تيانشان تورى   ›   جاڭالىقتار   ›   ماڭىزدى حابارلار

دەموكراتيانىڭ ىرگەتاسىن بەكەمدەپ، تاسقىنداعان كۇش ۇيىستىردى

− شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ جالپى بارىستىق حالىق دەموكراتياسى قۇرىلىسىن ىلگەرىلەتكەندىگى جونىندە ەستەلىك

شينحۋا اگەنتتىگىنىڭ تىلشىلەرى

  دەموكراتيا − بۇكىل ادامزاتتىڭ ورتاق قۇندىلىعى، جۇڭگو كوممۋنيستىك پارتياسى مەن جۇڭگو حالقى باستان - اياق بۇلجىماي تاباندى بولعان ماڭىزدى ۇستانىم.

  حالىق دەموكراتياسى − سوتسياليزمنىڭ جانى،  بارىستىق دەموكراتيا. جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىندا، شي جينپيڭ جولداستى ۇيتقى ەتكەن پارتيا ورتالىق كوميتەتى ءبىر ميلليارد 400 ميلليوننان استام جۇڭگو حالقىن ىنتىماقتاستىرىپ، باستاپ، جۇڭگوشا سوتسياليستىك ساياسيدى دامىتۋ جولىمەن بۇلجىماي ءجۇرىپ، جالپى بارىستىق حالىق دەموكراتياسىن ىلگەرىلەتىپ جانە دامىتىپ، جۇڭگو دەموكراتياسىنىڭ جاڭا بەينەسىن ايگىلەپ، جاڭا داۋىردەگى سوتسياليستىك دەموكراتيالىق ساياسيدىڭ تارتىمدى تاراۋىن جازدى.

  جالپى بارىستىق حالىق دەموكراتياسى تۋىن بيىك ۇستادى: ”ءبىز جۇڭگوشا سوتسياليستىك ساياسيدى دامىتۋ جولىمەن جۇرەمىز، حالىق دەموكراتياسى − جالپى بارىستىق دەموكراتيا“

  2021 - جىلى 3 - ايدىڭ 5 - كۇنى 13 - كەزەكتى مەملەكەتتىك حالىق قۇرىلتايىنىڭ 4 - ماجىلىسىندەگى ىشكى موڭعۇل ۋاكىلدەر ۇيىرمەسىنىڭ باياندامانى قاراۋ كەزى، ونداعان جىل ورمان شارۋاشىلىعى جۇمىسكەرى بولعان مەملەكەتتىك حالىق قۇرىلتايىنىڭ ۋاكىلى جوۋ يجى باس شۋجي شي جينپيڭگە ءوزىنىڭ ”اعاش كەسۋشىدەن“ ”اعاش قورعاۋشىعا“ اينالعاندىعىن اڭگىمەلەدى.

  ”ءسىزدىڭ سالاۋاتىڭىزداعى بۇل بۇرىلىس ەلىمىزدىڭ كاسىپ سالاسى قۇرىلىمىنداعى بۇرىلىستىڭ ىقشام كورىنىسى“. باس شۋجي شي جينپيڭ كوپشىلىكتى تۇنىق سۋ، جاسىل تاۋ − باعالى بايلىق ۇستانىمىنا تاباندى بولىپ، ەكولوگيانى الدىڭعى ورىنعا قويۋ، جاسىل دامۋ جولىمەن بۇلجىماي جۇرۋگە جىگەرلەندىردى.

  وسى رەتكى ماجىلىستە ۋاكىل جوۋ يجىنىڭ قويعان ۇسىنىسى ۇلكەن ھىنگان ورماندى وڭىرىندەگى شىنايى وزگەرىستى ىلگەرىلەتتى: جاڭادان جاسالعان ورتتەن ساقتانۋ، شۇعىل جاعدايعا توتەپ بەرۋ جولى ورماندى وڭىردەگى تاۋ اراسىندا يرەلەڭدەپ جاتىر، جاڭادان تارتىلعان وپتيكالىق كابەل 4G ينتەرنەت جەلىسىن كوپتەگەن ورمان الاڭىنا جەتكىزدى...

  ءبىر قاراپايىم ورمان شارۋاشىلىعى جۇمىسشىسىنىڭ پىكىرى مەن ۇسىنىسى شەشىمگە اينالىپ، بۇقارانى باقىتقا كەنەلتىپ، جالپى بارىستىق حالىق دەموكراتياسىنىڭ تەرەڭ ءمانىن جاندى ءتۇسىندىردى.

  پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى دەموكراتيالىق ساياسيدىڭ دامۋ زاڭدىلىعىنا بولعان تانىمدى تەرەڭدەتىپ، جالپى بارىستىق حالىق دەموكراتياسى سىندى كەلەلى ۇستانىمدى العا قويىپ، سوتسياليستىك دەموكراتيالىق ساياسي نازارياسىن بايىتىپ جانە دامىتىپ، سوتسياليستىك ساياسي وركەنيەتتىڭ دامۋىنا جەتەكشىلىك جانە بويسۇنۋ ولشەمىن ازىرلەدى.

  ”باس شۋجي وسىندا العا قويعان جالپى بارىستىق حالىق دەموكراتياسى سىندى ماڭىزدى ۇستانىم بىزگە تەرەڭ وي سالدى“. 2 جىلدان استام ۋاقىتتىڭ الدىنداعى وسى ءبىر كۇن شاڭحاي قالاسى چاڭنيڭ رايونى حۇڭچياۋ پيڭجۇي قىزمەت كەڭسەسى پارتيا ياچەيكاسىنىڭ شۋجيى جۋ گوپيڭنىڭ ءالى ەسىندە.

  2019 - جىلى 11 - ايدا، شاڭحايدا قىزمەت تەكسەرىپ جۇرگەن باس شۋجي شي جينپيڭ حۇڭچياۋ مالىسىنە كەلىپ، زاڭ شىعارۋ جونىندە پىكىر الۋعا قاتىناسىپ جاتقان الەۋمەتتىك اۋماق تۇرعىندارى ۋاكىلدەرىمەن ىقىلاسپەن اۋىس - كۇيىس جاساپ، تۇڭعىش رەت ”حالىق دەموكراتياسى − جالپى بارىستىق دەموكراتيا“ دەگەندى العا قويدى.

  جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ جينالىسىندا سويلەگەن ماڭىزدى سوزىندە باس شۋجي شي جينپيڭ حالىقتىڭ تاريحتى جاراتۋى سىندى بيىكتە تۇرىپ، ”جالپى بارىستىق حالىق دەموكراتياسىن دامىتۋدى“ دارىپتەپ، ەلىمىزدىڭ سوتسياليستىك دەموكراتيالىق ساياسي قۇرىلىسىنىڭ جاڭا جورىعىن باستاۋ ۇندەۋىن جاريالادى.

  2021 - جىلى 10 - ايدا، باس شۋجي شي جينپيڭ پارتيا تاريحىندا تۇڭعىش رەت اشىلعان ورتالىقتىڭ حالىق قۇرىلتايى قىزمەتى ماجىلىسىنە قاتىناستى ءارى ماڭىزدى ءسوز سويلەپ، جالپى بارىستىق حالىق دەموكراتياسىنىڭ كەلەلى ۇستانىمى مەن امالياتىن جۇيەلى ءتۇسىندىرىپ، جالپى بارىستىق حالىق دەموكراتياسىن ۇزدىكسىز دامىتۋعا كەلەلى ورنالاستىرۋ جاساپ، ايقىن تالاپ قويدى:

  بۇلجىماستان مەملەكەت جاعدايىنا ۇيلەسەتىن دەموكراتيانى دامىتۋ جولىمەن ءجۇرۋدى اشىق جاريالادى − ”ءبىز جۇڭگوشا سوتسياليستىك ساياسيدى دامىتۋ جولىنا تاباندى بولىپ، حالىق قۇرىلتايى تۇزىمىنە تاباندى بولىپ جانە ونى كەمەلدەندىرىپ، جاڭا داۋىردەگى حالىق قۇرىلتايى قىزمەتىن كۇشەيتىپ جانە جاقسارتىپ، جالپى بارىستىق حالىق دەموكراتياسىن ۇزدىكسىز دامىتۋىمىز كەرەك“؛

  ەلىمىز حالىق دەموكراتياسىنىڭ جالپى بارىستىق سيپاتىن ايگىلەدى − ”بارىستىق دەموكراتيا مەن جەتىستىك دەموكراتيانىڭ، تارتىپتىك دەموكراتيا مەن ماندىك دەموكراتيانىڭ، تىكە دەموكراتيا مەن جاناما دەموكراتيانىڭ، حالىق دەموكراتياسى مەن مەملەكەت ەركىنىڭ بىرلىگىن جۇزەگە اسىردى، ول جالپى تىزبەكتى، جان - جاقتى، تولىق قامتىمدى دەموكراتيا، ەڭ كەڭ كولەمدى، ەڭ شىنايى، ەڭ جارامدى سوتسياليستىك دەموكراتيا بولىپ تابىلادى“؛

  جالپى بارىستىق حالىق دەموكراتياسىن دامىتۋدىڭ ماڭىزدى جولىن ايقىن كورسەتتى − ”حالىقتىڭ قوجايىن بولۋىن پارتيانىڭ ەل باسقارۋداعى ساياسات - شارالارىندا ناقتى، رەال تۇردە ايگىلەۋىمىز، پارتيا مەن مەملەكەت ورگاندارىنىڭ ءار جاعىنداعى، ءار ساتىسىنداعى قىزمەتتەرىندە ناقتى، رەال تۇردە ايگىلەۋىمىز، حالىقتىڭ تاماشا تۇرمىسقا تالپىنىسىن جۇزەگە اسىرۋ قىزمەتتەرىندە ناقتى، رەال تۇردە ايگىلەۋىمىز كەرەك“؛

  ءبىر ەلدىڭ دەموكراتيالى بولعان - بولماعاندىعىن تارازىلايتىن شەشۋشى ولشەمدى ايقىندادى − ”حالىقتا داۋىس بەرۋ ۇقىعى بار - جوقتىعىنا قاراۋ، ونان دا ماڭىزدىسى، حالىقتىڭ جاپپاي ات سالىسۋ ۇقىعى بار - جوقتىعىنا قاراۋ؛ حالىقتىڭ سايلاۋ بارىسىندا قانداي اۋىزشا ۋادە العاندىعىنا قاراۋ، ونان دا ماڭىزدىسى، سايلاۋدان كەيىن وسى ۋادەلەردىڭ قانشالىقتى جۇزەگە اسقاندىعىنا قاراۋ...“، ”ءبىر ەلدىڭ دەموكراتيالى بولعان - بولماعاندىعىنا سىرتتاعى از ساندى ادام عانا بىلگىرسىپ باعا بەرمەي، قايتا وسى ەلدىڭ حالقى تورەلىك ايتۋى كەرەك“.

  «جۇڭگو كوممۋنيستىك پارتياسى ورتالىق كوميتەتىنىڭ پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرى تۋرالى قارارى» ”وندى ايقىنداۋ“ ارقىلى شي جينپيڭ جاڭا ءداۋىر جۇڭگوشا سوتسياليزم يدەياسىنىڭ وزەكتى مازمۇنىن جيناقتادى، ”جالپى بارىستىق حالىق دەموكراتياسىن دامىتۋ“ سىندى ماڭىزدى بەينەلەۋ وعان ايقىن ەنگىزىلدى.

  جاڭا تاريحي تۇرعىنى تياناق ەتىپ، جۇڭحۋا ۇلتىنىڭ ۇلى گۇلدەنۋى ستراتەگيالىق جالپى جاعدايى مەن دۇنيە جۇزىندە 100 جىلدا بولماعان زور وزگەرىستى ءبىر تۇتاس جوسپارلاعان باس شۋجي شي جينپيڭ سوتسياليستىك دەموكراتيالىق ساياسي قۇرىلىسىنىڭ ءبىرسىپىرا كەلەلى ماسەلەسىنە ىشكەرىلەي جاۋاپ بەرىپ، جالپى بارىستىق حالىق دەموكراتياسىن دامىتۋدىڭ ءبىرسىپىرا جاڭا يدەيالارىن، جاڭا شارالارىن، جاڭا ستراتەگيالارىن العا قويدى، بۇل پارتيامىزدىڭ دەموكراتيالىق ساياسيدىڭ دامۋ زاڭدىلىعىنا بولعان تانىمىنىڭ اناعۇرلىم جوعارى دەڭگەيگە قادام تاستاعاندىعىن اڭعارتتى.

  بەيجيڭ دوستىق قوناق سارايىنىڭ جۇييىڭ زالىندا اشەكەيلى شامدار جايناپ، قىزۋ رايعا شومدى.

  2021 - جىلى 3 - ايدىڭ 6 - كۇنى تۇستەن كەيىن، باس شۋجي شي جينپيڭ وسىندا كەلىپ، مەملەكەتتىك ساياسي كەڭەس 13 - كەزەكتى كوميتەتى 4 - ماجىلىسىنە قاتىناسقان شيپاگەرلىك - دارىگەرلىك، دەنساۋلىق ساقتاۋ سالاسىنىڭ، وقۋ - اعارتۋ سالاسىنىڭ مۇشەلەرىنە ىقىلاسپەن امانداستى ءارى بىرلەسكەن گرۋپپا جيىنىنا قاتىناستى، پىكىرلەر مەن ۇسىنىستاردى تىڭدادى.

  ”باس شۋجيمەن بەتپە - بەت پىكىرلەسىپ، ۇكىمەتتىك شيپاحانالاردىڭ جوعارى ساپالى دامۋى جونىندەگى ۇسىنىستى ورتاعا قويا الاتىندىعىمدى ويلاماعان ەدىم“. سول كەزدەگى جاعدايدى ەسكە العاندا، حۋاجۇڭ عىلىم - تەحنيكا داشۋەسىنە قاراستى شيەحى شيپاحاناسىنان كەلگەن مەملەكەتتىك ساياسي كەڭەستىڭ مۇشەسى حۋ يۇي ءالى دە ايرىقشا تەبىرەندى، ”باس شۋجي سول جەردىڭ وزىندە مەنىڭ ۇسىنىسىما جاۋاپ قاتتى ءارى نۇسقاۋ بەردى. مەنىڭ ۇسىنىسىم كوپ وتپەي - اق جاۋاپقا يە بولدى، بۇل مەنىڭ مىندەت اتقارۋىمنىڭ تىپتەن قوزعاۋشى كۇشكە يە بولۋىنا مۇمكىندىك بەردى“.

  ءار جىلعى مەملەكەتتىك ەكى ماجىلىستە، باس شۋجي شي جينپيڭ ۋاكىلدەرمەن، مۇشەلەرمەن ىشكەرىلەي اۋىس - كۇيىس جاساسىپ، مەملەكەت ءىسىن بىرگە اقىلداسادى. 10 جىلعا جۋىق ەل باسقارۋ امالياتىندا، باس شۋجي شي جينپيڭنىڭ وسى جاندى كورىنىستەرى كوز الدىمىزدان كەتپەيدى −

  2018 - جىلى 3 - ايدا حالىق سارايىنىڭ ون مىڭ ادامدىق ۇلكەن زالىندا، باس شۋجي شي جينپيڭ ايبىندى سەرت بەردى: ”وتانعا ادال بولامىن، حالىققا ادال بولامىن، ءوز قىزمەتىمدى بايىپتى، مۇقيات، جاقسى ىستەپ، پاك ءارى كوپشىل بولامىن... “.

  2020 - جىلى 9 - ايدا نەگىزگى ساتى ۋاكىلدەرى اڭگىمە ماجىلىسىندە، باس شۋجي شي جينپيڭ اۋىل - قىستاق وقىتۋشىلارى، شارۋا جۇمىسكەرلەر، جەدەل جەتكىزۋشى جىگىتتەر قاتارلى نەگىزگى ساتى ۋاكىلدەرىمەن ىقىلاستى اڭگىمەلەسىپ، پىكىر، ۇسىنىستاردى مۇقيات تىڭداپ، ”14 - بەسجىلدىق“ مەزگىلىندەگى ەكونوميكالىق، قوعامدىق دامۋدىڭ ۇلى جوباسىن بىرگە اقىلداستى.

  2021 - جىلى 11 - ايدا، بەيجيڭ قالاسى رايوندىق جانە اۋىل - قالاشىق ەكى دارەجەلى حالىق قۇرىلتايى ۋاكىلدەرىن كەزەك اۋىستىرىپ سايلاۋدىڭ بەلەت تاستاۋىنا قاتىناسقاندا، باس شۋجي شي جينپيڭ كاستيۋم - برولكا كيىپ، سايلاۋ بەلەتىن قوس قولىنا سالماقتى ۇستاپ، بەلەت تاستاۋ ساندىعىنا بايىپپەن بەلەت تاستاپ، ”جالپى بارىستىق حالىق دەموكراتياسىن ۇزدىكسىز دامىتىپ، حالىقتىڭ قوجايىن بولۋىنا اناعۇرلىم ويداعىداي كەپىلدىك ەتۋ كەرەك“ دەپ باسا دارىپتەدى.

  ...

  پارتيا 18 - كەزەكتى ورتالىق كوميتەتىنىڭ ءۇشىنشى جالپى ءماجىلىسى ”دەموكراتيالىق ءتۇزىمدى اقاۋسىزداندىرۋعا اناعۇرلىم زەر سالىپ، دەموكراتيا فورماسىن بايىتۋ كەرەك“ دەپ العا قويدى، پارتيا 19 - قۇرىلتايىنىڭ بايانداماسىندا ”حالىقتىڭ ساياسيعا تارتىپپەن ارالاسۋىن كەڭەيتىپ، حالىقتىڭ زاڭ بويىنشا دەموكراتيالىق سايلاۋ جۇرگىزۋىنە، دەموكراتيالىق ءماسليحاتتاسۋىنا، دەموكراتيالىق شەشىم جاساۋىنا، دەموكراتيالىق باسقارۋىنا، دەموكراتيالىق باقىلاۋىنا كەپىلدىك ەتۋ كەرەك“ دەپ باسا دارىپتەدى، پارتيا 19 - كەزەكتى ورتالىق كوميتەتىنىڭ ءتورتىنشى جالپى ءماجىلىسى ”حالىقتىڭ قوجايىن بولۋى سىندى ءتۇزىم جۇيەسىنە تاباندى بولۋ جانە كەمەلدەندىرۋ كەرەكتىگىن“ ايقىندادى ...

  باس شۋجي شي جينپيڭنىڭ باستاۋىندا، پارتيامىز باستان - اياق حالىقپەن بىرگە ويلاپ، بىرگە ىستەپ، مازمۇنى اناعۇرلىم كەڭ كولەمدى، جىكتەرى اناعۇرلىم باي جالپى بارىستىق حالىق دەموكراتياسىن ىلگەرىلەتۋدە قاۋلاعان ومىرشەڭدىگىن ايگىلەدى.

  جالپى تىزبەكتى، جان - جاقتى، تولىق قامتىمدى جالپى بارىستىق حالىق دەموكراتياسى: ”ءبىر مەملەكەتتىڭ دەموكراتيالى بولعان - بولماندىعىنىڭ تەتىگى − حالىقتىڭ قوجايىن بولۋىنىڭ شىن مانىندە ىستەلگەن - ىستەلمەگەندىگىندە“

  بارىس جىلعى كوكتەم مەرەكەسىنىڭ قارساڭىندا، بەيجيڭ چيانمىن ساۋچاڭ سىتياۋ 44 - ءنومىرلى اۋلاسىنىڭ ىشىندەگى ”شاعىن اۋلا كەڭەس زالى“ ايرىقشا دۋمانعا بولەندى. تۇرعىندار قورالانا وتىرىپ، ”كورىكتى اۋلانى“ جاڭالاۋ جوسپارىن تالقىلاپ، بولاشاق تاماشا تۇرمىسقا بولعان ارماندارىن اڭگىمەلەدى.

  3 جىلدىڭ الدىندا، باس شۋجي شي جينپيڭ وسىندا كەلىپ، ءىس اقىلداسىپ جاتقان تۇرعىندارمەن ىقىلاستى اڭگىمەلەسىپ، مىنانى ايقىن العا قويىپ ەدى:”’تۇرعىنداردىڭ ءىسىن تۇرعىندار كەڭەسۋ، تۇرعىنداردىڭ ءىسىن تۇرعىندار بەلگىلەۋ‘ الەۋمەتتىك اۋماق تۇرعىندارىنىڭ قاراستىلىق سەزىمى مەن قوجايىندىق تانىمىن كۇشەيتىپ، الەۋمەتتىك اۋماقتىڭ باسقارۋ مەن قىزمەت وتەۋدەگى دالمە - دالدىك، ەگجەي - تەگجەيلى بولۋ دەڭگەيىن جوعارىلاتۋعا پايدالى“.

  ۇساق دەتالدار ۇلكەن دەموكراتيانى ايگىلەدى. حالىقتىڭ ءىسىن حالىق ورتاعا قويۋ، حالىقتىڭ ءىسىن حالىق كەڭەسۋ، حالىقتىڭ ىسىنە حالىق شەشىم جاساۋ، حالىقتىڭ ءىسىن حالىق ءبىتىرۋ، حالىقتىڭ ىسىنە حالىق باعا بەرۋ... ”شاعىن اۋلا كەڭەس زالى“ جالپى بارىستىق حالىق دەموكراتياسىنىڭ بۋىندارىنىڭ تىعىز، فورماسىنىڭ باي، قامتۋ كولەمىنىڭ كەڭ ەكەندىگىنىڭ جاندى كورىنىسى سانالادى.

  جۇڭگوشا سوتسياليزم جاڭا داۋىرگە ءوتىپ، قوعامدىق باستى قايشىلىقتاردا وزگەرىس تۋىلدى. قايتكەندە داۋىرمەن بىرگە العا باسىپ جالپى بارىستىق حالىق دەموكراتياسىن دامىتۋعا، كەمەلدەندىرۋگە، حالىق بۇقاراسىنىڭ دەموكراتيا، زاڭمەن باسقارۋ، ادىلدىك، تۋراشىلدىق، حاۋىپسىزدىك، قورشاعان ورتا سياقتى جاقتاردا كۇن سايىن ارتقان سۇرانىسىن اناعۇرلىم ويداعىداي قاناعاتتاندىرۋعا بولادى؟

  باس شۋجي شي جينپيڭنىڭ تەرەڭ بايىمداۋى جالپى بارىستىق حالىق دەموكراتياسى دامۋىنىڭ اناعۇرلىم كەڭ، اناعۇرلىم تولىق، اناعۇرلىم اقاۋسىز بولۋىنا جەتەكشىلىك ەتتى:

  ”پارتيانىڭ باسشىلىعىندا حالىقتىڭ تارتىپپەن ساياسيعا ات سالىسۋىن ۇزدىكسىز كەڭەيتىپ، ادامدىق ۇقىقتىڭ زاڭمەن باسقارۋ ارقىلى قامتاماسىز ەتىلۋىن كۇشەيتىپ، حالىقتىڭ زاڭ بويىنشا كەڭ كولەمدى ۇقىق - مۇددە مەن ەركىندىكتەن يگىلىكتەنۋىنە كەپىلدىك ەتۋ كەرەك“.

  − جالپى بارىستىق حالىق دەموكراتياسى تولىق تۇزىمدىك تارتىپكە يە بولىپ قانا قويماي، تولىق قاتىناسۋ امالياتىنا دا يە، حالىقتىڭ دەموكراتيالىق سايلاۋ، دەموكراتيالىق كەڭەسۋ سياقتى تاسىلدەر ارقىلى مەملەكەت پەن قوعام ىستەرىن باسقارۋعا بەلسەنە ات سالىسۋىنا مۇمكىندىك جاسايدى.

  سىچۋاننىڭ يا - انىنىڭ تيانچۋان اۋدانى شينحۋا اۋىلىندا، جاسى 100دەن اسقان قاريا لي چاۋلان 10 نەشە رەت حالىق قۇرىلتايىنىڭ كەزەك اۋىستىرۋ سايلاۋىنا داۋىس بەرۋگە قاتىناسقان.

  بىلتىرعى جىلدىڭ الدىڭعى جارتىسىنان باستاپ، بۇكىل ەلدەگى اۋدان، اۋىل ەكى دارەجەلى حالىق قۇرىلتايىنىڭ كەزەك اۋىستىرۋ سايلاۋى ىركەس - تىركەس ورىستەتىلدى. شينحۋا اۋىلى تاۋلى ءوڭىردىڭ ىشكى قويناۋىنا ورنالاسقان، جاسى ەگدەلەگەن، ءجۇرىس - تۇرىسى قولايسىز سايلاۋشىلاردىڭ سايلاۋ ۇقىعىن ءونىمدى جۇرگىزۋىنە قولايلىلىق جاساۋ ءۇشىن، اۋىلدىق سايلاۋ كوميسسياسى كوشپەلى سايلاۋ ساندىعىن الىپ ”ۇيلەردى ارالاپ قىزمەت وتەۋگە“ ارناۋلى قىزمەتكەر ورنالاستىردى.

  ”ازاتتىقتان بۇرىن، ءبىز سياقتى كەدەيلەردە قاشان ءسوز كەزەگى تيەتىن مارتەبە بولۋشى ەدى. كوممۋنيستىك پارتيا ءبىز بۇقارانى شىن مانىندە قوجايىنعا اينالدىردى“، - دەيدى لي چاۋلان قاريا تەبىرەنىپ.

  1954 - جىلعا قايىرىلا قارالىق، مەملەكەتتىك 1 - كەزەكتى حالىق قۇرىلتايىنىڭ 1 - ءماجىلىسى «جۇڭحۋا حالىق رەسپۋبليكاسىنىڭ نەگىزگى زاڭىن» ماقۇلداپ، ”بارلىق بيلىك حالىققا ءتان!“ ەكەندىگىن ايقىندادى.

  حالىقتىڭ قوجايىن بولۋى − جالپى بارىستىق حالىق دەموكراتياسىنىڭ وزگەرمەس اۋەلگى ماقساتى.

  باس شۋجي شي جينپيڭ بىلاي دەپ باسا دارىپتەدى: حالىقتىڭ زاڭ بويىنشا سايلاۋ ۇقىعىن جۇرگىزۋىنە كەپىلدىك ەتىپ، حالىق قۇرىلتايى ۋاكىلدەرىن دەموكراتيالىق جولمەن سايلاپ شىعىپ، حالىقتىڭ جاعدايدى ءبىلۋ ۇقىعىن، ات سالىسۋ ۇقىعىن، پىكىر ءبىلدىرۋ ۇقىعىن، باقىلاۋ ۇقىعىن حالىق قۇرىلتايى قىزمەتىنىڭ ءار جاعىنىڭ، ءار بۋىنىنىڭ جالپى بارىسىندا تياناقتاندىرۋعا كەپىلدىك ەتىپ، پارتيا مەن مەملەكەتتىڭ شەشىم جاساۋدى، اتقارۋدى، باقىلاۋدى تياناقتاندىرۋدىڭ بارلىق بۋىنىندا حالىقتىڭ ءۇنىن ەستي الۋىنا شىنايى كەپىلدىك ەتۋ كەرەك.

  بۇگىنگى تاڭدا، ەلىمىزدىڭ بەس دارەجەلى حالىق قۇرىلتايى ۋاكىلدەرىنىڭ ىشىندە، ءبىر ميلليارد سايلاۋشى تىكەلەي سايلاعان اۋدان، اۋىل ەكى دارەجەلى حالىق قۇرىلتايى ۋاكىلدەرى جالپى ۋاكىلدەر سانىنىڭ %90تەن استامىن ۇستايدى. سايلاۋدىڭ كەڭ اۋقىمدىلىعى، شىنايىلىعى تولىق ايگىلەنىپ، حالىقتىڭ قوجايىن بولۋىنا اناعۇرلىم ويداعىداي كەپىلدىك ەتتى.

  ”بۇكىل حالىقتىڭ مەملەكەت ىستەرى مەن قوعامدىق ىستەردى زاڭ بويىنشا باسقارعان - باسقارماعانىنا، شارۋاشىلىق جانە مادەنيەت ىستەرىن زاڭ بويىنشا باسقارعان - باسقارماعانىنا، حالىق بۇقاراسىنىڭ مۇددە - تالاپتارىن ىركىلىسسىز بەينەلەي العان - الماعانىنا... قاراۋ كەرەك“.

  باس شۋجي شي جينپيڭنىڭ ءبىر مەملەكەتتىڭ ساياسي ءتۇزىمىنىڭ دەموكراتيالى، ءونىمدى بولعان - بولماعاندىعىنا باعا بەرۋدەگى ماڭىزدى ولشەمى سوتسياليستىك دەموكراتيالىق ساياسيدىڭ جالپى بارىسىنا تەرەڭ كىرىستىرىلدى.

  ”14 - بەسجىلدىق“ جوبا باعدارلاماسى جۇڭگو دامۋىنىڭ بولاشاعى مەن تاعدىرىنا سايادى، ءبىر ميلليارد 400 ميلليوننان استام حالىقتىڭ باقىتتى تۇرمىسىنا سايادى.

  ”14 - بەسجىلدىق“ جوباعا ۇسىنىستى ويداعىداي دايىنداۋ ءۇشىن، باس شۋجي شي جينپيڭ كوپ رەت جەرگىلىكتى ورىنداردى ىشكەرىلەي ارالاپ قىزمەت تەكسەرىپ، تەكسەرۋ - زەرتتەۋ جۇرگىزىپ، شارۋالاردىڭ ۇيلەرىن ارالاپ، كاسىپورىندارعا بارىپ، حالىق جاعدايىن ۇعىسىپ، تاماشا ءادىس - شارالار قاراستىردى. ول بىلاي دەپ باسا دارىپتەدى: اشىق اقىل - كەڭەس الىپ، كوپ پاراساتىن ساۋلەلەندىرىپ، جوعارى دەڭگەيلى جوبالاۋدى كۇشەيتۋ مەن حالىقتىڭ قامىن ويلاۋعا تاباندى بولۋدى بىرلىككە كەلتىرۋ كەرەك.

  2020 - جىلى 7 - ايدان 9 - ايعا دەيىن، باس شۋجي شي جينپيڭ ارناۋلى تاقىرىپتىق اڭگىمە ءماجىلىسىن 7 رەت ءوزى باسقارىپ اشىپ، ءار سالا، ءار جىك قايراتكەرلەرىنىڭ پىكىرىن، ۇسىنىسىن تىڭدادى. نەگىزگى ساتى ۋاكىلدەرىنىڭ الدىندا، ول بىلاي دەپ ىشكەرىلەي اتاپ كورسەتتى: ”تاماشا باعىت - ساياساتتىڭ جانە دامۋ جوباسىنىڭ بارلىعى حالىقتىڭ تىلەگىنە سايكەسۋى، حالىقتىڭ ارمان - تىلەگىنە باپ كەلۋى، بۇقارادان الىپ، بۇقاراعا قايتارىلۋى كەرەك“.

  2020 - جىلى 8 - ايدا ”14 - بەسجىلدىق“ جوبا ۇسىنىسىن جاساۋدا ”ينتەرنەتتە كەڭەس سۇراۋ“ ورىستەتىلدى، ىشكى موڭعۇل دالات حوشۇنى پۋچيبۋ قىستاعىنىڭ كادرى لي ديانبو العا قويعان ”سەلبەسىپ قارتتاردى كۇتۋ“ اقىل - كەڭەسى ۇسىنىسقا كىرگىزىلدى.

  شاعىن قىستاقتىڭ ءۇنى جۇڭنانحايعا ”جەتىپ“، جالپى بارىستىق حالىق دەموكراتياسىنىڭ جاندى امالياتىنا اينالدى.

  پارتيا 18 - قۇرىلتايىنان 2021 - جىلدىڭ سوڭىنا دەيىن، پارتيا ورتالىق كوميتەتى ساياسي پارتيالاردىڭ ءماسليحات ءماجىلىسىن 170 نەشە رەت اشىپ نەمەسە قاتىستى تاراۋلارعا مىندەتتەپ اشىپ، كەلەلى ماسەلەلەر جونىندە پارتيا سىرتىنداعى قايراتكەرلەرمەن بۇكپەسىز كەڭەسىپ، پىكىر الىپ، شەشىمدەردىڭ اناعۇرلىم عىلمي، دەموكراتيالى بولۋىنا شىنايى كەپىلدىك ەتتى.

  زاڭ شىعارۋعا جول اشۋ، دەموكراتيالى زاڭ شىعارۋ ۇزدىكسىز ىلگەرىلەدى. پارتيا 18 - قۇرىلتايىنان بەرى، 200دەن استام رەتكى زاڭ جوباسىنا قوعامنان پىكىر الدى، ءبىر ميلليون 100 مىڭنان استام ادام - رەت 3 ميلليوننان استام پىكىر، ۇسىنىس قويىلىپ، كوپتەگەن ماڭىزدى پىكىرلەر قابىلداندى.

  قالا، اۋىلداردىڭ الەۋمەتتىك اۋماعىن دەموكراتيالى باسقارۋ بۇقارانىڭ نەگىزگى ساتى الەۋمەتتىك ىستەرى مەن الەۋمەتتىك يگىلىك ىستەرىن باسقارۋعا تولىق ات سالىسۋىنا مۇمكىندىك جاسادى؛ كاسىپورىن، ءىسورىندار دەموكراتيالى باسقارۋ ءتۇزىمىن جاپپاي ورناتىپ، جۇمىسشى - قىزمەتكەرلەردىڭ زاڭدى ۇقىق - مۇددەسىن قورعادى؛ فورماسى الۋان ءتۇرلى قوعامدىق ۇيىمدار قارىشتاپ دامىپ، دەموكراتيالى باسقارۋدىڭ ماڭىزدى ات سالىسۋشىسىنا اينالدى...

  جالپى بارىستىق حالىق دەموكراتياسى ەل باسقارۋدىڭ ءار جاعىندا تياناقتانىپ، ەكونوميكا، ساياسي، مادەنيەت، قوعام، ەكولوگيالىق وركەنيەت سياقتى سالالاردى تولىق قامتۋدى جۇزەگە اسىرىپ، حالىق بۇقاراسىنىڭ جاعدايدان حاباردار بولۋ ۇقىعى، ات سالىسۋ ۇقىعى، ويىن ءبىلدىرۋ ۇقىعى، باقىلاۋ ۇقىعى پارمەندى قامتاماسىز ەتىلدى.

   − جالپى بارىستىق حالىق دەموكراتياسىنىڭ فورماسى ۇزدىكسىز بايىپ، ارناسى ۇزدىكسىز كەڭەيىپ، اناعۇرلىم قارىشتاعان تىرشىلىك تىنىسىن ايگىلەدى.

  جاڭا ءداۋىردىڭ جاڭا جورىعىندا، داۋىرمەن بىرگە ىلگەرىلەي وتىرىپ جالپى بارىستىق حالىق دەموكراتياسىن كەمەلدەندىرۋگە جانە دامىتۋعا تۋرا كەلەدى.

  باس شۋجي شي جينپيڭ بىلاي دەپ باسا دارىپتەدى: حالىق دەموكراتياسىن كەڭەيتىپ، دەموكراتيا ءتۇزىمىن اقاۋسىزداندىرىپ، دەموكراتيا فورماسىن بايىتىپ، دەموكراتيا ارناسىن كەڭەيتىپ، ءار ساتىدا، ءار سالادا ازاماتتاردىڭ ساياسيعا تارتىپپەن ات سالىسۋىن كەڭەيتىپ، اناعۇرلىم كەڭ، اناعۇرلىم تولىق، اناعۇرلىم اقاۋسىز حالىق دەموكراتياسىن دامىتۋ كەرەك.

  وسى ءبىر ايقىن تالاپ جاڭا كۇرەس جورىعىندا اناعۇرلىم ساپالى، اناعۇرلىم ومىرشەڭ جالپى بارىستىق حالىق دەموكراتياسىن دامىتۋعا ايقىن العا باسۋ بەتالىسىن كورسەتتى.

  جالپى بارىستىق حالىق دەموكراتياسىنىڭ جالپى تىزبەكتى، جان - جاقتى، تولىق قامتۋ ەرەكشەلىگى ۇزدىكسىز كورنەكتىلەندى:

  ساياسي كەڭەس، زاڭ شىعارۋ كەڭەسى، اكىمشىلىك كەڭەس، دەموكراتيالىق كەڭەس، قوعامدىق كەڭەس، نەگىزگى ساتى كەڭەسى ورىستەتىلىپ، اڭگىمەلەسۋ، دالەلدەۋ، ىسپات تىڭداۋ، اشىق جاريالاۋ، باعالاۋ، كەڭەس الۋ، ينتەرنەت سياقتى ءماسليحات تاسىلدەرىندە جاڭالىق اشتى...

  قالا، اۋىلداردىڭ الەۋمەتتىك اۋماعىندا قىستاق تۇرعىندارىنىڭ كەڭەسۋ جيىنىن، دەموكراتيالىق بۇكپەسىز اڭگىمەلەسۋ جيىنىن، دەموكراتيالىق ىسپات تىڭداۋ جيىنىن وتكىزىپ، ”زاڭ شىعارۋ تىكە جەلىسىن“، ”شاعىن اۋلا كەڭەس زالىن“، ينتەرنەت جەلىسىندە ”كەڭەسۋ توبىن“ اشتى...تالايلاعان جاندى دا جالىندى دەموكراتيا فورماسى جالپى بارىستىق حالىق دەموكراتياسىنىڭ دامۋىنا ۇزدىكسىز جاڭا ومىرشەڭ كۇش ۇستەدى.

  ەڭ كەڭ كولەمدى، ەڭ شىنايى، ەڭ جارامدى جالپى بارىستىق حالىق دەموكراتياسى: ”جۇڭگو بيىككە سامعاپ، جىلدام زىمىراۋدا، مۇندا ءبىر ميلليارد 400 ميلليون حالىقتىڭ تەلەگەي كۇشىن ۇيىستىرۋ جانە جۇمىلدىرۋ كەرەك“

  2021 - جىلى جاڭا جىل دەمالىسىنان كەيىنگى العاشقى قىزمەت كۇنى، گۋاڭجوۋ، بەيجيڭ، شاڭحاي سياقتى كوپتەگەن جەرلەردىڭ سوت مەكەمەلەرى «جۇڭحۋا حالىق رەسپۋبليكاسىنىڭ ازاماتتىق زاڭناماسى» قولدانىلعان ءبىر توپ دەلولارعا ىركەس - تىركەس ۇكىم شىعاردى.

  ازاماتتىق زاڭناما بويىنشا زاڭ شىعارۋ جولىنا قايىرىلا قاراساق، حالىق اۋانىن جيناقتاپ، قايتا - قايتا وزگەرىس ەنگىزۋدەن مەملەكەتتىك حالىق قۇرىلتايىندا قاراپ ماقۇلداۋعا دەيىن، ازاماتتىق زاڭناما بويىنشا زاڭ شىعارۋ بارىسى جالپى بارىستىق حالىق دەموكراتياسىنىڭ ەڭ كەڭ كولەمدى، ەڭ شىنايى، ەڭ جارامدى ەكەندىگىن جاندى ايگىلەدى.

  جالپى بارىستىق حالىق دەموكراتياسى كەڭ كولەمدى ءارى شىنايى بولدى −

  مەملەكەتتىك ەكى ءماجىلىستىڭ اشىلۋىنا تاياپ قالدى. مەملەكەتتىك حالىق قۇرىلتايىنىڭ ۋاكىلى، مەملەكەتتىك حالىق قۇرىلتايى نەگىزگى زاڭ جانە زاڭ كوميتەتىنىڭ مۇشەسى سۇن شيانجۇڭ جۋىقتا مەملەكەتتىك حالىق قۇرىلتايىنىڭ قاراۋىنا ۇسىنىلاتىن جەرگىلىكتى ۇيىمدىق زاڭعا وزگەرىس ەنگىزۋ جوباسىنا ايرىقشا ءمان بەردى، ”بۇل جالپى بارىستىق حالىق دەموكراتياسى ۇستانىمىن دايەكتىلەندىرۋدىڭ پارمەندى بەينەسى“.

  ءبىر جىلدىڭ الدىندا، 13 - كەزەكتى مەملەكەتتىك حالىق قۇرىلتايىنىڭ 4 - ءماجىلىسى مەملەكەتتىك حالىق قۇرىلتايىنىڭ ۇيىمدىق زاڭعا العاش رەت وزگەرىس ەنگىزۋىن ورىنداپ، ”جالپى بارىستىق دەموكراتيانى“ زاڭعا ەنگىزدى.

  مەملەكەتتىك حالىق قۇرىلتايى ۇيىمدىق زاڭعا وزگەرىس ەنگىزۋ بارىسىندا، پارتيا ورتالىق كوميتەتى وسكەلەڭ ءمان بەردى. باس شۋجي شي جينپيڭ ورتالىق كوميتەت ساياسي بيۋروسى تۇراقتى كوميتەتى ءماجىلىسىن باسقارىپ اشىپ، قاتىستى مالىمەتتەردى تىڭدادى. باس شۋجي شي جينپيڭ ماڭىزدى نۇسقاۋ بەرىپ، زاڭعا وزگەرىس ەنگىزۋ قىزمەتىن، حالىق قۇرىلتايى قىزمەتىن ويداعىداي ىستەۋگە ماڭىزدى جەتەكشىلىك جانە ءتۇبىرلى بويسۇنۋ ولشەمىن ازىرلەدى.

  زاڭعا شىنايى جازىلدى، مەملەكەت تۇزىمىندە كەڭ كولەمدە تياناقتاندى، جالپى بارىستىق حالىق دەموكراتياسىن دامىتۋ − مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتۋدىڭ رەال قاجەتى.

  باس شۋجي شي جينپيڭ بىلاي دەپ ىشكەرىلەي اتاپ كورسەتتى: ”باستان - اياق ەڭ كەڭ حالىقتىڭ ءتۇبىرلى مۇددەسىنە ۋاكىلدىك ەتۋ، حالىقتىڭ وزىنە قوجايىن بولۋىنا كەپىلدىك ەتۋ، حالىقتىڭ ورتاق ەركىن ايگىلەۋ، حالىقتىڭ زاڭدى ۇقىق - مۇددەسىن قورعاۋ − ەلىمىزدىڭ مەملەكەت ءتۇزىمىنىڭ جانە مەملەكەتتى باسقارۋ جۇيەسىنىڭ ماندىك قاسيەتى، سونداي - اق ەلىمىزدىڭ مەملەكەت ءتۇزىمى مەن مەملەكەتتى باسقارۋ جۇيەسىنىڭ ءونىمدى اينالىمىنىڭ، ومىرشەڭ كۇشكە تولى بولۋىنىڭ ءتۇبىرلى تياناعى“.

  مەملەكەتتىك كەڭەستىڭ مەملەكەتتىك حالىق قۇرىلتايى تۇراقتى كوميتەتىنە مەملەكەت مەنشىگىندەگى مال - مۇلىكتى باسقارۋ جاعدايىنان مالىمەت بەرۋ ءتۇزىمى سياقتىلاردى ورناتىپ، حالىق قۇرىلتايىنىڭ باقىلاۋ ءتۇزىمى مەن قىزمەت مەحانيزمىن كەمەلەندىردى؛ ساياسي كەڭەس ۆستاۋىنا وزگەرىس ەنگىزىپ، حالىق ساياسي كەڭەسىنىڭ سيپاتتىق انىقتاۋىنا ”مەملەكەتتى باسقارۋ جۇيەسىنىڭ ماڭىزدى قۇرامداس بولىگى، جۇڭگوشا ەرەكشەلىككە يە تۇزىمدىك ورنالاستىرۋ“ دەگەندى قوستى؛ قالا، اۋىل الەۋمەتتىك اۋماقتارىنىڭ ءماسليحات ءتۇزىمىن اقاۋسىزداندىرىپ، بۇقارانىڭ نەگىزگى ساتىنى باسقارۋىنا ات سالىسۋىن تۇزىمدەندىرۋ ارناسىن كەڭەيتتى...

  مەملەكەتتىك حالىق قۇرىلتايى تۇراقتى كوميتەتىنىڭ زاڭ قىزمەتى كوميتەتى قۇرعان نەگىزگى ساتى زاڭ شىعارۋعا بايلانىس جاساۋ تۇيىندەرى 22گە مولايىپ، بۇقارانىڭ زاڭ شىعارۋ جونىندەگى پىكىرلەرىن اناعۇرلىم كەڭ كولەمدە جينادى؛ كوپ جەرلەر ”دەرەۋ ءبىتىرۋ“، ”ارىزدى الىسىمەن ءبىتىرۋ“ سياقتى حالىقتى ۋايىمنان ارىلتۋ قىزمەت جۇيەلەرىن قۇردى؛ جەر - جەردەگى 12345 ىستىق لەنياسى بارلىق جاعدايدا بىردەي قىزمەت وتەپ، حالىق بۇقاراسىنىڭ قيىنشىلىقتى شەشۋدەگى اۋەدەگى ىستىق لەنياسىنا اينالدى...

  ءبىر ءتۇرلى جان - جاقتى، بارلىق جاعدايدا بىردەي، تۇتاس كورىنىستىك بولمىس رەتىندە، جالپى بارىستىق حالىق دەموكراتياسى ءتۇزىمىنىڭ نەگىزى بىرتىندەپ بەكەمدەلىپ، مەملەكەتتى باسقارۋ جۇيەسىنىڭ ۇزدىكسىز كەمەلدەنۋىنە، باسقارۋ ونىمدىلىگىنىڭ كورنەكتى جوعارىلاۋىنا دەم بەردى.

  جالپى بارىستىق حالىق دەموكراتياسى قولدانۋعا جاقسى، جارامدى بولدى −

  2021 - جىلى 12 - ايدىڭ 24 - كۇنى مەملەكەتتىك ساياسي كەڭەس ورگانى، 13 - كەزەكتى مەملەكەتتىك ساياسي كەڭەستىڭ 58 - رەتكى قوس اپتالىق ءماسليحات اڭگىمە ءماجىلىسى قىزۋ رايعا تولدى.

  ”وتباسىنداعى، مەكتەپتەگى، قوعامداعى، ينتەرنەتتەگى، ۇكىمەتتىك، ءادىليالىق قورعاۋدى ءوزارا توعىستىرۋدى جەبەۋ كەرەك“.

  ”ەرتە بايقاۋعا، ەرتە تيۋعا، ەرتە جازالاۋ - باسقارۋعا تاباندى بولىپ، ازامات جاسىنا تولماعانداردىڭ ۇقىق - مۇددەسىنە زالال جەتكىزۋ قىلمىسىنىڭ الدىن الۋ ءتۇزىمىن كەمەلدەندىرۋ كەرەك“.

  ...

  ازامات جاسىنا تولماعانداردىڭ ۇقىق - مۇددەسىن ءادىليالىق قورعاۋدى جەبەۋ كەزەك كۇتتىرمەيدى. 10 ساياسي كەڭەس مۇشەسى مەن ەرەكشە ۇسىنىس ەتىلگەن ۋاكىل ماجىلىستە 70 نەشە مۇشە بۇكىل ەلدەگى ساياسي كەڭەس مۇشەلەرىنىڭ جىلجىمالى مىندەت اتقارۋ تۇعىرلارىندا ۇستىندە اۋىس - كۇيىس جاساپ، ىقپالداسىپ، كەزەكپەن ءسوز الىپ، وسى ماڭىزدى تاقىرىپ جونىندە بىرگە سىندارلى اقىل - كەڭەس بەردى.

  2013 - جىلى 10 - ايدان بەرى مەملەكەتتىك ساياسي كەڭەستىڭ 130 نەشە رەتكى قوس اپتالىق ءماسليحات اڭگىمە ءماجىلىسى ءار سالا مۇشەلەرىنىڭ ورەلى اقىل - كەڭەستەرىن مەملەكەت ءىسى، حالىق تۇرمىسى ماسەلەسىن شەشۋدەگى ماڭىزدى كومەكشىسىنە اينالدىردى.

  اقىل - كەڭەستەردىڭ ءبىر - بىرلەپ جينالۋى، از - ازدان ىلگەرىلەۋىنىڭ ارقاسىندا ەڭ زور سەنترلەس شەڭبەر سىزىلىپ، ەڭ ۇلكەن ورتاق بولگىش تابىلىپ، ىنتىماقتاسا كۇرەس جاساۋدىڭ قۋاتتى وڭ ەنەرگياسى بولىپ جينالدى.

  باس شۋجي شي جينپيڭ بىلاي دەپ اتاپ كورسەتتى: ”سوتسياليستىك دەموكراتيالىق ساياسيدى دامىتۋدا حالىقتىڭ ەركىن ايگىلەپ، حالىقتىڭ ۇقىق - مۇددەسىن قامتاماسىز ەتىپ، حالىقتىڭ جاسامپاز ومىرشەڭ كۇشىن قاۋلاتىپ، تۇزىمدىك جۇيەدەن پايدالانىپ حالىقتىڭ قوجايىن بولۋىنا كەپىلدىك ەتۋ كەرەك“.

  اۋىل - قىستاقتى گۇلدەندىرۋدەگى ولقىلىقتاردى قالاي تولىقتاۋ كەرەك؟ ۇلتتىق وڭىرلەردە جوعارى ساپالى دامۋدى قالاي جۇزەگە اسىرۋ كەرەك؟ 13 - كەزەكتى مەملەكەتتىك ساياسي كەڭەستىڭ تۇراقتى مۇشەسى داجيۋ مۋجيانىڭ مەملەكەتتىك ساياسي كەڭەسكە تاپسىرعان كوپ ۇسىنىس - جوبالارى بەلسەندى جاۋاپقا يە بولىپ، نەگىزگى ساتىنىڭ ءۇنى مەن ساياساتتاردى دالمە - ءدال قابىستىردى.

  جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋدىڭ كىلتەڭ تۇسىندا مەملەكەتتىك حالىق قۇرىلتايىنىڭ ۋاكىلى ياڭ جىن جاساندى زەردە وكپە CT تەحنيكاسىن قولدانىپ ناۋقاستاردى ءونىمدى سارالاپ تەكسەرۋ كەرەك دەگەن ۇسىنىستى دەرەۋ ورتاعا قويدى، قاتىستى تاراۋلار مۇنى جەدەل ءبىتىرىپ، ىندەتتەن ساقتانۋ - تىزگىندەۋگە تىرەك ازىرلەدى.

  شاڭ - تۇماندى جونگە سالۋدان سۋدىڭ، توپىراقتىڭ لاستانۋىنان ساقتانۋ جانە ونى جونگە سالۋعا دەيىن، بالالاردىڭ ”كىشكەنتايىنان كوزىلدىرىك تاعۋىنا“ ءمان بەرۋدەن جان سانىنىڭ قارتتانۋىنا توتەپ بەرۋگە دەيىن، كەدەيلىكتەن ارىلتۋدان قامال الۋدىڭ شەشۋشى شايقاسىن جۇرگىزۋدەن جوعارى ساپالى دامۋدى ىلگەرىلەتۋگە دەيىن...

  جالپى بارىستىق حالىق دەموكراتياسى قولدانۋعا جاقسى، جارامدى بولىپ، جاڭا داۋىردەگى جۇڭگو الىپ كەمەسىنىڭ تولقىن جارا ىلگەرىلەۋىن جەبەدى.

  كوپتىڭ كۇشىمەن ىستەلگەن ءىس جەڭىسكە جەتپەي تىنبايدى؛ كوپتىڭ پاراساتىمەن ىستەلگەن جۇمىس تابىسقا جەتپەي تىنبايدى.

  باس شۋجي شي جينپيڭنىڭ ارىندى دا پارمەندى سوزدەرى بۇكىل ەلدى جوعارى مەن تومەن بولىپ ءبىر نيەتپەن كۇش بىرىكتىرىپ جاڭا جورىقتا ەكپىندەي ىلگەرىلەۋگە، جاڭا شۇعىلا جاراتۋعا شابىتتاندىردى −

  ”نىساناعا تاياعان سايىن، جاعداي كۇردەلىلەسە تۇسكەن سايىن، مىندەت اۋىرلاسقان سايىن، جۇڭگو كوممۋنيستىك پارتياسى باسشىلىعىنىڭ ساياسي ابزالدىلىعى مەن جۇڭگوشا سوتسياليزمنىڭ ءتۇزىم ابزالدىلىعىن سولعۇرلىم ساۋلەلەندىرە ءتۇسىپ، ءار جاقتىڭ اقىل - پاراساتى مەن كۇش - قۋاتىن ۇيىستىرىپ، مەملەكەت ءىشى - سىرتىنداعى جۇڭحۋا پەرزەنتتەرىنىڭ ويدى ءبىر جەرگە شوعىرلاندىراتىن، كۇشتى ءبىر جەرگە جۇمسايتىن قۇدىرەتتى بىرىككەن كۇشىن قالىپتاستىرۋ كەرەك“.

  دۇنيە ءجۇزىنىڭ اۋقىمى العا جوڭكىلىپ بارادى.

  باس شۋجي شي جينپيڭ بىلاي دەپ ىشكەرىلەي اتاپ كورسەتتى: ”قازىر دۇنيە ءجۇزى 100 جىلدا بولماعان زور وزگەرىستى باستان كەشىرۋدە، تۇزىمدىك باسەكە جالپىلىق مەملەكەت قۋاتى باسەكەسىنىڭ ماڭىزدى جاعى، ءتۇزىم ابزالدىلىعى ءبىر مەملەكەتتىڭ ستراتەگيالىق ىرىقتىلىقتى قولعا كەلتىرۋىندەگى ماڭىزدى ابزالدىلىق“.

  ”سوتسياليستىك دەموكراتيالىق ساياسيدىڭ تۇزىمدەنۋىن، ارناعا ءتۇسۋىن، تارتىپتەنۋىن ۇزدىكسىز ىلگەرىلەتىپ، جۇڭگوشا سوتسياليستىك ساياسي ءتۇزىمنىڭ ابزالدىلىعىن اناعۇرلىم جاقسى ساۋلەلەندىرىپ، پارتيا مەن مەملەكەتتىڭ گۇلدەنىپ، كوركەيۋىنە، باياندى تىنىشتىعىنا اناعۇرلىم كەمەلدى تۇزىمدىك كەپىلدىك ازىرلەۋىمىز كەرەك“.

  شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، دەموكراتيالىق اقيقات جونىندە تىنباي ىزدەنىپ، دەموكراتيانىڭ دامۋىن ىلگەرىلەتسەك، جۇڭگونىڭ جالپى بارىستىق حالىق دەموكراتياسىنىڭ جولى جۇرگەن سايىن داڭعىلدانا تۇسەتىن بولادى.

  (تىلشىلەر ياڭ ۋيحان، چىن في، لو شا، شيۇڭ فىڭ، باي ياڭ، ليۋ شو، جازۋعا قاتىناسقاندار: ليۋ يدى، لياڭ جيانچياڭ، گو جيڭدان، ۋ گۋاڭيۇي، جاڭ مانزى)

  (شينحۋا اگەنتتىگىنىڭ 3 - ايدىڭ 2 - كۇنى بەيجيڭنەن بەرگەن حابارى)

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.