تيانشان تورى   ›   جاڭالىقتار   ›   ماڭىزدى حابارلار

پارتيا تاريحىن ۇيرەنۋ تاربيەسى جەتىستىكتەرىن بەكەمدەپ، كەڭەيتىپ، پارتيا مەن حالىقتىڭ ماڭگى ادال قورعاۋشىلارى بولۋعا شابىتتاندىردى

شي جينپيڭ جاۋاپ حات قايتارىپ، قارۋلى ساقشى شاڭحاي قالالىق باس اترەتى مىندەت اتقارۋ 4 - اترەتىنىڭ 10 - ورتا اترەتىندەگى بارلىق وفيتسەر - جاۋىنگەرلەردى

پارتيا تاريحىن ۇيرەنۋ تاربيەسى جەتىستىكتەرىن بەكەمدەپ، كەڭەيتىپ، پارتيا مەن حالىقتىڭ ماڭگى ادال قورعاۋشىلارى بولۋعا شابىتتاندىردى

  شينحۋا اگەنتتىگىنىڭ 3 - ايدىڭ 2 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جۋىقتا قارۋلى ساقشى شاڭحاي قالالىق باس اترەتى مىندەت اتقارۋ 4 - اترەتىنىڭ 10 - ورتا اترەتىندەگى بارلىق وفيتسەر - جاۋىنگەرلەرگە جاۋاپ حات قايتارىپ، ولاردى شىن ىقىلاسپەن شابىتتاندىردى.

  شي جينپيڭ جاۋاپ حاتىندا مىنالاردى ءبىلدىردى: سىزدەر ”نانجيڭ جولىنداعى جاقسى 8 - لياننىڭ“ داڭقتى ءداستۇرىن اسقاقتاتىپ، پارتيا تاريحىن ۇيرەنۋگە، ادالدىق سومداۋعا تاباندى بولىپ، ۇدايى 20 نەشە جىل پارتيا 1 - قۇرىلتايى اشىلعان ورىندا ەرىكتى تۇردە پارتيا تاريحىن سويلەپ، پارتيانىڭ نازاريالارىن تاراتىپ، تاماشا ونىمدىلىككە قول جەتكىزدىڭىزدەر. مەن سىزدەردىڭ قول جەتكىزگەن ناتيجەلەرىڭىزگە قۋانامىن.

  شي جينپيڭ بىلاي دەپ باسا دارىپتەدى: جولداستاردىڭ پارتيا تاريحىن ۇيرەنۋ تاربيەسى جەتىستىكتەرىن بەكەمدەپ، كەڭەيتىپ، پارتيا قۇرۋ ۇلى رۋحىن سانالىلىقپەن اسقاقتاتىپ، جاڭا داۋىرگە لايىق ”نەون شامى جارىعىنداعى قاراۋىل اسكەر“ بولۋلارىڭىزدى، پارتيا مەن حالىقتىڭ ماڭگى ادال قورعاۋشىلارى بولۋلارىڭىزدى ءۇمىت ەتەمىن.

  قارۋلى ساقشى شاڭحاي قالالىق باس اترەتى مىندەت اتقارۋ 4 - اترەتىنىڭ 10 - ورتا اترەتى 1952 - جىلى امەريكا جيھانگەرلەرىنە قارسى تۇرىپ، چاۋشيانعا كومەك بەرىپ ەلگە ورالعان تىرەكتىلەردەن قۇرىلعان، 1982 - جىلى ”نانجيڭ جولىنداعى جاقسى 8 - لياننىڭ“ مىندەت جۇمىستارىن وتكىزىپ العان. 1998 - جىلدان باستاپ، ورتا اترەتتەگى وفيتسەر - جاۋىنگەرلەر اپتا سوڭى مەن مەرەكە - مەيرام كۇندەرىنەن پايدالانىپ، تۇرعان جەرلەرىنە كورشىلەس 1 - قۇرىلتاي اشىلعان ورىنعا بارىپ ەرىكتى تۇردە پارتيا تاريحىن جيىنى 76 مىڭ رەتتەن استام سويلەپ، تىڭدارماندارى 4 ميلليون 500 مىڭ ادام - رەتتەن استى. ورتا اترەتتىڭ جالپى بەتتىك قۇرىلىسى توتەنشە مىعىم بولىپ، ىلگەرىندى - كەيىندى 3 رەت توپتىق 1 - دارەجەلى، 11 رەت 2 - دارەجەلى، 19 رەت 3 - دارەجەلى ەڭبەك سىڭىرگەن، مەملەكەت دارەجەلى جانە ولكە دارەجەلى 17 ماراپات - سيلىققا يە بولعان، 2021 - جىلى ”پارتيا تاريحىن ۇيرەنىپ، ادالدىق سومداۋداعى ۇلگىلى ورتا اترەتتەردىڭ“ مەملەكەتتىك تيپى بولىپ بەلگىلەنگەن. جۋىقتا ورتا اترەتتەگى وفيتسەر - جاۋىنگەرلەر ءتوراعا شي جينپيڭگە حات جازىپ، پارتيا تاريحىن ۇيرەنۋ تاربيەسىن ورىستەتۋ سياقتى جاعدايلاردان مالىمەت بەرىپ، ءتوراعا شي جينپيڭنىڭ نۇسقاۋى مەن تالاپتارىن باتىل دايەكتىلەندىرەتىن، بورىشتارىن ادال اتقاراتىن بەرىك سەنىمدەرى مەن بەكىمدەرىن بىلدىرگەن بولاتىن.

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.