انار بۇلت / شينجياڭ گازەتىنىڭ ءتىلشىسى لۋ فىڭباۋ 2 - ايدىڭ 27 - كۇنى ۇرىمجىدەن حابارلايدى. جۇڭگو تەمىر جولى ءۇرىمجى مەكەمەسى توبى شەكتى سەرىكتەستىگىنەن ۇعىسۋىمىزشا، 2 - ايدىڭ 23 - كۇنىنە دەيىن بيىل قورعاس تەمىر جول شەكارا وتكەلى ارقىلى قاتىناعان جۇڭگو − ەۆروپا كەزەكشى پويەزى 1000نان اسىپ، بىلتىرعىدان 6 كۇن بۇرىن 1000 پويەزدىك ءىرى وتكەلدەن وتكەن.
بيىل جىل باسىنان بەرى شينجياڭ تەمىر جول تاراۋى قازاقستاننىڭ تەمىر جول تاراۋىمەن سايكەستىكتى، تىلدەسۋدى كۇشەيتىپ، مەزگىل سايىن بەينە ەكراندا اۋىس - كۇيىس جاساۋ ءتۇزىمىن تياناقتاندىرىپ، بەلەت - تالون ءبىتىرۋ، كەزەكشى پويەزدى كۇتىپ الۋ - اتتاندىرۋ، شەكارا وتكەلىندە اۋىستىرىپ تيەۋ سياقتى ءارقايسى بۋىندارداعى سايكەستىكتى، سەلبەستىكتى ويداعىداي ىستەپ، ەكى جاق شەكارا وتكەلىنىڭ جۇمىس تىندىرۋ قابىلەتىنەن تولىق پايدالانىپ، جۇڭگو − ەۆروپا كەزەكشى پويەزدارىنىڭ قاتىناۋ جىلدامدىعىن تاعى دا جەدەلدەتتى.
قورعاس بەكەتى ادام كۇشى بايلىعىن ۇيلەسىمدى ورنالاستىرىپ، قىزمەتكەرلەردىڭ بەكەتتە تۇرىپ كەزەكتەسىپ جۇمىس ىستەۋ ۇلگىسىن قولدانىپ، جۇمىس ورنىنداعى قىزمەتكەرلەردىڭ جەتكىلىكتى بولۋىنا كەپىلدىك ەتىپ، جۇڭگو − ەۆروپا كەزەكشى پويەزدارىنىڭ تاسىمال قاجەتىن بار كۇشپەن قاناعاتتاندىردى. ىندەتتەن ساقتانۋ - تىزگىندەۋ شارالارىنىڭ تالابىن قاتاڭ تياناقتاندىرىپ، جۇمىس باسىن جابىق باسقارۋدى قولدانىپ، تۇرلىشە الاڭ - اۋماقتاعى جۇمىس ىستەپ وتىرعان قىزمەتكەرلەردى اۋماققا ءبولىپ جۇمىسقا قويىپ، كەزەكشى پويەزدارداعى زاتتاردى كارانتيندەۋ، زارارسىزداندىرۋ قىزمەتىن ويداعىداي ىستەۋگە سەلبەستىرىپ، جۇڭگو − ەۆروپا كەزەكشى پويەزدارىنىڭ قاتىناۋداعى حاۋىپ - قاتەرىن ازايتىپ، كەزەكشى پويەزداردىڭ حاۋىپسىز، ورنىقتى قاتىناۋىن قامتاماسىزداندىردى.
”بىلتىردان بەرى قورعاس تەمىر جول شەكارا وتكەلىندە شەكارادان كىرىپ - شىققان جۇڭگو − ەۆروپا كەزەكشى پويەزدارىنىڭ قاتىناۋ مولشەرى ءۇرتىس 10 اي بويى ايىنا 500 كەزەكتەن استام قاتىناۋدى ساقتادى“. قورعاس بەكەتى تاسىمال - تيجارات باسقارۋ ءبولىمىنىڭ كومەكشى ينجەنەرى چىن كايچياڭ بىلاي دەدى: ”بەكەت پويەزداردىڭ قايتقانداعى زات قاينارىن بار كۇشپەن كەڭەيتۋمەن بىرگە، زەردەلى شەكارا وتكەلى قۇرىلىسىن جەدەل ىلگەرىلەتىپ، جۇڭگو − ەۆروپا كەزەكشى پويەزىنىڭ ينفورماتسيالانعان تۇعىرىنا سۇيەنىپ، كوپ ءتۇرلى تاسىلدەگى بىرلەسىپ تاسىمالداۋ قىزمەت وتەۋىن كەمەلدەندىرىپ، كەدەننەن ءوتۋ ءتارتىبىن ۇزدىكسىز ساپالىلاندىرىپ، كەدەننەن ءوتۋ ۋاقىتىن قىسقارتىپ، كەزەكشى پويەزداردىڭ قاتىناۋ ساپاسى مەن ونىمدىلىگىن بىرگە جوعارىلاتۋدى جۇزەگە اسىردى.
2016 - جىلى 3 - ايدا تۇڭعىش جۇڭگو − ەۆروپا كەزەكشى پويەزى قاتىناعاننان بەرى قورعاس تەمىر جول شەكارا وتكەلى جول جەلىسىن ۇزدىكسىز مولايتىپ، مولشەرىن كەڭەيتىپ، ساپاسىن جوعارىلاتىپ، جۇڭگو − ەۆروپا كەزەكشى پويەزىنىڭ ”دوستىق شەڭبەرىن“ ۇزدىكسىز كەڭەيتتى، كەزەكتە ۇدايى قاتىنايتىن 29 جەلىسى بار بولىپ، گەرمانيا، پولشا، تۇركيا، رەسەي سياقتى 18 مەملەكەتتىڭ، 45 قالانىڭ حالىقارالىق زات اينالىم تورابىنا كەڭەيىپ، شەكارا وتكەلىنىڭ جالپىلىق تاسىمال - تيجارات قابىلەتى ورنىقتى تۇردە بۇكىل ەلدىڭ الدىڭعى قاتارىنان ورىن الدى.
