تيانشان تورى   ›   جاڭالىقتار   ›   ماڭىزدى حابارلار

ورتالىق كوميتەت ساياسي بيۋروسىنىڭ مۇشەلەرى، شۋجيچۋدىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتى، مەملەكەتتىك كەڭەس، مەملەكەتتىك ساياسي كەڭەس پارتيا باسشىلىق گرۋپپالارىنىڭ مۇشەلەرى، ەڭ جوعارى حالىق سوتى مەكەمەسىنىڭ، ەڭ جوعارى حالىق پروكۋراتۋراسىنىڭ پارتيا باسشىلىق گرۋپپالارىنىڭ شۋجيلەرى پارتيا ورتالىق كوميتەتىنە جانە باس شۋجي شي جينپيڭگە قىزمەتتەرىنەن ەسەپ بەردى

شي جينپيڭ ەسەپ بەرۋ باياندامالارىن مۇقيات تەكسەرىپ وقىدى ءارى ماڭىزدى تالاپ قويدى، تاريحي ىرىقتىلىق رۋحىن ۇزدىكسىز ساۋلەلەندىرىپ، پارتيا 20 - قۇرىلتايىنىڭ جەڭىسپەن اشىلۋىن ءىس جۇزىندىك ارەكەتپەن قارسى الۋ كەرەك دەپ باسا دارىپتەدى

  شينحۋا اگەنتتىگىنىڭ 2 - ايدىڭ 28 - كۇنى بەيجيڭنەن بەرگەن حابارى. پارتيا ورتالىق كوميتەتىنىڭ قاتىستى بەلگىلەمەسى بويىنشا، ورتالىق كوميتەت ساياسي بيۋروسىنىڭ مۇشەلەرى، شۋجيچۋدىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتىنىڭ، مەملەكەتتىك كەڭەستىڭ، مەملەكەتتىك ساياسي كەڭەستىڭ پارتيا باسشىلىق گرۋپپالارىنىڭ مۇشەلەرى، ەڭ جوعارى حالىق سوتى مەكەمەسىنىڭ، ەڭ جوعارى حالىق پروكۋراتۋراسىنىڭ پارتيا باسشىلىق گرۋپپالارىنىڭ شۋجيلەرى ءار جىلى پارتيا ورتالىق كوميتەتىنە جانە باس شۋجي شي جينپيڭگە قىزمەتتەرىنەن جازباشا ەسەپ بەرەدى. جۋىقتا قاتىستى جولداستار بەلگىلەمە بويىنشا پارتيا ورتالىق كوميتەتىنە جانە باس شۋجي شي جينپيڭگە قىزمەتتەرىنەن جازباشا ەسەپ بەردى. شي جينپيڭ قىزمەتتەن ەسەپ بەرۋ باياندامالارىن مۇقيات تەكسەرىپ وقىدى ءارى ماڭىزدى تالاپ قويىپ، بىلاي دەپ باسا دارىپتەدى: بيىل جاپپاي سوتسياليستىك وسىزاماندانعان مەملەكەت قۇرۋدىڭ، ەكىنشى 100 جىلدىق كۇرەس نىساناسىنا قاراي شەرۋ تارتۋدىڭ جاڭا جورىعىنا قادام باسقان ماڭىزدى ءبىر جىل. پارتيامىز 20 - قۇرىلتايىن اشپاقشى. پارتيا 19 - قۇرىلتايىنىڭ جانە 19 - كەزەكتى ورتالىق كوميتەتىنىڭ ءار رەتكى جالپى ماجىلىستەرىنىڭ رۋحىن جان - جاقتى دايەكتىلەندىرىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ”مەملەكەتتىڭ زور ءىسىن“ جەتە ءتۇسىنىپ، باستان - اياق يدەيادا، ساياسيدا، ارەكەتتە پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋ كەرەك. پارتيا قۇرۋ ۇلى رۋحىن اسقاقتاتىپ، كۇشتى ساياسي جاۋاپكەرشىلىكپەن جانە تاريحي بورىشتىلىقپەن قىزمەت جاۋاپكەرشىلىگىن ادا ەتىپ، ماسەلەنى باعدار ەتۋدەن جازباي، تومەنگى شەكتە ويلاۋعا تاباندى بولىپ، شەگە قاعۋ رۋحىمەن قىزمەتتەردى ويداعىداي ىستەپ، پارتيا ورتالىق كوميتەتىنىڭ باعىت - ساياساتتارىن جانە قىزمەت ورنالاستىرۋلارىن بۇلجىماستان دايەكتىلەندىرۋ، تياناقتاندىرۋ كەرەك. ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جاۋاپتى بولعان سالانىڭ، جاۋاپتى بولعان تاراۋدىڭ جاڭا دامۋ ۇستانىمىن تولىق، دالمە - ءدال، جان - جاقتى دايەكتىلەندىرۋىن، جاڭا دامۋ ارناسىن جەدەل قالىپتاستىرۋىن جەدەلدەتىپ، جوعارى ساپالى دامۋدى ىلگەرىلەتىپ، حالىق تۇرمىسىن قامتاماسىز ەتۋ جانە جاقسارتۋ قىزمەتتەرىن ويداعىداي ىستەۋ كەرەك. پارتيانى جاپپاي قاتاڭ باسقارۋ تۇلعالىق جاۋاپكەرشىلىگىن وتەپ، ورتالىقتىڭ 8 ءتۇرلى بەلگىلەمەسىنىڭ جانە ونى اتقارۋدىڭ ەگجەي - تەگجەيلى ەرەجەسىنىڭ رۋحىن اتقارىپ، وزىنە توڭكەرىس جاساۋ رۋحىن اسقاقتاتىپ، پاك، كىرشىكسىز ساياسي قاسيەتتى ماڭگى ساقتاۋ كەرەك. تاريحي ىرىقتىلىق رۋحىن ۇزدىكسىز ساۋلەلەندىرىپ، باتىلدىقپەن كۇرەس جۇرگىزىپ، شەبەرلىكپەن كۇرەس جۇرگىزىپ، قولايلى ساتتەن ۇتىمدى پايدالانىپ، قايراتتانا العا ىلگەرىلەپ، قاي - قاشان دا پارتيا مەن حالىقتىڭ ىستەرىن ماڭىزدى ورىنعا قويىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ەمتيحان تاپسىرۋ جولىمەن ويداعىداي ءجۇرىپ، پارتيا 20 - قۇرىلتايىنىڭ جەڭىسپەن اشىلۋىن ءىس جۇزىندىك ارەكەتپەن قارسى الۋ كەرەك.

  قاتىستى جولداستار 2021 - جىلعى وزەكتى قىزمەتپەن جانە باستى مىندەتتەرمەن تىعىز بايلانىستىرا وتىرىپ، جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ، پارتيا تاريحىن ۇيرەنۋ تاربيەسىن ورىستەتۋ، 100 جىلدىق وزگەرىسكە جانە عاسىرلىق ىندەتكە توتەپ بەرۋ، ”14 - بەسجىلدىقتىڭ“ جاقسى باستاماسىن اشۋ سياقتى جاقتاردى ارقاۋ ەتىپ، قىزمەتتەن ەسەپ بەرۋ بايانداماسىن جازدى، تاجىريبەلەردى قورىتىندىلاپ، ولقىلىقتارعا تالداۋ جاساپ، قۇلشىنۋ بەتالىسىن ورتاعا قويدى، باستى مازمۇندارى مىناداي:

     ءبىرىنشى، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتىنىڭ ءار رەتكى جالپى ماجىلىستەرىنىڭ رۋحىن ىشكەرىلەي ۇيرەنىپ، ”ەكىنى تۇراقتاندىرۋدىڭ“ شەشۋشى ماڭىزىن ىشكەرىلەي ۇعىنىپ، ”ەكىنى قورعاۋداعى“ ساياسي سانالىلىقتى، يدەيالىق سانالىلىقتى، ارەكەت سانالىلىعىن ۇزدىكسىز كۇشەيتىپ، ساياسي تۇرعى، ساياسي بەتالىس، ساياسي پرينسيپ، ساياسي جول جاعىندا باستان - اياق شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋعا شىنايى كەپىلدىك ەتۋ كەرەك.

  ەكىنشى، شي جينپيڭ جاڭا ءداۋىر جۇڭگوشا سوتسياليزم يدەياسىن باستاماشىلدىقپەن ۇيرەنىپ، دايەكتىلەندىرىپ، ماركسيزم ”جەبەسى“ ارقىلى جاڭا داۋىردەگى جۇڭگو سىندى ”نىسانانى“ كوزدەۋگە تاباندى بولۋ كەرەك. پارتيا تاريحىن ۇيرەنۋ تاربيەسىن تىڭعىلىقتى ورىستەتىپ، پارتيا قۇرۋ ۇلى رۋحىن سانالىلىقپەن اسقاقتاتىپ، جاڭا داۋىردەگى، جاڭا جورىقتاعى پارتيا مەن مەملەكەت ىستەرىنىڭ دامۋىنداعى تاريحي ىرىقتىلىقتى باستان - اياق يگەرۋ كەرەك.

  ءۇشىنشى، پارتيا ورتالىق كوميتەتىنىڭ شەشىمدەرىن، ورنالاستىرۋلارىن جانە باس شۋجي شي جينپيڭنىڭ ماڭىزدى نۇسقاۋىنىڭ، بەكىتۋىنىڭ رۋحىن باتىل دايەكتىلەندىرىپ، تياناقتاندىرىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ ىلگەرىلەتىپ، دامۋ مەن حاۋىپسىزدىكتى ءبىر تۇتاس جوسپارلاپ، كۇرەس جاساۋ رۋحىن جانە كۇرەس جاساۋ قابىلەتىن كۇشەيتىپ، تۇرلەرگە ءبولىپ دالمە - ءدال شارا اتقارىپ، جاۋاپتى بولعان سالانىڭ قىزمەتىن بەلسەنە اقىلداسىپ ىلگەرىلەتىپ، پارتيا ورتالىق كوميتەتى جۇكتەگەن قىزمەت جاۋاپكەرشىلىگىن، مىندەتىن مۇقيات ورىنداۋ كەرەك.

  ءتورتىنشى، پارتيانى جاپپاي قاتاڭ باسقارۋدىڭ تۇلعالىق جاۋاپكەرشىلىگىن مۇقيات وتەپ، نۇسقاۋ سۇراۋ، مالىمدەۋ ءتۇزىمىن قاتاڭ اتقارىپ، جاۋاپتى بولعان سالالاردىڭ پارتيا ستيلى، پاكتىك قۇرىلىسى مەن شىرىكتەسۋگە قارسى تۇرۋ قىزمەتىن تىڭعىلىقتى ىلگەرىلەتىپ، باسشىلىق القا مەن كادرلار قوسىنى قۇرىلىسىن شىن مانىندە كۇشەيتىپ، پارتيا قۇرىلىسىنىڭ ساپاسىن جاپپاي جوعارىلاتۋ كەرەك.

  بەسىنشى، ورتالىقتىڭ 8 ءتۇرلى بەلگىلەمەسىنىڭ جانە ونى اتقارۋدىڭ ەگجەي - تەگجەيلى ەرەجەسىنىڭ رۋحىن قاتاڭ تياناقتاندىرىپ، ءوزى ونەگە كورسەتۋدەن، پاك، تارتىپشەڭ بولۋدان جازباي، فورماشىلدىققا، تورەشىلدىككە باتىل قارسى تۇرىپ، ەرەكشە ۇقىق يدەياسىنا باتىل قارسى تۇرىپ، تۋىس - تۋعاندارىنا جانە قاسىنداعى قىزمەتكەرلەرگە قاتاڭ تاربيە بەرىپ، باسقارىپ، ءار جاقتىڭ باقىلاۋىن ىرىقتىلىقپەن قابىلداۋ كەرەك.

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.