تيانشان تورى
تيانشان تورى   ›   جاڭالىقتار   ›   شينجياڭ حابارلارى

شينجياڭنىڭ كرەمني نەگىزدى كاسىپ سالاسىنىڭ باستى كاسىپتىك كورسەتكىشىنىڭ ارتۋ مولشەرى كورنەكتى بولدى

  انار بۇلت / شينجياڭ گازەتىنىڭ ءتىلشىسى ما ينيڭ 2 - ايدىڭ 27 - كۇنى سانجىدان حابارلايدى. 1 - ايدا شينجياڭ دۇڭفاڭ شي - ۋاڭ ءتۇستى مەتالدار شەكتى سەرىكتەستىگىنىڭ ءوندىرىس تيجاراتى تاماشا باستامانى جۇزەگە اسىرىپ، ءونىم قۇنىن 2 ميلليارد 900 ميلليون يۋانعا جەتكىزىپ، 2021 - جىلعى ۇقساس مەزگىلدەگىدەن %47 ارتتىردى. وسى سەرىكتەستىكتىڭ جاعدايىمەن ۇقساس، شينجياڭنىڭ كرەمني نەگىزدى كاسىپ سالاسىنىڭ تىرەكتى كاسىپورىندارىنىڭ باستى كاسىپتىك كورسەتكىشى دە 1 - ايدا زور دارەجەدە جوعارىلادى.

  ”وسى كرەمني جاپىراقشالارىنىڭ بارلىعى كۇن ەنەرگياسى ارقىلى ەلەكتر شىعارۋعا پايدالانىلادى“. 2 - ايدىڭ 24 - كۇنى شينجياڭ دۇڭفاڭ شي - ۋاڭنىڭ قاتىستى وندىرىسكە جاۋاپتىسى جاڭ ىر - ۋ بىلاي دەپ تانىستىردى: ”166 ميلليمەترلىك كرەمني جاپىراقشاسىنان 6 ۆاتتىق باتارەيا جاپىراقشاسىن جاساۋعا بولادى؛ 210 ميلليمەترلىك كرەمني جاپىراقشاسىنان 10 ۆاتتىق باتارەيا جاپىراقشاسىن جاساۋعا بولادى. كرەمني جاپىراقشاسىنىڭ ەڭ باستاپقى شيكىزاتى كرەمنەزم، ول ءشول دالادا ۇنەمى كەزدەسەتىن مالتا تاس“. قازىر شينجياڭ دۇڭفاڭ شي - ۋاڭ جۇندۇڭ كاسىپ سالاسى باقشاسى ”كرەمنەزم − ونەركاسىپتىك كرەمني − كوپ كريستالدى كرەمني − جالاڭ كريستالدى كرەمني − فوتوۆولت جاپىراقشاسى“ كاسىپ سالاسى تىزبەگى ورنالاسىمىن قالىپتاستىردى، ونىمدەرى نەگىزىنەن مەملەكەتتىڭ جەر - جەرىندەگى تومەنگى بۋىنداعى فوتوۆولتتىق ەلەكتر جابدىقتارى كاسىپورىندارىنا ساتىلادى.

  كرەمنيدى ”ونەركاسىپتىڭ دامدەندىرگىشى“، ”جارتىلاي وتكىزگىشتىڭ پاتشاسى“، ”فوتوۆولت كاسىپ سالاسىنىڭ پاراۆوزى“ دەپ اتايدى، مەتال كرەمني، كوپ كريستالدى كرەمني، جالاڭ كريستالدى كرەمني، ورگانيكالى كرەمني، كومىرتەكتى كرەمني سياقتى كرەمني ونىمدەرى جانە تومەنگى بۋىنداعى ونىمدەرى جاڭا ەنەرگيا، جاڭا ماتەريال، ەلەكتروندىق ينفورماتسيا، ءدارى - دارمەك، حيميا ونەركاسىبى سياقتى ستراتەگيالىق جاڭادان گۇلدەنگەن كاسىپ سالاسىن دامىتۋدىڭ ماڭىزدى ماتەريالى.

  بيىل كوكتەم مەرەكەسى كەزىندە، شينجياڭ داچۋان جاڭا ەنەرگيا جارنا شەكتى سەرىكتەستىگى ءوندىرىستى، جۇمىستى توقتاتپاي، العاشقى ماۋسىمدا تاماشا باستاما اشۋعا بار كۇشىن سالدى. ”سيفرلانعان جاساۋ نىسانى ارقىلى ءوندىرىستى زەردەلى باسقارۋدى ىلگەرىلەتىپ، سەرىكتەستىكتىڭ 1 - ايداعى ءونىم مولشەرى %45.4 ارتىپ، كوپ كريستالدى كرەمنيدىڭ جالپىلىق ءوندىرىس قۋاتى جىلىنا 70 مىڭ تونناعا جەتتى“، - دەدى سەرىكتەستىكتىڭ ۇنەمىلىك ىستەرگە جاۋاپتى ورىنباسار باس ديرەكتورى ساۋ ۋي.

  جۋىق جىلداردان بەرى، شينجياڭ ەنەرگيا بايلىعى باسىمدىعىنا سۇيەنىپ، ورتا، شىعىس بولىك وڭىرلەردىڭ كاسىپ سالاسىنىڭ باتىسقا قاراي ويىسۋىن بەلسەندى قابىلداپ، ”كومىردى، ەلەكتردى، كرەمنيدى ءبىر تۇلعالاندىرىپ“ دامىتۋ ۇلگىسىنە ىزدەنىس جاساي وتىرىپ اتقارىپ، كرەمني نەگىزدى كاسىپ سالاسى تەز قارقىنمەن دامىدى.

  اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسى ەلەكتروندىق ينفورماتسيا باسقارماسىنىڭ 2 - دارەجەلى تەكسەرۋ - زەرتتەۋشىسى گو چياڭ بىلاي دەپ تانىستىردى: بيىل اۆتونوميالى رايون كرەمني فوتوۆولت، كرەمني ەلەكترون، كرەمني حيميا ونەركاسىبى، كرەمني قورىتپاسى سياقتى كرەمني نەگىزدى تومەنگى بۋىنداعى كاسىپ سالاسىن ءتۇيىندى تۇردە دامىتىپ، ازوتتى كرەمني، زيركوني توتىعى سياقتى كرەمني نەگىزدى جاڭا ماتەريال بويىنشا ۇزارتىلعان كاسىپ سالاسىن ۇزدىكسىز دامىتىپ، ”جاڭا + ەنەرگيا كومىر، ەلەكتر، كرەمني ماتەريالى ءبىر تۇلعالانعان“ جاسىل دامۋ ۇلگىسىنىڭ تىڭ ساتىعا كوتەرىلۋىن ىلگەرىلەتەدى. سونىمەن بىرگە، اۆتونوميالى رايون تاعى جاڭا بۋىن ينفورماتسيا تەحنيكاسى مەن كاسىپ سالاسىن توعىستىرىپ جاڭالىق اشا پايدالانۋدى تەز قارقىنمەن ىلگەرىلەتىپ، حالىقارالىق باسەكەلىك قۋاتقا يە كاسىپ سالاسى جۇيەسىن قالىپتاستىرادى. حالىقارالىق بازارعا بەت العان، جاڭالىق اشۋ قۋاتى كۇشتى، وزەكتى باسەكەلىك قۋاتقا يە ءبىر توپ تىرەكتى كاسىپورىنداردى جەتىلدىرىپ، مەملەكەت قۇرىلىسىنا شۇعىل قاجەتتى، بولاشاقتاعى دامۋعا جەتەكشىلىك ەتەتىن ءبىر توپ شەشۋشى تەحنيكا جانە ماتەريال جاعىندا تىڭ ناتيجە جاراتۋعا كۇش سالادى.

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.