”ول كوكەيىنە ءبىز جۇمىسكەرلەردى ساقتادى“
□ شينحۋا اگەنتتىگىنىڭ تىلشىلەرى ۋاڭ ميڭيۇي، جوۋ يىڭ
2018 - جىلى 3 - ايدىڭ 7 - كۇنى باس شۋجي شي جينپيڭ 13 - كەزەكتى مەملەكەتتىك حالىق قۇرىلتايىنىڭ 1 - ماجىلىسىندە گۋاڭدۇڭ ۋاكىلدەر ۇيىرمەسىنىڭ باياندامانى قاراۋىنا قاتىناستى. جۇڭشان قالاسىنداعى ءبىر كيىم - كەشەك كاسىپورنىنان كەلگەن ۋاكىل مي شۋەمي جالدانبا جۇمىس ىستەگەن 20 نەشە جىلداعى باسىنان كەشكەن ىستىق - سۋىقتى باس شۋجيگە اڭگىمەلەدى.
1997 - جىلى 22 جاستاعى مي شۋەمي گانسۋداعى كەدەي تاۋلى قىستاقتان جالعىز ءوزى گۋاڭدۇڭعا جۇمىس ىستەۋگە كەلىپ، ءبىر كيىم - كەشەك فابريكاسىندا اماندىق قورعاۋشى بولادى. ول تۇنگى كەزەكتەن ءتۇسىپ، ۇيقىسىنان ويانعاننان كەيىن سەحقا، قويماعا بارىپ، ”جۇمىس تاۋىپ ىستەپ، تەگىن ۇيرەنەتىن“.
شوگەلدىگىمەن، بىلىمقۇمارلىعىمەن مي شۋەمي ىلگەرىندى - كەيىندى سەح ساناقشىسى، سەح زاۆود باستىعىنىڭ كومەكشىسى، جۇمىس باسىندا ساپانى باسقارۋشى بولادى... ءارقانداي جاپادان، شارشاپ - شالدىعۋدان قورىقپايتىن ول اۋىلىندا قالعان ءسابي بالاسىنىڭ اۋىرىپ قالۋىنان توتەنشە الاڭدايتىن. سونىمەن ول بالاسىن قاسىنا اكەلىپ الۋعا بەكيدى، ايتسە دە توتەنشە قاربالاس بولعاندىقتان، كەي كەزدەرى بالاسىن مەكتەپتەن اكەلۋ ەسىنەن كوتەرىلىپ كەتەتىن.
قازىر مي شۋەمي وتباسىنداعىلار جۇڭشاننان ءۇي ساتىپ الىپ، ناعىز ”قالالىقتارعا“ اينالدى، بالاسى قالاعا كەلىپ جۇمىس ىستەگەن ادامدارعا ىلەسىپ كەلگەن پەرزەنتتەرىن جيناق ءنومىر بويىنشا وقۋعا ءتۇسىرۋ ساياساتىنان 1 - توپتا يگىلىكتەنۋشى بولىپ، داشۋەگە ءساتتى قابىلداندى.
مي شۋەمي سول كەزدى ەسكە الىپ: ”سول كۇنگى ۋاكىلدەر ۇيىرمەسى جيىنىندا باس شۋجي كەلە سالا بىزگە امانداستى، جارقىن ءجۇزى سونشاما شىنايى. مەن ءسوز كەزەگىن العاندا، باس شۋجيدىڭ دەن قويا تىڭداعانىن كورگەن سوڭ ساسقالاقتامادىم“، - دەدى.
سول كۇنى مي شۋەمي ءوزىنىڭ ءتول كەشىرمەلەرىمەن جانە تەكسەرىپ - زەرتتەۋىمەن ۇشتاستىرىپ، ”ءار دارەجەلى ۇكىمەتتەردىڭ وقۋ - اعارتۋعا ۇسىنىلىمدى ۇزدىكسىز ارتتىرىپ، كۇن سايىن ارتقان سىرتتان كەلگەن جۇمىسكەرلەر پەرزەنتتەرىنىڭ وقۋعا ءتۇسۋ قاجەتىن قاناعاتتاندىرىپ، وسى بالالاردىڭ اكە - شەشەلەرىنىڭ جانىندا مەكتەپتە وقىپ، اكە - شەشەلەرىمەن بىرگە بولعان باقىتتى ساتتەردەن يگىلىكتەنۋىنە مۇمكىندىك جاساۋىن ءۇمىت ەتەمىن“ دەگەن ۇسىنىس بەردى.
باس شۋجي شي جينپيڭ مي شۋەميدىڭ ءسوزىن تىڭداعاننان كەيىن وعان: ”ايتقانىڭ وتە جاقسى. كەشىرمەلەرىڭ اتىڭنان اۋماپتى،’ مي شۋەمي، سۋىق سورعان مەيحۋا گۇلى ونان ارمان حوش ءيىس اڭقىتادى‘“، - دەدى.
باس شۋجيدىڭ سوزىنەن مي شۋەمي توتەنشە جىلىلىق سەزىندى، ول بۇل باس شۋجيدىڭ ءوزى سياقتى سان مىڭداعان جۇمىسكەرگە كوڭىل بولگەندىگى جانە القاعاندىعى دەپ سەزىندى.
سول رەتكى باياندامانى قاراۋ كەزىندە شي جينپيڭ بىلاي دەپ اتاپ كورسەتتى: ”كوممۋنيستىك پارتيا حالىقتىڭ باقىتىن كوزدەيدى، حالىق بۇقاراسى قاي جاقتاردان وزدەرىن باقىتتى، كوڭىلدى سەزىنبەسە، رازى بولماسا، ءبىز سول جاققا كۇش سالىپ، ءتۇرلى ءادىس - امالدارمەن حالىقتى ۋايىمنان ارىلتىپ، قيىنشىلىعىن شەشۋىمىز كەرەك“.
باس شۋجي بىلاي دەپ باسا دارىپتەدى: ”ءبىز قازىر قالا - قالاشىقتاندىرۋ قۇرىلىسىن ىلگەرىلەتىپ وتىرمىز، الۋان ءتۇرلى شارالاردى قولدانىپ، قالاعا كىرىپ جۇمىس ىستەگەندەردىڭ قالادا ورنىقتى قىزمەت ىستەپ، تۇرمىس كەشىرۋىنە بارىنشا مۇمكىندىك جاساۋىمىز كەرەك، بالاسىنىڭ قالاعا كىرۋ مۇمكىندىگى بارلاردى قالاعا بالاسىمەن كىرگىزىپ، ۇيدە قالۋ ماسەلەسىن شەشۋىمىز كەرەك“.
مي شۋەمي باس شۋجيدىڭ تالابىنىڭ جەر - جەردىڭ ءىس جۇزىندىك ارەكەتىنە اينالعاندىعىن ايتتى. 2021 - جىلى ول تۇرعان جۇڭشان قالاسىندا قالاعا كىرىپ جۇمىس ىستەگەندەردىڭ 80 پايىزدان استامىنىڭ پەرزەنتى ۇكىمەت قۇرعان مەكتەپتەرگە كىرىپ وقىدى.
جەدەل جەتكىزۋ قىزمەت وتەۋ تۇيىنىندە قىزمەت ىستەپ جاتقان جەدەل جولداما جەتكىزۋشىلەرگە امانداسا باردى ءارى ولاردىڭ قىزمەت، تۇرمىس جاعدايىن ۇعىستى؛ تازالىق پۋنكتىندە ورتا تازالىقشىلارىنا جاڭا جىل بايلانىسىمەن قۇتتى بولسىن ايتتى؛ قۇرىلىس جۇمىسى باسىندا شارۋا جۇمىسكەرلەرمەن ىستىق ىقىلاسپەن اڭگىمەلەستى...
حاباردان باس شۋجيدىڭ ۇنەمى قالاعا كىرىپ جۇمىس ىستەگەندەردىڭ اراسىنا بارعاندىعىن كورگەندە مي شۋەمي مەن جۇمىستاستارى ۇنەمى: ”باس شۋجي كوكەيىنە ءبىز جۇمىسكەرلەردى ساقتادى“، - دەسەتىن.
2018 - جىلى 10 - ايدىڭ 24 - كۇنى باس شۋجي شي جينپيڭ شىنجىندا قىزمەت تەكسەردى. مي شۋەمي باس شۋجيمەن تاعى ءبىر رەت جۇزدەستى.
”ارادا جارتى جىل وتكەنىمەن، باس شۋجي مەنى ەسىنەن شىعارماپتى، قولىمدى قىسىپ تۇرىپ، قىزمەت جاعدايىمدى ەگجەي - تەگجەيلى ۇعىستى“. مي شۋەمي تەبىرەنە باس شۋجيگە ءوزىنىڭ جۋىقتاعى جاعدايىنان مالىمەت بەردى.
مي شۋەمي: ”قۇلشىنا ىستەپ، مۇنان دا زور ناتيجەگە قول جەتكىزگەندە عانا، باس شۋجيدىڭ قامقورلىعىن اقتاي الامىن!“، - دەدى.
(شينحۋا اگەنتتىگىنىڭ 2 - ايدىڭ 27 - كۇنى بەيجيڭنەن بەرگەن حابارى)
