□ انار بۇلت / شينجياڭ گازەتىنىڭ ءتىلشىسى جاڭ يۇنمەي
”بىلتىر مەن مەملەكەتتىك ەكى ماجىلىستە ورتاعا قويعان «وڭتۇستىك شينجياڭداعى زات اينالىمى سالاسىنىڭ قوسىمشا قاراجاتى تەبىنىن كۇشەيتۋ جونىندەگى ۇسىنىس جوبا» قاتىستى مينيسترلىك - كوميتەتتەردىڭ ايرىقشا ءمان بەرۋىنە يە بولدى، كەزەكتە قاتىستى قىزمەتتەر تارتىپپەن ىلگەرىلەتىلۋدە“، - دەدى 2 - ايدىڭ 22 - كۇنى مەملەكەتتىك ساياسي كەڭەستىڭ شينجياڭدا تۇراتىن مۇشەسى دىڭ حۇڭ.
وسى ۇسىنىس جوبانىڭ ورتاعا قويىلۋى دىڭ حۇڭ ات سالىسقان ءبىر رەتكى جىلۋ اتاۋ قيمىلىمەن قاتىستى.
2019 - جىلى جۇڭگو گومينداڭ توڭكەرىستىك كوميتەتى شينجياڭ رايوندىق كوميتەتى كەلپىن اۋدانى يۇىرچي اۋىلى ارايماق قىستاعىنداعى بالالارعا ءبىرسىپىرا ۇيرەنۋ قۇرالدارى سياقتىلاردى ساتىپ الادى، الايدا زاتتى تەك پوچتا ارقىلى اۋدان قالاشىعىنا جولداۋ كەرەك بولعاندىقتان ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتىنىڭ مۇشەلەرى اۆتوكولىكپەن قىستاققا الىپ قايتادى، بۇل وتە قولايسىز جاعداي ەدى.
شينجياڭنىڭ ەرەكشە جەمىس ورمانى ونىمدەرىنىڭ ساپاسى جاقسى، قالىڭ تۇتىنۋشىلاردىڭ جاپپاي القاۋىنا يە بولعان. الايدا دىڭ حۇڭ اۋىل - قىستاقتارعا بارىپ ارالاپ حال - جاعداي ۇعىسۋ بارىسىندا كوپتەگەن قىستاق تۇرعىندارىنىڭ شىلاندى اۋلاسىنا ءۇيىپ قويعاندىعىن، ءتىپتى، كەيبىرەۋلەرىنىڭ شىلانى ءالى ۇزىلمەي اعاش باسىندا تۇرعاندىعىن بايقايدى. ”زات اينالىمىنىڭ وزىندىك قۇنى جوعارى بولعاندىقتان، ساتقان كۇننىڭ وزىندە پايدا كورگەننىڭ ورنىنا كەرىسىنشە ەسەلەپ زيان تارتىپ، ديقانداردىڭ كىرىسى ىقپالعا ۇشىراۋى مۇمكىن، بۇل جاعداي كەدەيلىكتەن ارىلتۋدان قامال الۋ جەتىستىگىن بەكەمدەۋگە وتە ءتيىمسىز“، - دەدى ول.
تاۋار قىستاققا جەتكىزىلمەيدى، اۋىل شارۋاشىلىق ونىمدەرى دە قىستاقتان شىعا المايدى. اقسۋ، حوتان سياقتى جەرلەردەگى ءىشىنارا زات اينالىمى بازالارىن، سەلبەستىك كووپەراتيۆتەرىن ارالاپ جاعداي ۇعىسۋ، تەكسەرۋ - زەرتتەۋ جۇرگىزۋ بارىسىندا دىڭ حۇڭ نەگىزگى ساتىنىڭ زات اينالىمى جاعىنداعى تولعاقتى، قيىن ماسەلەلەردى مەملەكەتتىك ەكى ماجىلىسكە الا بارادى. ول بىلاي دەپ ۇسىنىس بەردى: مەملەكەت وڭتۇستىك شينجياڭداعى 4 ايماق - وبلىستىڭ بۇكىل ەلدەگى باسقا ولكەلەرمەن بولعان تاسىمال ارالىعىنىڭ الىستىعىن، اينالۋ بەكەتىنىڭ كوپ، زات اينالىمى اقىسىنىڭ جوعارى بولۋى سياقتى ماسەلەلەردىڭ ورىن تەۋىپ وتىرعاندىعىن ويلاستىرا وتىرىپ، عىلىم - تەحنيكالىق ۇسىنىلىم قوسۋ، قولداۋ تەبىنىن ارتتىرىپ، جەتكىزۋ، زات اينالىمى تاسىمالى جۇيەسى قۇرىلىسىن كۇشەيتىپ، وڭتۇستىك شينجياڭنىڭ زات اينالىمى تاسىمالىن شوعىرلاندىرۋعا، ارنايىلاندىرۋعا جانە كەمەلدەندىرۋگە دەم بەرۋ ءارى زات جەتكىزۋ، زات اينالىمى كاسىبىنە ءتيىمدى قوسىمشا قاراجات ساياساتىن قولدانۋ كەرەك.
مەملەكەتتىك پوچتا مەكەمەسى جاۋاپ قايتارۋ بارىسىندا مىنالاردى ءبىلدىردى: مەملەكەت اۋىل - قىستاقتىڭ جەتكىزۋ، زات اينالىمى جۇيەسى قۇرىلىسىنا ايرىقشا ءمان بەرەدى. جۋىق جىلداردان بەرى ورتالىق قازىنا جوعارى جىلدامدىقتى تاس جول، ادەتتەگى مەملەكەت جولى، ولكە جولى، اۋىل - قىستاق جولى، اۋىل - قىستاق تاسىمال قىزمەت وتەۋ پۋنكتى، زات تاسىمالى ورتالىعى (زات اينالىمى باقشا رايونى) سياقتى قۇرىلىستاردى قولدادى ءارى وڭتۇستىك شينجياڭداعى 4 ايماق - وبلىسقا ساياسات جاقتان بەيىمدەلدى.
شينجياڭنىڭ جەدەل جولداما نەگىزدىك قۇرىلعىلارى قۇرىلىسىنىڭ سالىستىرمالى كەنجە قالۋ، اۋىل - قىستاق جەدەل جولداما قىزمەت وتەۋ تورىنىڭ كەمەلسىز بولۋى سياقتى ماسەلەلەردى شەشۋ ءۇشىن، 2021 - جىلى 3 - ايدا اۆتونوميالى رايون «اۆتونوميالى رايوننىڭ جەدەل جولداما كاسىبىنىڭ جوعارى ساپالى دامۋىن جەدەل ىلگەرىلەتۋ جونىندەگى جەتەكشى پىكىردى» شىعارىپ، 2022 - جىلى تۇتاس رايونداعى قۇرىلىمدىق قىستاقتارعا جەدەل جولداما قىزمەت وتەۋىنىڭ جەتۋىن تولىق قامتۋدى نەگىزىنەن جۇزەگە اسىرۋعا كۇش سالۋدى ورتاعا قويدى. مەملەكەتتىك پوچتا مەكەمەسى شينجياڭ پوچتا باسقارۋ مەكەمەسىنىڭ ءتۇيىندى مىندەتتەردى ويداعىداي تياناقتاندىرۋىنا جەتەكشىلىك ەتىپ، قىزمەت نىساناسىن دەر كەزىندە جۇزەگە اسىردى.
بيىلعى اۆتونوميالى رايوندىق ەكى ماجىلىستە دىڭ حۇڭ ۇكىمەت قىزمەتىنەن باياندامادا اۋىل - قىستاقتاردىڭ جەتكىزۋ، زات اينالىمى جۇيەسى قۇرىلىسىن جەدەلدەتىپ، ”جەدەل جولدامانى قىستاققا جەتكىزۋ“ ينجەنەرياسىن ىشكەرىلەي ىلگەرىلەتىپ، اۋىل سايىن جەدەل جولداما ءتۇيىنى بولۋدى، قىستاق سايىن قىزمەت وتەيتىن ورىن بولۋدى جۇزەگە اسىرىپ، قالا، اۋىلعا جەتكىزۋدىڭ ”ەڭ سوڭعى ءبىر كيلومەترىن“ تۇتاستىرىپ، اۋىل - قىستاق تۇتىنۋ بازارىن جانداندىرۋ ايقىن ورتاعا قويىلعاندىعىن كورىپ قۋاندى.
”نىسانا جۇزەگە اساتىن بولسا، وڭتۇستىك شينجياڭنىڭ اۋىل - قىستاق ەلەكتروندىق ساۋداسىنىڭ دامۋى تاماشا ورايدى قارسى الادى، ديقانداردىڭ ەرەكشە جەمىس ورمانى ونىمدەرى دە ءتىپتى دە الىس جەرلەرگە جەتكىزىلەدى، ديقانداردىڭ كىرىسىن ارتتىرۋعا تاعى ءبىر قامتاماسىزدىق كوبەيەدى“، - دەدى دىڭ حۇڭ.
