينتەرنەت جەلىسىنەن سىرت ارنا ارقىلى ەمدەۋ قامسىزداندىرۋىن ءبىتىرۋ قۇرىلىمدارىنا بارىپ ادام قوسۋ جۇمىسىن ءبىتىرۋى ءارى جەكەلىك ەسەپتەگى قاراجاتتى وتباسى مۇشەلەرى ءوزارا جاردەمدەسىپ ىستەتۋ ۋادە حاتىنا، قارجىنى ىستەتۋ بويىنشا ۇقىق بەرۋ حاتىنا قول قويۋى كەرەك.
