انار بۇلت / شينجياڭ گازەتىنىڭ ءتىلشىسى شى شين 2 - ايدىڭ 27 - كۇنى ۇرىمجىدەن حابارلايدى. جۋىقتا مەملەكەتتىك دامۋ جانە رەفورما كوميتەتى رايونىمىزدىڭ جالپى حالىقتىق دەنە شىنىقتىرۋ قۇرىلعىلارىنىڭ ولقىلىقتارىن تولىقتاۋ ينجەنەرياسى ءۇشىن 2022 - جىلى ورتالىقتىڭ مەجە ەسەبىنەن 112 ميلليون 900 مىڭ يۋان قارجى ءبولۋ جوسپارىن ءتۇسىردى، بۇل رايونىمىزدىڭ دەنە شىنىقتىرۋعا الەۋمەتتىك قىزمەت وتەيتىن 15 نەگىزدىك قۇرىلعى نىسان قۇرىلىسىن قولداۋعا جۇمسالادى.
ءتىپتى دە جوعارى دەڭگەيدەگى جالپى حالىقتىق دەنە شىنىقتىرۋ الەۋمەتتىك قىزمەت وتەۋ جۇيەسىن قۇرۋ، قامداۋى جەتكىلىكتى، ورنالاسۋى ۇيلەسىمدى، يقۋاتى كەمەلدى دەنە شىنىقتىرۋ قۇرىلعىلارى تورابىن قالىپتاستىرۋدى ىلگەرىلەتۋ ءۇشىن، مەملەكەتتىك دامۋ جانە رەفورما كوميتەتى جالپى حالىقتىق دەنە شىنىقتىرۋ قۇرىلعىلارىنىڭ ولقىلىقتارىن تولىقتاۋ ينجەنەرياسىنا ورتالىقتىڭ مەجە ەسەبىنەن 2 ميلليارد 100 ميلليون يۋان قارجى ورنالاستىرىپ، دەنە تاربيە باقشاسى، جالپى حالىقتىق دەنە شىنىقتىرۋ ورتالىعى، الەۋمەتتىك دەنە تاربيە الاڭدارى ىشىندە ولشەمدى جەڭىل اتلەتيكا جارىس جولى جانە ولشەمدى فۋتبول الاڭى، قوعامدىق فۋتبول الاڭى، دەنە شىنىقتىرۋ جاياۋلار جولى، دالالىق سپورت الەۋمەتتىك قىزمەت وتەۋ قۇرىلعىلارى سىندى نىسانداردان جالپى 185ىن قولداۋعا پايدالانادى. رايونىمىزدىڭ بيىل تياناقتاندىرعان قارجى سوماسى بىلتىرعىدان ％17 جوعارىلاپ، تۇتاس مەملەكەتتىڭ ورتاشا دەڭگەيىنىڭ 1.67 ەسەسىندەي بولعان.
شينجياڭ، جيلين سىندى ەكى ولكە، رايوننىڭ جۇڭگو (چاڭبايشان تاۋ سىلەمى − التاي تاۋ سىلەمى) قار - مۇز ەكونوميكاسىن جوعارى ساپالى دامىتۋ سىناق رايونىن بىرگە قۇرۋىمەن ۇشتاستىرىپ، وسى رەتكى قارجى قوسۋدا التاي قار - مۇز دەنە تاربيە ءتۇيىندى باقشاسى، كوكتوعاي مۇز دوپ سارايى سىندى ءبىر توپ قار - مۇز سالاسىنداعى نىساندارىن سالۋعا ءتۇيىندى قولداۋ كورسەتۋ ارقىلى حالىق بۇقاراسىنىڭ كۇن سايىن ارتىپ وتىرعان دەنە تاربيەلىك دەنە شىنىقتىرۋ قاجەتىن ءتىپتى دە ويداعىداي قاناعاتتاندىرىپ، قار - مۇز دەنە تاربيەسىن ءتىپتى دە كوپ ادامنىڭ تۇرمىسىمەن توعىستىرۋعا جەتەكشىلىك ەتىپ، دەنە تاربيەلىك دەنە شىنىقتىرۋدى جانە سپورتتىق سەرۋەندى جالپىلىق تۇرمىس تاسىلىنە اينالدىرۋدى ىلگەرىلەتەدى.
ۇعىسۋعا قاراعاندا، ورتالىقتىڭ مەجە ەسەبى ىشىندەگى قارجى قوسۋدىڭ جەتەكشىلىك ەتۋ جانە باستاماشىلدىق ەتۋ رولىن تولىق ساۋلەلەندىرۋ ءۇشىن، ناقتى زاتتىق قىزمەت مولشەرىن ەرتە باستان قالىپتاستىرىپ، بيىلعى جالپى حالىقتىق دەنە شىنىقتىرۋ قۇرىلعىلارىنىڭ ولقىلىقتارىن تولىقتاۋ ينجەنەرياسىنا ورتالىقتىڭ مەجە ەسەبىنەن قارجى قوسۋدى مىندەتتەۋ ۋاقىتىن وتكەن جىلدارداعىدان بۇرىنىراق بولۋعا مۇمكىندىك جاساعان، بۇل ءونىمدى قارجى قوسۋدى كەڭەيتۋ، جالپى حالىقتىق دەنە شىنىقتىرۋ جاڭا دانەكەرىن تۇلعالاۋ، دەنە تاربيە تۇتىنۋىن جەبەۋ جاقتارىندا ماڭىزدى مانگە يە. اۆتونوميالى رايوندىق دامۋ جانە رەفورما كوميتەتى كەزەكتە قاتىستى تاراۋلارمەن بىرگە نىسان باسقارۋىن كۇشەيتىپ، نىسانداردىڭ مۇمكىندىگىنشە ەرتەرەك جۇمىس باستاۋىنا قۋزاۋ سالىپ، نىسان قۇرىلىسى بارىسىنداعى ماسەلەلەر مەن قيىنشىلىقتاردى بەلسەنە سايكەستىرىپ، شەشىپ، قۇرىلىس اياق الىسىن جەدەلدەتىپ، نىساننىڭ ەرتە باستان ىسكە قوسىلىپ، پايدالانۋعا بەرىلۋىنە، ورتالىق مەجە ەسەبىنەن قارجى قوسۋدىڭ ەرتەرەك ونىمدىلىگىن ساۋلەلەندىرۋىنە شىنايى كەپىلدىك ەتەدى.
