انار بۇلت / شينجياڭ گازەتىنىڭ ءتىلشىسى حي حۇڭۋي 2 - ايدىڭ 26 - كۇنى ۇرىمجىدەن حابارلايدى. 80 ميلليون يۋاندىق تۇتىنۋ قوسىمشا قاراجاتى تۇتىنۋشىلارعا پايدا جەتكىزەدى! بۇل ءتىلشىنىڭ 2 - ايدىڭ 25 - كۇنى وتكىزىلگەن ”شينجياڭ حالىققا تيىمدىلىك جەتكىزۋ تۇتىنۋ ايى“ قيمىلىن ۇگىتتەۋ، تانىستىرۋ ماجىلىسىنەن العان قۋانىشتى حابارى.
ۇعىسۋعا قاراعاندا، اۆتونوميالى رايوندىق ساۋدا ىستەرى مەڭگەرمەسى ”ۇكىمەت جەتەكشىلىك ەتۋ، كاسىپورىن باستاماشى بولۋ، بازار اينالىمعا سالۋ، مەديالار دەم بەرۋ، تۇتىنۋشىلار يگىلىككە كەنەلۋ“ پرينسيبى بويىنشا، 3 - ايدىڭ 1 - كۇنىنەن 3 - ايدىڭ 31 - كۇنىنە دەيىن تۇتاس رايوندا ”شينجياڭ حالىققا تيىمدىلىك جەتكىزۋ تۇتىنۋ ايى“ قيمىلىن ۇيىمداستىرىپ ورىستەتەدى ەكەن، قيمىلدى شينجياڭ گومەي ەلەكتر جابدىقتارى شەكتى سەرىكتەستىگى ۇستىنە الىپ وتكىزەدى ءارى 100دەن استام كاسىپورىنمەن بىرلەسىپ ورتاق ات سالىسادى. شينجياڭ گومەي ەلەكتر جابدىقتارى شەكتى سەرىكتەستىگى ينتەرنەت جەلىسىندە جانە جەلىدەن تىس قوس تۇعىر ورناتىپ، 80 ميلليون يۋان قارجى سالىپ، مۇنى جاسىل ءۇي ەلەكتر جابدىقتارى، ءۇي جيھازدارى - ءۇي اشەكەيلەۋ، اۆتوكولىك تۇتىنۋ دارەجەسىن جوعارىلاتۋ، ەرەكشە اس - سۋ سياقتى جاقتارداعى تۇتىنۋدى جەبەۋگە جۇمسايدى ەكەن. قيمىل كەزىندە ەسەلەمەلى باعا قوسىمشا قاراجات قيمىلى وتكىزىلەدى، مۇنىڭ ىشىندە كۇندەلىكتى بۇيىمداردىڭ ءبىر تۇرىنە قوسىمشا قاراجات بەرۋ تەبىنى ەڭ جوعارى بولعاندا ％20كە جەتەدى، تاعى 45 ميلليون يۋان قارجى قوسىپ، ەمدەۋ سياقتى 6 كاسىپ سالاسىندا 2 مايدان ارناۋلى قوسىمشا قاراجات بەرۋ قيمىلى وتكىزىلەدى.
قيمىل كەزىندە، تۇتىنۋشىلار يۇنشانفۋ APPىنا بانكە كارتچكاسىن بايلاپ سيلىق تارتۋ قيمىلىنا قاتىناسۋىنا بولادى، تۇتاس شينجياڭداعى 29 گومەي ەلەكتر جابدىقتارى جەلىدەن سىرتقى دۇكەندەرىندە ىستەتۋگە كەلەدى. قيمىل تاعى شينجياڭنىڭ ساپالى، ەرەكشە اۋىل شارۋاشىلىعى ونىمدەرىن ءوندىرۋ كاسىپورىندارىمەن بىرلەسىپ، ينتەرنەت جەلىسىندە جانە جەلىدەن تىس ارنادان پايدالانىپ جەرگىلىكتى ورىنداردىڭ ەرەكشە اۋىل شارۋاشىلىعى ونىمدەرىن ساتادى.
وسى رەتكى ”شينجياڭ حالىققا تيىمدىلىك جەتكىزۋ تۇتىنۋ ايى“ قيمىلى تۇتىنۋدى جەبەۋدى نەگىز ەتىپ، ءتۇيىندى تۇردە جاسىل ءۇي ەلەكتر جابدىقتارى، ءۇي جيھازدار، ءۇي اشەكەيلەۋ، اۆتوكولىك، دايىن ماي، اۋىل شارۋاشىلىعى ەرەكشە، ساپالى، جاڭا ونىمدەرى سياقتى تۇتىنۋ سالاسىندا دالمە - ءدال شارا اتقارىپ، كاسىپ سالاسىنىڭ بىرلەسۋىنە، قالا، اۋىلدىڭ ىقپالداسۋىنا كۇش سالۋ ارقىلى تۇتىنۋ دارەجەسىن جوعارىلاتۋعا جەتەكشىلىك ەتەدى.
اۆتونوميالى رايوندىق ساۋدا ىستەرى مەڭگەرمەسى پارتيا باسشىلىق گرۋپپاسىنىڭ مۇشەسى، ورىنباسار مەڭگەرمە باستىعى ليۋ بين مىنالاردى ءبىلدىردى: وسى رەتكى قيمىل ءۇي ەلەكتر جابدىقتارى كاسىپورىندارىنىڭ، فينانس قۇرىلىمدارىنىڭ، ءتۇيىندى ساۋدا قوعامىنىڭ كۇشىن توپتاپ، جاڭا كاسىپ كۇيى، جاڭا ۇلگى، زات اينالىمى، ينتەرنەت جەلىسىندە جانە جەلىدەن تىس توعىسۋ سياقتى جاقتارداعى ارتىقشىلىقتاردى تولىق ساۋلەلەندىرىپ، تۇتىنۋدىڭ ساپاسىن جوعارىلاتىپ، كولەمىن كەڭەيتۋگە كۇش سالىپ، مۇمكىندىكتىڭ بارىنشا حالىققا پايدا جەتكىزەدى. سوڭىندا تاعى اۆتوكولىك سياقتى ءتۇيىندى سالالاردا تۇتىنۋدى جەبەۋ قيمىلدارى جولعا قويىلادى.
